፩ አድምጡ፣ እናም ሀያል እና ጠንካራ የሆነው፣ አካሄዱም እስከ ምድር ዳርቻ የሆነውን፣ አዎን ድምጹም ለሰዎች የሆነውን፣ ከላይም እንደተላከ ድምጽ የሆነውን፣ እነሆ—የጌታን መንገድ አዘጋጁ፣ ጥርጊያውንም አቅኑ፤

፪ በምድርም ለሰው የእግዚአብሔር መንግስት ቁልፎችም ተሰጥተዋል፣ እናም ከዚህም ወንጌሉ፣ እጅም ሳይነካው ከተራራው ተፈንቅሎ ምድርን እስከሚሞላ ድረስ እንደሚንከባለለውም ድንጋይ፣ ወደ ምድር ዳርቻምይገፋል።

፫ አዎን፣ ድምፅም ይጮሀል—የጌታን መንገድ አዘጋጁ፣ የበጉን እራት አዘጋጁ፣ ለሙሽራውም ተዘጋጁ።

፬ ወደ ጌታም ጸልዩ፣ ቅዱስ ስሙንም ጥሩ፣ በአህዛብም መካከል ድንቅ ስራዎቹን እንዲታወቁ አድርጉ።

፭ የዚህች ኗሪዎችም እንዲቀበሉት፣ መንግስቱም በምድር ላይ እንዲሄድ፣ ጌታን ጥሩ፣ እናም የሰው ልጅ የክብሩን ብርሀን ለብሶ ከሰማይ በምድር ከተሰራችው የእግዚአብሔርን መንግስት ጋር ለመገኛኘት በሚገለጥበት ወደ ፊት ለሚመጡት ቀናትም ተዘጋጁ።

፮ ስለዚህ፣ መንግስተ ሰማያት እንድትመጣ፣ የእግዚአብሔር መንግስት ወደ ፊት ይሂድ፣ አንተም፣ እግዚአብሔር ሆይ፣ በሰማይም እንዳከበርህ እንዲሁ በምድርም ትከበር ዘንድ፣ ጠላቶችህም ይዋረዱ ዘንድ፤ ክብርም፣ ኃይልም፣ እና ግርማም የአንተ ናትና፣ ከዘለአለም እስከዘለዓለም። አሜን።