፩ አገልጋዮቼ ስድኒ፣ ፓርሊ፣ እና ሊመን ቃሌን አድምጡ፤ እነሆም፣ እውነት እላችኋለሁ፣ የተቀበላችሁትን ወንጌሌን፣ እንደተቀበላችሁ እንዲሁ፣ ወደ ሼከሮቹ ሄዳችሁ ^ሀእንድትሰብኩላቸው ትእዛዝን እሰጣችኋለሁ።

፪ እነሆ፣ እላችኋለሁ፣ ሙሉ እውነትን ሳይሆን ከፈሉን ብቻ ለማወቅ ይሻሉ፣ ንስሀ መግባትም አለባቸው እና በፊቴ ^ሀትክክል አይደሉምና።

፫ ስለዚህ፣ አገልጋዮቼ ስድኒን እና ፓርሊን፣ ወንጌልን እንድትሰብኩላቸው እሰዳችኋለሁ።

፬ ከእነርሱ በተቀበላቸው ሳይሆን፣ በእናንተ በአገልጋዮቼ በኩል ^ሀበሚማራቸው በኩል እነርሱን በሚገባ እንዲያስረዳ አገልጋዬ ሊመንም ለዚህ ስራ ይሾማል፤ ይህን በማድረግም እባርከዋለሁ፣ አለዚያም አይበለጽግም።

፭ ጌታ እንዲህም ይላል፤ እኔ እግዚአብሔር ነኝ፣ እና አንድያ ልጄን ለአለም ^ሀቤዛነት ወደ አለም ^ለልኬአለሁ፣ እና እርሱን የሚቀበልው ይድናል፣ እናም እርሱንም ያልተቀበለው ^ሐይኮነናል ብዬ እደነግጋለሁና—

፮ እናም ^ሀየሰውን ልጅም የወደዱትን ሁሉ አደረጉበት፤ እና ሀይሉንም ^ለበክብሩ ^ሐቀኝ በኩል ወስዷል፣ እናም አሁንም በሰማያት ነግሷል፣ እናም በምድር ላይ ወርዶ ሁሉንም ጠላቶች ሁሉ ከእግሩ ^መበታች እስከሚያደርጋቸው ጊዜ ድረስም ይነግሳል፤ እና ይህም ጊዜ ተቃርቧል—

፯ እኔ፣ ጌታ አምላክ፣ ይህን ተናግሬአለሁ፤ ነገር ግን ሰአቱንና ^ሀቀኑን የሰማይ መላእክትም ይሁን ሰው የሚያውቅ የለም፣ እስከሚመጣም ድረስ አያውቁትም።

፰ ስለዚህ፣ ለራሴ ካስቀረኋቸው፣ ከማታውቋቸው ^ሀቅዱሳን ሰዎች በስተቀር፣ ሁሉም ^ለኃጢአተኞች ስለሆኑ፣ ሁሉም ሰዎች ንስሀ ይገቡ ዘንድ ፍቃዴ ነው።

፱ ስለዚህ፣ እላችኋለሁ ከመጀመሪያ ጊዜ ጀምሮ የነበረውን ዘለአለማዊ ^ሀቃል ኪዳኔን ለእናንተ ልኬላችኋለሁ።

፲ እናም ቃል የገባሁትን ፈጽሜአለሁ፣ እና የምድር ^ሀህዝብ ለዚህ ^ለይሰግዳሉ፤ እናም፣ በራሳቸውም ካላደረጉት፣ በሀይል ^ሐዝቅ ይላሉ፣ አሁን ራሳቸውን ከፍ ከፍ ያደረጉትም በሀይል ይዋረዳሉና።

፲፩ ስለዚህ፣ በእነዚህ ህዝብ መካከል ^ሀእንድትሄዱና፣ ስሙ ጴጥሮስ እንደነበረው እንደ ቀደመው ሐዋርያዬ፣ እንዲህም እንድትሏቸው ትእዛዝን እሰጣችኋለሁ፥

