፩ እነሆ፣ ኦሊቨር ለአንተ ጥቂት ቃላትን እናገራለሁ። እነሆ፣ አንተ የተባረክህ ነህ፣ እናም በምንም ኩነኔ ስር አይደለህም። ነገር ግን ወደ ^ሀፈተና እንዳትገባ ^ለትዕቢትን ተጠንቀቅ።

፪ ጥሪህን ለቤተክርስቲያኗ እና እንዲሁም በአለም ፊት እንዲታወቅ አድርግ፣ እናም ከዚህ ጊዜ ጀምሮ እናም ለዘለአለም እውነትን ለመስበክ ልብህ ይከፈታል። አሜን

፫ እነሆ፣ ለአንተ ለኃይራም ጥቂት ቃላትን እናገራለሁ፤ አንትም ብትሆን በምንም ኩነኔ ስር አይደለህም እናም ልብህ ተከፍቷል እናም አንደበትህ ተፈትቷል፤ እናም ጥሪህ ለመምከር እና ቤተክርስቲያኗን በቀጣይነት ^ሀለማጠንከር ነው። ስለዚህ ሀላፊነትህ ለዘለአለም ለቤተክርስቲያኗ ነው፣ ይህም የሆነው በቤተሰብህ ምክንያት ነው። አሜን።

፬ እነሆ፣ ለአንተ ^ሀሳሙኤል ጥቂት ቃላትን እናገራለሁ፤ አንትም እንዲሁ በምንም ኩነኔ ስር አይደለህም እናም ጥሪህ ለመምከር እና ቤተክርስቲያኗን በቀጣይነት ለማጠንከር ነው፤ እናም በአለም ፊት ለመስበክ ገና አልተጠራህም። አሜን።

፭ እነሆ፣ ለአንተ ጆሴፍ ጥቂት ቃላትን እናገራለሁ፤ አንተም በምንም ኩነኔ ስር አይደለህም እናም ጥሪህ ለመምከር እና ቤተክርስቲያኗን በቀጣይነት ለማጠንከር ነው፤ ከዚህ ጊዜ ጀምሮ እናም ለዘለአለም ይህ የአንተ ሀላፊነት ነው። አሜን።

፮ እነሆ ለአንተ ለጆሴፍ ናይት ^ሀመስቀልህን እንድታነሳ፣ በዚህም ^ለድምጽህን አውጥተህ እንዲሁም በሚስጥር እናም በአለም ፊት፣ እናም በቤተሰብህ መካከል፣ እናም በባልንጀሮችህ መካከል፣ እናም በሁሉም ስፍራዎች ^ሐእንድትጸልይ በእነዚህ ቃላት እገልጽልሀለሁ።

፯ እነሆም፣ የልፋትህን ዋጋ ትቀበል ዘንድ፣ ከእውነተኛዋ ቤተክርስቲያን ጋር ^ሀአንድ መሆን እና ለመምከር ቃልህን ዘወትር መስጠት ይህ ስራህ ነው። አሜን።