1 Áádóó nááná, shí, Alma, Diyin God áshidííniid Amulek bił dahdidííʼash dóó díí diné nináádiníítʼį́į́ł, doodago Ammonihahdi diné kintahgi kéédahatʼínígíí, áádóó baa hoolzhiizh naʼnishtingo hahoolzhiizh, dóó shichʼįʼ saad adeiyiznil, kódaaníigo:

2 Háísh ánítʼį́? Ákooísh tʼááłaʼí diné tʼáá aaníigo yaahalneʼígíí deidiidląął, díí nahasdzáán nahjįʼ kódoonííł níigo nanitingo?

3 Áko bizaad yee hadziʼígíí tʼáadoo yikʼedaʼdiitą́ą da; háálá nahasdzáán nahjįʼ kódoolníiłgo doo bił béédahózin da.

4 Áádóó ałdóʼ kódaaní: Nizaad doo deidiidląął da Diyin bikʼeh áhodooníiłgo díí kintah ayóó átʼéii tʼááłaʼ ajíní doolchxǫǫł.

5 Áko Diyin God kótʼáó ayóó átʼáo ndoolnishgo doo bił béédahózin da, háálá diné bijéí daastłʼis dóó bikʼos daniłdziłii danilį́.

6 Áádóó ádaaní: Diyin Godish éí hái ájítʼį́, bee óhólníihii diné tʼáá łaʼígo díí diné bee bichʼįʼ ajííłʼaʼ, bee tʼáá aaníinii ádaatʼéii dóó ayóó átʼáo haneʼígíí nihił ííshjáá ádoolnííł.

7 Áádóó dashidoosiłgo shichʼį́ deizįʼ; ákondi shooh, tʼáadoo ádaadzaa da. Áádóó doo tʼą́ą́ʼ nináhinisyéego tʼáá aaníigo bichʼįʼ haasdzííʼ, kódishníigo:

8 Áko shooh, O bąąhí ádaotʼíinii dóó kʼad oochííł biiʼ doo yáʼádanohshóonii, haish yitʼáo nihizází bibee óʼoolʼįįł yę́ę baa deisoonah; aooʼ, haish yitʼáo tʼáá hodinaʼí Diyin God bibee hazʼáanii beideisiyoohnah.

9 Béédaałniihísh nihizheʼé Lehi, Diyin God bilaʼ yee Jerusalemdę́ę́ʼ chʼíbiʼdoodlóóz? Dóóish béédaałniih da tʼáá átʼé diné doo kééhatʼiní góneʼ chínihiníʼeezh?

10 Áádóó daʼ tʼáá íídaaísh baa deisoonah haanéelą́ądi danihizheʼé yę́ę dabidisnaaʼdééʼ yisdáyíʼeezh, dóó ndadootsxiłdééʼ chʼíiníʼeezh, ázhą́ bikʼiské bilákʼeedééʼ ndi.

11 Aooʼ, dóó doo beʼadziil yíneelʼánígóó, bibeeajoobaʼgóó, dóó doo nizaad nihaahastiʼgóó, tʼą́ą́ʼ kólnééhgóó nahasdzáán bikáádóó tʼáá íídą́ą́ʼ ánihiʼdisdiid doo ńtʼę́ę́ʼ, doodago hoolʼáágóó tiʼhoonííh dóó bíighahí bee nihił hazʼą́ą ńtʼę́ę́ʼ.

12 Áko shooh, ánihidishní ádaańdaʼoohkąąh nihiłníʼ; dóó ádaańdaʼsookango tʼéiyá, Diyin God bił hazʼą́ądi yah aníhidoohkah. Ákondi shooh, doo díí tʼéiyá da—ádaandaʼoohkąąh nihidííniid, doodago nahasdzáán bikáádóó nahjįʼ kónihidoolííłgo nanihidoołtsxił; aooʼ, doo bił aanínígíí yee hwiidoołʼaał; dóó tʼáá íiyisíí doo bił aanínígíí doo niʼkwiidoolííł da.

13 Áko shooh, dooísh béédaałniih da éí Lehi yee yichʼįʼ haadzííʼ, kóníigo: Shibee hazʼáanii bikʼeh honołʼį́įgo, kéyah bikááʼgóó daʼohtʼį́į doo? Áádóó ánááhodooʼniid: Doo shibee hazʼáanii bikʼeh honołʼį́į́góó Bóhólníihii doo nihił hólǫ́ǫ da dooleeł.

14 Áko díí béédaałniih, Laman dineʼé éí Diyin God bibee hazʼáanii doo yikʼeh dahołį́į da, Diyin Bóhólníihii bitsʼą́ą́dóó nahjí kóbiʼdiilyaa. Kʼad bikʼihdaʼdiitą́ Bóhólníihii bizaad yee haadzííʼę́ę bohoolyaa, áádóó Laman dineʼé bitsʼą́ą́dóó nahjí kódabiʼdiilyaa, kéyahdi bee hazʼáanii kʼídeiyiztiʼyę́ędą́ą́ʼ dóó hóshdę́ę́ʼ.

