Ɔfã 39
Nyikyerɛ a wɔnam Joseph Smith Nkɔnhyɛnyi no do dze maa James Covel, wɔ Fayette, New York, Sanda 5, 1831. James Covel a ɔayɛ Methodist sɔfo bɛyɛ mfe eduanan no nye Ewuradze dzii ahyɛmu dɛ obedzi mbrasɛm biara a Ewuradze bodua Joseph Nkɔnhyɛnyi no do dze ama no do.
1–4, Ahotseweefo no wɔ tum dɛ wɔbɛyɛ Nyame ne mba; 5–6, Egye asɛmpa no a, nna agye Christ; 7–14, Wɔhyɛ James Covel dɛ ɔmma wonnuma no na ɔnyɛ edwuma wɔ Ewuradze no wenyin ture mu; 15–21, Ewuradze no nkowaa wɔ dɛ wɔkã asɛmpa no ansaana Mbaa a Otsĩa Ebien no aso; 22–24, Wɔbɔboaboa hɔn a wɔgye asɛmpa no hɔn ano wɔ aber yi nye mbersantsen mu.
1 Yɛ aso na tsie nyia ɔwɔ hɔ fi ambersantsen nyina kesi mbersantsen nyina no, Okokroko bEmi Mara no, Jesus Christ no mpo—
2 Wiadze ne akan nye nkwa no; kan a ɔhyerɛn wɔ sum mu na sum no nntum nnkyer no;
3 Emi nye nyia mebaa mankasa medze hɔ wɔ amber nkyekyɛmu ntamu, na mankasa medze anngye me no;
4 Na mbom dodowara a wɔgyee me no, memaa hɔn tum dɛ wɔmbɛyɛ me amba; na dɛmara so mpo na medze tum bɛma dodowara a wɔbɛgye me no, ama wɔaabɛyɛ me mba.
5 Na nokwar, nokwar, mese wo dɛ, nyia ɔgye m’asɛmpa no aɔgye me; na nyia ɔnngye m’asɛmpa no ɔnngye me.
6 Na iyi nye am’asɛmpa no—nnuho na nsu mu enuma, na ekyir no bogya nye Sunsum Krɔnkrɔn mu enuma ba, Ɔwerɛkyekyefo no a oyi ndzɛmba nyina kyerɛ na cɔkyerɛkyerɛ ndzɛmba a ɔyɛ ahenman n’asomdwee ndzɛmba no mpo no.
7 Na afei, hwɛ, mese ɔwo, m’akowaa aJames dɛ, mahwɛ wo ndwuma na minyim wo.
8 Na nokwar, mese wo dɛ, afei w’akoma atsen wɔ m’enyim aber yi mu; na, hwɛ, mehue nhyira kɛse egu w’etsifi;
9 Naaso, edzi awerɛhow kɛse, osian ahantanyɛ nye awiadze yi mu akɔdadwen ntsi apow me mpɛn pii.
10 Mbom, hwɛ, wo gyeda aba, sɛ ibetsie me ndze no a ɔse wo dɛ: Soɛr na awonnuma wo, na hohor wo bɔn gu, na bɔ me dzin, na wo nsa bɛkã mo Sunsum no, nye nhyira kɛse a innhun bi da.
11 Na sɛ eyɛ iyi a, mibesiesie wo ama dwumadzi kɛse bi. Ebɛkã m’asɛmpa ne mãhyɛ no a medze ama wɔ nda a odzi ekyir yi mu no, ahyɛmu a medze ama dɛ wɔmfa angye mo nkorɔfo a wɔyɛ Israelfifo no.
12 Na ɔbɛba dɛ tum abɛba wo do; ibenya gyedzi kɛse, na mebɛba wo nkyɛn na medzi w’enyim kan.
13 Wɔafrɛ wo dɛ yɛ aedwuma wɔ mo wenyin ture mu, na kyekyer m’asɔr, na bkyekyer Zion, ama oeedzi ehurusi wɔ bepɔw no do na ɔaayɛ cprɔmprɔm.
14 Hwɛ, nokwar, nokwar, mese wo dɛ, wɔammfrɛ wo dɛ kɔ boka nkurow no mu, na mbom wɔafrɛ wo dɛ kɔ Ohio no.
15 Na medze anhyira kɛse bi a wɔnntsee nkã da wɔ adasamba mu esie, na mber dodowara a mo nkorɔfo bɔboa hɔn ano wɔ Ohio no, mubohue egu hɔn etsifi. Na ofi hɔ no nyimpa bɔkɔ baman cnyina mu.
16 Hwɛ, nokwar, nokwar, mese wo dɛ nkorɔfo a wɔwɔ Ohio no dze gyedzi kɛse frɛ me, na wɔdwen dɛ mebɛpem me nsa adze wɔ atsɛmbu mu wɔ aman do, na mbom munnkotum etwa abrɔdɔ wɔ m’asɛm ho.
17 Dɛm ntsi, hom mfa hom ahoɔdzen ndzi dwuma na hom mfrɛ edwumayɛfo nokwafo wɔ mo wenyin ture no mu, ama aoesiesie mu wɔ aber a odzi ewiei yi mu.
18 Na mber dodow a wobonu hɔn ho na wɔagye m’asɛmpa ne mãhyɛ, na hɔn ho bɛtsew no, mebɛpem me nsa adze wɔ aatsɛmbu mu.
19 Dɛm ntsi kɔ na fa ndze kɛse tsẽatsẽa mu dɛ: Ɔsor ahenman no abɛn; tsẽatsẽa mu kã dɛ: Hosanna! nhyira nkã Ɔsorsor Nyankopɔn ne dzin.
20 Kɔ konuma wɔ nsu mu, na siesie m’enyim kwan ma me ambae;
21 Osiandɛ aber no abɛn; na ada anaa dɔn no dze nyimpa biara bnnyim; na mbom ɔbɛba ampa.
22 Na nyia ɔgye dɛm ndzɛmba yinom no ɔgye me; na wɔbɔboa hɔn ano dze hɔn ama me wɔ aber yi nye mbersantsen mu.
23 Na bio, ɔbɛba dɛ dodowara a hom bonuma hɔn wɔ nsu mu no, hom mfa ansa ngu hɔn do, na wobenya bSunsum Krɔnkrɔn n’akyɛdze no, na cwɔbɔhwehwɛ me dmbae ho nsɛnkyerɛdze, na wobohu me.
24 Hwɛ, mereba ntsɛm. Ɔnyɛ hɔ dɛm. Amen.