Alma Binaaltsoos
éí Alma biYeʼ

1 Ákohgo baa hoolzhiizh tʼááłʼáʼí náhaahgo andahwiiʼaahii Nephi bidineʼé yikʼi dahwéeʼaah, háhoolzhiizh, aláahdi naatʼáanii Mosiah niʼ bikááʼdóó dah nídiizá, bidziilgo naazbaaʼ, Diyin God yáʼátʼéehgo yikééʼ sizį́į́ ńtʼę́ę́ʼ, doo éí łaʼ bikéédóó nááhodeezʼą́ą da; ákótʼée ndi bibee hazʼáanii łaʼ haidiilaa, dóó éí diné ńdeidiilá; éí bąą bee hazʼáanii áyiilaaʼígíí yikʼeh dahółʼį́įgo dahiináá ńtʼę́ę́ʼ.

2 Áádóó baa hoolzhiizh áłtsé náháahgo Alma ánihwiitʼaah-hazʼádę́ę́ʼ hooʼááłgo, diné léíʼ baa náhódóotʼįįłgo bidaah niidlóóz, éí diné bitah hótsaaz, dóó bidziilgo bééhoʼdílzin.

3 Áádóó diné yitaayá, Diyin God bizaad bí yaa ntsézkézígíí diné yee neinitin, sodizin yikʼijįʼ nilį́įgo; tʼáá átʼé priest dóó ndaʼnitinígíí baa dahaniih doo níigo diné yił halneʼ, dóó doo bílaʼ yee ndaalnish da dooleeł, ákondi diné baa ádaʼhalyá doo.

4 Áádóó nihoníyáadi tʼáá átʼé nihokááʼ diné yisdádookah níigo diné neineeztʼą́ą́, tʼáadoo ndaałdzidí dóó dadoohtsxzí, ákondi deiʼádaohnééh dóó nihił dahózhǫ́; háálá Bóhólníihii diné tʼáá ałtso áyiilaa, dóó táá átʼé diné yánináʼnídlá, dóó, nihoníyáadi; táá ałtso diné hoolʼáágóó iiná baa dahidoolyééł.

5 Áádóó baa hoolzhiizh ląʼída neineeztą́ąhígíí bizaad deiyoosdląąd, ląʼí silį́įgo baaʼádahalyą́ dóó béeso baa deiyiznil.

6 Áádóó bijéí yee adaadzoodlí silį́į́ʼ, dóó ééʼdaʼílíinii yee haditʼé, aooʼ, dóó sodizin haidiilaa binaʼnitinígíí bikʼehgo.

7 Áádóó baa hoolzhiizh dahdiiyá, bizaad deiyoosdląądígíí neidinóotʼį́į́łgóó, diné Diyin God bisodizin atahígíí łaʼ baa niyá, aooʼ, naʼnitiní nilį́į léíʼ; áádóó yéego saad bikʼeʼaschʼį́į́ʼígíí ałchʼįʼ ayiznil, diné sodizin yitah danilínígíí dahyididooʼish nizingo; ákondí diné tʼáadoo tʼą́ą́ʼ kodzáa da, Diyin bizaad yee háchʼahóóshkeed.

8 Áko éí diné éí Gideon wolyé; dóó éí Diyin God bibee naʼanishí nilį́įgo Limhi bidineʼé bidisnah dę́ę́ʼ yisdáyiiʼeezh.

9 Áko, Gideon Diyin God bizaad yee hachʼah hóóshkeedʼígíí biniinaa Gideon yichʼįʼ báhoochʼįįd, dóó bibééshał yił haadéél dóó yee náhoneesghaal. Áko Gideon hastihgo, biniinaa hakʼiʼiilghaalgo doo bichʼįʼ hadziil da, éí bąą béésh hał bee hoʼdiisxį́.

10 Áádóó diné hwiisxínígíí sodizinjí daʼatahígíí dahasił, dóó Alma bidaahdóó nahoʼdeidlóóz, áko niʼjiisííh yę́ę bee hánahodootʼįįł.

11 Áádóó baa hoolzhiizh Alma bidaahdóó jizį́ dóó tsʼídá doo naaldzidgo adáʼhahásdzį́į́ʼ.

12 Ákondi Alma abiłní: Shooh, díí tsʼídá kʼad índa doo yáʼádááshóonii diné bichʼįʼ ííshjání alyaa. Áádóó áko shooh, doo éí doo yáʼádááshóonii tʼéiyá bee haʼnidoolʼį́į da, ákondí béésh háł bichʼą́ą́h síníłtʼą́ą́góó íínlaa; dóó doo yáʼádááshóonii diné choiyołʼį́įgóó bikʼihjí siláago éí tsʼídá ałtso dabidoołchʼǫǫł.

