፩ የቤተክርስቲያኔ ሽማግሌዎች ሆይ፣ አድምጡ፣ እና ለሕያው አምላክም ድምፅ ጆሮአችሁን ስጡ፤ እናም በምድር ውስጥ ስላሉት መናፍስት፣ እና ቤተክርስቲያኗን እንደሚነካው እና እንደተስማማችሁት ስለጠየቃችሁኝ የሚሰጣችሁን የጥበብ ቃላት አድምጡ።

፪ እነሆ፣ እውነት እንዲህ እላችኋለሁ፣ አለምን የሚያታልሉ፣ በምድር ውስጥ የሚሄዱ፣ ብዙ የሀሰት መናፍስት የሆኑ መናፍስት አሉ።

፫ እናም ሰይጣን፣ እንዲጥላችሁም፣ ሊያታልላችሁ ፈልጓል።

፬ እነሆ፣ እኔ ጌታ እናንተን ተመልክቼአለሁ፣ እናም በስሜ በምትታወቀው ቤተክርስቲያን ውስጥም አፀያፊነቶችን ተመልክቻለሁ።

፭ ነገር ግን፣ በህይወትም ይሁን በሞት፣ ታማኝ የሆኑ እና የሚጸኑ የተባረኩ ናቸው፣ ዘለአለማዊ ህይወትን ይወርሳሉና።

፮ ነገር ግን ለሚያስቱ እና ለግብዞችም ወዮላቸው፣ ምክንያቱም፣ ጌታ እንዲህ ይላል፣ ወደ ፍርድ አመጣቸዋለሁና።

፯ እነሆ፣ እውነት እላችኋለሁ፣ ከእናንተ መካከል፣ አንዳንዶችን በማታለል ለጠላት ሀይል የሰጡ ግብዞች አሉ፤ ነገር ግን እነሆ እነዚህም ደግመው ሊመለሱ ይችላሉ፤

፰ ግብዞቹ ግን፣ በዚህ ህይወትም ይሁን በሞት፣ እንደፈቃዴ ይታወቃሉ እናም ይቆረጣሉ፤ እናም ከቤተክርስቲያኔ ለተቆረጡ ለእነርሱ ወዮላቸው፣ በአለም ተሸንፈዋልና።

፱ ስለዚህ፣ በፊቴ እውነት እና ፅድቅ ያልሆነውን እንዳያደርግ እያንዳንዱ ሰው ይጠንቀቅ።

፲ እናም አሁን፣ በመንፈስ ወደ ቤተክርስቲያኑ ሽማግሌዎች፣ ኑ ይላል ጌታ፣ እና ይገባችሁ ዘንድ እንወቃቀስ፤

፲፩ ሰው እርስ በርሱ እንደሚወቃቀስም ፊት ለፊት እንወቃቀስ።

፲፪ አሁን፣ አንድ ሰው ሲወቃቀስ ሰውም ይረዳዋል፣ ምክንያቱም እንደ ሰው ይወቃቀሳልና፣ እንዲሁም እኔ ጌታ፣ ይገባችሁ ዘንድ ከእናንተ ጋር እወቃቀሳለሁ።

፲፫ ስለዚህም፣ እኔ ጌታ ይህን እጠይቃችኋለሁ—ስለምን ነበር የተሾማችሁት?

፲፬ በመንፈስ፣ እንዲሁም እውነትን ለማስተማር በተላከው አፅናኝ፣ ወንጌሌን ትሰብኩ ዘንድ ነው።

፲፭ እና ከዚያም የማይገባችሁን መናፍስት ተቀብላችሁ፣ እናም ከእግዚአብሔር እንደሆኑም በማስመሰል እነዚህን ትቀበላላችሁ፤ እናም በዚህስ ትጸደቃላችሁን?

