፩ እነሆ፣ እናም ሁሉም ^ሀሀይል ያለውን፣ ከዘለአለም እስከ ዘለአለም የሆነውን፣ እንዲሁም ^ለአልፋና ኦሜጋ፣ የመጀመሪያና የመጨረሻውን የእርሱን ድምፅ አድምጡ።

፪ እነሆ፣ እኔ ጌታ ኃጢአቶችን ስለምሰርይ፣ እና ኃጢአታቸውን በትሁት ልብ ^ሀለሚናዘዙት ^ለበምህረት የተሞላሁ ስለሆንኩ፣ ኃጢአታችሁ ^ሐየተሰረየላችሁ፣ በዚህ ስፍራ የተሰበሰባችሁ የቤተክርስቲያኔ ሽማግሌዎች ሆይ፣ ጌታ እንዲህ ይላችኋል፤

፫ ነገር ግን እንዲህ እላችኋለሁ፣ በዳርቻዎቹ ያሉት ኗሪዎች እምነት በማጣት እየጠፉ እያሉ፣ እነዚህ ሁሉም ሽማግሌዎቼ በውሀ ላይ በፍጥነት መጓዝ አያስፈልጋቸውም።

፬ ይሁን እንጂ፣ ይህን የፈቀድኩት እናንት ምስክር እንድትሰጡ ነው፤ እነሆ፣ በውሀዎች ላይ፣ እና ከዚህ በኋላም ተጨማሪ ብዙ አደጋዎች አሉ፤

፭ እኔ ጌታ፣ በቁጣዬ በውሀዎች ላይ ብዙ ጥፋቶችን አውጄአለሁ፤ አዎን፣ በተለይም በእነዚህ ውሀዎች ላይ።

፮ ይሁን እንጂ፣ ሁሉም ስጋ በእጄ ነው፣ እናም ከመካከላችሁ ታማኝ የሆነው በውሀዎች አይጠፋም።

፯ ስለዚህ፣ አገልጋዬ ስድኒ ጊልበርት እና አገልጋዬ ^ሀውልያም ደብሊው ፌልፕስ ወደ ጥሪአቸው እና ተልዕኮአቸው በፍጥነት መሄዳቸው አስፈላጊ ነው።

፰ ይሁን እንጂ፣ አንድ እንድትሆኑ፣ ^ሀበክፋትም እንዳትጠፉ፣ ለኃጢአታችሁ ሁሉ ^ለከመገሰጻችሁ በፊት እንድትሄዱ አልፈቅድም፤

፱ አሁን ግን፣ እንዲህ እላለሁ፣ መሄዳችሁ ፍቃዴ ነው። ስለዚህ፣ አገልጋዮቼ ስድኒ ጊልበርት እና ዊልያም ደብሊው ፌልፕስ በፊት አብረዋቸው የነበሩትን ይውሰዱ፣ እናም ተልዕኮአቸውን ለማሟላትም በፍጥነት ጉዞአቸውን ይጀምሩ፣ እናም በእምነትም ይቋቋማሉ፤

፲ እናም ታማኝ ከሆኑም ይጠበቃሉ፣ እና እኔ፣ ጌታም፣ ከእነርሱ ጋር ነኝ።

፲፩ እናም የሚቀሩት ለልብስ የሚያስፈልገውን ይውሰዱ።

፲፪ አገልጋዬ ስድኒ ጊልበርትም፣ እንደተስማማችሁበት፣ አስፈላጊ ያልሆኑትን ይውሰድ።

፲፫ እናም አሁን፣ እነሆ፣ ስለእነዚህ ነገሮች በተመለከተ ^ሀትእዛዝን የምሰጣችሁ ^ለለጥቅማችሁ ነውና፤ እናም እኔ ጌታ፣ እንደ ቀደሙት ቀናት ከሰዎች ጋር እንዳደረግሁ አነጋግራችኋለሁ።

