፩ የተሰቃዩ ህዝቤን ^ሀቤዛነት በሚመለከት ፈቃዴን ትማሩ ዘንድ ራሳችሁን ለሰበሰባችሁት እውነት እላለሁ—

፪ እነሆ፣ እላችኋለሁ፣ ስለግለሰብ ሳይሆን ስለቤተክርስቲያኗ ስናገር፣ በህዝቤ ^ሀመተላለፍ ባይሆን ኖሮ፣ አሁንም ይድኑ ነበር።

፫ ነገር ግን እነሆ፣ በእጆቻቸው ለምጠብቃቸው ነገሮች ታዛዥ ለመሆን አልተማሩም፣ ነገር ግን በክፋት የተሞሉ ናቸው፣ እና እቃዎቻቸውን በቅዱሳን እንደሚገባው ለድሆችና በመካከላቸው ለሚሰቃዩት ^ሀአያካፈሉም፤

፬ እና በሰለስቲያል መንግስት ህግ መሰረት አስፈላጊ በሆነው ^ሀህብረትም አይተባበሩም፤

፭ እና ^ሀፅዮን ካለሰለስቲያል መንግስት ^ለህግ መሰረታዊ መርሆች ካልሆነ ^ሐበስተቀር ልትገነባ አይቻላትም፤ አለበለዚያም ወደ ራሴ ልቀበላት አልችልም።

፮ እና ህዝቤ ^ሀታዛዥነት እስኪማሩ ድረስ፣ አስፈላጊም ቢሆን በሚሰቃዩባቸው ነገሮች ^ለመገሰፅ ያስፈልጋቸዋል።

፯ የምናገረው ህዝቤን እንዲመሩ ስለተመደቡት የቤተክርስቲያኔ ^ሀየመጀመሪያ ሽማግሌዎች አይደለም፣ ሁሉም በፍርድ ላይ አይደሉምና፤

፰ ነገር ግን በሌላ ስፍራ ስላሉት ቤተክርስቲያኔ በሚመለከት እናገራለሁ—እንዲህ የሚሉ ብዙ አሉ፥ አምላካቸው የት አለ? እነሆ፣ በችግር ጊዜ ያድናቸዋል፣ አለበለዚያም ወደፅዮን አንሄድም፣ እና ገንዘባችንንም እናስቀራለን።

፱ ስለዚህ፣ በህዝቤ ^ሀመተላለፍ ምክንያት ሽማግሌዎቼ የፅዮን ቤዛነት ለትንሽ ዘመን ይጠብቁ ዘንድ ፍቃዴ ነው—

፲ ራሳቸውን እንዲያዘጋጁ፣ እና ህዝቤ በፍጹም እንዲማሩ፣ እና አጋጣሚም እንዲያገኙ፣ እና ^ሀሀላፊነታቸውንና ከእጆቻቸው የምፈልገውን ነገሮች በሚመለከት በፍጹም ይማሩ ዘንድ ነው።

፲፩ እና ^ሀሽማግሌዎቼ ከላይ የኃይል ^ለመንፈሳዊ ስጦታ እስኪሰጣቸው ድረስ ይህም ሆኖ አይሆንም።

፲፪ እነሆ፣ ታማኝ ቢሆኑ እና በፊቴም በትህትና እስከቀጠሉ ድረስ፣ ታላቅ መንፈሳዊ ስጦታ እና በረከት በእነርሱ ላይ ^ሀለማፍሰስ አዘጋጅቻለሁ።

፲፫ ስለዚህ ለፅዮን ቤዛነት ሽማግሌዎቼ ለጥቂት ዘመን ይጠብቁ ዘንድ ፍቃዴ ነው።

፲፬ እነሆ፣ የፅዮንን ጦርነት እንዲዋጉ በእጆቻቸው አልፈልግባቸውምና፤ ከዚህ በፊት ትእዛዝ እንደሰጠሁት፣ ይህንንም አሟላለሁና—ጦርነታችሁን ^ሀእዋጋላችኋለሁ።