15 Ákótʼée ndi ánihidishní, ánahootʼaah bijį́įdi bí éí tʼáá achʼįʼgo bá nahodootʼááł nihí éí ndagaʼ, nihibąąhági ádaatʼéii tʼah deinóhtąʼgo, aooʼ, áko kʼad ndi hózhǫ́ áchʼįʼgo bikʼih siláa doo nihí éí ndagaʼ, tʼáá hazhóʼó ádaańdaʼsookango tʼéiyá.

16 Háálá Laman dineʼé éí ląʼígo yáʼátʼéehii bee bikʼih hojidoodliił; háálá dabizází bibee óʼoolʼįįł biniinaa tʼahdii doo bił éédahoozįįh da; éí bąą Bóhólníihii baa joobaʼgo tʼáá náás kéyah yikááʼ keedahatʼį́į doo.

17 Áádóó náás hoolzhiizhdi bizaad deidoodląął, dóó dabizází bibee óʼoolʼįįł doo ákodaatʼé yę́ę bił béédahodoozįįł; dóó tʼóó ahayóí yisdádookah, háálá Diyin Bóhólníihii tʼáá ałtso yaa joobaʼ tʼáá háishį́į́h bichʼįʼ sodadilzinígíí.

18 Ákondi shooh, ánihidishní díí bąąhági átʼéii tʼah baanaahkaidą́ą́ doo náásgóó kéyah bikááʼ honohłǫ́ǫ da doo, háálá Laman dineʼé éí nihichʼį doolʼaał; dóó doo adaandaʼoohkąąhgóó doo nideinóhłíígóó nihaatihdookah, dóó danihidooghááł; dóó éí Bóhólníihii tʼáá íiyisíí hashkéhígíí bikʼehgo bohodoolnííł.

19 Háálá nihibąąhágiʼ átʼéii biiʼ kéédahoniitʼį́į́go doo yee hasʼą́ą da, áko bidineʼé ayídoołdįįłgo ánihidishní, Ndagaʼ, Laman dineʼé éí Nephi dineʼé daolyéhígíí tʼáá átʼé deidooghą́ą́łgo yá hasʼą́ éí Diyin bidineʼé dajilį́, ndi bąąhági ádaatʼéii dóó niʼiilzííh biih jookaigo, ázhą́ biBóhólníihii Diyin God ląʼí biʼbeeʼádinídiin dóó biʼbeeʼééhózinii beiníláa ndi;

20 Aooʼ, Bóhólníihii bidineʼé alááh baa joobaʼii dajilį́į ńtʼę́ę́ʼ; aooʼ, tʼáá áłtso ałʼąą dineʼé dah deiyíkahii, ałkʼéí danidliinii, bizaad ałʼąą ádaatʼéii, dóó tʼáá áłtso diné biláahdi aaníinii dajílį́į ńtʼę́ę́ʼ; tʼáá ałtsoní bił ííshją́ą́ ádaalyaa ńtʼę́ę́ʼ, ádeinízinígíí bikʼehgo, dóó biʼdaʼoodląʼ, dóó biʼsodizin, éí ákodaatʼéé ńtʼę́ę́ʼ, dóó tʼahdii ádaatʼé, dóó éí náásdi ádaatʼéé doo;

21 Diyin God biʼIiʼ Sizį́ Diyinii baa niyá; Diyin yá ndaalʼaʼí yił yááłtiʼgo, dóó Diyin Bóhólníihii bichʼįʼ haadzííʼ; dóó diyingo áhodooníłígíí, dóó diyingo ił ííshją́ą́ ályaaígíí, dóó ałdóʼ ląʼída aadahaasyá, dóó ałʼąąh saad bee yáʼátiʼ aayílyái, dóó bee naʼnitin aayílyái dóó Iiʼ Sizį́ Diyinii aa yílyéíi, dóó bee ataʼ haneʼ ayílai shee hólǫ́ǫgo.

22 Aooʼ, dóó Jerusalem kéyahdę́ę́ʼ Diyin God chʼihoníʼeezh, Bóhólníihii bilá yee; dichin, dóó tsííhniidóóh, dóó tʼáá átʼé ałʼąą átʼéego naałniih bitsʼą́ą́dóó yisdáʼhwííʼeezh, dóó bidziilgo ndaazbaaʼ, áko doo ndabiʼdiʼdootsxił da; dóó ląʼídi dabiʼdisnah dę́ę́ʼ chʼééhbiʼdiitʼeezh, dóó kójįʼ dahdeiyíkaahgo baa ahayą́ągo ahoolzhiizh, dóó tʼáá ałtsojįʼ daʼatʼį́įgo deeskai.

