፩ አድምጡ፣ እናንት ህዝብ ሆይ፣ እናም ልባችሁን ክፈቱ እናም ከሩቅም ስሙ፤ እናም፣ ራሳችሁን የጌታ ህዝብ ብላችሁ የምትጠሩትም ስሙ፣ እናም እናንተን በሚመለከት የጌታን ቃል እና ፍላጎት አድምጡ።

፪ አዎን፣ እውነትም እላለሁ፣ በኃጢአተኛው እና ^ሀበአመጸኛው ላይ የተቀጣጠለውንም የቁጣውን ቃል አድምጡ፤

፫ ለመውሰድ የሚፈልገውን ^ሀይወስዳል፣ እና ለማዳን የሚፈልገውንም በህይወት ያድናል፤

፬ እንደራሱ ፈቃድ እና ደስታም ይገነባል፤ እናም የፈለገውንም ያጠፋል፣ እናም ነፍስንም ወደ ገሀነም ይጥል ዘንድ ይቻለዋል።

፭ እነሆ፣ እኔ ጌታ ድምጼን አሰማለሁ፣ እና ይህም ይከበራል።

፮ ስለዚህ፣ በእውነት እላለሁ፣ ኃጢአተኛው ያድምጥ፣ እናም አመጸኛውም ይፍራ እናም ይንቀጥቀጥ፤ እናም የማያምኑትም ከንፈሮቻቸውን ይያዙ፣ እንደ ^ሀአውሎ ነፋስ ^ለየቁጣው ቀን ይመጣባቸዋልና፣ እናም ስጋ ለባሽ ሁሉ እኔ እግዚአብሔር እንደሆንኩኝም ^ሐያውቃሉ።

፯ እናም ምልክቶችን የሚሻ ^ሀምልክቶችን ያገኛል፣ ነገር ግን ለደህንነት አይሆንለትም።

፰ እውነት እላችኋለሁ፣ በመካከላችሁ ምልክቶችን የሚሹ አሉ፣ እናም እንደነዚህ አይነቶችም ከመጀመሪያ ጀምሮም ነበሩ።

፱ ነገር ግን፣ እነሆ፣ እምነት በምልክቶች አይመጣምና፣ ነገር ግን ምልክቶች የሚያምኑትን ይከተሏቸዋል።

፲ አዎን፣ ምልክቶች የሚመጡት ^ሀበእምነት ነው፣ በሰዎች ፈቃድ ወይም ፍላጎት ሳይሆን፣ ነገር ግን በእግዚአብሔር ፈቃድ ነው።

፲፩ አዎን፣ ምልክቶች ታላቅ ስራዎች ይሆኑ ዘንድ ^ሀበእምነት ይመጣሉ፣ ምክንያቱም ያለ እምነት ማንም ሰው እግዚአብሔርን ሊያስደስት አይችልምና፤ እናም እግዚአብሔር የተቆጣበት በእርሱም አይደሰትም፤ ስለዚህ፣ ለእንደእነዚህ አይነቶች፣ ^ለበቁጣ ^ሐከእርግማን በቀር፣ ምንም ምልክቶችን አያሳይም።

፲፪ ስለዚህ፣ እኔ ጌታ፣ በመካከላችሁ ለእምነት ምልክቶችን እና ድንቆችን ለሰዎች ጥቅም እና ለክብሬ ሳይሆን ለፈቃዳቸው በሚሹ ላይ አልተደሰትኩም።

፲፫ ይሁን እንጂ፣ ትእዛዛትን ሰጥቻለሁ፣ እናም ብዙዎችም ከትእዛዛቴ ፈቀቅ ብለዋል እናም አልጠበቋቸውም።

፲፬ በመካከላችሁም ^ሀዘማዊ እና ዘማዊት ነበሩ፤ አንዳንዶቹም ከእናንተ ተለይተዋል፣ እናም ከዚህ በኋላ የሚገለጡት ሌሎቹም ከእናንተ ጋር ቀርተዋል።

