፩ እውነት፣ እውነት እላችኋለሁ፣ እኔ፣ እንዲሁም ^ሀአልፋና ኦሜጋ፣ ጌታችሁ እና አምላካችሁ፣ በመንፈስ ^ለድምፅም እናገራለሁ—

፪ እናንት ወንጌሌን ለመስበክ፣ እና ^ሀየወይን ስፍራዬን ^ለለመግረዝ ስማችሁን የሰጣችሁ ሆይ፣ አድምጡ።

፫ እነሆ፣ እንዲህ እላችኋለሁ ሳትዘገዩ፣ ወይም ^ሀስራ ሳትፈቱ፣ በአቅማችሁ ሁሉ እየሰራችሁ ትሄዱ ዘንድ ፍቃዴ ነው—

፬ በሰጠኋችሁ ራዕዮች እና ትእዛዛት መሰረት ^ሀእውነትን ^ለበማወጅ ድምጻችሁን እንደ መለከት ድምጽ ከፍ አድርጉ።

፭ እናም ታማኝ ብትሆኑ ብዙ ^ሀነዶም በጀርባችሁ ትሸክማላችሁ፣ እናም ^ለበክብር፣ እናም ^ሐበግርማ፣ ^መአለሟችነት፣ እናም ^ሠበዘለአለም ሕይወት ^ረአክሊልም ይጫንላችኋል።

፮ ስለዚህ፣ ለአገልጋዬ ዊልያም መክለለን በእውነትም እለዋለሁ፣ ወደ ምስራቅ አገሮች እንዲሄድ የሰጠሁትን ትእዛዝ ^ሀሽሬዋለሁ፤

፯ እናም አዲስ ተልዕኮ እና አዲስ ትእዛዝንም እሰጠዋለሁ፣ በዚህም እኔ ጌታ ለልቡ ^ሀስለማጉረምረሙም ^ለእገስጸዋለሁ፤

፰ እናም ኃጢአትን ሰርቷል፤ ይሁን እንጂ፣ ይቅርታ ሰጥቼዋለሁ እና ዳግም እንዲህም እለዋለሁ፣ ወደ ደቡብ አገሮች ሂድ።

፱ እናም አገልጋዬ ሉክ ጆንሰን ከእርሱም ጋር ይሂድ፣ እናም ያዘዝኳቸውን ነገሮችንም ያውጁ—

፲ የሚያስፈልጋቸውን ሁሉንም ነገሮች የሚያስተምራቸውን ^ሀአፅናኙን በጌታ ስም በመጥራትም—

፲፩ እንዳይታክቱም ዘወትር ^ሀይጸልዩ፤ እና ይህን እስካደረጉ ድረስ፣ እስከመጨረሻም አብሬአቸው እሆናለሁ።

፲፪ እነሆ፣ ይህም እናንተን በተመልከተ የጌታ አምላካችሁ ፈቃድ ነው። እንዲሁም ይሁን። አሜን።

፲፫ እናም ዳግም፣ በእውነት ጌታ እንዲህ ይላል፣ አገልጋዬ ^ሀኦርሰን ሀይድ እና አገልጋዬ ^ለሳሙኤል ኤች ስሚዝ ወደ ምስራቅ አገሮች ጎዞአቸውን ይጀምሩ፣ እናም ያዘዝኳቸውን ነገሮች ያውጁ፤ እናም ታማኝም ቢሆኑ፣ እስከ መጨረሻም ^ሐአብሬአቸው እሆናለሁ።

፲፬ እና ደግሞም፣ በእውነት ለአገልጋዬ ላይመን ጆንሰን፣ እናም ለአገልጋዬ ^ሀኦርሰን ፕራት ይህን እላቸዋለሁ፣ እነርሱም ወደ ምስራቅ አገሮች ጎዞአቸውን ያቅኑ፣ እናም እነሆ፣ እስከ መጨረሻውም እኔ ከእነርሱ ጋር ነኝና።

፲፭ እና ደግሞም፣ ለአገልጋዬ አሳ ዶድስ፣ እና ለአገልጋዬ ካልቭስ ውልሰን እናገራለሁ፣ እነርሱም ወደ ምእራብ አገሮች ጎዞአቸውን ያቅኑ፣ እናም እንዳዘዝኳቸው ወንጌሌን ያውጁ።