፲፬ እነሆ፣ እኔ ጌታ በመጀመሪያ ^ሀውሀዎችን ባረኩአቸው፤ ነገር ግን በመጨረሻዎቹም ቀናት፣ በአገልጋዬ ዮሐንስ አንደበትም ውሀዎችን ^ለረገምኩ።

፲፭ ስለዚህ፣ ማንኛውም ስጋ በውሀዎች ላይ ደህና የማይሆንበት ቀናት ይመጣሉ።

፲፮ እና በመጪዎቹ ቀናትም፣ ልቡ ቅን ከሆነው በስተቀር፣ ማንም ወደ ፅዮን ምድር በውሀዎች ላይ ለመጓዝ አይችልም ይባላል።

፲፯ እናም፣ እኔ ጌታ በመጀመሪያው ምድርን ^ሀእንደረገምኩት፣ እንዲሁም በመጨረሻዎቹም ቀናት፣ በጊዜውም ለቅዱሳን ጥቅም፣ ከዚህም ስቡን እንዲካፈሉ ባርኬዋለሁ።

፲፰ እና አሁንም ለአንዱ የተናገርኩትን ለሁሉም እንደተናከርኩ፣ እምነታቸው ወድቆ እና እንዳይጠመዱ፣ ስለእነዚህ ውሀዎች ወንድሞቻችሁን እንድታስጠነቅቁ ትእዛዝን እሰጣችኋለሁ፤

፲፱ እኔ ጌታ አውጄአለሁ፣ እናም አጥፊውም በዚህ ፊት ይንሳፈፋል፣ እናም አዋጁን አልሽርም።

፳ ትላንትና፣ እኔ ጌታ፣ ተቆጥቼአችሁ ነበር፣ ነገር ግን ዛሬ ቁጣዬ ከእናንተ ተመልሷል።

፳፩ ስለዚህ፣ በፍጥነት እንዲጓዙ የነገርኳቸውም—ደግሞም እንዲህ እላችኋለሁ፣ ጉዞአቸውን በፍጥነት ይጀምሩ።

፳፪ እናም ከትንሽ ጊዜ በኋላ፣ ተልዕኮአቸውን እስካሟሉ ድረስ፣ በውሀም ይሁን በምድር መሄዳቸው በእኔ ዘንድ ለውጥ አያመጣም፤ ከዚህም በኋላ እንዲያውቁት እንደተደረገው እንደ ውሳኔአቸው ይሁን።

፳፫ እናም አሁን፣ አገልጋዮቼን ስድኒ ሪግደንን፣ ጆሴፍ ስሚዝ ዳግማዊን፣ እና ኦሊቨር ካውድሪ ን በተመለከተም፣ ወደ ቤቶቻቸው ሲጓዙ፣ በመስኖ ላይ ካልሆነ በስተቀር፣ ደግመው በውሀዎች እንዳይመጡ፤ ወይም በሌላ አባባልም በመስኖ ካልሆነ በስተቀር በውሀዎች አይጓዙ።

፳፬ እነሆ፣ እኔ ጌታ ለቅዱሳኔ የመጓዣ መንገድን ሰጥቻቸዋለሁ፤ እናም እነሆ፣ ይህም መንገዱ ነው—እንዲጓዙ እና ወደፅዮን ምድር እንዲሄዱ ትእዛዝ እስከተሰጣቸው ድረስ፣ ከመስኖው ከወጡ በኋላ፣ በምድር ይጓዛሉ፤

