ພາກທີ 40
ການເປີດເຜີຍທີ່ມອບໃຫ້ແກ່ໂຈເຊັບ ສະມິດ ຜູ້ເປັນສາດສະດາ ແລະ ຊິດນີ ຣິກດອນ, ທີ່ເມືອງເຟແອດ, ລັດນິວຢອກ, ວັນທີ 6 ເດືອນມັງກອນ, 1831. ກ່ອນບັນທຶກການເປີດເຜີຍນີ້, ປະຫວັດຂອງສາດສະດາ ກ່າວວ່າ, “ເພາະເຈມສ໌ [ໂຄແວວ] ໄດ້ປະຕິເສດພຣະຄຳຂອງພຣະຜູ້ເປັນເຈົ້າ, ແລະ ໄດ້ກັບຄືນໄປຫາຫລັກທຳ ແລະ ຜູ້ຄົນເກົ່າຂອງລາວ, ພຣະຜູ້ເປັນເຈົ້າຈຶ່ງໄດ້ມອບການເປີດເຜີຍດັ່ງຕໍ່ໄປນີ້ໃຫ້ແກ່ຂ້າພະເຈົ້າ ແລະ ຊິດນີ ຣິກດອນ” (ເບິ່ງ ພາກທີ 39).
1–3, ຄວາມຢ້ານກົວການຂົ່ມເຫັງ ແລະ ຄວາມເປັນຫ່ວງສິ່ງທາງໂລກເຮັດໃຫ້ປະຕິເສດພຣະກິດຕິຄຸນ.
1 ຈົ່ງເບິ່ງ, ຕາມຄວາມຈິງແລ້ວ ເຮົາກ່າວກັບເຈົ້າວ່າ ຫົວໃຈຂອງຜູ້ຮັບໃຊ້ຂອງເຮົາ ກເຈມສ໌ ໂຄແວວ ເຄີຍຖືກຕ້ອງຕໍ່ເຮົາ, ເພາະລາວໄດ້ເຮັດພັນທະສັນຍາກັບເຮົາວ່າ ລາວຈະເຊື່ອຟັງຄຳຂອງເຮົາ.
2 ແລະ ລາວໄດ້ ກຮັບຄຳດ້ວຍຄວາມຍິນດີ, ແຕ່ຊາຕານໄດ້ລໍ້ລວງລາວທັນທີ; ແລະ ຄວາມຢ້ານກົວ ຂການຂົ່ມເຫັງ ແລະ ຄວາມເປັນຫ່ວງສິ່ງທາງໂລກເຮັດໃຫ້ລາວ ຄປະຕິເສດພຣະຄຳ.
3 ດັ່ງນັ້ນ ລາວຈຶ່ງໄດ້ຝ່າຝືນພັນທະສັນຍາ, ແລະ ມັນຂຶ້ນກັບເຮົາທີ່ຈະຈັດການກັບລາວຕາມທີ່ເຮົາເຫັນວ່າດີ. ອາແມນ.