፩ በእውነት ለምወዳችሁ ለእናንተ ጌታ እንዲህ ይላል፣ እና የምወዳቸውንም ኃጢአታቸውን ^ሀለመሰረይ ^ለእገስጻቸዋለሁ፣ በቅጣትም ^ሐከፈተና በሁሉም ነገሮች ^መየሚድኑበትን መንገድ አዘጋጃለሁና፣ እና ወድጃችኋለሁም—

፪ ስለዚህ፣ በፊቴ መቀጣት እና መገሰፅ ያስፈልጋችኋል፤

፫ ^ሀቤቴን ስለመገንባት የሰጠኋችሁን፣ ታላቅ ትእዛዝ በሁሉም ነገሮች ስላላሰባችሁበት፣ አስከፊ የሆነን ኃጢአት በእኔ ላይ ሰርታችኋልና፤

፬ ^ሀእንግዳ የሆነን ስራዬን አከናውን ዘንድ፣ በሁሉም ስጋ ለባሽ ላይ መንፈሴን ^ለአፈስ ዘንድ፣ ሐዋሪያቴን ለመጨረሻ ጊዜ የወይኑ ስፍራዬን ^ሐእንዲመለምሉ ለማዘጋጀት ያዘጋጀሁት ንድፍ ታላቅ ትእዛዝ በሁሉም ነገሮች አላሰባችሁበትም፤

፭ ነገር ግን እነሆ፣ እውነት እላችኋለሁ፣ በመካከላችሁ የጠራኋቸው የተሾሙ ብዙ አሉ ነገር ግን ^ሀየተመረጡት ጥቂቶች ናቸው።

፮ ያልተመረጡትም በጣም አሳዛኝ ኃጢአት ሰርተዋል፣ በዚያም በቀትርም ጊዜ ^ሀበጨለማ ይሄዳሉ።

፯ እና ለዚህም ምክንያት ^ሀጾማችሁ እና ልቅሶአችሁ፣ ወደ ^ለፀባኦት ጌታ፣ ይህም ሲተረጎም የመጀመሪያው ቀን ^ሐፈጣሪ፣ የመጀመሪያው እና የመጨረሻው ወደሆነው፣ ወደ እርሱ ጆሮዎች ይመጡ ዘንድ ^መየክብር ስብሰባችሁን እንድትጠሩ ትእዛዝን ሰጠኋችሁ።

፰ አዎን፣ እውነት እላችኋለሁ፣ ቤትን ትገነቡ ዘንድ ትእዛዝ ሰጠኋችሁ፣ በዚህ ቤትም የመረጥኳቸውን ከላይ ^ሀመንፈሳዊ ስጦታ ልሰጣችሁ አቅጃለሁ፤

፱ ይህም አብ ለእናንተ የሚገባው ^ሀቃል ኪዳን ነውና፤ ስለዚህ እንደ ኢየሩሳሌም ሐዋሪያቴ፣ እንድትቆዩ አዛችኋለሁ።

፲ ይህም ቢሆን፣ አገልጋዮቼ በጣም አሳዛኝ ኃጢአትን ሰርተዋል፤ እና በነቢያት ^ሀትምህርት ቤትም ^ለአለመስማማት ተነስቷል፤ ይህም ለእኔ በጣም አሳዛኝ ነው ይላል ጌታ፤ ስለዚህ እንዲገሰጹ ላኳቸው።

፲፩ እውነት እላችኋለሁ፣ ቤትን እንድትገነቡ ፍቃዴ ነው። ትእዛዛቴን ብታከብሩ ይህን ለመገንባት ሀይል ይኖራችኋል።

፲፪ ትእዛዛቴን ^ሀካላከበራችሁ፣ የአብ ^ለፍቅር ከእናንተ ጋር አይቀጥልም፣ ስለዚህ በጭለማ ትሄዳላችሁ።

፲፫ አሁን ይህ ጥበብ፣ እና የጌታ አዕምሮ ነው—በአለም በሚሰሩበት ሳይሆንም፣ ቤት ይሰራ፣ በአለም አይነት ኑሮ እንድትኖሩ አልሰጠኋችሁምና፤

፲፬ ስለዚህ፣ ለዚህ ሀይል ለምትመድቡት እና ለምትሾሙት ለሶስታችሁ በማሳያችሁ ስርዓት ይሰራ።

፲፭ እና በዚህ ውስጠኛ አደባባይም፣ መጠኑ አስራ ሰባት ሜትር ስፋት ይሁን፣ እና ርዝመቱም ሀያ ሜትር ይሁን።

፲፮ እና የውስጠኛው አደባባይ የታች ክፍል ለቅዱስ ቁርባን ለማቅረብ፣ እና ለስብከታችሁ፣ እና ለጾማችሁ፣ እና ለጸሎታችሁ፣ እና ከሁሉም በላይ የሆነውን ፍላጎታችሁን ^ሀለምታቀርቡበት ለእኔ ይቀደስ፣ ይላል ጌታ።

፲፯ እና የውስጠኛው አደባባይ ከፍተኛው ክፍልም ለሐዋሪያቴ ትምህርት ቤት ለእኔ ይቀደስ፣ አለ ^ሀአህመን ልጅ፤ ወይም በሌላ ቃላት አልፈስ፤ ወይም በሌላ ቃላት፣ ኦሜገስ፤ እንዲሁም ^ለጌታችሁ ኢየሱስ ክርስቶስ። አሜን።