Ɔfã 110
Enyido-adzehu a woyii kyerɛɛ Joseph Smith Nkɔnhyɛnyi no na Oliver Cowdery wɔ Asɔrfi no mu wɔ Kirtland, Ohio, Ebɔbira 3, 1836. Da no yɛ Ahomgyeda nhyiamu. Joseph Smith n’abakɔsɛm no kã dɛ: “Ewiaber no, moboaa presidentfo nkaa no ma yɛdze Ewuradze Edzidzi maa Asɔrmba no, a yɛgyee fii Duebien no a wɔwɔ kwan dɛ wodzi dwuma wɔ pon krɔnkrɔn no ho da no mu no. Muwiee dɛm dwuma no dzi maa nuanom no, mesanee kɔr asɛnkadaka no mu, na woesiaan ntwamutam no egu do, na emi na Oliver Cowdery buu ntwɛr na yɛbɔɔ mpaa awɔse na kommyɛ mu. Yewiee mpaa bɔ na yɛsoɛree no na woyii dɛm enyido-adzehu a ɔtoa do yi kyerɛɛ hɛn beenu nyina.”
1–10, Ewuradze Jehovah puee wɔ enyimnyam mu na ɔgye Kirtland Temple no to mu dɛ Ne fie; 11–12, Moses na Elias hɔn mu kor biara puee na wɔdze hɔn mber ano ho nsaafee ma; 13–16, Elijah san ba na ɔdze ne mber ano ho nsaafee ma dɛ mbrɛ Malachi bɔɔ ho anohoba no.
1 Woyii aakataenyim no fii hɛn adwen enyi, na wobuee hɛn bntseasee enyi.
2 Yehun Ewuradze dɛ ogyina asɛnkadaka no do wɔ hɛn enyim; na n’ananadze wɔdze sika kɔkɔɔ mapã asam hɔ.
3 aN’enyiwa tse dɛ ogyaframee; tsinhwi a ɔwɔ ne tsir do no yɛ fitaa tse dɛ esukwankyɛba mapa; bn’enyim hyerɛnee kyɛɛn ewia ne hyerɛn; na ne cndze tse dɛ esu akɛse a ɔrepem, dJehovah ne ndze mpo, rese dɛ:
4 Emi nye aɔkandzifo nye okyidzifo no; emi nye nyia bɔtse ase no, emi nye nyia wokum no no; emi nye hom cdzimafo wɔ Egya no nkyɛn.
5 Hwɛ, wɔdze hom bɔn aakyɛ hom; hom ho atsew wɔ m’enyim; dɛm ntsi, hom mma hom tsir do na hom ndzi dɛw.
6 Hom mma hom nuanom akoma ndzi dɛw, na hom mma mo nkorɔfo nyina akoma ndzi dɛw, hɔn na wɔdze hɔn ahoɔdzen, aesi dɛm fi yi dze ama me dzin.
7 Na hwɛ, amaagye bfi yi ato mu, na me dzin bɛda do; na mbɔbɔrhu mu na mibeyi moho akyerɛ mo nkorɔfo wɔ fi yi mu.
8 Nyew, sɛ mo nkorɔfo dzi me mbrasɛm do, na awoenngu dɛm bofi krɔnkrɔn yi ho fĩ a, cmubopue hɔn do, na medze mankasa me ndze akasa akyerɛ hɔn.
9 Nyew, akoma mpem na mpempem na wobedzi dɛw kɛse wɔ anhyira a wobohue egu hɔn do nye bendowment a wɔayɛ dze akyɛ mo nkowaa wɔ dan yi mu no ho.
10 Na ofi yi n’atsenkãyɛ bɛtahye anana asaase do; na iyi nye nhyira a awobohue egu mo nkorɔfo hɔn tsir do no n’ahyɛse. Ɔnyɛ hɔ dɛm. Amen.
11 Ber a wɔtoow dɛm aenyido-adzehu yi mu no, wobuee sor bio kyerɛɛ hɛn; na bMoses puee hɛn do, na ɔdze cnsaafee a wɔdze dbɔboaboa Israel ano efi asaase ne mfɛndzanan nyina do no, nye dza wɔdze bedzi mbusuakuw du no kan efi eetsifi asaase no do aba no maa hɛn.
12 Iyi ekyir, aElias puee, na ɔdze bAbraham n’asɛmpa ne cmberano no a ɔse, hɛn mu nye hɛn asefo na ebusuasantsen nyina a wobefi hɛn ekyir aba no, wobehyira hɔn no.
13 Ber a wɔtoow enyido-adzehu yi mu no, enyido-adzehu kɛse bi so a ɔyɛ enyimnyam baa hɛn do; na aElijah, nkɔnhyɛnyi no, nyia bwɔfaa no kɔr sor a ɔannsɔ owu annhwɛ no, begyinaa hɛn enyim, na ɔsee dɛ:
14 Hwɛ, mber no asõ koraa, dza Malachi dze n’ano kãe no—dze gyee dase dɛ ɔno [Elijah] na wɔbɔsoma no ma ɔaaba, ansaana Ewuradze ne da kɛse a ɔyɛ hu no asõ—
15 Na aɔbɛdandan egyanom hɔn akoma aba mba do, na mba hɔn akoma aba hɔn egyanom do, amma maammfa ndom ammbɔbɔ asaase no—
16 Dɛm ntsi, dɛm mberano yi ho nsaafee no wɔdze ahyɛ hom nsa; na iyi bɛma hom ehu dɛ aEwuradze ne da kɛse a ɔyɛ hu no abɛn, oedu mbobow no ano mpo.