Ɔfã 99
Nyikyerɛ a wɔnam Joseph Smith Nkɔnhyɛnyi no do dze maa John Murdock, Dzifuu 29, 1832, wɔ Hiram, Ohio. Nna John Murdock akã nsɛmpa no afe kor na no mboree ber a ne mba—woegya hɔn egyanka wɔ ne yer, Julia Clapp, no wu ekyir wɔ Ebɔbira 1831 no—nye ebusua ebusua binom tse wɔ Ohio.
1–8, Wɔfrɛ John Murdock dɛ ɔmbɔ asɛmpa no dawur, na hɔn a wɔgye no no, gye Ewuradze na wobohu hɔn mbɔbɔr.
1 Hwɛ, dɛm na Ewuradze se m’akowaa John Murdock—wɔafrɛ wo dɛ kɔ boka aman mu, fi fie kɔ fie mu, fi ekurase kɔ ekurase, fi kurow kɔ kurow mu kɔbɔ m’asɛmpa a ɔwɔ hɔ daapem ho dawur kyerɛ nkorɔfo a wɔtsetse mbeambea hɔ no, wɔ aatseetsee na emumuyɛdze mu.
2 Na nyia aɔgye wo no, nna ɔagye me; na mo Sunsum Krɔnkrɔn ne bdwumadzi bɛma enya tum dze abɔ m’asɛm no dawur.
3 Na hɔn a wɔbɛgye wo adɛ abofra no, bɛgye bm’ahenman no; na nhyira akã hɔn, osiandɛ wobohu hɔn cmbɔbɔr.
4 Na hɔn a wɔbɔpow wo no, Egya no na ne fie so abɔpow hɔn; na ebɔporoporow bw’anan ase wɔ nsumaamu dze ayɛ dasegye etsia hɔn.
5 Na hwɛ, na hu dɛ, amereba ntsɛm bebobu atsɛn, ama wɔaagye hɔn emumuyɛdze nyina a wɔayɛ etsia me no ato mu, dɛ mbrɛ wɔakyerɛw wɔ mo ho wɔ nwoma mu no.
6 Na afei, nokwar mese wo dɛ, ɔnnsɛ dɛ ekɔ kesi dɛ wɔbɔhwɛ wo mba do ama wo, na ahwɛ yie dze hɔn akɛma bishop a ɔwɔ Zion no.
7 Na mfe kakra ekyir no, sɛ epɛ a, ibotum ebisa me, na wo so akɔ asaase pa no do akɛfa w’egyapadze;
8 Sɛ epɛ so a, ibotum akɔ do abɔ m’asɛmpa dawur aekesi dɛ wɔbɛfa wo akɔ. Amen.