13 Áádóó diné yáʼátʼéehii éí siiyíníłʼxį́, aooʼ, éí diné díí diné bitahgo ląʼígo yikaʼalwod; dóó biʼdiisʼyínígíí tʼáadoo baa ndasiitʼįįdgóó tʼóó nihikʼihjí ndoodlééł.

14 Éí bąą ndiyoolyééłgo bee nánahootʼą́, Mosiah, akéédi nihialáahdi naatʼáanii yę́ę, bibee hazʼáanii neiníláhą́ą́ bikʼehgo, dóó díí diné yee lą́ daʼasłį́į́ʼ; éí bąą díí diné bee hazʼáanii yadaʼółį́į doo.

15 Áádóó baa hoolzhiizh dahdeidiilooz; dóó éí Nehor wolyé; áádóó Manti dah yisʼkid bilátahjí hadeestʼį́, dóó áadi kodíínííł biʼdoonííd, doodago kódíinííd, yáʼąąsh dóó nahasdzáán bitahgiʼ, diné yee néineeztʼą́hígíí éí Diyin God bizaad bitsʼą́ą́jí átʼé, dóó áadi tʼóó baa yáhosingo bichʼįʼ nahaʼnáago bidiisʼxį́.

16 Ákondi, díí doo yáʼádááshóonii adahwiisʼáágóó doo niʼkódaadzaa da; háálá ląʼída nahasdzáán bikááʼgóó tʼáadoo bee chʼoidooʼįįłígíí ayóó ádeiyooʼní, dóó naʼnitin tʼóó ádaatʼéehígíí yee ndaʼnitin; díí éí átʼį́ dóó adaahodzoodlį́į́ biniyé adajíítʼįįd.

17 Ákondi, yoochʼííd éí niʼ kódeiyoosin, béédahodoozįįł da, háálá bééhazʼáanii yee daalzidígíí biniinaa; háálá dabiyoochʼidígíí éí atíhdabiʼdiʼdoolʼnííł; éí bąą tʼóó adaʼdilíigo bibeʼoodląʼ yee ndaʼnitin; áádóó áko bee hazʼáanii diné beʼoodląʼ doo bikʼih bidziil da.

18 Áádóó doo daʼdinóoʼį́įł da, háálá bee hazʼáanii yeedaldzid, háálá éí atídabididoolnííł; dóó doo éí háida yaa daʼdinóoʼį́į́ł da, doodago niʼdoołtsił da, háálá háida íísxį́įgo éí ánoonééł bee atídoolnííł.

19 Ákondi baa hoolzhiizh háida doo Diyin God bisodizin doo daʼatahgóó Diyin God bisodizin daʼatahígíí atídeiłʼį́ dóó Christ bizhiʼ ákʼdeidiitʼą́.

20 Aooʼ, atideiyiilaa, dóó saad hachįʼ adeiyiznil, joobaʼ dajílinígií biniinaa; doo ádaadahaʼniihgo dadeezʼįʼígíí bininaa, doo Diyin God bizaad yaa dahalneʼígíí biniinaa, ahił dahalne go, béeso doo haʼníígóó.

21 Áko sodizin daʼatahígíí bitahgo bee hazʼáanii hózhǫ́ bidziilígíí silá, háídá, sodizin daʼatahígíí, doo sodizin daʼatahígíí atídeiłʼį́į da dooleeł, dóó tʼáá bitah doo atídaʼahilʼį́į da dooleeł.

22 Ákótʼée ndi ląʼída bitahgo adaadahanih daazlʼį́į́, dóó bikʼihjįʼ danilínígíí saad yéego yee ałchʼįʼ adeyiznil, hónaasiiʼ ałkʼiijééʼ, aooʼ, bilaʼ yee atídaʼahilį́.

23 Áko díí naaki góneʼ yihah Alma akʼinahaʼá, dóó sodizin yéego bichʼįʼ nahwiiʼná; aooʼ, sodizin yee ląʼígo tiʼhoonííh.

24 Háálá ląʼída bijéí daastłʼis, dóó bizhiʼ nahjįʼ hahaasdzoh, áko Diyin God bidineʼé bitahgóó doo bééhániih da. Áádóó ląʼída ałdóʼ nahjįʼ atsʼáhaaskai.

25 Áko daʼoodláago dabidziilígíí díí yéego bichʼįʼ ndahwiiłná, ákondi, Diyin God bibee hazʼáanii doo nahjįʼ kódaanééhgóó yikʼeh dahółʼį́ dóó yá naazį́, dóó atídabiʼdilínígíí bichʼįʼ kódaalʼį́į ndi yídaníłdzilgo yidadiilkaal.