፲፭ እንደዚህ አይነቶቹ ይጠንቀቁ እናም ፈጥነውም ንስሀ ይግቡ፣ አለበለዚያም ፍርድ እንደ አጥማጅ ይመጣባቸዋል፣ እናም ሞኝነታቸውም በግልፅ ይታያል፣ እናም በህዝብ አይኖች ውስጥ ስራዎቻቸውም ይከተሏቸዋል።

፲፮ እናም፣ አስቀድሜ እንደተናገርሁ፣ በእውነት እንዲህ እላችኋላሁ፣ ሴትን ^ሀየተመለከተ እናም ^ለየተመኛትም፣ ወይም ማናቸውም በልባቸው ^ሐቢያመነዝሩ፣ መንፈስም አይኖራቸውም፣ ነገር ግን እምነትን ይክዳሉ እናም ይፈራሉ።

፲፯ ስለዚህ፣ እኔ ጌታ እንዳልኩት፣ ^ሀየሚፈሩና የማያምኑ፣ እናም ^ለየሐሰተኞችም ሁሉ፣ እናም ሀሰትን የሚወዱ እና ^ሐየሚዋሹ፣ እና የሴሰኞችም፣ እና የአስማተኞችም፣ እና ጣዖትንም የሚያመልኩ፣ ዕድላቸው በዲንና በእሳት በሚቃጠል ^መባሕር ነው፤ ይኸውም ^ሠሁለተኛው ሞት ነው።

፲፰ በእውነት አላለሁ፣ እነርሱ ^ሀበመጀመሪያው ትንሳኤ ስፍራ አይኖራቸውም።

፲፱ እናም አሁን እነሆ፣ እኔ ጌታ እንዲህ እላችኋለሁ፣ እነዚህ ነገሮች በመካከላችሁ ስላሉ፣ ^ሀትጸድቁ ዘንድ አይቻላችሁም።

፳ ይሁን እንጂ፣ በእምነት ^ሀየጸናው እና ፈቃዴንም የሚያደርገው፣ እርሱ ያሸንፋል፣ እናም በክብር የመለወጥ ቀን ሲመጣም ^ለውርሱን ይቀበላል

፳፩ እንዲሁም፣ ሙሉ ታሪኩን ገና ያልተቀበላችሁትን፣ ለሐዋሪያቴ ^ሀበተራራው ላይ ባሳየሁት ስርዓት ^ለምድር ^ሐበክብር ስትለወጥም፣ ውርሱን ይቀበላል።

፳፪ እናም አሁን፣ በእውነት እላችኋላሁ፣ እንደተናገርኳችሁ ፈቃዴን አሳውቃችኋለሁ፣ እነሆ እንድታውቁትም አደርጋለሁ፣ ይህም በትእዛዝ አይደለም ምክንያቱም ትእዛዛቴን የማያከብሩ ብዙዎች አሉና።

፳፫ ነገር ግን ትእዛዛቴን ለሚጠብቀው ለእርሱ የመንግስቴን ^ሀሚስጥራት እሰጠዋለሁ፣ እና በእርሱም ውስጥ ለዘለአለም ሕይወት ^ለየሚፈልቅ ^ሐየህያው ውኃ ምንጭ ይሆናል።

፳፬ እናም አሁን፣ እነሆ ይህም ጌታ አምላካችሁ ለቅዱሳኑ ያለው ፍላጎት ይህ ነው፣ ቸነፈር የሚያመጣው ግራ መጋባት እንዳይኖር፣ በፍጥነት ሳይሆን፣ በፅዮን ምድር ራሳቸውን ይሰብስቡ።

፳፭ እነሆ፣ ^ሀየፅዮንን ምድር—እኔ ጌታ በእጆቼ ይዣታለሁ፤

፳፮ ይሁን እንጂ፣ እኔ ጌታም ^ሀየቄሣርን ለቄሣር አስረክቤአለሁ።

፳፯ ስለዚህ፣ እኔ ጌታ በአለም ትጠቀሙ ዘንድ፣ በአለምም የእኛ ነው የምትሉት እንዲኖራችሁ፣ እነርሱም በቁጣም እንዳይነሳሱባቸው፣ መሬቶች እንድትገዙ ፍቃዴ ነው።