፲፮ እነሆ ይህን ጥያቄ ራሳችሁ ትመልሳላችሁ፤ ይሁን እንጂ፣ ምህረት አደርግላችኋለሁ፤ ከዚህ በኋላ በእናንተ መካከል ደካማ የሆነ ብርቱም ይሆናል።

፲፯ እውነት እላችኋለሁ፣ በእኔ ተሹሞ እና፣ በእውነት መንፈስ በኩል፣ በአፅናኙ የእውነትን ቃል ለመስበክ እንዲሄድ የታዘዘ፣ በእውነት መንፈስ ይሰብካልን ወይስ በሌላ ዘዴ?

፲፰ እናም በሌላ ዘዴ ከሆነ ከእግዚአብሔር አይደለም።

፲፱ እና ደግሞም፣ የእውነትንስ ቃል የተቀበለው፣ በእውነት መንፈስ ነው ወይስ በሌላ ዘዴ?

፳ በሌላ ዘዴ ከሆነ ከእግዚአብሔር አይደለም።

፳፩ ስለዚህ፣ ቃልን በእውነት መንፈስ የተቀበለው በእውነት መንፈስ ተሰብኮለት እንደተቀበለው፣ የማይገባችሁ እናም የማታውቁት ለምንድን ነው?

፳፪ በዚህም ምክንያት፣ የሚሰብከው እና የሚቀበለውም እርስ በርሳቸው ይግባባሉ፣ እና ይተናነጻሉ እና አብረውም ይደሰታሉ።

፳፫ እና ያለማነጽ ያልሆነውም ከእግዚአብሔር ዘንድ አይደለም፣ እና ከጭለማ ነው።

፳፬ ከእግዚአብሔር የሆነው ብርሀን ነው፤ እና ብርሀንን ተቀብሎ በእግዚአብሔር የሚቀጥል፣ ተጨማሪ ብርሀንን ይቀበላል፤ እናም ብርሀኑም ፍጹም እስከሆነው ቀን ድረስም እየጨመረ ይበራል።

፳፭ እና ደግሞም፣ እውነት እላችኋለሁ፣ እናም ይህን የምለውም እውነቱን ታውቁ ዘንድ፣ ከመካከላችሁም ጭለማን ታስወግዱ ዘንድ ነው፤

፳፮ ምንም እንኳን እርሱ ታናሽ እና የሁሉ አገልጋይ ቢሆንም፣ በእግዚአብሔር የተሾመ እና የተላከ፣ እርሱ ታላቅ ይሆን ዘንድ ተመርጧል።

፳፯ በመሆኑም፣ እርሱ የሁሉም ነገሮች ባለቤት ነው፤ በሰማይ እናም በምድር በልጁ ኢየሱስ ክርስቶስ እንደ አብ ፈቃድ የተላኩ ነገሮች ሁሉ፣ ህይወት እና ብርሀን፣ መንፈስ እና ሀይል፣ ለእርሱ ተገዢ ናቸውና።

፳፰ ነገር ግን ከሁሉም ኃጢአት የጸዳ እና የነጻ ካልሆነ በስተቀር ማንም ሰው የሁሉም ነገሮች ባለቤት ሊሆን አይችልም።

፳፱ እና ከሁሉም ኃጢአቶች ከጸዳችሁ እና ከነጻችሁ፤ የምትሹትን ሁሉ በኢየሱስ ስም ትጠይቃላችሁ እናም ይህም ይከናወናል።

፴ ነገር ግን ይህን እወቁ፣ የጠየቃችሁት ይሰጣችኋል፤ እናም የመሪነት ሀላፊነት ሲሰጣችሁም፣ መናፍስትም ይገዙላችኋል።

፴፩ በመሆኑም፣ እንዲህም ይሆናል፣ የማትረዱትን መንፈስ ስታዩ፣ እና መንፈሱንም ካልተቀበላችሁ፣ አብን በኢየሱስ ስም ጠይቁ፤ እና ያን መንፈስ እርሱ ካልሰጣችሁ፣ ከዚያም ከእግዚአብሔር እንዳልሆነ ታውቃላችሁ።

