Kyerɛwsɛm
Nkyerɛkyerɛ na Ahyɛmudzi 31


Ɔfã 31

Nyikyerɛ a wɔnam Joseph Smith Nkɔnhyɛnyi no do dze maa Thomas B. Marsh, Fankwa, 1830. Wowiee Asɔr Ehyiadzi no yɛ ara na dɛm asɛm yi sii (hwɛ dza wɔakyerɛw wɔ Ɔfã 30 n’etsifi no). Nna woenuma Thomas B. Marsh wɔ dɛm bosoom n’ahyɛse no mu na wɔahyɛ no elder wɔ Asɔr no mu ansaana wɔdze dɛm nyikyerɛ yi rema.

1–6, Wɔfrɛ Thomas B. Marsh dɛ ɔnkã asɛmpa no na wɔma no awerɛhyɛmu wɔ n’ebusua ne yieyɛ ho; 7–13, Wotu no fo dɛ onya abotar, ɔmbɔ mpaa aber nyina, na ɔnyɛ setsei mma Ɔwerɛkyekyefo no.

1 aThomas, me babanyin, nhyira akã wo osian gyedzi a enya wɔ m’edwuma ho ntsi.

2 Hwɛ, osian w’ebusuafo ntsi, ehu amandze pii; naaso mibehyira ɔwo nye w’ebusuafo, nyew, wo mba nkakraba no so; na da no reba a wɔbɛgye edzi na woehu nokwar no na wɔnye wo abɛyɛ kor wɔ m’asɔr mu.

3 Ma w’akoma do na dzi dɛw, osiandɛ w’asɛmpakã dwuma dɔn no asõ; na wobegyaa wo tɛkyerɛma mu, na ebɔbɔ aenyigyesɛm kɛse yi ho dawur akyerɛ dɛm ebusuasantsen yi.

4 aEbɔbɔ ndzɛmba a woeyi akyerɛ m’akowaa Joseph Smith, Kakraba, no ho dawur. Ebɛhyɛ ase akã asɛmpa no ofi aber yi dze kɔ, nyew, na ibotwa ndɔbaa wɔ haban a bwɔahoa na asõ dɛ wɔhyew no no mu.

5 Dɛm ntsi, fa wo kra nyinara atow wo kantankrankye, na wɔdze wo bɔn bakyɛ wo, na wɔbɛkyekyer cefi-efi pii egu w’ekyir, osiandɛ dodwumayɛnyi n’akatua sɛ no. Dɛm ntsi w’ebusua bɛtsena ase.

6 Hwɛ, nokwar, mese wo dɛ, fi hɔn nkyɛn mber tsia, na kɛkã m’asɛm no, na mibesiesie beebi ama hɔn.

7 Nyew, amubobue nkorɔfo no hɔn akoma, na wɔbɛgye wo. Na mobodua w’abaw do akyekyer asɔr;

8 Na aebɛhyɛ hɔn dzen na esiesie hɔn ama ber no a wɔbɔboaboa hɔn ano no.

9 Nya aabotarbamandzehu mu, mma nnkã kasa bɔn nntsia hɔn a wɔkã kasa bɔn tsia wo no. Fa ɔdwe hwɛ wo cfie do na gyina pintsinn.

10 Hwɛ, mese wo dɛ, ebɛyɛ asɔr no no duyɛfo, na mbom erennyɛ mma wiadze, osiandɛ wɔrenngye wo nnto mu.

11 Kɔ wo kwan, beebiara a mepɛ dɛ ekɔ na aƆwerɛkyekyefo no bɛkyerɛ wo dza yɛ nye bea a ebɔkɔ.

12 a mpaa dabaa, amma aannkɔ bnsɔhwɛ mu na aannyew w’akatua.

13 Dzi anokwar kesi ewiei, na hwɛ, menye bwo wɔ hɔ. Dɛm nsɛm yi mmfi nyimpa bi anaa adasa hɔ, na mbom ofi mo hɔ, emi Jesus Christ, hom Pomfo no mpo a, ɔnam Egya ne c do. Amen.