26 Áádóó priest danilínígíí éí Diyin God bizaad diné yił dahodoolnih biniyé binaanish niʼ kódeiyiilaa dóó dah diikai, diné ałdóʼ Diyin God bizaad deididootsʼį́į́ł biniyé binaanish niʼ kódeiyiilaa. Áádóó nááʼiiłniihii Diyin God bizaad ndeineeztą́ą́ʼgo tʼáá átʼé bindaanish yindadeeshnish; dóó nááʼiiłniihii, dabíístsʼąʼígíí doo yilááhgóó ádaadadzólíi da, háálá naʼnitiní ídahooʼaahii doo yilááh átʼée da, áko tʼáá átʼé tʼáá ahedaałtʼéego, ahíłkáʼandaajah, diné tʼáá laʼí nízinígo beʼdaʼadziilígíí bikʼehgo.

27 Áádóó binaadeełii ałtaadeiniih, táá ałtso diné bee dahólónígíí bikʼehgo, baa dahojoobáʼígíí, dóó bee dahólónígíí, dóó bitah dahoneezgaaʼígíí, dóó bichʼįʼ andahazʼtiʼígíí; áádóó ééʼ daʼílíinii doo dabiʼéʼígíí, ákondi biʼééʼ yáʼádaatʼééh dóó danizhóní.

28 Áádóó sodizin bídadéétʼiʼígíí hashtʼe deiyiilaa; áko ahodiilzééh áłahjįʼ bee dahólǫ́ silį́į́ʼ, atídabiʼdilʼį́į ndi.

29 Áádóó áko, sodizin niłdzil silį́įgo yéego daʼatʼį́ daazlįįʼ, tʼáá ałtso íiyisíí danidzinyę́ę doo bidin hóyééʼ da silį́į́ʼ—ląʼígo łį́į́ʼ dóó nanilkaadígíí, dóó daneeskʼahígíí tʼáá átʼé, dóó ląʼígo tłʼoh naadą́ą́ʼ dóó béésh óola, dóó béésh łigaii, dóó daʼílíinii, naatʼą́hí daʼílíinii, doo naʼatʼą́hí daʼálíinii dóó táá ałtso naʼatʼąhí ałʼąą ádaatʼéii, dóó tʼáá átʼé naʼatʼąhí danizhóní.

30 Áko, daʼátʼį́į́go bił hooʼaʼ, biʼééʼ ádaadinígíí doo tʼóó yedaʼasniiʼ da, doodago dichin danilinígíí, doodago dibááʼ danízinígíí, doodago bitah dahoneezgaiʼígíí, doodago haida doo bidaʼiilzáhígíí, áádóó bee daʼatʼíinii tʼáadoo bijéí yiih deizlaa da; éí bąą diné tʼáá ałtsojįʼ yikaʼandaalwoʼ, tʼáá áłah hadaastihígíí dóó nooséłí, tʼáá áłah ąąh shijééʼ dóó tʼáá bineʼ naakaiiʼígíí, tʼáá áłah hastóí dóó sáanii, daʼoodlánígíí dóó doo daʼoodlánígíí, diné ałʼoh ádaatʼée ndi tʼáá ałtso aheełtʼéego baa nitsáhákees.

31 Áádóó daʼatʼį́ daazlį́į́ʼ dóó sodizin doo daʼatahígíí tsʼídá yilááhgo daʼatʼį́ daazlį́į́ʼ.

32 Háálá doo bisodizin daʼatʼahígíí biniinaa daʼdilghąsh, dóó bidaʼalyai dilzin doodago íłhóyééʼ, dóó tʼáá ádzáago yáʼátiʼ, dóó ádáhwiinizin dóó áhinídiijah; ééʼdaʼílíinii yee haditʼé; ákótʼée ndi, ádaadadzódlí yee ádadootʼį́, atiʼalʼį́, naʼadloʼ, antʼįįh, aghaʼiiʼnííł, ałhaaʼdilyé yaa naakai, dóó ndaʼałtseed, dóó tʼóó ahayóí ałʼąą bąąhági ádaatʼínígíí; ákótʼée ndi, bééhazʼánii tʼáá ałtso ndaʼiisihígíí bikʼihjįʼ niilyá, tʼáá bóhooneidzánígiʼ átʼáo.

33 Áádóó baa hoolzhiizh bééhazʼáanii yikʼijįʼ kódeiłʼį́, tʼáá ałtso diné ádáatʼidígíí bikʼehgo tiʼdahoozniiʼ, éí doo adaadzaaʼí da, dóó béédahodoozį́į́łʼígíí biniinaa doo bąąhágii ádaanééh da; éí bąą, Nephi bidineʼé bitahgo ahodiilzééʼgo andahwiiʼaahii ndahaʼáago ashdląʼ nááhai.