Ɔfã 41
Nyikyerɛ a wɔnam Joseph Smith Nkɔnhyɛnyi no do dze maa Asɔr no wɔ Kirtland, Ohio, Kwakwar 4, 1831. Nyikyerɛ yi kyerɛkyerɛ Nkɔnhyɛnyi no na Asɔr Elderfo dɛ wɔmbɔ mpaa ngye Nyame Ne “mbra” (hwɛ ɔfã 42). Joseph Smith fii New York bodur Kirtland ara na Leman Copley, asɔrba a ɔwɔ Thompson, Ohio a ɔbɛn hɔ no. “serɛɛ Onuabanyin Joseph na Sidney [Rigdon] … dɛ wɔnye no mbɛtsena na ɔbɛma hɔn adan na edziban.” Nyikyerɛ yi a odzi do yi kyerɛ mu bea a Joseph na Sidney wɔ dɛ wɔtsena na ɔfrɛ Edward Partridge so ma ɔbɛyɛ Asɔr no ne bishop a odzi kan.
1–3, Elderfo no nam nyikyerɛ sunsum do bɔhwɛ Asɔr no do; 4–6, Esuafo nokwafo no nsa bɛkã Ewuradze ne mbra no na woedzi do; 7–12, Wɔbɔ Edward Partridge ne dzin dɛ ɔnyɛ bishop mma Asɔr no.
1 Hom nyɛ aso na hom ntsie, O mo nkorɔfo, dɛm na Ewuradze hom Nyankopɔn no se, hom a ɔyɛ me enyigye dɛ medze anhyira a ɔsõ wɔ nhyira nyinara mu behyira hom, hom a hom tsie me; na hɔn a wonntsie me no so mobɔdom hɔn, na medze bndom a no mu yɛ dur wɔ ndom nyinara mu no bɔdom hɔn a cwɔakã dɛ wonyim me dzin pɛn no.
2 Hom nyɛ aso, O elderfo a wɔwɔ m’asɔr mu a mafrɛ hom, hwɛ, medze mbrasɛm yi ma hom, dɛ hom mboa hom ano, na hom angye m’asɛm nto mu;
3 Na ɔnam hom gyedzi mpaabɔ do hom nsa bɛkã me ambra, ama hom eehu mbrɛ hom besi ahwɛ m’asɔr do na hom ama ndzɛmba nyina atsen wɔ m’enyim.
4 Na sɛ meba a, mebɛyɛ hom ahwɛdofo; na hwɛ, bmereba ntsɛm, na hom nhwɛ ma wondzi me mbra do.
5 Nyia aɔgye me mbra na bodzi do no, ɔno na ɔyɛ mo suanyi; na nyia ɔkã dɛ ɔagye na onndzi do no, ɔnnyɛ mo suanyi, na cwobotwa no efi hom mu akyen;
6 Osiandɛ ɔnnsɛ dɛ wɔdze ndzɛmba a ɔyɛ ahenman ne mba dze no ma hɔn a wɔmmfata, anaadɛ wɔdze ma ankraman, anaadɛ wɔbɔtow bbota egu mpreko enyim.
7 Na bio, ɔsɛ dɛ wosi adan ma m’akowaa Joseph Smith, Kakraba, ma ɔtsena mu bkyerɛ nwoma no ase.
8 Na bio, ɔsɛ dɛ m’akowaa Sidney Rigdon mber dodowara a obedzi me mbrasɛm do no, ɔtsena bea a oye ma no.
9 Na bio, mafrɛ m’akowaa aEdward Partridge; na mehyɛ hom dɛ, asɔrmba no nyina mbɔ mu nyi no na wɔnhyɛ no bbishop mma asɔr no, na ongyaa n’eguadzi no na ɔmfa ne cmber nyina nyɛ asɔr no ndwuma;
10 Na ɔnhwɛ ndzɛmba nyina a mebɛkyerɛ no wɔ me mbra mu wɔ da no a medze mbra no bɛma no no.
11 Na mereyɛ iyi osiandɛ n’akoma mu tsew wɔ m’enyim, na ɔtse dɛ tsetseberdo aNathanael no a bndaadaa biara nnyi no mu no.
12 Wɔdze nsɛm yinom ama hom, na no ho tsew wɔ m’enyim; dɛm ntsi, hom nhwɛ kwan a hom fa do suo mu no yie, osiandɛ hom akra beyi ano wɔ atsɛmbu da no mu. Ɔnyɛ hɔ dɛm. Amen.