፩ እነሆ፣ ለእናንተ አገልጋዮቼ ጆሴፍ ስሚዝ ዳግማዊ እና ^ሀስድኒ ሪግደን ጌታ እንዲህ ይላል፣ በእውነትም አንደበታችሁን ከፍታችሁ፣ እንደተሰጣችሁ መንፈስ እና ሀይል፣ እንዲሁም በፈቃዴ ወንጌሌን ^ለየምትሰብኩበት፣ የመንግስቱንም ነገሮች፣ ^ሐሚስጥራት ከቅዱስ መጻህፍቶች ውስጥ የምታብራሩበት አስፈላጊ እና በእኔም ጠቃሚ መስሎ የሚታይበት ጊዜ መጥቷል።

፪ እውነት እላችኋለሁ፣ በየአካባቢው ላሉት ለአለም እና ለቤተክርስቲያኗም፣ ለአንድ ወቅት፣ እንዲሁም እንድታውቁት እስከሚደረግ ድረስ አውጁ።

፫ በእውነት፣ ይህም የሰጠኋችሁ የወቅቱ ተልዕኮ ነው።

፬ ስለዚህ፣ በወይን ስፍራዬ አገልግሉ። የምድር ኗሪዎችንም ጥሯቸው፣ እናም መስክሩ፣ እናም ለሚመጡት ትእዛዛት እና ራዕዮችም መንገድን አዘጋጁ።

፭ አሁን፣ እነሆ ይህም ጥበብ ነው፤ የሚያነበውም ^ሀይረዳው እና ደግሞም ^ለይቀበለውም፤

፮ ለሚቀበለውም ለእርሱ ^ሀበብዛት፣ እንዲሁም ሀይል ይሰጠዋልም።

፯ ስለዚህ፣ ጠላታችሁን ^ሀአሳፍሩ፤ በግልጽ እናም በግል ^ለእንዲያገኟችሁ ጥሯቸው፤ እናም ታማኝ ብትሆኑ እፍረታቸው ይገለጣል።

፰ ስለዚህ፣ ብርቱ ማስረጃቸውን በጌታ ላይ ያምጡ።

፱ በእውነትም፣ ጌታ እንዲህ ይላችኋል—በእናንተ ላይ እንዳትበለጽጉ የሚከላከል ^ሀመሳሪያ አይከናወንም፤

፲ እናም ማንም ሰው በእናንተ ላይ ድምጹን ቢያነሳ እኔ በወሰንኩት ጊዜ ያፍራል።

፲፩ ስለዚህ፣ ትእዛዛቴን ጠብቁ፤ እውነተኛ እና ታማኝ ናቸውና። እንዲሁም ይሁን። አሜን።