Ɔfã 78
Nyikyerɛ a wɔnam Joseph Smith Nkɔnhyɛnyi no do dze mae, wɔ Kirtland, Ohio, Ebɔw 1, 1832. Dɛm da no, nna Nkɔnhyɛnyi no nye banodzifo binom so ehyia dɛ wɔrebɛpɛnsampɛnsam Asɔr edwumayɛ ho. Ahyɛse no nyikyerɛ yi kyerɛɛ Nkɔnhyɛnyi no na Sidney Rigdon, na Newel K. Whitney dɛ wontu kwan nkɔ Missouri na wɔnkɛtsew “edwumadze” a ɔbɔhwɛ Asɔr no n’adzetɔn na nwomatsintsim edwuma a wɔbɛkyekyer no no fotow a wobenya ama Zion ne ntsimii na ama wɔaaboa ehiafo. Edwumadze yi a, wɔfrɛ no Nkabɔmu Edwumadze no, wɔkyekyeree no wɔ Ebɔbira 1832 na woguu no afe 1834 mu (hwɛ ɔfã 82). Woguu no no mber kakra ekyir no, wɔ Joseph Smith no kwankyerɛ ase no, kasasin “ehiafo adzekoradan ho nsɛm no” bɛsesaa “n’adzetɔn na nwomatsintsim edwuma” no wɔ nyikyerɛ no mu, na nkasafua “nhyehyɛɛ” sesaa nkasafua “edwumadze.”
1–4, Ahotseweefo no wɔ dɛ wohyia na wosi adzekoradan; 5–12, Sɛ wɔhwɛ hɔn egyapadze do yie a, obegya hɔn akɔ nkwagye mu; 13–14, Ɔnnsɛ dɛ Asɔr no twer asaase do tum; 15–16, Michael, (Adam) som wɔ Krɔnkrɔnnyi (Christ) no ne nkyerɛkyerɛ ase; 17–22, Nhyira akã agyedzifo, osiandɛ wobenya adze nyinara edzi.
1 Ewuradze kasaa kyerɛɛ Joseph Smith, Kakraba see dɛ: Tsie me, Ewuradze wo Nyankopɔn no na ɔse, hom a wɔahyɛ hom aasɔfodzi a ɔkrɔn wɔ m’asɔr mu, na hom akã homho aboa ano;
2 Na hom ntsie aafotu a ofi nyia ofi sor bahyɛ hom asɔfo no, ɔno na ɔbɛkã enyansasɛm egu hom asomu, dɛ nkwagye nyɛ hom dze wɔ dza homdze abɔto m’enyim yi ho, Ewuradze Nyankopɔn na ɔse.
3 Na nokwar, mese hom dɛ, mber no edu, na ɔabɛn; na hwɛ, na hu dɛ, ohia dɛ wɔyɛ anhyehyɛɛ bi wɔ mo nkorɔfo mu a wɔnam do bɔhwɛ esiesie bm’adzekorabea, dɛ mbrɛ ɔbɛyɛ a wobotum dze no mu ndzɛmba no ahwɛ cehiafo a wɔwɔ mo nkorɔfo mu, nye hɔn so a wɔwɔ dZion asaase do—
4 Ama ɔayɛ nhyehyɛɛ bi a obetsim na ɔwɔ hɔ daapem ama m’asɔr dze aboa dza hom dze esi hom enyi do ho no, dze ama nyimpa no nkwagye, nye hom Egya a ɔwɔ sor n’enyimnyam;
5 Ama hom nye sor ndzɛmba aabɔ mu ayɛ apɛr wɔ sor ahyɛmudze ho, nyew, nye asaase ndzɛmba so, ama hom eenya sor ndzɛmba.
6 Osiandɛ sɛ hom annyɛ kor wɔ asaase ndzɛmba ho a, hom nnkotum ayɛ kor dze enya sor ndzɛmba;
7 Na sɛ hom pɛ dɛ mema hom tsenabew wɔ acelestial wiadze no mu a, ɔwɔ dɛ hom byɛ ndzɛmba a mahyɛ hom no, nye dza morohwehwɛ efi hom hɔ no, dze csiesie hom ho.
