Kyerɛwsɛm
Nkyerɛkyerɛ na Ahyɛmudzi 74


Ɔfã 74

Nyikyerɛ a wɔdze maa Joseph Smith Nkɔnhyɛnyi no, wɔ Wayne County, New York wɔ afe 1830 mu. Ansaana wɔrebɛkyekyer Asɔr no mpo no, nsɛmbisa soɛree a ɔfa kwan pa a wɔdze numa ho a, ogyaa Nkɔnhyɛnyi no ma ɔkɔhwehwɛɛ nyiano wɔ asɛngyinado no ho. Joseph Smith n’abakɔsɛm no kã dɛ nyikyerɛ yi yɛ 1 Corinthfo 7:14 ne nkyerɛkyerɛmu, kyerɛwsɛm a nna wɔtaa dze gye mbofra enuma abamba.

1–5, Paul tu Asɔr a ɔwɔ n’aber do no fo dɛ mma wonndzi Moses mbra no do; 6–7, Mbofra nkakramba yɛ krɔnkrɔn na wɔnam Werdambɔ no do atsew hɔnho.

1 Na akun a ɔnngye nndzi no, no ho tsew ɔyer no mu, na ɔyer a ɔnngye nndzi no no ho tsew wɔ okun no mu; ɔnntse dɛm a, nna hom mba ho wɔ fĩ, na afei wɔyɛ hɔn krɔnkrɔn.

2 Afei asomafo hɔn aber do no nna Jewfo nyinara a wɔnngye Jesus Christ n’asɛmpa no nndzi no dzi twatsiatwa mbra no do.

3 Na ɔbaa dɛ awentwiwentwi kɛse bi sii nkorɔfo no mu a ɔfa btwatsiatwa mbra no ho, osiandɛ nna kun a ɔnngye nndzi no pɛ dɛ wotwa ne mba twatsia ma wɔbɛhyɛ cMoses mbra ase, dɛm mbra a wɔahyɛ no mã no.

4 Na ɔbaa dɛ mbofra no a wɔatsetse hɔn wɔ Moses mbra ase no, dzii hɔn egyanom aamambra do, na wɔanngye Christ n’asɛmpa no enndzi, dɛm ntsi wɔammbɛyɛ krɔnkrɔn.

5 Dɛm ntsi, na osian siantsir yi ntsi ɔmaa ɔsomafo no kyerɛɛw kɛmaa asɔr no, maa hɔn mbrasɛm, ommfi Ewuradze, mbom ofi nankasa, dɛ mma gyedzinyi annwar nyia ɔnngye nndzi; gyedɛ woyi bMoses mbra no fi hɔn mu.

6 Ama hɔn mba aatsena dɛ wonntwa twatsia; ama woeeyi dɛm amambra no a ɔkã dɛ, mbofra nkakramba nnyɛ krɔnkrɔn no akwa; osiandɛ dɛm na Jewfo no gyee dzii;

7 Mbom ambofra nkakramba yɛ bkrɔnkrɔn, wɔnam Jesus Christ no cwerdambɔ do datsew hɔnho; na dɛm na kyerɛwsɛm no ase kyerɛ.