፩ ጌታ እንዲህ ይላል፣ ልጄ ሆይ እውነት፣ እውነት እልሀለሁ፣ በልመናህ መሰረት፣ ኃጢአቶችህ ^ሀተሰርየውልሀል፣ የአንተ እና የወንድሞችህ ጸሎቶች ወደ ጆሮዎቼ መጥተዋልና።

፪ ስለዚህ፣ የተሰጠህን የመንግስት ^ሀቁልፎች ለመያዝ ከዚህ ጀምሮ ተባርከሀል፤ ይህም ^ለመንግስት ለመጨረሻ ጊዜ እየመጣ ያለው ነው።

፫ እውነት እልሀለሁ፣ በዚህ አለምም ሆነ በሚመጣው አለም ሳለህ፣ የመንግስት ቁልፎች ከአንተ በምንም መንገድ አይወሰድብህም፤

፬ ይህም ቢሆን፣ አዎን፣ በአንተ በኩል ^ሀየእግዚአብሔር ቃላት ለሌላ፣ እንዲሁም ለቤተክርስቲያኗ፣ ይሰጣሉ።

፭ እና የእግዚአብሔርን ቃላት የሚቀበሉ ሁሉ፣ እንደ ቀላል ነገር እንዳይቆጥሯቸው፣ እና በዚህም ፍርድ እንዳይመጣባቸው፣ እና ማእበሉ ሲወርድ፣ እና ነፋሱም ሲነፍስ፣ እና ^ሀዝናብም ሲጥል፣ እና ቤታቸውንም ሲገፋው እንዳይደናቀፉ እና እንዳይወድቁ፣ እንዴት እንደሚይዟቸው ^ለይጠንቀቁ።

፮ ደግሞም፣ ለወንድሞችህ ስድኒ ሪግደንና ፍረድሪክ ጂ ዊሊያም እውነት እላቸዋለሁ፣ ኃጢአቶቻቸውም ደግሞ ተሰርየዋል፣ እና የዚህን የመጨረሻ መንግስት ቁልፎችን መያዝን በተመለከተ ከአንተ ጋር እንደ እኩል ይቆጠራሉ፣

፯ ደግሞም እንዲደራጅ ያዘዝኩትን የነብያት ^ሀትምህርት ቤት ማስተዳደሪያ ቁልፎችን መያዝን በተመለከተ ከአንተ ጋር እንደ እኩል ይቆጠራሉ፤

፰ በዚህም፣ የሚያምኑት ሁሉ፣ ለፅዮን፣ እና ለእስራኤል ህዝብ፣ እና ለአህዛብ ደህንነት በአገለግሎታቸው ፍጹማን ይሆኑ ዘንድ፤

፱ በአገልግሎትህ ቃልን ይቀበሉ ዘንድ፣ እና በአገልግሎታቸውም ቃል፣ እስከ ምድር ዳርቻ ይሄድ ዘንድ፤ ^ሀመጀመሪያ ወደ ^ለአህዛብ፣ እና ከዚያም እነሆ አስተውሉ፣ ወደ አይሁድም ይዞራሉ።

፲ ከዚያም ህዝብን፣ የአህዛብን አገሮች፣ ^ሀየጆሴፍን ቤት፣ የደህንነታቸውን ወንጌል ለማሳመን የጌታ እጅ በሀይል ^ለየሚገለጥበት ቀን ይመጣል።

፲፩ በዚያም ቀን እንዲህ ይሆናል፣ የወንጌል ሙላትን ለዚህ ^ሀሀይል ^ለበተሾሙት በኩል፣ የኢየሱስ ክርስቶስ ራዕይ በሚፈስባቸው ^ሐበአፅናኙ አገልግሎት፣ እያንዳንዱ ሰው በገዛ ልሳን እና በራሱ ቋንቋ ^መይሰማል።

፲፪ አሁንም፣ እውነት እላችኋለሁ፣ ^ሀበአገልግሎቱ እና በአመራሩ እንድትቀጥሉ ትእዛዝ እሰጣችኋለሁ።

፲፫ እና የነቢያትን ትርጉም ስትጨርሱ፣ ከዚህ በኋላ የቤተክርስቲያኗን እና ^ሀየትምህርት ቤቱን ጉዳዮች ^ለትመራላችሁ፤

፲፬ እና ከጊዜ ወደ ጊዜም፣ በአፅናኙ እንደሚገለጸው፣ ተነግረው የማይታወቁ የመንግስትን ^ሀሚስጥራት ^ለበራዕይ ተቀበሉ፤

፲፭ እና ቤተክርስቲያኖችንም በስርዓት አደራጁ፣ እና ^ሀአጥኑና ^ለተማሩ፣ እና ሁሉንም መልካም መጻህፍት፣ ^ሐቋንቋዎች፣ ልሳኖች፣ እና ህዝብን እወቁ።

፲፮ እና ይህም፣ ኮሚቴውን መምራት፣ እና የዚህን ቤተክርስቲያን እና መንግስት ጉዳዮች በስርዓት ማደራጀት፣ በህይወታችሁ ሁሉ ጉዳያችሁ እና ተልዕኮአችሁ ይሆናል።