23 Áádóó áko shooh ánihidishní, díí diné, Bóhólníihii bilákʼéídóó ląʼí bikʼihoojisdliʼgo, adinídiin dóó ééhóziníí bee hólǫ́ǫ ndi daʼasihgo, ánihidishní díí kotʼéego, niʼiilzííh yiih yikaigo, Laman dineʼé tʼáá yídeighahgo yiiʼ chʼídookah bíjígo éí ndagaʼ.

24 Háálá áko shooh, Bóhólníihii éí Laman dineʼé yikʼi hojididoodliiłgo yee haadzííʼ, ndi ndaʼíyoosihgo éí doo nihá bikʼihoodooleeł da; tʼáá ííshjání tʼáá aaníí átʼéego yee nihichʼįʼ haadzííʼ, bikʼihjįʼ dasolį́įgo éí nahasdzááń bikááʼdóóísh ánihidoołdįįł?

25 Áádóó áko díí biniinaa, dóó ánihidoołdį́į́ł da, Diyin Bóhólníihii bá naalʼaʼí bidineʼé tʼóó ahayóí yitaa doogááłgo ayíłʼaʼ, díí diné yee yił hodoolnih, kóníigo: Ádaańdaʼoohkąąh, háálá yáʼąąshdí hazʼą́ koshídę́ę́ʼ hoolzhiish;

26 Áádóó táá dikwíí yiskáígo tsʼídá alááh átʼéii Diyin God biYeʼ doogááł, dóó biayóóʼátʼéii nihiTaaʼ Tʼáá Éí Tʼéiyá Bá Yizhchíinii binałtʼée doo, bibee ajoobaʼ bee hólǫ́, aheełtʼéego, dóó tʼáá aaníinii, haʼahoonih bee hólǫ́, joobá, dóó nízaadgóó haʼólní, bidineʼé bisodizin táá hooshchʼįʼ yididootsʼį́į́ł dóó bisodizin yikʼi áhodoolííł.

27 Áádóó áko shooh, ádaańdaʼooskango tó bee dabiʼdoolzį́hígíí éí yá nináʼdoodlééł, bizhiʼ deiyoodlą́ągo.

28 Éí bąą, Bóhólníihii bá hashtʼeʼádadoołnééh, háálá tʼáá ałtso diné ádaʼiiláahígíí bikʼehgo bikʼih hoozhdoodlííłgo bichʼįʼ hoolzhish, ádaajítʼéhígíí bikʼehgo—diyinkʼehgo deiyíkááhgo biiʼ sizíinii yisdádahidookah, Jesus Christ beʼadziilii dóó beyisdáiildeeh bikʼehgo; dóó doo yáʼáshóonii ádaʼałʼį́įgo éí tʼáá bí hoyéeʼjį́ ádaandahidootʼááł, biʼiiníziinii bibeʼadziilii bee dóó yizadookah.

29 Ákohgo, díí Diyin yá naalʼaʼí bizhíh átʼé, diné yichʼįʼ haadzííʼ.

30 Áádóó áko, shikʼéí ayóó ánihííníshníinii, háálá shikéí danohlį́, dóó ayóó ánihídoonih, dóó bindaałnishígíí ádaanáʼookąąh bináłtʼéhígíí ádaohłeʼ, bééhózinígo tʼáá íiyisíí nihijéí daastłʼis nihiDiyin God bizaad bikʼihjįʼ, dóó bééhózinígo yóóʼoohkai dóó diné bąąhági átʼéii yiihyikai danohłį́.

31 Áko baa hoolzhiizh éí shí, Alma, díí saad bee hahaasdzííʼgo, shooh, diné shichʼįʼ bádahóóchįįd háálá diné bijéí daastłʼisii dóó bikʼos dááłdziłii danohłį́ bidííniid.

32 Áádóó ałdóʼ yóóʼoohkai dóó diné baa ndahóókaadii danohłį́ bidíiniidgo biniinaa shichʼįʼ bádahoochįįd, dóó dahshíísiłgo shichʼį́ dahdiijééh, awolyáh yąąh adahshidiyoołhąąłgo.

33 Ákondi baa hoolzhiizh Bóhólníihii doo kʼad awolyá góneʼ yah adashidiyoołhą́ą́łgo yee hoołʼą́ da.

34 Áádóó baa hoolzhiizh Amulek yichʼįʼ dahdiiyá dóó yidaahdóó niníyá dóó neineeztʼą́ą́ʼ. Áádóó áko Amulek bizaad yee hahaadzííʼ yę́ę éí doo tʼáá átʼé nahaasdzoh da, ákótʼée ndi łahdóó bizaad yę́ę éí díí biyiʼ ndahásdzoh.