Ɔfã 125
Nyikyerɛ a wɔnam Joseph Smith Nkɔnhyɛnyi no do dze mae, wɔ Nauvoo, Illinois, Ebɔw, 1841, ɔfa Ahotseweefo a wɔwɔ Iowa apaamu ho.
1–4, Ahotseweefo no wɔ dɛ wɔkyekyer nkurow na wɔboa hɔn ano kɔ stake dodow a ɔwɔ Zion no mu no.
1 Ebɛnadze na Ewuradze pɛ wɔ ahotseweefo a wɔwɔ Iowa apaamu no ho?
2 Nokwar, dɛm na Ewuradze se, mese hom dɛ, sɛ hɔn a wɔdze me adzin ato hɔn do na wɔrobɔ hɔnho mbɔdzen dɛ wɔbɛyɛ m’ahotseweefo no, sɛ wɔbɛyɛ m’apɛdze na woedzi me mbrasɛm a medze ama hɔn no do a, wɔmma wɔmboa hɔn ano, na wɔnkɔ mbea a mebɛma m’akowaa Joseph akyerɛ hɔn no, na wɔnkyekyer nkurow wɔ hɔ mma me dzin, ama woeesiesie hɔnho dze atweɔn mber a ɔreba no.
3 Hom mma wɔnkyekyer kurow mma me dzin wɔ asaase a ɔnye Nauvoo dzi abɔenyim no do, na wɔnto no dzin aZarahemla.
4 Na hom mma hɔn a wofi boka, nye anee, nye etsifi nye anaafo a wɔwɔ pɛ dɛ wɔbɛba abɛtsena hɔ no mfa hɔn egyapadze dɛ mbrɛ makyerɛ wɔ aNashville kurow mu, anaaso Nauvoo kurow mu, nye bstake nyina a makyerɛ do, Ewuradze na ɔse.