8 Na afei, nokwar dɛm na Ewuradze se, ohia dɛ hom a hom akã hom ho abɔmu wɔ dɛm anhyehyɛɛ yi mu no yɛ ndzɛmba nyina dze ma bm’enyimnyam;
9 Mekyerɛ dɛ, ma m’akowaa Newel K. Whitney, nye m’akowaa Joseph Smith, Kakraba nye m’akowaa Sidney Rigdon, nye ahotseweefo a wɔwɔ Zion no ntsena ase mbɔ ngua;
10 Annyɛ dɛm a aSatan bɛper dɛ ɔbɛdan hɔn akoma efi nokwar no ho, ma wɔabɛyɛ efurafo, amma wɔaanntse ndzɛmba a woesiesie ama hɔn no ase.
11 Dɛm ntsi, mehyɛ hom dɛ, hom nhyɛ ase nsiesie homho na hom nyɛ nhyehyɛɛ a ɔbɛkã hom abɔ mu anaadɛ aahyɛmu a ɔwɔ hɔ daapem a no mu nnkɛtsetsew da.
12 Na nyia obobu do no bɛyew ne dzibew na ne gyinabew wɔ asɔr no mu, na wobegyaa no ahyɛ Satan an’ekutukubɔ nsa ekesi dɛ ɔpon da no bɔsõ.
13 Hwɛ, iyi nye nsiesie a medze risiesie hom nye fapem na esusudze a medze rema hom, ama hom eedua do dze edzi mbrasɛm a wɔdze ama hom no do;
14 Na ɔnam m’adom ntsi, aabɛbrɛsɛ biara a ɔbɛba hom do no, asɔr no nko etum egyina, na ɔabor abɔdze nkaa nyinara a ɔwɔ celestial wiadze n’ase no do;
15 Ama hom aaba sor abɛfa aahenkyɛw a woeesiesie ama hom no, na wɔaayɛ hom ahenman pii do bahwɛdofo, Ewuradze Nyankopɔn, Zion Krɔnkrɔnnyi Kor no, nyia ɔtoow cAdam-ondi-Ahman fapem no na ɔse;
16 Ɔno na oyii aMichael, hom henba no, na otsintsiim n’anan, na ɔkrɔɔn no, na wɔnam Krɔnkrɔnnyi kor no a ne nda nnyi ahyɛse, anaa ne nkwa onnyi ewiei no n’apam do dze nkwagye nsaafee no ama no.
17 Nokwar, nokwar, mese hom dɛ, hom yɛ mbofra nkakraba, na hom nnyae nntsee nhyira akɛse a ɔwɔ Egya ne nsamu a oesiesie ama hom no ase;
18 Na hom nnkotum aagye ndzɛmba nyina sesei; naaso, hom enyi ngye, osiandɛ bmibedzi hom kan. Ahenman no yɛ homdze, na nhyira a ɔwɔ hɔ no yɛ homdze, na cmbersantsen ahonyadze so yɛ homdze.
19 Na nyia ɔnam andaase mu bɛgye ndzɛmba nyina no, wɔbɛhyɛ no enyimnyam; na wɔdze wiadze yi mu ndzɛmba bɛkã no ho, bɔha na no mbɔho mpo, nyew, mbordo.
20 Dɛm ntsi, hom nyɛ ndzɛmba a mahyɛ hom no, hom Pomfo no na ɔse, aAhman Ba no mpo, nyia osiesie ndzɛmba nyina ansaana bɔafa hom no;
21 Na hom nye aAbakamba n’asɔr no, na bɔbɛfa hom akɔ sor wɔ nsuwisuw mu, na ɔdze nyimpa biara ne kyɛfa ama no.
22 Na aɔhwɛfo nokwafo na bnyansafo no benya cndzɛmba nyinara. Amen.