Ɔfã 28
Nyikyerɛ a wɔnam Joseph Smith Nkɔnhyɛnyi no do dze maa Oliver Cowdery, wɔ Fayette, New York, Fankwa, 1830. Hiram Page, a ɔyɛ Asɔrba no, nyaa ɔbo bi a ɔgyee too no do dɛ ɔboa no ma onya nyikyerɛ a ɔfa Zion ne nkyekyeree nye Asɔr no mu nhyehyɛɛ ho. Dɛm nsɛmsɛm yinom daadaa asɔrmba no mu dodowara, na nsɛmnsɛm yinom nyaa nhyɛdo bɔn wɔ Oliver Cowdery so mpo do. Aka kakra ma wɔakɔ ehyiadzi bi a wɔahyehyɛ ato hɔ no, Nkɔnhyɛnyi no bɔɔ mpaa enyiberdo bisaa Ewuradze wɔ dɛm asɛm no ho, na dɛm nyikyerɛ yi na onyae.
1–7, Joseph Smith na okura esumasɛm ho nsaafee, na ɔno nko na onya nyikyerɛ ma Asɔr no; 8–10, Ɔwɔ dɛ Oliver Cowdery kɛkã asɛmpa no kyerɛ Lamanfo no; 11–16, Satan daadaa Hiram Page na ɔmaa no ator nyikyerɛ.
1 Hwɛ, mese ɔwo aOliver dɛ, wɔdze bɛma wo ama Asɔr no etsie ndzɛmba nyinara a enam bƆwerɛkyekyefo no do edze cbɛkyerɛkyerɛ hɔn no, dza ɔfa nyikyerɛ nye mbrasɛm a medze ama no.
2 Mbom hwɛ, nokwar, nokwar, mese wo dɛ awonnkeyi obiara a obenya mbrasɛm nye nyikyerɛ wɔ asɔr yi mu gyedɛ m’akowaa bJoseph Smith, Kakraba, osiandɛ onya no dɛ mbrɛ Moses so nyae no mpo.
3 Na yɛ setsie fa ma ndzɛmba a medze bɛma no no, tse dɛ aAaron mpo, na fa tum na btumdzi da mbrasɛm nye nyikyerɛ no edzi nokwar mu kyerɛ asɔr no.
4 Na sɛ Ɔwerɛkyekyefo no kyerɛ wo ber bi mu, anaa mber nyina ɔhyɛ wo dɛ akasa anaa kyerɛkyerɛ asɔr no a, ɔwɔ dɛ eyɛ.
5 Mbom mma nnkyerɛw no wɔ mbrasɛm kwan do, mbom wɔ nyansa kwan do;
6 Na mma nnhyɛ nyia odzi wo do na ɔda asɔr no ne tsir no;
7 Osiandɛ medze aesumadze ne bnsaafee ama no nye nyikyerɛ a wɔasɔw ano, kesi dɛ mibeyi obi fofor esi n’ananmu ama hɔn.
8 Na afei, hwɛ, mese wo dɛ kɔ aLamanfo hɔ na kɛkã basɛmpa no kyerɛ hɔn; na mber dodow biara a wɔbɛgye wo nkyerɛkyerɛ no, ma wɔnkyekyer m’asɔr wɔ hɔn mu; na ibenya nyikyerɛ, na mbom mma nnkyerɛw no wɔ mbrasɛm kwan do.
9 Na afei, hwɛ, mese wo dɛ wonnyii nnkyerɛe, na nyimpa biara so nnyim bea a wɔbɛkyekyer aZion bkurowpɔn no wɔ, na mbom wɔbɛkyerɛ ekyir yi. Hwɛ, mese wo dɛ ɔbɛbɛn Lamanfo hɔn he no do.
10 Mma mmfi bea yi do kesi dɛ wobowie ehyiadzi no; na wɔdze hɔn ndze beyi m’akowaa Joseph ma ɔaahwɛ ehyiadzi no do, na dza ɔbɛse wo no na kã.
11 Na bio, frɛ wo nuabanyin Hiram Page na wo anye no nko ntamu na kã kyerɛ no dɛ dza ɔkyerɛwee fii ɔbo no do no mmfir emi na bSatan na cɔdaadaa no;
12 Na, hwɛ, wɔmmfaa dɛm ndzɛmba yinom mmaa no, na wɔnnkɛfa biribiara a ɔnye asɔr no mu ahyɛmudzi bɔ ebira ama obiara wɔ asɔr yi mu.
13 Osiandɛ ɔwɔ dɛ wɔyɛ ndzɛmba nyinara esiado esiado, dɛ mbrɛ dɔm no nam gyedzi mpaabɔ do ayɛ aadwen kor wɔ asɔr no mu no.
14 Na ɔwɔ dɛ eboa ma wɔtoto ndzɛmba yinom nyinara, dɛ mbrɛ asɔr n’ahyɛmu tse, ansaana etu wo kwan akɔ Lamanfo no mu.
15 Na fi ber a edze bɔkɔ kesi ber a ebɛsan aba no, awɔbɛkyerɛ wo dza ebɛyɛ.
16 Na ɔwɔ dɛ ibue w’ano aber nyina, na edze ehurusi ndze da m’asɛmpa edzi. Amen.