Ɔfã 83
Nyikyerɛ a wɔnam Joseph Smith Nkɔnhyɛnyi no do dze mae, wɔ Independence, Missouri, Ebɔbira 30, 1832. Ber a Nkɔnhyɛnyi no nye no nuanom abɔ ngua refa apam no, nna onyaa dɛm nyikyerɛ yi.
1–4, Kwan da hɔ dɛ mbaa na mba nya kyɛfa wɔdan hɔn kunnom na egyanom no ma wɔhwɛ hɔn 5–6, Kwan da hɔ dɛ ekunafo na ngyankaba nya kyɛfa wɔdan Asɔr no ma ɔhwɛ hɔn.
1 Nokwar, dɛm na Ewuradze se, dza ɔkã asɔr no ne mbra ho a ɔfa mbaa na mbofra ho, hɔn a wɔwɔ asɔr no mu a hɔn akunnom anaa hɔn egyanom efi mu no;
2 Kwan da hɔ dɛ mbaa nya akyɛfa wɔdan hɔn kunnom ma wɔhwɛ hɔn kɛpem dɛ hɔn kunnom befi mu; na sɛ woennhu mbrato biara wɔ hɔn mu a, wɔnye asɔr no bɔbɔ fɛkuw.
3 Na sɛ wohu dɛ wɔnnyɛ anokwafo a, wɔnye asɔr no nnkɔbɔ fɛkuw no; naaso, wobotum akã hɔn egyapadze do, dɛ mbrɛ ɔman no ne mbra se.
4 aMbofra nyina wɔ kyɛfa dɛ wɔdan hɔn awofo ma wɔhwɛ hɔn kɛpem dɛ wobenyin.
5 Na iyi ekyir, sɛ hɔn awofo nnyi egyapadze a wɔdze bɛma hɔn a, ɔyɛ asɔr no n’asɛdze dɛ ɔhwɛ hɔn, anaa mekyerɛ dɛ ɔdze Ewuradze an’akoradze mu adze hwɛ hɔn.
6 Na asɔr no na ɔbɔhwɛ adzekorabea no do; na no mu ndzɛmba na wɔdze bɔhwɛ aekunafo na ngyankaba, nye behiafo so. Amen.