፳፭ እናም፣ በመንገዱም ድንኳኖቻቸውን ^ሀበመትከል፣ እንደ እስራኤል ልጆችም ያደርጋሉ።

፳፮ እናም፣ እነሆ፣ ይህም ለወንድሞቻችሁ ሁሉ የምትሰጡት ትእዛዝ ነው።

፳፯ ይሁን እንጂ፣ ለአንዱ ውሀዎችን ለማዘዝ ^ሀሀይል ተሰጥቶታል፣ ለሌላውም በመንፈስ መንገዶቹን ሁሉ እንዲያውቅም ተሰጥቶታል፤

፳፰ ስለዚህ፣ ከዚህ በኋላ የሚሆነው በእኔ ስለሚወሰን፣ በምድርም ይሁን ወይም በውሀ ላይ፣ የህያው እግዚአብሔር መንፈስ እንደሚመራው ያድርግ።

፳፱ እናም ለእናንተም የቅዱሳኑ መንገድ፣ ወይም የጌታ ሰራዊት ቅዱሳን መጓዣ መንገድ ተሰጥቷችኋል።

፴ እና ደግሞም፣ በእውነት እላችኋላሁ፣ ስንሰናቲ እስኪደርሱ ድረስ፣ አገልጋዮቼ ስድኒ ሪግደን፣ ጆሴፍ ስሚዝ ዳግማዊ፣ እና ኦሊቨር ካውድሪ በኃጢአተኞቹ ጉባዔዎች መካከል አንደበቶቻቸውን አይክፈቱ፤

፴፩ እና በዚያም ስፍራ ወደ እግዚአብሔር፣ አዎን፣ በኃጢአታቸው ምክንያት ንዴቱ ወደተቀጣጠለው፣ በእነዚያ ሰዎች፣ ለጥፋትም ^ሀበደረሱት ሰዎች ላይ፣ ድምጻቸውን ከፍ ያደርጋሉ።

፴፪ እና ከእዚያም ወደ ወንድሞቻቸው ጉባኤዎች ይጓዙ፣ እንዲሁም አሁን አግልግሎታቸው ከኃጢአተኞቹ ጉባኤ በላይ በእነርሱ መካከል በጣም የሚፈለግ ነውና።

፴፫ እናም አሁን፣ የሚቀሩትን በተመልከተ፣ ይጓዙ እናም፣ እንደሚሰጣቸውም፣ በኃጢአተኞቹ ጉባኤ መካከልም ቃልን ^ሀይስበኩ፤

፴፬ እናም ይህን እስካደረጉ ድረስ ልብሳቸውን ^ሀያጸዳሉ፣ እናም በፊቴም እንከን አይኖራቸውም።

፴፭ እናም አብረው፣ ወይም መልካም እንደሚመስላቸው፣ ^ሀሁለት በሁለት ሆነውም ይጓዙ፣ የተደሰትኩባቸውን አገልጋዬ ሬኖርልድስ ካሁን እና አገልጋዬ ሳሙኤል ኤች ስሚዝ ብቻ ወደ ቤቶቻቸው እስከሚመለሱ ድረስ አይለያዩ፣ እና ይህም በእኔ የላቀ ጥበብ እቅድ ነው።

፴፮ እና አሁን፣ እውነት እላችኋለሁ፣ እናም ለአንዱ የተናገርኩትን ለሁሉ እንደምናገር ነው፣ ^ሀህጻናት ሆይ፣ ተደሰቱ፤ ^ለበመካከላችሁ ነኝ፣ እናም ^ሐአልተውኳችሁምና፤

፴፯ እናም ራሳችሁን በፊቴ ዝቅ እስካደረጋችሁ ድረስ፣ ^ሀየመንግስቱ በረከቶች የእናንተ ናቸው።

፴፰ የሰው ልጅ መምጣትን ^ሀእየጠበቃችሁ፣ ታጠቁ፣ እናም የነቃችሁ ሁኑ፣ እናም በመጠንም ኑሩ፣ ባላሰባችሁበት ሰዓት ይመጣልና።

፴፱ ^ሀወደ ፈተናም እንዳትገቡ፣ የሚመጣበትን ቀን በህይወት ወይም በሞት መታገስ ትችሉ ዘንድ ዘወትር ^ለጸልዩ። እንዲህም ይሁን። አሜን።