፴፪ እና ለእናንተም በዚያ መንፈስ ላይም ሀይል ይሰጣችኋል፤ እና ያ መንፈስ ከእግዚአብሔር እንዳልሆነም በታላቅ ድምጽ ታሳውቁታላችሁ፣

፴፫ በመንፈሱም እንዳትሸንፉ፣ በስድብ ቃል ሳይሆን፣ ወይም በዚያም እንዳትያዙ፣ በኩራት ወይም በደስታ ሳይሆን፣ ከእግዚአብሔር እንዳልሆነ ታሳውቁታላችሁ።

፴፬ ከእግዚአብሔር የተቀበለውም፣ ከእግዚአብሔር እንደተቀበለው ይቁጠረው፤ እናም ለመቀበልም በእግዚአብሔር ብቁ ሆኖ ስለተቆጠረም ይደሰት።

፴፭ እናም በማድመጥ እናም የተቀበላችሁትን እነዚህን ነገሮች—እናም ከአብ መንግስቱን፣ እና ከእርሱ ያልተመደቡትን ነገሮች ለማሸነፍ ሀይል ተሰጥቷችኋል—እናም ከዚህም በኋላ የምትቀበሏቸውን በማድረግ፣

፴፮ እናም እነሆ፣ በእውነትም እንዲህ እላችኋላሁ፣ በአገልጋዬ አንደበት የተሰጡትን እነዚህን ቃላቴን አሁን የምታደምጡ ሁሉ የተባረካችሁ ናችሁ፣ ለኃጢአቶቻችሁ ምህረት ተሰጥቷችኋልና።

፴፯ የተደሰትኩበት አገልጋዬ፣ ጆሴፍ ዌክፊልድ እና አገልጋዬ ፓርሊ ፒ ፕራት ከቤተክርስቲያናቱ መካከል ይሂዱ እናም በምክር ቃላትም ያጠናክሯቸው፤

፴፰ እናም አገልጋዬ ጆን ኮርል፣ ወይም ለዚህ ሀላፊነት የተሾሙት አገልጋዮቼ ሁሉ፣ በወይን ስፍራ ወስጥ ያገልግሉ፤ እና ሀላፊነት የሰጠኋቸውን ነገሮች ያከናውኑ ዘንድ ማንም ሰው አያደናቅፋቸው—

፴፱ ስለዚህ፣ በዚህ ነገር አገልጋዬ ኤድዋርድ ፓርትሪጅ ትክክል አይደለም፤ ይህም ቢሆን ንስሀ ይግባ እናም ይቅርታን ይቀበላል።

፵ እነሆ፣ እናንት ህጻናት ናችሁ እና ሁሉንም ነገሮች አሁን ትሸከሙ ዘንድ አትችሉም፤ በጸጋ እና በእውነት እውቀትም ማደግ አለባችሁ።

፵፩ እናንት አትፍሩ፣ ህጻናት፣ የእኔ ናችሁና፣ እናም እኔ አለምን አሸንፌዋለሁ፣ እና እናንተም ከአባቴ ዘንድ የተሰጣችሁ ናችሁ፤

፵፪ አባቴ ከሰጠኝ ማንኛቸውም አይጠፋም።

፵፫ እናም አብ እና እኔ አንድ ነን። እኔ በአብ እንዳለሁ አብም በእኔ ነው፤ እና እኔን ከተቀበላችሁ፣ እናንተ በእኔ አላችሁ እና እኔም በእናንተ አለሁ።

፵፬ ስለዚህ፣ እኔ በመሀከላችሁ ነኝ፣ እና እኔም መልካሙ እረኛ፣ እና የእስራኤል ድንጋይ ነኝ። በዚህ አለት ላይ የተመሰረተም አይወድቅም።

፵፭ እና ድምጼን የምትሰሙበትና እና የምታዩኝ፣ እና እኔ እንደሆንኩኝም የምታውቁበት ቀን ይመጣል።

፵፮ ስለዚህ፣ ትዘጋጁም ዘንድ ጠብቁ። እንዲህም ይሁን። አሜን።