Ɔfã 62
Nyikyerɛ a wɔnam Joseph Smith Nkɔnhyɛnyi no do dze mae, wɔ Missouri esu n’egya wɔ Chariton, Missouri, Dzifuu 13, 1831. Da no, Nkɔnhyɛnyi no nye no kuw a wofi Independence rokɔ Kirtland no hyiaa elderfo pii a wɔrokɔ Zion asaase do no, na ber a wɔdze enyigye kyiakyiaa hɔnho wiei no, nna onyaa nyikyerɛ yi.
1–3, Wɔkyerɛw adasegye wɔ sor; 4–9, Elderfo no wɔdɛ wotu kwan na wɔkɛkã nyamesɛm dɛ mbrɛ hɔn adwen bɛyɛ hɔn na mbrɛ Sunsum no bɛkyerɛ.
1 Hom nhwɛ, na hom ntsie, O hom m’asɔr mu elderfo, Ewuradze hom Nyankopɔn na ɔse, Jesus Christ mpo, hom adzimafo, nyia onyim nyimpa ne mberɛwyɛ na mbrɛ wosi bboa hɔn a cwɔsɔ hɔn hwɛ no na ɔse.
2 Na nokwar, m’enyi wɔ hɔn a wonnyae nnkɔr Zion asaase do no do; dɛm ntsi hɔn dwumadzi no nndzii mu.
3 Na osian adasegye a hom agye na bwɔakyerɛw no wɔ sor ma abɔfo no hwɛ do ntsi woehyira hom; na wodzi dɛw wɔ hom ho, na wɔdze hom cbɔn so akyɛ hom.
4 Na afei, hom nsɔw hom akwantu no do. Hom mboa hom ano wɔ aZion asaase no do; na hom nyɛ nhyiamu na hom mbɔ mu ndzi ehurusi, na hom nyɛ sacrament mma Ɔsorsornyi no.
5 Na nkyii hom botum asan hom ekyir ebedzi dase, nyew hom mbɔ mu kor, anaa hom nkɔ no beenu beenu, dɛ mbrɛ hom hwɛ a oye ma hom, emidze ɔmmfa mo ho; mbom hom ndzi nokwar, na hom ambɔ enyigyesɛm no ho dawur nkyerɛ nyimpa a wɔwɔ asaase do, anaadɛ wɔ mboanofo emumuyɛfo no mu.
6 Hwɛ, emi Ewuradze maboa hom ano dze hom aba ama anohoba no aahyɛ mã, ama anokwafo a wɔwɔ hom mu no wɔabɔ hɔnho ban na wɔabɔ mu edzi dɛw wɔ Missouri asaase do. Emi, Ewuradze, mobɔ anokwafo no anohoba na minndzi aator.
7 Emi, Ewuradze, mema ho kwan, sɛ obi wɔ hom mu a ɔpɛ dɛ ɔtsena mpɔnkɔ do, anaa nsoaso do, anaa tseaseanam mu a, ne nsa bɛkã nhyira yi, na sɛ ne nsa kã fi Ewuradze nsamu a, ɔmfa n’akoma nyina anda ase wɔ adze nyinara mu.
8 Ndzɛmba yinom wɔ hɔ ma hom dɛ hom yɛ no wɔ atsɛmbu kwan do nye kwan a Sunsum no bɛkyerɛ do.
9 Hwɛ, aahenman no yɛ homdze. Na hom nhwɛ na hom nhu dɛ bmenye anokwafo no wɔ hɔ daa. Ɔnyɛ hɔ dɛm. Amen.