ພາກທີ 114
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ທີ່ເມືອງຟາແວັດ, ລັດມີເຊີຣີ, ວັນທີ 11 ເດືອນເມສາ, 1838.
1–2, ຕຳແໜ່ງຂອງສາດສະໜາຈັກທີ່ຄົນບໍ່ຊື່ສັດໄດ້ຮັບຈະຖືກມອບໃຫ້ຄົນອື່ນ.
1 ຕາມຄວາມຈິງແລ້ວ ພຣະຜູ້ເປັນເຈົ້າໄດ້ກ່າວດັ່ງນີ້: ມັນເປັນຄວາມສະຫລຽວສະຫລາດຂອງຜູ້ຮັບໃຊ້ຂອງເຮົາ ເດວິດ ດັບເບິນຢູ ແພດເຕັນ, ທີ່ລາວຈະເຮັດພາລະກິດທັງໝົດຂອງລາວ ໃຫ້ຮຽບຮ້ອຍໂດຍໄວເທົ່າທີ່ລາວຈະສາມາດເຮັດໄດ້, ແລະ ໄດ້ຈຳໜ່າຍຈ່າຍແຈກສິນຄ້າຂອງລາວ, ເພື່ອວ່າລາວຈະໄດ້ເຮັດພາລະກິດຢ່າງໜຶ່ງໃຫ້ແກ່ເຮົາໃນລະດູໃບໄມ້ປົ່ງປີຕໍ່ໄປ, ພ້ອມກັບຄົນອື່ນໆ, ແມ່ນແຕ່ສິບສອງຄົນຮວມທັງຕົວລາວ, ໃນການເປັນພະຍານເຖິງນາມຂອງເຮົາ ແລະ ນຳຂ່າວອັນໜ້າຊື່ນຊົມໄປສູ່ທົ່ວໂລກ.
2 ເພາະຕາມຄວາມຈິງແລ້ວ ພຣະຜູ້ເປັນເຈົ້າໄດ້ກ່າວດັ່ງນີ້, ວ່າຕາບໃດທີ່ມີຄົນໃນບັນດາພວກເຈົ້າທີ່ປະຕິເສດນາມຂອງເຮົາ, ຄົນອື່ນຈະຖືກ ກແຕ່ງຕັ້ງ ຂຂຶ້ນແທນພວກເຂົາ ແລະ ຮັບເປັນຝ່າຍອະທິການຂອງພວກເຂົາ. ອາແມນ.