Ɔfã 19
Nyikyerɛ a wɔnam Joseph Smith Nkɔnhyɛnyi no do dze mae, wɔ Manchester, New York, bɛyɛ ɔhyewber 1829 mu. Nkɔnhyɛnyi no yi enyim wɔ n’abakɔsɛm no mu dɛ ɔyɛ “mbra a ofi Nyankopɔn hɔ na ommfi nyimpa hɔ a ɔdze maa Martin Harris, nyia ɔyɛ Onnyiewiei no na ɔdze mae.”
1–3, Christ wɔ tum nyina; 4–5, Nyimpa nyinara wɔ dɛ wonu hɔnho annyɛ dɛm a, wobohu amandze; 6–12, Onnyiewiei ntsẽa yɛ Nyankopɔn ne ntsẽa; 13–20, Christ hun amandze maa obiara, ama sɛ wonu hɔnho a, woeennhu amandze; 21–28, Kã nnuho asɛmpa no; 29–41, Bɔ asɛmpa no dawur.
1 Emi nye Alpha na Omega, Ewuradze Christ no; nyew, emi nye ɔno, ahyɛse na ewiei no, wiadze Pomfo no.
2 Emi, na maayɛ meewie nyia meyɛ nedze no ne pɛ, Egya no mpo, dza ɔfa moho no—maayɛ ndzɛmba nyina ama medze ne nyina ahyɛ mo tum ase—
3 Mowɔ tum nyina, dza medze bɛsɛɛ Satan nye no ndwuma wɔ wiadze ewiei mu mpo, na atsɛmbu da kɛse a odzi ewiei mu no, medze bɛba adasamba do, mubobu ɔdasanyi biara atsɛn dɛ mbrɛ n’edwuma nye ndwuma a ɔayɛ tse.
4 Na nokwar, ɔdasanyi biara wɔ dɛ onu noho annyɛ dɛm a obohu amandze, na emi Nyankopɔn minnyi ewiei,
5 Dɛm ntsi, mennkantse m’atsɛmbu a medze bɛba no, mbom mbusu bɛba, osũ, kwadwomtwa, nye asetwɛr, nyew, na ɔbɛba hɔn a wobohu hɔn wɔ me nsa bankum no do.
6 Naaso, wɔnnkyerɛɛw dɛ ahohyehye yi remmba ewiei, mbom wɔakyerɛw no dɛ ɔyɛ ahohyehye a onnyi ewiei.
7 Bio wɔakyerɛw no dɛ ɔyɛ afɔdzi a onnyiewiei, dɛm ntsi wɔakyerɛkyerɛ mu koraa sen kyerɛwsɛm nkaa no, ama wɔaabɔ mu ayɛ edwuma wɔ adasamba hɔn akoma mu wɔ me dzin n’enyimnyam ntsi.
8 Dɛm ntsi, merebɛkyerɛ esumasɛm yi mu akyerɛ hom, osiandɛ oye ma hom dɛ hom hu tse dɛ m’esuafo noara.
9 Mekasa kyerɛ hom a wɔasan mu eyi hom wɔ dɛm adze yi mu, dɛ nyimpa kor ama hom eetum ahɛn m’ahomgye mu.
10 Na, hwɛ, mbrɛ nyamesu ho esumasɛm mu si dɔɔ sõ a! Na, hwɛ, minnyi ewiei, na ntsẽa a ofi me nsamu ba no yɛ ntsẽa a onnyi ewiei osiandɛ Onnyi Ewiei nye me dzin. Dɛm ntsi—
11 Ntsẽa onnyiewiei yɛ Nyame ne ntsẽa.
12 Ntsẽa a onnyi ewiei yɛ Nyame ne ntsẽa.
13 Dɛm ntsi, mehyɛ wo dɛ nu wo ho, na dzi mbrasɛm a wo nsa akã efi m’akowaa Joseph Smith, Kakraba, hɔ wɔ me dzin mu no do;
14 Na ɔnam mo tum kɛse do na wo nsa akã;
15 Dɛm ntsi mehyɛ wo dɛ nu woho—nu woho, ɔno medze m’anomu abaa bɔhwe wo, na m’ebufuhyew na m’ebufuw, ama w’amandzehu ayɛ yaw—mbrɛ ne yaw tse no, innyim, mbrɛ ne yaw ne kɛse so tse no innyim, nyew, mbrɛ ne dzen tse so innyim.
16 Na, hwɛ, emi Nyankopɔn, meehu amandze yinom dze ama obiara, ama sɛ wonu hɔnho a, woennhu amandze,
17 Mbom sɛ woennu hɔnho a ɔwɔ dɛ wohu amandze dɛ mbrɛ emi mpo muhunii no;
18 Amandzehu a ɔmaa emi a meyɛ Nyame a mo sõ sen obiara mpo no, moho popoe, osian yaw ntsi, na bɔgya fii mo honandua enyi nyina kyĩi, na muhun amandze wɔ honam nye sunsum mu—na mepɛɛ dɛ nkyɛ monnkɔnom kuraba wenwen no ano na mawodow—
19 Naaso, enyimnyam nkã Egya no, na monomee na muwiee mo mboaboaho biara yɛ dze maa adasamba.
20 Dɛm ntsi, mehyɛ wo bio dɛ nu wo ho, ɔno medze mo tum kɛse no bɛbrɛ wo adze; na akã wo bɔn akyerɛ, ɔno ibohu amandze wɔ ntsea a maakã ho asɛm no, dza no mu kumaabi, nyew, no mu ketseketse mpo a esɔe hwɛe wɔ ber a motwee mo Sunsum fii hɔ no.