፲፮ እናም ታማኝ የሆነውም ሁሉንም ነገሮች ያሸንፋል፣ እናም በመጨረሻም ቀን ^ሀከፍ ይደረጋል።

፲፯ እና ደግሞም፣ ለአገልጋዬ ሜጀር ኤን አሽሊ እና ለአገልጋዬ በር ሪግስ እላቸዋልለሁ፣ ወደ ደቡብ አገሮችም ጉዞአቸውን ያቅኑ።

፲፰ አዎን፣ ሁሉም እንዳዘዝኳቸው፣ በየቤቱ፣ እና በየመንደሩ፣ እና በየከተማው ይጓዙ።

፲፱ እናም በሚገቡበትም ቤት ውስጥ፣ እና ከተቀበሏችሁም፣ በቤቱ ላይ በረከታችሁን ተዉ።

፳ እናም በምትገቡበትም ቤት ውስጥ፣ ባይቀበሏችሁም፣ በቶሎ ከቤቱ ውጡ፣ እናም ምስክር እንዲሆንባቸው ከእግራችሁ ትቢያን ^ሀአራግፉ።

፳፩ እናም ^ሀበደስታ እና በስኬታማነት ይሞላሉ፤ እናም ይህን እወቁ፣ ^ለበፍርድም ቀን የእዚያ ቤት ፈራጆች ትሆናላችሁ እናም ትኮንናቸዋላችሁም፤

፳፪ እናም ከዚያ ቤት ይልቅ ለአረመኔው በፍርድ ቀን ይቀልለታል፤ ስለዚህ፣ ወገባችሁን ^ሀታጠቁ እናም ታማኝ ሁኑ፣ እናም ሁሉንም ነገሮች ታሸንፋላችሁ፣ እናም በመጨረሻም ቀን ከፍ ትደረጋላችሁ። እንዲህም ይሁን። አሜን።

፳፫ ደግሞም፣ ጌታ ለእናንተ እንዲህ ይላል፣ ስለእናንተ ያለውን ፈቃዱን ለማወቅ ስማችሁን የሰጣችሁ የቤተክርስቲያኔ ሽማግሌዎች ሆይ—

፳፬ እነሆ፣ እላችኋለሁ፣ እነዚያን ቤተሰቦች መርዳት፣ እናም የተጠሩት እና ወደ አለም ወንጌልን ለመስበክ መሄድ ያለባቸውን ቤተሰቦች መርዳት፣ የቤተክርስቲያኗ ሀላፊነት ነው።

፳፭ ስለዚህ፣ እኔ ጌታ ይህን ትእዛዝ እሰጣችኋለሁ፣ ወንድሞቻችሁ ልቦቻቸውን ለመክፈት ፈቃደኛ እስከሆኑ ድረስ፣ ለቤተሰቦቻችሁ ስፍራዎችን ተቀበሉ።

፳፮ እናም ስፍራዎችን፣ እና የቤተክርስቲያኗን እርዳታ ለቤተሰባቸው ለመቀበል የሚችሉት እንደነዚህ አይነቶች፣ ወደ አለም፣ ወደ ምስራቅም ወይም ምዕራብ፣ ወይም ሰሜን፣ ወይም ወደ ደቡብ፣ ከመሄድ እንዳይቀሩ።

፳፯ ይጠይቁ እናም ይቀበላሉ፣ ያንኳኩ እናም ይከፈትላቸዋል፣ እናም ከላይም፣ እንዲሁም ^ሀከአፅናኙ ዘንድ፣ የት መሄድ እንዳለባቸው ያውቃሉ።

፳፰ እና ደግሞም፣ እውነት እላችኋለሁ፣ ^ሀቤተሰቡን ^ለየማስተዳደር ሀላፊነት ያለበት እያንዳንዱም ሰው፣ ያስተዳድር፣ እናም ዘውዱን በምንም አያጣውም፣ እናም በቤተክርስቲያኗም ውስጥ ያገልግል።

፳፱ እያንዳንዱም ሰው በሁሉም ነገሮች ^ሀይትጋ። እናም ^ለስራ ፈት የሆነ፣ ንስሀ ካልገባ እና መንገዱን ካላሻሻለ፣ በቤተክርስቲያኗ ውስጥ ስፍራ አይኖረውም።

፴ ስለዚህ፣ አገልጋዬ ስሚኦን ካርተር እና አገልጋዬ ኢመር ሀሪስ በአገልግሎት ይተባበሩ፤

፴፩ እና ደግሞም አገልጋዬ ኤዝራ ታየር እና አገልጋዬ ^ሀቶማስ ቢ ማርሽም፤

፴፪ እና ደግሞም አገልጋዬ ሀይረም ስሚዝ እና አገልጋዬ ሬይኖልድ ካሁንም፤

፴፫ እና ደግሞም አገልጋዬ ዳንኤል ስታተን እና አገልጋዬ ሲሞር ብረንሰንም፤

፴፬ እና ደግሞም አገልጋዬ ሲልቨስተር ስሚዝ እና አገልጋዬ ጊድየን ካርተር

፴፭ እና ደግሞም አገልጋዬ ራግልስ ኤምስ እና አገልጋዬ ስቲቨን ባርነትም፤

፴፮ እና ደግሞም አገልጋዬ ማይካ ቢ ዌልተን እና አገልጋዬ ኢድን ስሚዝም። እንዲህም ይሁን። አሜን።