Ɔfã 57
Nyikyerɛ a wɔnam Joseph Smith Nkɔnhyɛnyi no do dze mae, wɔ Zion, Jackson County, Missouri, Ayɛwoho 20, 1831. Dɛ mbrɛ Ewuradze hyɛe no dɛ wontu kwan nkɔ Missouri, bea a Ɔbɛda hɔn “egyapadze asaase” edzi no (ɔfã 52), elderfo no tuu kwan fi Ohio kɔr Missouri n’anee afamu n’ahẽ do. Joseph Smith dwendween Lamanfo no hɔn gyinabew ho na ɔyɛɛ no nwanwa: “Aber bɛn na sar no bɛhan dɛ rose-nhyiren? Aber bɛn na wɔbɛkyekyer Zion wɔ n’enyimnyam mu, na henfa na wobesi Wo temple no, bea a aman nyina bɛba hɔ wɔ nda a odzi ekyir no mu?” Ekyir no onyaa nyikyerɛ yi.
1–3, Independence, Missouri, nye bea a wɔbɛkyekyer Zion Kuropɔn na temple no; 4–7, Ɔwɔ dɛ Ahotseweefo no tɔ nsaase na wonya egyapadze wɔ dɛm bea no do; 8–16, Ɔwɔ dɛ Sidney Gilbert bue fiadze, William W. Phelps so tsintsim mbuukuu, na Oliver Cowdery so kenkan nsɛm a wɔbɛkyerɛw no, osiesie no yie, ama wɔdze epue guado.
1 Hom ntsie, Ewuradze hom Nyankopɔn no na ɔse, O m’asɔr mu elderfo a osian me mbrasɛm ntsi hom ehyia mu wɔ aMissouri asaase do, basaase a meyi na cmatsew ho dze ama ahotseweefo dɛ dwɔmboa hɔn ano wɔ do.
2 Dɛm ntsi, asaase yi nye anohoba asaase no, abea a wɔbɛkyekyer bZion kuropɔn no.
3 Dɛm na Ewuradze hom Nyankopɔn se, sɛ hom rohwehwɛ nyansa a, ha na nyansa wɔ: Hwɛ, bea a seseiara wɔfrɛ no Independence no nye bea no ne finimfin; na bea a wobesi atemple no wɔ dɛm bea yi n’anee afamu, wɔ bea a ofi hɔ kɔ asɛndzibea no nnwar koraa.
4 Dɛm ntsi, ɔyɛ nyansadze dɛ ahotseweefo no abɔtɔ dɛm asaase no, nye asaase biara a ɔda anee afamu hɔ nyinara so, ofi hɔ ara dze kesi ɔhẽ a ɔtsen da bJewfo nye Amanamamfo no mu biara ntamu hɔ no;
5 Na asaase biara a otwa sar no ho hyia nyina so, susuampaara dɛ mbrɛ m’esuafo no botum aatɔ no. Hwɛ, nyansa wɔ iyi mu, ama hɔn bnsa aakã dze ayɛ hɔn egyapadze a ɔwɔ hɔ daapem.
6 Na hom mma m’akowaa Sidney Gilbert ngyina dzibew a medze ama no no, ɔnyɛ asɔr no an’ananmusinyi na ɔngyegye sika mfa mma asɔr no, na wɔmfa ntɔ asaase wɔ mantɔw nyina a etwa bea no ho ehyia no, dɛ mbrɛ wobotum ayɛ no wɔ tsenenee mu, susuampaara dɛ mbrɛ nyansa bɛkyerɛ.
7 Na hom mma m’akowaa aEdward Partridge ngyina dzibew a medze ama no no, na ɔnye hɔn a woeyi hɔn dɛ wɔmboa no no bnkyekyɛ ahotseweefo no hɔn egyapadze no mma hɔn dɛ mbrɛ mahyɛ no no.
8 Na bio, nokwar, mese wo dɛ, ma m’akowaa Sidney Gilbert ntsena bea no do, na ombue fiadze na ɔntɔn ndzɛmba; mbom mma ɔmmbɔ epoo wɔ eguadzi no mu, ama oeenya sika dze atɔ asaase ama ahotseweefo no wɔ hɔn yieyɛ ntsi, na ama woeetum enya biribiara a esuafo no behia a ɔbɛma woeetum atsena hɔn egyapadze asaase no do.
9 Ma m’akowaa Sidney Gilbert so ngye tum krataa—hwɛ, ha na nyansa wɔ, na ma nyia ɔbɛkan biara nnya ho ntseasee—ama wɔdze ndzɛmba so asoma n’akrakyefo no a ɔafa hɔn wɔ n’edwuma mu no ma wɔdze ndzɛmba abrɛ nkorɔfo no.
10 Na dɛm na yɛfa hwɛ m’ahotseweefo no, ama wɔaakã m’asɛmpa no akyerɛ hɔn a wɔtsetse asum nye bowu sunsum mu wɔ mantɔw ahorow mu hɔ no.
11 Na bio, nokwar, mese wo dɛ ma m’akowaa aWilliam W. Phelps ntsena bea yi do, na bontsintsim asɔr no no nwoma.
12 Na hwɛ, sɛ wiadze gye dza ɔakyerɛw no to mu a—hwɛ, ha na nyansa wɔ, ma ondua tsenenee kwan do mfa nya dza obotum enya biara, wɔ ahotseweefo no hɔn yieyɛ ntsi.
13 Na ma m’akowaa aOliver Cowdery mboa no, dɛ mbrɛ mahyɛ no no, na bea biara a mebɛse no dɛ ɔnkɔ no, ɔnhwɛ do nkyerɛw, na ɔntsentsen no, na ɔnsa mu, ama biribiara aakɔ do yie wɔ m’enyim, dɛ mbrɛ Sunsum no bodua no mu agye ato mu.
14 Na dɛm na wɔmma hɔn a makã hɔn ho nsɛm no nye hɔn ebusua ebusua nyɛ ntsɛm dɛ mbrɛ wobotum akɛtsena Zion asaase no do, na wɔnyɛ ndzɛmba a mase hɔn no mpo.
15 Na afei, ɔfa dza mese ɔmboaboa ano no—ma bishop nye asɔr no n’ananmusinyi no nsiesie ndzɛmba ntsɛmara mma dɛm ebusua ebusua no a wɔahyɛ hɔn dɛ wɔmbra asaase yi do no, na wosiesie hɔnho wie a wɔakɛtsena hɔn egyapadze asaase no do wɔ mber a obeye mu.
16 Na ɔfa elderfo nye asɔrmba a wɔaka no, wɔbɛkyerɛ hɔn dza wɔnyɛ ekyir yi. Ɔnyɛ hɔ dɛm. Amen.