፳፰ ^ሀሰይጣንም፣ ደምን እስከማፍሰስ ድረስም፣ እንዲያስቆጣቸው በልቦቻቸው ውስጥ ቁጣን ያነሳሳል።

፳፱ ስለዚህ፣ የፅዮን ምድርም በመግዛት ወይም በደም በስተቀር አይገኝም፣ አለበለዚያም ለእናንተ ምንም ውርስ የላችሁም።

፴ እና በመግዛትም ቢሆን፣ እነሆ የተባረካችሁ ናችሁ፤

፴፩ እናም በደምም ቢሆን፣ ደምን ለማፍሰስ ስለተከለከላችሁ፣ እነሆ፣ ጠላቶቻችሁ ያጠቋችኋል፣ እናም ከከተማ ወደ ከተማም፣ ከምኩራብ ወደ ምኩራብ ትቀጣላችሁ፣ እናም ውርስን ለመቀበል ጥቂቶች ብቻ ይቀራሉ።

፴፪ እኔ ጌታም በኃጢአተኞቹ ተቆጣሁ፤ መንፈሴንም ከምድር ኗሪዎች እከለክላለሁ።

፴፫ በቁጣዬም ማልሁ፣ እናም በምድርም ፊት ላይ ^ሀጦርነቶችን አወጅኩኝ፣ እናም ኃጢአተኛውም ኃጢአተኛውን ይገድላል፣ እናም ፍርሀትም በእያንዳንዱ ሰው ላይ ይመጣል፤

፴፬ እናም ^ሀቅዱሳንም ደግመው አያመልጡም፤ ይሁን እንጂ፣ እኔ ጌታ ከእነርሱ ጋር ነኝ፣ እና ከአባቴ ፊትም ከሰማይ ^ለእወርዳለሁ እናም ^ሐኃጢአተኞቹንም በማይጠፋ ^መእሳት አነዳቸዋለሁ።

፴፭ እናም እነሆ፣ ይህም ገና አይደለም፣ ነገር ግን በቅርቡ የሚሆን ነው።

፴፮ ስለዚህ፣ በምድር ላይ እነዚህን ነገሮች ሁሉ እኔ ጌታ በማወጄ ምክንያት፣ የእኔ ቅዱሳን ራሳቸውን በፅዮን ምድር መሰብሰባቸው ፍቃዴ ነው፤

፴፯ እናም እያንዳንዱ ሰው ^ሀፅድቅን በእጆቹ እና ታማኝነትን በወገቡ ይውሰድ፣ እናም የማስጠንቀቂያ ^ለድምፅም ወደ ምድር ኗሪዎች ይሰማ፤ እናም በቃል እና ፈጥኖ በመሄድ በስደት በኃጢአተኞች ላይ ^ሐክፉ ነገሮች እንደሚመጡ ይገለጹ።

፴፰ ስለዚህ፣ በከርትላንድ ውስጥ በዚህ እርሻ የሚኖሩት ደቀ መዛሙርቴ የስጋዊ ጉዳያቸውን ያዘጋጁ።

፴፱ አገልጋዬ ታይተስ ቢሊንግስ፣ በሚመጣው ጸደይ፣ ትእዛዝ እስከምሰጣቸው ድረስ ከማይሄዱት ለራሴ ከምጠብቃቸው በስተቀር በዚህ ስፍራ ከሚኖሩት ጋር፣ ወደ ፅዮን ምድር ለመጓዝ መዘጋጀት እንዲችል፣ ሀላፊነት ያለበትን መሬትን ይሽጥ።