፲፪ በመጀመሪያውና በመጨረሻው፣ በምድር ላይ በነበረው፣ እና ተመልሶም በሚመጣው፣ በጌታ ኢየሱስ ስም እመኑ፤

፲፫ በቅዱስ ትእዛዝ መሰረት፣ ለኃጢአቶች ስርየት፣ ^ሀንስሐ ግቡ እናም በኢየሱስ ክርስቶስም ስም ተጠመቁ፤

፲፬ ይህን የሚያደርጉም በቤተክርስቲያኗ ሽማግሌዎች ^ሀእጆችን በመጫን የመንፈስ ቅዱስ ^ለስጦታን ይቀበላሉ።

፲፭ እናም ዳግም፣ እንዲህ እላችኋለሁ፣ ጋብቻን ^ሀየሚከለክል በእግዚአብሔር የተሾመ አይደለም፣ ^ለጋብቻ ለሰው ከእግዚአብሔር የተሰጠ ነውና።

፲፮ ስለዚህ፣ ሰው አንዲት ^ሀሚስት እንድትኖረው ህግ ነው፣ እናም ሁለቱም አንድ ^ለሥጋ ይሆናሉ፣ እናም ይህም የሆነው ^ሐምድር የተፈጠረችበትን አላማ ታሟላ ዘንድ ነው፤

፲፯ እናም ምድር ከመፈጠሯ ^ሀአስቀድሞ ^ለእንደፍጥረቱ፣ ምድር በተመደበላት የሰው ቁጥርም ትሞላ ዘንድ ነው።

፲፰ እናም ሰውን ^ሀስጋ እንዳይበላ፣ ከስጋም ^ለእንዲለይ የሚከለክል በእግዚአብሔር የተሾመ አይደለም፤

፲፱ ስለሆነም፣ የምድር ^ሀአራዊት እና የሰማይ አዕዋፋት እና በምድር የሚበቅለውም፣ ለሰው ምግብና ልብስ ጥቅም፣ እናም በበቂም እንዲኖረው የተመደበ ነው።

፳ ነገር ግን አንድ ሰው ከሌላው በላይ ^ሀእንዲኖረው አልተሰጠም፣ ስለዚህም ^ለአለም በኃጢአት ወድቃለች።

፳፩ ሳያስፈልገው፣ ደምን ^ሀለሚያፈሰው ወይም ስጋን ለሚያባክነው ሰው፣ ወዮለት።

፳፪ እና ደግሞም፣ እውነት እላችኋለሁ፣ የሰው ልጅ ^ሀየሚመጣው በሴት ወይም በምድር በሚጓዝ ሰው አምሳል አይደለም።

፳፫ ስለዚህ፣ ^ሀአትታለሉ፣ ነገር ግን ጸንታችሁ ቆዩ፣ ሰማያት የሚንቀጠቀጡበትን፣ እና ምድርም እንደሰካራም የምትንቀጠቀጥበትን እና ወዲህና ወዲያ የምትናወጥበትን፣ እና ^ለሸለቆዎችም ከፍ ከፍ የሚሉበትን፣ እና ^ሐተራራዎችም ዝቅ የሚሉበትን፤ ስርጉጥጓጡም ሜዳ የሚሆንበትን ይህንን ^መጠብቁ—እና ይህ ሁሉ የሚሆነውም መላዕክቱ ^ሠመለከቱን ሲነፋ ነው።

፳፬ ነገር ግን የጌታ ታላቅ ቀን ከመምጣቱ በፊት፣ ^ሀያዕቆብ በዱር ይበለፅጋል፣ እና ላማናውያንም እንደ ፅጌረዳ ^ለያብባሉ።

፳፭ ፅዮንም ^ሀበኮረብታዎች ላይ ^ለትበለፅጋለች እናም በተራራዎችም ላይ ሀሴትን ታደርጋለች፣ እናም በመረጥኩትም ስፍራ ላይ አብራ ትሰበሰባለች።

፳፮ እነሆ፣ እንዲህ እላችኋለሁ፣ እንዳዘዝኳችሁ ሂዱ፤ ለኃጢአታችሁ ሁሉ ንስሀ ግቡ፤ ^ሀለምኑ፣ ይሰጣችኋል፤ አንኳኩ፣ ይከፈትላችሁማል።

፳፯ እነሆ፣ ከፊታችሁ እሄዳለሁ እናም ^ሀእከተላችኋለሁ፤ እና ^ለበመካከላችሁ እሆናለሁ፣ እና እናንተም ^ሐአታፍሩም።

፳፰ እነሆ፣ እኔ ኢየሱስ ክርስቶስ ነኝ፣ ^ሀበቶሎም እመጣለሁኝ። እንዲህም ይሁን። አሜን።