፲፭ እነሆ፣ ^ሀአጥፊው ጠላቶቼን እንዲያጠፋ እና እንዲያባክን ልኬዋለሁ፤ እና ከብዙ አመታት በኋላ ውርሴን እንዲበክሉ፣ እና ለቅዱሳኔ መሰብሰብ ^ለበቀደስኩባቸው ምድሮች ላይ ስሜን ^ሐእንዲሰድቡ አይተዉም።

፲፮ እነሆ፣ አገልጋዬ ጆሴፍ ስሚዝ ዳግማዊ ለቤቴ ^ሀጥንካሬ፣ እንዲሁም ጀግኖቼን፣ ወጣት ወንዶቼን፣ እና ጎልማሳዎቼን ለህዝቤ ቤዛነት እንዲሰበሰቡ፣ እና የጠላቶቼን ማማዎች እንዲጥሉ፣ እና ^ለጠባቂዎቻቸውንም እንዲበትኑ እንዲነግራቸው አዘዝኩት፤

፲፯ ነገር ግን የቤቴ ጥንካሬ ቃላቴን አላደመጡም።

፲፰ ነገር ግን ቃላቴን ያደመጡ እስካሉ ድረስ፣ በታማኝነት ቢቀጥሉ በረከት እና ^ሀየመንፈስ ስጦታ አዘጋጅቼላቸዋለሁ።

፲፱ ጸሎታቸውን ሰምቻለሁ፣ እና ስለታቸውን እቀበላለሁ፤ እና ^ሀእምነታቸውም ተፈትኖ እስከዚህ ድረስ ይመጡም ዘንድ ፍቃዴ ነው።

፳ አሁንም፣ እውነት እላችኋለሁ፣ ትእዛዝንም እሰጣችኋለሁ፣ ወደዚህ እስከመጣችሁ ድረስ በአካባቢው ለመቆየት የሚችሉ ይቆዮ፤

፳፩ መቆየት የማይችሉት፣ በምስራቅ ቤተሰብ ያላቸውም፣ አገልጋዬ ጆሴፍ ስሚዝ፣ ዳግማዊ፣ እስከመደባቸው ድረስ ለትንሽ ዘመን ይቆዩ፤

፳፪ ስለዚህ ጉዳይ እመክረዋለሁ፣ እና ለእነርሱ የሚመደቡላቸው ማናቸውም ነገሮች ሁሉ ይሟላሉ።

፳፫ እና በዚህ አካባቢ የሚኖሩት ህዝቤ ሁሉ ታማኝ እና ጸሎተኛ እና በፊቴ ትሁት ይሁኑ፣ እና የገለጥኩላቸውን ነገሮችንም እንዲገልጹ በእኔ ዘንድ ጥበብ እስኪሆን ድረስ አይግለጿቸው።

፳፬ ስለፍርድም አትናገሩ፣ ስለእምነት ወይም ስለታላቅ ስራም ^ሀኩራት አይሰማችሁ፣ ነገር ግን በምትችሉት መጠን በአንድ አካባቢ፣ ለሰዎች ስሜት እያሰባችሁ በጥንቃቄ ተሰብሰቡ።

፳፭ እነሆም፣ ^ሀበሰላም እና በደህንነት ታርፉ ዘንድ፣ ለህዝቦቹም፥ ፍርድ እና ጽድቅን በህጉ መሰረት ፈፅሙ፣ እና በደላችንን መልሱልን እያላችሁ፣ በአይኖቻቸው ውስጥም ውለታ እና ጸጋ እሰጣችኋለሁ።

፳፮ እነሆ፣ ባልንጀሮቼ አሁን እላችኋለሁ፣ በዚህም መንገድ፣ የእስራኤል ^ሀሰራዊት እጅግ ታላቅ እስኪሆን ድረስ፣ በህዝቡ አይኖች ፊት ሞገስን ታገኛላችሁ።

፳፯ እና አገልጋዬ ጆሴፍ ስሚዝ ዳግማዊ እና የመደብኳቸው ሽማግሌዎቼ የቤቴን ብርታት ለመሰብሰብ ጊዜን እስከሚያገኙ ድረስ ^ሀበፈርኦን ልብ እንዳደረግሁት፣ ከጊዜ ወደ ጊዜ፣ የህዝቡን ልብ አራራለሁ፣