፵ እናም የሚቀረውም ገንዝብ ሁሉ፣ ብዙም ይሁን ጥቂት ግድ የለኝም፣ ወደ ፅዮን ምድር እንዲቀበሉ ለሾምኳቸው ይላክ።

፵፩ እነሆም እኔ ጌታ፣ ለአገልጋዬ ጆሴፍ ስሚዝ ዳግማዊ ወደ ፅዮን ምድር የሚሄዱትን፣ እና በዚህም የሚቀሩትን ደቀ መዛሙርቴን ^ሀለመለየት የሚያስችለውን ሀይል እሰጠዋለሁ።

፵፪ እናም አገልጋዬ ኒውል ኬ ውትኒ የግምጃ ቤቱን፣ ወይም በሌላ ቃላት፣ የግምጃ ቤቱን በትንሽ ወቅት እንደያዘ ይቀጥል።

፵፫ ይሁን እንጂ፣ ለመስጠት የሚችለውን ገንዘብ ሁሉ ወደ ፅዮን ምድር እንዲላክ ይስጥ።

፵፬ እነሆ፣ እነዚህ ነገሮች በእጆቹ ውስጥ ናቸው፣ በጥበብም ያድርጋቸው።

፵፭ በእውነትም እላለሁ፣ ለሚቀሩትም ደቀ መዛሙርት ወኪል እንዲሆንም ይሾም፣ እናም ለዚህ ሀይልም ይሾም፤

፵፮ እናም አሁን፣ ከአገልጋዬ ኦሊቨር ካውድሪ ጋር፣ እነዚህን ነገሮች በማብራራት፣ ፈጥኖም ቤተክርስቲያኖችን ይጎብኝ። እነሆ፣ ገንዘብን እንደመራሁት ማግኘቱ ፍቃዴ ነው።

፵፯ ^ሀታማኝ የሆነው እና የሚጸናውም አለምን ያሸንፋል።

፵፰ ወደ ፅዮን ምድር ሀብትን የላከው በዚህ አለም ^ሀውርስን ይቀበላል፣ እናም ስራዎቹ ይከተሉታል፣ እናም በሚመጣው አለምም ዋጋው ይሰጠዋል።

፵፱ አዎን፣ እናም፣ ከእንግዲህ ወዲህ በጌታ ^ሀየሚሞቱ ሙታን ብፁዓን ናቸው፣ ጌታ ሲመጣም፣ እና አሮጌው ነገሮች ^ለአልፈው፣ እናም ሁሉም ነገሮች አዲስ ሲሆኑም፣ ከሞት ^ሐይነሳሉ እናም ከዚህም በኋላ ^መአይሞቱምና፣ እናም በቅዱስ ከተማውም ከጌታም ውርስን ይቀበላሉ።

፶ እናም ጌታ ሲመጣ የሚኖረው፣ እና ሀይማኖትን የጠበቀውም፣ እርሱ ^ሀየተባረከ ነው፤ ይሁን እንጂ በሰው እድሜ ^ለእንዲሞትም ተወሰኖለታል።

፶፩ ስለዚህ፣ ልጆች እድሜአቸው እስኪገፋ ድረስም ^ሀያድጋሉ፤ ሽማግሌዎችም ይሞታሉ፤ ነገር ግን በምድርም ትቢያ ውስጥ አያንቀላፉም፣ ነገር ግን በቅጽበት ዓይንም ^ለይለወጣሉ።

፶፪ ስለዚህ፣ ለዚህም ምክንያት ነው ሀዋሪያት ለአለም ስለሙታን ትንሳኤ የሰበኩት።

፶፫ እነዚህ ነገሮች ወደፊት መመልከት ያለባችሁ ነገሮች ናቸው፤ እናም፣ እንደ ጌታ አነጋገር፣ እናም በሚመጣው ጊዜም፣ እንዲሁም በሰው ልጅ ምፅዓት ቀን፣ አሁንም ^ሀቀርቧልና።

፶፬ እናም እስከዚያም ሰአት ድረስ በብልህ መካከል ሰነፎች ^ሀደናግል ይኖራሉ፤ እናም በዚያም ሰዓት ጻድቃን ከኃጢአተኞቹ ሁሉ የሚለዩበት ይመጣል፤ እናም በዚያም ቀን ኃጢአተኞቹን ^ለነቅለው እንዲያወጡ እና በማይጠፋው እሳት ውስጥ እንዲወረውሯቸው መላእክቴን እልካለሁ።

