Ɔfã 95
Nyikyerɛ a wɔnam Joseph Smith Nkɔnhyɛnyi no do dze mae wɔ Kirtland, Ohio, Obiradzi 1, 1833. Dɛm nyikyerɛ yi yɛ akwankyerɛ a ofi Nyame hɔ a wɔbɛfa do esi dan a wɔbɔsom na wɔayɛ nkyerɛkyerɛ wɔ mu no no nsɔwdo, Ewuradze ne fi no (hwɛ Ɔfã 88:119–136).
1–6, Wɔkã Ahotseweefo no enyim dɛ woenntum ennsi Ewuradze Ne fi no; 7–10, Ewuradze pɛ dɛ ɔdze tum fi sor kyɛ No nkorɔfo wɔ Ne fi mu; 11–17, Ɔwɔ dɛ wotu fie no si hɔ dze yɛ bea a wɔsom na Asomafo skuul.
1 Nokwar, dɛm na Ewuradze se hom a modɔ hom, na hɔn a modɔ hɔn no, hɔn na ametsẽa hɔn ama wɔdze hɔn bɔn baakyɛ hɔn, na mudua ntsea no mu bɔ kwan cgye hɔn wɔ ndzɛmba nyinara mu ma wofi dnsɔhwɛ mu, na madɔ hom—
2 Dɛm ntsi, ɔsɛ dɛ wɔtsẽa hom na wɔkã hom enyim wɔ m’enyim.
3 Na hom ayɛ bɔn kɛse etsia me, na hom anndwen mbrasɛm kɛse a ɔwɔ ndzɛmba nyina mu no ho, dza makã akyerɛ hom a ɔfa me afi ne nsii ho no;
4 Na ahoboa a mayɛ a medze ribesiesie m’asomafo ma awoesiesie mo wenyin ture no dze ama mber a odzi ekyir yi mu, ama maada bm’anwanwa edwuma edzi, na cmeehue mo Sunsum eegu honam nyinara do—
5 Na hwɛ, nokwar, mese hom dɛ, dodowara wɔ hɔ a wɔahyɛ hɔn asɔfo wɔ hom mu a mafrɛ hɔn, na mbom kumaabi na awɔasan mu eyi hɔn.
6 Hɔn a wɔannsan mu ennyi hɔn no ayɛ bɔn kɛsenara, iyi ntsi, wɔnantsew asum mu ewiaber.
7 Na iyi ntsi, mbrasɛm a medze ma hom nye dɛ, hom mfrɛ hom aawɔse nhyiamu, ama hom bakɔnkye na hom sũ aafow edu cSabaoth Ewuradze n’asomu, a ne nkyerɛase nye, dbɔadze a ɔbɔɔ da a odzi kan no, ahyɛse nye ewiei no.
8 Nyew, nokwar, mese hom dɛ, mbrasɛm a medze maa hom nye dɛ, hom nsi dan mma me, dɛm dan no na mahyehyɛ ato hɔ dɛ mubodua mu dze tum a ofi sor aakyɛ hɔn a masan mu eyi hɔn no;
9 Na iyi nye aanohoba a Egya no dze abɔ hom; dɛm ntsi, mehyɛ hom dɛ, hom ntweɔn, dɛ mbrɛ m’asomafo a wɔwɔ Jerusalem no yɛe.
10 Eso, mo nkowaa ayɛ bɔn kɛsenara; na awentwiwentwi sii bnkɔnhyɛfo hɔn skuul hɔ; na iyi ahyɛ me awerɛhow kɛsenara, hom Ewuradze no na ɔse; dɛm ntsi, meyi hɔn ama dɛ wɔntsẽa hɔn.
11 Nokwar, mese hom dɛ, ɔyɛ me pɛ dɛ hom besi dan. Sɛ hom dzi me mbrasɛm do a, hom benya tum dze esi.
12 Sɛ hom aenndzi me mbrasɛm do a Egya no bdɔ no rennka hom nkyɛn, dɛm ntsi, hom bɛnantsew sum mu.
13 Afei nyansa nye yi, nye Ewuradze n’adwen—hom nsi dan no, mma wonnsi no wiadze kwan do, osiandɛ memmaa hom kwan dɛ hom ntsena ase dɛ wiadzemba;
14 Dɛm ntsi, hom nsi no wɔ kwan a mibeyi akyerɛ hom mu baasa a hom beyi hɔn esi hɔ na wɔdze tum yi ahyɛ hɔn no.
15 Na ne tɛtɛr bɛyɛ anamɔn eduonum enum na ne tsentsen ayɛ anamɔn eduosia enum wɔ ne paado.
16 Na hom ntsew paa a ɔwɔ n’ase no ho na hom mbɔ hom sacrament afɔr no wɔ hɔ, na hom nkã asɛmpa no wɔ hɔ, na hom nyɛ hom akɔnkye na mpaabɔ wɔ hɔ, na hom nkã hom apɛdze a ho tsew ambɔ afɔr mma me, hom Ewuradze na ɔse.
17 Na paa a ɔwɔ sor no, hom ntu nsi hɔ mfa nyɛ skuul mma m’asomafo, aAhman Ba na ɔse; mekyerɛ Alpha; mekyerɛ Omega; hom bEwuradze Jesus Christ no. Amen.