Ɔfã 34
Nyikyerɛ a wɔnam Joseph Smith Nkɔnhyɛnyi no do dze maa Orson Pratt, wɔ Fayette, New York, Ɔberɛfɛw 4, 1830. Aber no nna Onuabanyin Pratt edzi mfe duakron. Nna oedzi kan atse asɛmpa no efi no nua panyin, Parley P. Pratt hɔ, ma ɔasakyer no na oenuma no ma adapɛn esia etwa mu. Onyaa dɛm nyikyerɛ yi wɔ Peter Whitmer Panyin ne fie.
1–4, Agyedzifo nam Werdambɔ no do bɛyɛ Nyame ne mba; 5–9, Asɛmpakã no siesie kwan mu dze ama Mbae a Otsĩa Ebien no; 10–12, Nkɔnhyɛ nam Sunsum Krɔnkrɔn no tum do ba.
1 Me babanyin aOrson, yɛ aso na tsie na hwɛ dza Emi, Ewuradze Nyankopɔn bɛkã akyerɛ wo no, Jesus Christ wo Pomfo no mpo;
2 Wiadze akan na nkwa no, kan a ɔhyerɛn wɔ sum mu na sum no enntum annkyer no;
3 Nyia aɔdɔɔ wiadze no a bɔdze nankasa no nkwa too hɔ, ama dodowara a wɔbɛgye no edzi no abɛyɛ cNyame ne mba. Dɛm ntsi eyɛ me ba;
4 Na awoehyira wo osiandɛ agye edzi;
5 Na woehyira wo pii osiandɛ amafrɛ wo dɛ kã m’asɛmpa no—
6 Dɛ ebɛma wo ndze do tse dɛ mbrɛ edze totorobɛnto, hɛn ma ɔnkyɛr na ɔnyɛ dede so, na atsea mu kã nnuho ho asɛm kyerɛ ebusuasantsen kɔntɔnkyefo a wɔakyea yi, fa siesie Ewuradze no kwan mu ma ne bmbae a otsĩa ebien no.
7 Na hwɛ, nokwar, nokwar, mese wo dɛ, amber no ɔabɛn, na mebɛba wɔ bmununkum fua mu wɔ tum nye enyimnyam kɛse mu.
8 Na me mbae ber no bɛyɛ ada kɛse, osiandɛ aman nyina ho bbɔpopo.
9 Mbom ansaana dɛm da kɛse no bɛba no, ewia bɛhyɛ sum, na bosoom adan bɔgya; na nworaba nnkɛma hɔn kan ahyerɛn, na bi bɔtotɔ, na ɔsɛɛ kɛse rotweɔn emumuyɛfo.
10 Dɛm ntsi, ma wo ndze do na mma anngyaa, na Ewuradze Nyankopɔn akasa; dɛm ntsi, hyɛ nkɔm, na wɔnam Sunsum Krɔnkrɔn no btum do dze bɛma.
11 Na sɛ idzi nokwar a, hwɛ, menye wo wɔ hɔ kesi dɛ mebɛba—
12 Na, nokwar, nokwar, mese wo dɛ mereba ntsɛm. Emi nye w’Ewuradze nye wo Pomfo. Ɔnyɛ hɔ dɛm. Amen.