፳፰ እና ^ሀብልህ ሰዎችንም፣ በጃክሰን የግዛት ክፍል ውስጥ እና በአካባቢው በሚገኙት የግዛት ክፍሎች ውስጥ ^ለሊገዙ የሚችሉትን መሬቶችን ሁሉ ስለመግዛት የሰጠሁትን ትእዛዝ ይፈጸሙ ዘንድ ነው።

፳፱ እነዚህ መሬቶች እንዲገዙ ፍቃዴ ነው፤ እና ከተገዙም በኋላ ቅዱሳኔ በሰጠኋችሁ የቅድስና ^ሀህግጋት መሰረት ይወስዷቸውም ዘንድ ፍቃዴ ነው።

፴ እና እነዚህ መሬቶች ከተገዙ በኋላ፣ የእስራኤል ^ሀሰራዊት በገንዘባቸው የገዙትን መሬቶቻቸውን መልሰው በመውሰዳቸው፣ እና በእነዚያም የሚገኙትን የጠላቶቼን ማማዎች በመጣላቸው፣ እና ጠባቂዎቻቸውን በመበተናቸው፣ እና የሚጠሉኝ ጠላቶቼን እስከ ሶስተኛ እና አራተኛ ትውልዶች ^ለስለተበቀሉልኝ ከበደል ነጻ አደርጋቸዋለሁ።

፴፩ ነገር ግን በቅድሚያ ሰራዊቴ ታላቅ ይሁን፣ እና እንደጸሀይም የጠራ፣ እንደ ^ሀጨረቃ የተዋበ፣ እና ዓርማዎቿ ለሁሉም ህዝብ የሚያስፈራ ይሆንም ዘንድ በፊቴም ^ለይቀደስ፤

፴፪ የዚህ አለም መንግስትም የፅዮን መንግስት በእርግጥም የአምላካችን እና የእርሱ ክርስቶስ ^ሀመንግስት እንደሆነም ለማወቅ ይገደዱ ዘንድ፤ ስለዚህ፣ ለህግጋቷ ^ለተገዢ እንሁን።

፴፫ እውነት እላችኋለሁ፣ በከርትላንድ ምድር ውስጥ ለስሜ እንዲገነባ ባዘዝኩት በቤቴ ውስጥ የቤተክርስቲያኔ ሽማግሌዎች ^ሀየመንፈስ ስጦታቸውን ይቀበሉ ዘንድ ፍቃዴ ነው።

፴፬ እና ከቤዛነቷ በኋላ ስለፅዮን እና ^ሀስለህጓ የሰጠሁት ትእዛዛት ይሟሉ እናም ይፈጸሙ።

፴፭ ^ሀየጥሪ ቀን ነበር፣ ነገር ግን ለመምረጫ ቀን ጊዜው መጥቷል፤ እና ^ለብቁ የሆኑ እነርሱ ይመረጡ።

፴፮ እና ^ሀየተመረጡትም በመንፈስ ድምፅ ለአገልጋዬ ይገለጣሉ፤ እና እነርሱም ^ለይቀደሳሉ፤

፴፯ እና የተቀበሉትን ^ሀምክር እስከተከተሉ ድረስ፣ ከብዙ ቀናት በኋላ ፅዮንን የሚመለከቱ ነገሮችን ሁሉ ያከናውኑ ዘንድ ሀይል ይኖራቸዋል።

፴፰ ደግሞም እላችኋለሁ፣ ለመቷችሁ ሰዎች ብቻ ሳይሁን ለሁሉም ሰዎች፣ የሰላም ሀሳብ አቅርቡ፤

፴፱ እና ^ሀየሰላም ^ለአርማ አንሱ፣ እና ለምድር ዳርቻዎችም ሰላምን አውጁ፤

፵ እና በውስጣችሁ ባለው በመንፈስ ድምፅ መሰረት ለመቷችሁም የሰላም ሀሳብ አቅርቡላቸው፣ እና ^ሀሁሉም ነገሮች ለጥቅማችሁ አብረው ይሰራሉ።

፵፩ ስለዚህ፣ ታማኝ ሁኑ፤ እነሆ፣ እናም አስተውሉ፣ እስከመጨረሻውም ^ሀእኔ ከእናንተ ጋር ነኝ። እንዲሁም ይሁን። አሜን።