፩ ልጄ ቶማስ፣ በስራዬ ባለህ እምነት የተባረክህ ነህ።

፪ እነሆ፣ በቤተሰብህ የተነሳ ብዙ መከራን አይተሀል፤ ሆኖም፣ ቤተስብህን እና አንተን አዎን፣ ህጻናት ልጆችህን እባርካቸዋለሁ፤ እናም የሚያምኑበት እና እውነትን የሚያውቁበት እንዲሁም ከአንተ ጋር በቤተክርስቲያኔ አንድ የሚሆኑበት ቀን ይመጣል።

፫ ልብህን አንሳ እናም ተደሰት፣ የተልዕኮህ ሰዓት መጥቷልና፤ እናም አንደበትህ ይፈታል፣ እናም የታላቅ ደስታን የምስራችንም ለዚህ ትውልድ ታውጃለህ።

፬ ለአገልጋዬ ለጆሴፍ ስሚዝ ዳግማዊ፣ የተገለጡለትን ነገሮች ታውጃለህ። ከዚህ ጊዜ ጀምሮ መስበክ፣ አዎን፣ ለነዶ ሊሆን የቀረበውን ስብል መሰብሰብ ትጀምራለህ።

፭ ስለዚህ፣ በሙሉ ነፍስህ እጨድ፣ እናም ኃጢአትህም ተሰርዮልሀል፣ እናም ብዙ ነዶም በጀርባህ ትሸከማለህ፣ ለሰራተኛ ደመወዙ ይገባዋልና። ስለዚህ ቤተሰቦችህም በህይወት ይኖራሉ።

፮ እነሆ፣ እውነት እልሀለሁ፣ ከእነርሱ ለጥቂት ጊዜ ብቻ ሂድ፣ እናም ቃሌን አውጅ፣ እናም ለእነርሱም ስፍራን አዘጋጅላቸዋለሁ።

፯ አዎን፣ የስዎቹን ልብ እከፍታለሁ፣ እናም ይቀበሉሀል። እና በእጀህም ቤተክርስቲያንን እመሰርታለሁ፤

፰ እናም ታጠነክራቸዋለህ እናም ለሚሰበሰቡበት ቀንም ታዘጋጃቸዋለህ።

፱ በስቃይ ታጋሽ ሁን፣ ክፉ ለሚናገሩህ ክፉ አትመልስ። ቤትህን በትህትና ግዛ፣ እናም የጸናህ ሁን።

፲ እነሆ፣ ስለማይቀበሉህም ለአለም ሳይሆን ነገር ግን ለቤተክርስቲያኗ ሀኪም ትሆናለህ።

፲፩ እኔ ወደምፈቅደው ስፍራ ሁሉ ሂድ፣ እናም የምትሄድበት እና የምትሰራው በአጽናኙ ይሰጥሀል።

፲፪ ወደፈተና እንዳትገባ እና ደመወዝህን እንዳታጣ ዘወትር ጸልይ።

፲፫ እስከ ፍጻሜው ድረስ ታማኝ ሁን፣ እኔም ከአንተ ጋር ነኝ። እነዚህ ቃላት የሰውም ሆነ የሰዎች አይደሉም፣ ነገር ግን በአብ ፈቃድ የእኔ ያዳኛችሁ የኢየሱስ ክርስቶስ ናቸው። አሜን።