፩ ለቅዱሳኑ መሰብሰቢያ የመደብኩት እና ^ሀበቀደስኩት በዚህ ^ለበሚዙሪ ^ሐምድር ውስጥ በትእዛዜ አማካይነት ^መየተሰበሰባችሁ የቤተክርስቲያኔ ሽማግሌዎች ሆይ፣ አድምጡ፣ ይላል ጌታ አምላካችሁ።

፪ ስለዚህ፣ ይህም የቃል ኪዳን ምድር፣ እና ^ሀለፅዮን ከተማ ^ለስፍራም ነው።

፫ እና ጌታ አምላካችሁ እንዲህ ይላል፣ ጥበብን የምትቀበሉ ከሆነ እነሆ ጥበብም። እነሆ፣ አሁን ኢንዲፔንደንስ ተብሎ የሚጠራው አማካዩ ስፍራ ነው፤ እናም ^ሀየቤተመቅደሱ ስፍራ ከፍርድ ቤቱ ሳይርቅ፣ ወደ ምዕራብ የሚገኘው ነው።

፬ ስለዚህ፣ ይህ ምድር፣ እናም ከዚያ ወደ ምዕራብ ያሉትም መሬቶች፣ እንዲሁም ^ሀበአይሁድና በአህዛብ መካከል እስከሚሄደው መስመር ያሉትን መሬቶች በቅዱሳኑ ^ለመገዛታቸው ጥበብ ነው፤

፭ እና ደቀ መዛሙርቶቼ ምድርን ^ሀለመግዛት እስከቻሉም ድረስ፣ የሳር መስክ ድንበር ላይ ያሉትን መሬቶች እንዲሁ ጥበብ ነው። እነሆ፣ ይህን ለዘለአለም ውርስ ^ለማግኘታቸው ጥበብ ነው።

፮ እና አገልጋዬ ስድኒ ጊልበርትም፣ በፅድቅ ለመደረግ እስከተከናወነ ድረስ እና ጥበብም እንደመራው መጠን፣ ገንዘብን ለመቀበል፣ ለቤተክርስቲያኗ ^ሀወኪል በመሆን፣ በአካባቢዎችም ሁሉ መሬቶችን ለመግዛት በሾምኩት ሀላፊነት ይቁም።

፯ እናም አገልጋዬ ^ሀኤድዋርድ ፓርትሪጅም በሰጠሁት ሀላፊነት ይቁም፣ እና በትእዛዜም አማካይነት ለቅዱሳኑ ውርሳቸውን ^ለያካፍል፤ እናም እንዲረዱት የመረጣቸውም ይህን ያድርጉ።

፰ እና ደግሞም፣ እውነት እላችኋለሁ፣ አገልጋዬ ስድኒ ጊልበርት እራሱን በዚህ ስፍራ ያቋቁም፣ እናም ያለማታለል እቃዎችን በመሸጥ ምድርን ለቅዱሳኑ እርዳታ ለመግዛት እና ደቀ መዛሙርትን በሚወርሱበት ስፍራ ላይ እንዲቋቋሙ የሚያስፈልጋቸውን ማንኛውንም ነገሮች ለማግኘት የሚያስችሏቸውን ገንዘብ ለማግኘትም የግምጃ ቤትን ይመስርት።

፱ እናም በእርሱ እንደ ጸሀፊ ከተቀጠሩት ሰዎች ማናቸውም በኩል ለህዝቡ እቃዎች ለመላክ እንዲችል፣ አገልጋዬ ስድኒ ጊልበርት ፈቃድ ያግኝ—እነሆ ይህ ጥበብ ነው፣ እና ማንም የሚያነበው ቢኖር ይረዳው፤

፲ እናም ^ሀበጭለማ እና በሞት አካባቢ እና ^ለጥላ ውስጥ ላሉት ወንጌሌም እንዲሰበክ፣ እንደዚህም ቅዱሳኔን ያስተዳድራቸው።

፲፩ እና ደግሞም፣ እውነት እላችኋለሁ፣ አገልጋዬ ^ሀውልያም ደብሊው ፈልፕስ በዚህ ስፍራ ላይ ይስፈር፣ እናም ለቤተክርስቲያኑም አንድ ^ለአሳታሚ ሰው ይመስረት።

፲፪ እናም እነሆ፣ አለምም ፅሁፉን ከተቀበሉ—እነሆ ጥበብም እነሆ—ለቅዱሳኑ ጥቅም፣ ምንም የሚያገኘውን በፅድቅ ያግኝ።

፲፫ እናም አገልጋዬ ^ሀኦሊቨር ካውድሪ፣ በምመድብለት በማንኛውም ስፍራ፣ መንፈሱም በእርሱ በኩል ይህን ስለሚሰጥ፣ ሁሉም ነገሮች በፊቴ ትክክል እንዲሆኑ ፅሑፍ በመገልበጥ፣ በማስተካከል፣ እና በመምረጥ እንዳዘዝኩት እርሱን ይርዳው።

፲፬ እናም የተናገርኩባቸውም ሰዎች ሁሉ፣ በሚቻለው ፍጥነት ከቤተሰቦቻቸው ጋር ነገሮችን እንደተናገርኳቸው ለማከናወን በፅዮን ምድር ውስጥ ይመስረቱ።

፲፭ እና አሁን ስለ መሰብሰቡ ጉዳይ—ኤጲስ ቆጶሱና ወኪሉ ወደዚህ ምድር እንዲመጡ ለታዘዙት ቤተሰቦች በሚቻልበት በኩል ወዲያውም ይዘጋጁ፣ እናም በሚወርሱበትም ስፍራ ይትከሉ።

፲፮ እናም ለሚቀሩትም ሽማግሌዎች እና አባላትም ሌሎች መረጃዎች ከዚህ በኋላ ይሰጣቸዋል። እንዲህም ይሁን። አሜን።