Ɔfã 69
Nyikyerɛ a wɔnam Joseph Smith Nkɔnhyɛnyi no do dze mae, wɔ Hiram, Ohio, Ɔberɛfɛw 11, 1831. Wɔgyee nyikyerɛ nyina a wɔyɛɛ adwen dɛ wobedzi kan etsintsim na wɔdze epue guado no too mu wɔ ehyiadzi soronko bi a wɔyɛɛ wɔ Ɔberɛfɛw 1–2. Ɔberɛfɛw 3 mu na wɔdze nyikyerɛ a ɔwɔ Ɔfã 133, no kãa ho a ekyir no wɔfrɛɛ no Mbuaekyir. Nna woeyi Oliver Cowdery dɛ ɔmfa nyikyerɛ na mbrasɛm nwoma no a wɔahyehyɛ ato hɔ no nkɔ Independence, Missouri, ma wontsintsim. Nna ɔwɔ dɛ ɔdze sika a wɔagyegye dɛ wɔdze rekɛkyekyer Asɔr no wɔ Missouri no so kã ho. Nyikyerɛ yi kyerɛ John Whitmer dɛ ɔnkã Oliver Cowdery ho na ɔnkyerɛ Whitmer so dɛ ontu kwan mboaboa abakɔsɛm ho ndzɛmba ano wɔ ne frɛ mu dɛ Asɔr abakɔsɛmkyerɛwfo na ɔkyerɛwfo.
1–2, Woyi John Whitmer dɛ ɔnkã Oliver Cowdery ho nkɔ Missouri; 3–8, Ɔwɔ dɛ ɔkã nyamesɛm so na ɔboaboa kyerɛwsɛm ano, na ɔkyerɛw abakɔsɛm.
1 Hom ntsie me, Ewuradze hom Nyankopɔn no na ɔse, osian m’akowaa aOliver Cowdery ntsi. Ɔnnyɛ nyansadze mma me dɛ wɔdze mbrasɛm no nye sika no bɛma no dɛ ɔmfa nkɔ Zion asaase do, gyedɛ obi a obedzi nokwar na ɔayɛ nokwafo kã no ho nye no kɔ.
2 Dɛm ntsi, Emi, Ewuradze mepɛ dɛ m’akowaa, aJohn Whitmer, ɔkã m’akowaa Oliver Cowdery ho ma wɔkɔ;
3 Na ɔnoara so nkɔ do nkyerɛw andzɛmba nyina a obesisi a ho hia nye dza obohu na onyim a ɔfa m’asɔr ho no ma ɔayɛ abakɔsɛm.
4 Na no so ngye aafotu nye mboa mfi m’akowaa Oliver Cowdery na binom so hɔ.
5 Na mo nkowaa so a wɔapetsẽ wɔ asaase yi do no mubobu hɔn adwumadzi ho nkontaa wɔ Zion asaase do;
6 Na Zion asaase do hɔ bɛyɛ atsenae nye bea a wɔbɛgye na wɔayɛ ndzɛmba yinom nyina.
7 Naaso, wɔmma m’akowaa John Whitmer ntu kwan nkɔ mbeambea pii do, na ɔnkɛsera nsɔr horow no, ama oeetum enya nyimdzee yie a ɔbɔboa no—
8 Ɔnkã nyamesɛm na onsiansian mu nkyerɛ, ɔnkyerɛw, ɔnhwɛ dza wɔakyerɛw ho nkyerɛw, ɔnyɛ nyiyimu na ɔnhwehwɛ ndzɛmba nyina a obeye ama asɔr no, nye ebusuasantsen a wobenyin wɔ aZion asaase do, ama ɔaayɛ hɔndze fi ebusuasantsen kesi ebusuasantsen, afebɔɔ kesi afebɔɔ. Amen.