፶፭ እናም አሁን እነሆ፣ እውነት እላችኋለሁ፣ እኔ ጌታ በአገልጋዬ ^ሀስድኒ ሪግደን አልተደሰትኩም፤ በልቡም ራሱን ^ለከፍ ከፍ ያደርጋል፣ እናም ምክርንም አልተቀበለምና፣ ነገር ግን መንፈስንም አሳዝኗል፤

፶፮ ስለዚህ የእርሱ ^ሀፅሑፍ በጌታ ዘንድ ተቀባይነት የለውም፣ እናም ሌላም ይጻፍ፤ እናም ጌታ ይህን ካልተቀበለውም፣ እነሆ በሾምኩበት ሹመትም አይቆምም።

፶፯ እና ደግሞም፣ እውነት እላችኋለሁ፣ በየዋህነት ኃጢአተኞችን ንስሀ እንዲገቡ ^ሀለማስጠንቀቅ በልቦቻቸው ፍላጎት ^ለያላቸው፣ በዚህ ሀይልም ይሾሙ።

፶፰ ይህም፣ የብዙ ቃላት ቀን ሳይሆን፣ የማስጠንቀቂያ ቀን ነውና። እኔ ጌታም በመጨረሻዎቹ ቀናት ውስጥ አይዘበትብኝምና።

፶፱ እነሆ፣ እኔም ከበላይ ነኝ፣ እናም በበታችም ሀይሌ ይኖራል። ከሁሉም በላይ፣ እና በሁሉም የምሰራ፣ እናም በሁሉም የምኖር ነኝ፣ እናም ሁሉንም ^ሀእመረምራለሁ፣ እናም ሁሉም ነገሮች ለእኔ ተገዢ የሚሆኑበትም ቀን ይመጣል።

፷ እነሆ፣ እኔ ^ሀአልፋና ኦሜጋ፣ እንዲሁም ኢየሱስ ክርስቶስ፣ ነኝ።

፷፩ ስለዚህ፣ ሁሉም ሰዎች እንዴት ^ሀስሜን በከንፈሮቻቸው እንደሚይዙ ይጠንቀቁ—

፷፪ ምክንያቱም እነሆ፣ እውነት እላለሁ፣ የጌታን ስም በከንቱ የሚጠቀሙ፣ እናም ያለስልጣን የሚጠሩ፣ በዚህ እርግማን ውስጥ ያሉ ብዙዎች አሉ።

፷፫ ስለዚህ፣ ቤተክርስቲያን ለኃጢአታቸው ንስሀ ይግቡ፣ እናም እኔ ጌታ የእኔ አደርጋቸዋለሁ፤ አለበለዚያም ይቆረጣሉ።

፷፬ ከላይ የሚመጣውእርሱ ^ሀቅዱስ እንደሆነ፣ እናም በጥንቃቄ እና በመንፈስም ቁጥጥር ^ለመነገር እንዳለበትም አስታውሱ፤ እና በዚህም ውስጥ እርግማን የለም፣ እናም መንፈሱን የምትቀበሉት በጸሎት ^ሐበኩል ነው፤ ስለዚህ፣ ይህ ባይሆን በእርግማን ይቀራሉ።

፷፭ ^ሀበጸሎት በመንፈስ እንደተማሩት፣ አገልጋዮቼ ጆሴፍ ስሚዝ ዳግማዊ እና ስድኒ ሪግደን ቤትን ይፈልጉባቸው።

፷፮ እነዚህ ^ሀከሁሉም ይልቅ የዘለአለም ^ለክብርን፣ አለበለዚያም ታላቅን እርግማን፣ ይቀበሉ ዘንድ፣ እነዚህንም ነገሮች በትዕግስት ማሸነፍ ይቻል ዘንድ ነውና። አሜን።