፲፯ ^ሀአትፈሩ፣ ወይም አትዋረዱ፤ ነገር ግን በትዕቢታችሁ እና ^ለበኩራታችሁም ተገሰጹ፣ በነፍሶቻችሁ ወጥመድ ያመጣልና።

፲፰ ቤቶቻችሁንም በስርዓት አስተካክሉ፤ ^ሀስራ ፈትነትን እና ^ለጽዱ አለመሆንን ከእናንተ አርቁ።

፲፱ አሁን፣ እውነት እልሀለሁ፣ ወድያውኑ ሲቻል፣ ለአማካሪህ እና ለጸሀፊህ፣ እንዲሁም ለፍረድሪክ ጂ ዊሊያምስ ቤተሰብ ስፍራ ይሰጥ።

፳ እና አዛውንቱ አገልጋዬ፣ ^ሀጆሴፍ ስሚዝ፣ ቀዳማዊም፣ አሁን በሚኖርበት ስፍራ ከቤተሰቡ ጋር ይቀጥል፤ እና የጌታ አንደበት እስከሚወስንበትም ድረስ አይሸጥ።

፳፩ እና አማካሪዬ፣ እንዲሁም ^ሀስድኒ ሪግደን፣ የጌታ አንደበት እስከሚወስንበት ድረስ አሁን በሚኖርበት ይቆይ።

፳፪ እና ኤጲስ ቆጶሱ በቅንነት ^ሀወኪልን ለማግኘት ይፈልግ፣ እና ይህም ሰው ^ለሀብት ያከማቸ፣ የእግዚአብሔር ሰው፣ እና ጠንካራ እምነት ያለው ይሁን—

፳፫ በዚህም እያንዳንዱን እዳ ለመክፈል ችሎታ ይኖረው ዘንድ፤ የጌታ ጎተራ በሰዎቹ አይኖች ፊት መጥፎ ስም አይኖረው ዘንድ ወኪሉ ሀብት ያከማቸ የእግዚአብሔር ሰው፣ እና ጠንካራ እምነት ያለው ይሁን።

፳፬ ^ሀተግታችሁ ፈልጉ፣ ዘወትር ^ለጸልዩ፣ እናም እመኑ፣ እና በቅንነት ከተራመዳችሁ እና እርስ በራስ ቃል ኪዳን የገባችሁበትን ^ሐቃል ኪዳን ካስታወሳችሁ፣ ^መሁሉም ነገሮች ለእናንተ በጎነት አብረው ይሰራሉ።

፳፭ ^ሀቤተሰቦቻችሁ አነስተኛ ይሁኑ፤ በተለይም የቤተሰባችሁ አባል ያልሆኑትን በሚመለከት፤ በተለይም የአዛውንቱ ጆሴፍ ስሚዝ፣ ቀዳማዊ ቤተሰብም፤

፳፮ ስራዎቼ እንዲከናወኑ፣ ለእናንተ የተሰጧችሁ ነገሮች ከእናንተ እንዳይወሰዱ እና ብቁ ላልሆኑት እንዳይሰጥ ዘንድ—

፳፯ እና በዚህም ያዘዝኳችሁን ነገሮች ለማከናወን እንዳትደናቀፉ ቤተሰቦቻችሁ አነስተኛ ይሁኑ።

፳፰ ደግሜ፣ እውነት እላችኋለሁ፣ ባሪያዬ ቪየና ዣክ ወጪዋን እንድትችል፣ እና ወደ ፅዮን ምድር ለመሄድ ገንዘብ ይሰጣት ዘንድ ፍቃዴ ነው፤

፳፱ እና የሚቀረው ገንዘብም ለእኔ ይቀደስ፣ እና በጊዜዬም ዋጋዋን ታገኛለች።

፴ እውነት እላችኋለሁ፣ ወደ ፅዮን ምድር እንድትሄድ፣ እና ከኤጲስ ቆጶስ እጅ ውርሷን እንድትቀበል ፍቃዴ ነው፤

፴፩ ታማኝ እስከሆነች ድረስ በሰላም እንድትሰፍር፣ እና ከዚህ በኋላ በቀኖቿ ስራ ፈት እንዳትሆን ፍቃዴ ነው።

፴፪ እነሆም፣ እውነት እላችኋለሁ፣ ይህን ትእዛዝ ጻፉ፣ እና በፅዮን ውስጥ ያሉ ወንድሞቻችሁን፣ በፍቅር ሰላምታ፣ በጊዜዬ በፅዮን ^ሀእንድትመሩ እንደተጠራችሁ ንገሯቸው።

፴፫ ስለዚህ፣ በዚህ ጉዳይ እኔን ማድከማቸውን ያቁሙ።

፴፬ እነሆ፣ እላችኋለሁ በፅዮን ያሉት ወንድሞቻችሁ ንስሀ ይግቡ፣ እና መላእክት በእነርሱ ይደሰቱ።

፴፭ ይህም ቢሆን፣ በብዙ ነገሮች አልተደሰትኩም፤ እና በአገልጋዬ ^ሀዊሊያም ኢ መክሌይን፣ ወይም በአገልጋዬ ስድኒ ጊልበርት አልተደሰትኩም፤ እና ኤጲስ ቆጶሱና ሌሎች ንስሀ የሚገቡበት ብዙ ነገሮች አላቸው።

፴፮ ነገር ግን እውነት እላችኋለሁ እኔ ጌታ ^ሀከፅዮን ጋር እጣላለሁ፣ እና ጠንካራዋን ለምኛለሁ፣ እና እስክትሸነፍ እና በፊቴ ^ለንጹህ እስክትሆን ድረስ ^ሐእገስጻለሁ።

፴፯ ከስፍራዋ ልትነቃነቅ አትችልምና። እኔ ጌታ ተናግሬዋለሁ። አሜን።