1 Ɔyɛ me pɛ dɛ wobeyi m’akowaa Warren A. Cowdery na wɔahyɛ no sɔfopanyin ma ɔahwɛ m’asɔr a ɔwɔ ^aFahodzi asaase do no nye mantɔw a etwa ho ehyia no do.

2 Na ɔnkã m’asɛmpa a ɔwɔ hɔ daapem no, ɔmma ne ndze do mbɔ nkorɔfo kɔkɔ, nnyɛ nankasa ne mbew do nko, na mbom wɔ amansin a etwa ho ehyia no so mu;

3 Na ɔmfa ne mber nyina nyɛ ɔfrɛ krɔnkrɔn a ɔkrɔn yi, dza emi medze ama no sesei yi, na ^aonsi nketse nhwehwɛ ^bsor ahenman no na no mu ndzeyɛtsenenee no, na wɔdze ndzɛmba nyina a ohia bɛkã no ho; osiandɛ ^codwumayɛnyi n’apaadze sɛ no.

4 Na bio, nokwar, mese hom dɛ, ^aEwuradze ne mbae no ^babɛn, na ɔbɛfa wiadze mprase dɛ ^canago owifo—

5 Dɛm ntsi, hom mbɔ hom asen do, ama hom aayɛ ^akan mba, na dɛm da no ^bnnkɛfa hom mprase dɛ owifo.

6 Na bio, nokwar, mese hom dɛ, sor dzii dɛw ber a m’akowaa Warren bɔɔ no mu adze ma m’ahempoma no, na ɔtwẽe noho fii nyimpa ne ndzeyɛbɔn ho no.

7 Dɛm ntsi, nhyira akã m’akowaa Warren, na mubohu no mbɔbɔr; na ɔmmfa ho dɛ ndzɛmba ^ahun ahyɛ n’akoma mu mã, susuampaara dɛ ɔbɛbrɛ noho adze wɔ m’enyim no, mebɛma no do.

8 Na mebɛma no ^aadom na awerɛhyɛmu wɔ beebiara a obegyina; na sɛ ɔkɔ do yɛ dasegyefo nokwafo na ɔyɛ kan dze ma asɔr no a, mesiesie ahenkyɛw ato hɔ ama no wɔ ^bm’Egya fie mu. Ɔnyɛ hɔ dɛm. Amen.