፩ ለአገልጋዬ ^ሀጆሴፍ ስሚዝ ዳግማዊ እና ደግሞም ለአገልጋዬ ^ለስድኒ ሪግደን፣ እና ደግሞም ለአገልጋዬ ^ሐሀይረም ስሚዝ፣ እና ለተመደቡት ከዚህም በኋላ ለሚመደቡት አማካሪዎቻችሁ በእውነት ጌታ እንዲህ ይላል፤

፪ ደግሞም ለአንተ፣ ለአገልጋዬ ^ሀኤድዋርድ ፓርትሪጅ እና ለአማካሪዎቹ፤

፫ ደግሞም በፅዮን ውስጥ በቤተክርስቲያኔ ከፍተኛ ሸንጎ አባል ለሆናችሁ ታማኝ አገልጋዮቼ፣ እንዲህም ተብሎ ይጠራልና፣ እና በአለም ሁሉ በውጪ ለተበተኑት ለኋለኛው ቀን ቅዱሳን የኢየሱስ ክርስቶስ ቤተክርስቲያኔ ሽማግሌዎች እና ህዝብ ሁሉ።

፬ በመጨረሻዎቹ ቀናትም ^ሀቤተክርስቲያኔ የምትጠራው በዚህ፣ እንዲሁም በየኋለኛው ቀን ቅዱሳን የኢየሱስ ክርስቶስ ^ለቤተክርስቲያን ስም ነው።

፭ ለሁላችሁም እውነት እላችኋለሁ፥ ለህዝቦች ^ሀመመሪያ ትሆኑ ዘንድ ^ለተነሱ እና አብሩ፤

፮ እና ^ሀበፅዮን ምድርና ^ለበካስማዎቿ ላይ አብሮ ^ሐመሰብሰቡ ከአውሎ ነፋስ፣ እና ቁጣም ሳይቀላቀል በምድር ሁሉ ላይ ^መከሚፈሰው መጠበቂያ እና ^ሠመሸሸጊያ ይሆን ዘንድ ተነሱ እናም አብሩ።

፯ ከተማው፣ ፋር ዌስት፣ ^ሀቅዱስና ለእኔ የተቀደሰ ምድር ይሁን፤ እና ከሁሉም በላይ ቅዱስ ይባላል፣ እናንት የቆማችሁበት ምድር ቅዱስ ነውና።

፰ ስለዚህ፣ ^ሀያመልኩኝ ዘንድ ለቅዱሳኔ መሰብሰቢያ እንዲሆን፣ ቤትን ^ለትገነቡልኝ ዘንድ አዝዛችኋለሁ።

፱ እና ለዚህም ስራ መጀመሪያ፣ እና መሰረት፣ እና የማዘጋጃውም ስራ በሚቀጥለው በጋ ይሁን፤

፲ እና መጀመሪያውም በሚቀጥለው ሀምሌ ፬ ቀን ላይ ይሁን፤ እና ከዚያም ጊዜ በኋላ ህዝቤ በስሜ ቤት ይገነቡልኝ ዘንድ በቅንነት ይስሩ፤

፲፩ እና ከዚህ ቀን ^ሀአንድ አመት በኋላ ^ለለቤቴ መሰረትን መገንባት ዳግም ይጀምሩ።

፲፪ በዚህም ከዚያ ቀን ጀምሮ፣ ከማዕዘን ድንጋዩ እስከ ላይኛው ያለው እስከሚፈጸም፣ ምንም ነገር ሳይቅር ሁሉም እስከሚፈጸም ድረስ በቅንነት ይስሩ።

፲፫ እውነት እላችኋለሁ፣ አገልጋዬ ጆሴፍ፣ ወይም አገልጋዬ ስድኒ፣ ወይም አገልጋዬ ሀይረም በስሜ ቤት ለመገንባት ተጨማሪ እዳ አይግቡ፤

፲፬ ነገር ግን ለእነርሱ በማሳያቸው ^ሀምሳሌ መሰረት ለስሜ ቤት ይሰራ።

፲፭ እና ህዝቤ ለአመራሮቻቸው በማሳየው ምሳሌ መሰረት ባይገነቡት፣ ከእጆቻቸው ይህን አልቀበልም።

፲፮ ነገር ግን ህዝቤ ለአመራሮቻቸው፣ እንዲሁም ለአገልጋዬ ጆሴፍ እና አማካሪዎቹ፣ በማሳያቸው ምሳሌ መሰረት ቢገነቡ፣ ከዚያም ከህዝቤ እጆች ይህን እቀበላለሁ።

፲፯ ደግሞም፣ እውነት እላችኋለሁ፣ ቅዱሳኔ በተሰበሰቡበት የፋር ዌስት ከተማ በፍጥነት መገንባቱ ፍቃዴ ነው።

፲፰ ደግሞም በአካባቢው በሚገኙት ስፍራዎችም፣ ከጊዜ ወደጊዜ በአገልጋዬ ጆሴፍ ስሚዝ በሚገለጹበት፣ ^ሀለካስማዎች ሌሎች ስፍራዎችም ይመደባሉ።

፲፱ እነሆ፣ እኔ ከእርሱ ጋር እሆናለሁ፣ እናም ከህዝቡም ፊት እቀድሰዋለሁና፤ የዚህን መንግስትና አገልግሎት ^ሀቁልፎች ሰጥቼዋለሁና። እንዲህም ይሁን። አሜን።