Ɔfã 37
Nyikyerɛ a wɔdze maa Joseph Smith Nkɔnhyɛnyi no na Sidney Rigdon, wɔ beebi a ɔbɛn Fayette, New York, Mumu, 1830. Ha na wɔdze mbrasɛm a odzi kan a ɔfa mbrɛ wobesi aboaboa asɔrmba no ano wɔ mberano yi mu no mae.
1–4, Wɔfrɛ Ahotseweefo no dɛ wɔmboa hɔn ano wɔ Ohio no.
1 Hwɛ, mese hom dɛ osian ɔtamfo no nye homankasa hom yieyɛ ntsi, onnhia mma me dɛ hom akyerɛ biribiara ase bio kesi dɛ hom bɔkɔ Ohio no.
2 Na bio, mese hom dɛ mma hom nnkɔ kesi dɛ hom bɛkã m’asɛmpa no wɔ dɛm mbea no nyinara do, na hom ahyɛ asɔr no dzen wɔ beebiara a ɔwɔ no, nkanka dza ɔwɔ aColesville no; osiandɛ, hwɛ, wɔbɔ mpaa pii ma me wɔ gyedzi kɛse mu.
3 Na bio, mbrasɛm yi na medze ma asɔr no, dɛ ohia ma me dɛ wɔbɔboa hɔn ano wɔ aOhio no, dze atweɔn ber a m’akowaa Oliver Cowdery bɛsan aba hɔn nkyɛn.
4 Hwɛ, iyi yɛ nyansa, ntsi hom mma nyimpa biara ansan mu nyi mma noho kesi dɛ mebɛba. Ɔnyɛ hɔ dɛm. Amen.