21 Na mehyɛ wo dɛ mma hom nnkã nsɛm biara nnkyerɛ kã nnuho asɛm nko ho, na mma mmfa ndzɛmba yinom nnkyerɛ wiadze kesi dɛ ɔbɛyɛ enyansadze ama me.
22 Osiandɛ worunntum nndzi nam sesei, mbom ɔwɔ dɛ wonya numfonsu; dɛm ntsi, ɔnnsɛ dɛ wohu ndzɛmba yinom, amma wɔaannhera.
23 Suã me, na tsie me nsɛm, nantsew ɔdwe mu wɔ mo Sunsum mu, na ibenya asomdwee wɔ mo mu.
24 Emi nye Jesus Christ, menam Egya ne pɛ do bae, na ne pɛ na meyɛ.
25 Na bio, mehyɛ wo dɛ mma w’enyi mmber wo nyɛnko ne yer; anaa mmper dɛ ibeyi no nkwa efi hɔ.
26 Na bio, mehyɛ wo dɛ mma nnkata w’egyapadze do, na mbom fa ma kwa ma wɔmfa ntsintsim Mormon Nwoma no a nokwar na Nyame ne nsɛm wɔ mu no—
27 Dza ɔyɛ m’asɛm a medze ama Amanamamfo no mu biara, na ɔnnkɛkyɛr biara na oedu Jewfo a wɔyɛ Lamanfo hɔn nkaa no mu biara hɔn nkyɛn, ama wɔaagye asɛmpa no edzi, na wɔaannhwɛ Messiah bi a ɔbɛba kwan, na onyia no ɔaba dada.
28 Na bio, mehyɛ wo dɛ bue w’ano bɔ mpaa na bɔ no wɔ w’akoma mu so; nyew, wɔ wiadze enyim nye nsumaamu so, wɔ bagua mu nye kokoa mu so.
29 Na da enyigyesɛm no edzi, nyew, bɔ no dawur wɔ mbepɔw do, nye bea biara a ɔkrɔn do, nye nyimpa nyinara a wɔbɛma wo kwan ma ehu hɔn no mu.
30 Na fa ahobrɛadze nyina yɛ, na gye me dzi, na mma nnkã nsɛmbɔn nntsia hɔn a wɔkã nsɛmbɔn tsia wo no.
31 Na mma nnkã asɛmpa ne nkyerɛkyerɛ dza no mu dɔ no, ho hwee, na mbom kã nnuho ho asɛm nye gyedzi wɔ Agyenkwa no mu, nye bɔnfakyɛ a ofi enuma na ogya mu ba, nyew, ogya a ɔyɛ Sunsum Krɔnkɔn no.
32 Hwɛ, iyi nye mbrasɛm kɛse nye dza odzi ewiei a medze rebɛma wo a ɔfa dɛm asɛm yi ho; na iyi beye ama wo wɔ wo daa daa abrabɔ mu, dze ekesi wo bra n’ewiei mpo.
33 Na sɛ ibu afotu yinom tootooba a, awerɛhow na ɔbɛba wo do, nyew, wɔbɛsɛɛ ɔwo nye w’egyapadze so mpo.
34 Fa w’egyapadze bi ma, nyew, wo nsaase bi so mpo, nye adze nyina gyedɛ dza edze bɔhwɛ w’ebusua nko.
35 Tua kaw biara a enye nyia oritsintsim nwoma no edzi ano ma woesi no. Yi woho fi nkowaasom mu.
36 Gya wo dan nye wo fie wɔ hɔ, gyedɛ ber a epɛ dɛ hom hu hom ebusuafo;
37 Na gyaa woho kasa kyerɛ obiara; nyew, kã asɛmpa no, tu fo, na da nokwar no edzi, fa enyigye ndze kɛse tsea mu dɛ—Hosanna, hosanna, nhyira nkã Ewuradze Nyankopɔn ne dzin!
38 Bɔ mpaa aber nyina, na mubohue mo Sunsum egu wo do, na wo nhyira bɛyɛ kɛse—nyew, ɔbɛyɛ mbordo mpo akyɛn dɛ ibenya asaase do sika nye ahonyadze a ɔprɔw no.
39 Hwɛ, ana nnkotum akenkan iyi a irinndzi ehurusi na mma w’akoma do wɔ enyigye mu?
40 Anaadɛ nnkotum dɛ ebɔkɔdo botu mbirika ekyin dɛ ɔkwankyerɛfo furafo?
41 Anaadɛ nnkotum dɛ ebɛyɛ ahobrɛadze na adwe, na edzi woho nyi wɔ nyansa mu wɔ m’enyim? Nyew, bra mo hɔ, w’Agyenkwa no. Amen.