Kyerɛwsɛm
Nkyerɛkyerɛ na Ahyɛmudzi 11


Ɔfã 11

Nyikyerɛ a wɔnam Joseph Smith Nkɔnhyɛnyi no do dze maa no nuabanyin Hyrum Smith, wɔ Harmony, Pennsylvania, Esusow Aketseaba, 1829. Joseph nam Urim na Thummim do nyaa ne ntotɔserɛ mpaabɔ na ebisadze ho mbuae. Joseph Smith n’abakɔsɛm kyerɛ dɛ Aaron Asɔfodzi no ne nsanananmu n’ekyir no na orinya nyikyerɛ yi.

1–6, Edwumayɛfo a wɔwɔ wenyin ture no mu no benya nkwagye; 7–14, Per hwehwɛ nyansa, bɔ nnuho ho dawur, twer Sunsum no; 15–22, Dzi mbrasɛm no do, na sũa Ewuradze n’asɛm no; 23–27, Mma mpow nyikyerɛ sunsum nye nkɔnhyɛ no; 28–30, Hɔn a wɔgye Christ no bɛyɛ Nyankopɔn ne mba.

1 aDwumadzi a ɔsõ na ɔyɛ ahobow bi rubopue adasamba mu.

2 Hwɛ, meyɛ Nyame; hom antsie bm’asɛm a nkwa na ctum wɔ mu no, ɔyɛ dndam sen nkrantsee anofanu, na ohwira mu kodu dɛ ɔpaapaa akwaa nye ehuon nyina mu; dɛm ntsi, hom ntsie m’asɛm.

3 Hwɛ, haban no aahoa na twaber no asõ; dɛm ntsi obiara a ɔpɛ dɛ otwa no, wɔmma ɔmfa n’ahoɔdzen ntow ne kantankrankye na ontwa ber a adzekyee wɔ do yi, ama bɔakora cnkwagye a ɔwɔ hɔ daapem dze ama ne kra wɔ Nyame n’ahenman no mu.

4 Nyew, obiara a ɔbɔtow ne akantankrankye na oetwa no, ɔnoara na Nyame afrɛ no.

5 Dɛm ntsi, sɛ aibisa me a wo nsa bɛkã; sɛ ebɔ mu a wobobue ama wo.

6 Afei, ber a hom ebisa yi, hwɛ, mese hom dɛ, hom ndzi me mbrasɛm do, na hom mper dɛ hom bɛkyekyer aZion.

7 Mma hom mmper nnhwehwɛ aahonya na mbom hom nhwehwɛ bnyansa; na, hwɛ, wɔbɛda Nyame n’esumasɛm edzi akyerɛ hom, na nkyii wɔbɛyɛ hom ahonyafo. Hwɛ, nyia ɔwɔ onnyiewiei nkwa no yɛ ɔhonyanyi.

8 Nokwar, nokwar, mese wo dɛ dza epɛ dɛ inya fi mo hɔ no, wɔbɛyɛ ama wo; na sɛ epɛ a, wobodua wo do ayɛ papa pii wɔ dɛm ebusuasantsen yi mu.

9 Mma annkã hwee, mbom bnnuho nko ho asɛm na kã kyerɛ dɛm ebusuasantsen yi. Dzi me mbrasɛm do, na boa ma wɔnyɛ m’edwuma, c mbrɛ me mbrasɛm kyerɛ, na wobehyira wo.

10 Hwɛ, ewɔ aakyɛdze, anaadɛ ibenya akyɛdze, sɛ edze gyedzi nye bakoma a no mu tsew bisa me na egye Jesus Christ no tum no dzi, anaadɛ no tum a ɔrekasa kyerɛ wo yi dzi a;

11 Na, hwɛ, emi na merekasa no; hwɛ, emi nye akan a ɔhyerɛn wɔ sum mu, na mudua mo btum do dze me nsɛm yinom ma wo.

12 Na, afei, nokwar, nokwar, mese wo dɛ, fa wo awerɛ hyɛ bSunsum no a ogya wo ma eyɛ papa—nyew, ma ɔma idzi pɛrpɛr, ɔma cenantsew dahobrɛadze mu, ɔma eibu atsɛn tsenenee; na iyi nye mo Sunsum.

13 Nokwar, nokwar, mese wo dɛ, medze mo Sunsum ne kyɛfa bɛma wo, dza aobobue bw’adwen mu, dza ɔdze cdɛw bɛhyɛ wo kra mã;

14 Na afei ibohu, anaadɛ ɔnam iyi do ibohu dɛ adze nyinara a ibebisa efi mo hɔ no, dza ɔyɛ atsenenee ndzɛmba no, sɛ egye me dzi a wo nsa bɛkã.

15 Hwɛ, mehyɛ wo dɛ mma nnsusu dɛ wɔafrɛ wo dɛ kã asɛmpa no, kesi dɛ awɔbɛfrɛ wo.

16 Tweɔn kakra, kesi dɛ ibenya m’asɛm, mo abotan, m’asɔr nye m’asɛmpa no, ama eetum ehu dɛ me nkyerɛkyerɛ no yɛ nokwar.

17 Na afei, hwɛ, dɛ mbrɛ wo pɛ tse no, nyew, dɛ mbrɛ wo gyedzi so tse mpo no, wɔbɛyɛ ama wo.

18 Dzi me mbrasɛm do; mua w’ano; na bisa mo Sunsum no;

19 Nyew, fa w’akoma nyina abɛtakyer me, ama eetum aboa ma wɔdze ndzɛmba a wɔakã ho asɛm nyina no epue kan mu—nyew, m’edwuma ne nkyerɛase no; nya abotar kesi dɛ ibowie iyi yɛ.

20 Hwɛ, iyi nye w’edwuma, dɛ aibedzi me mbrasɛm do, nyew edze w’ahom, w’adwen nye w’ahoɔdzen nyina.

21 Mma mmper nnhwehwɛ dɛ ebɛkã m’asɛm no, na mbom dzi kan per hwehwɛ dɛ aibenya m’asɛm no, na nkyii wobesian wo tɛkyerɛma; nkyii, sɛ epɛ a, ibenya mo Sunsum nye m’asɛm no, nyew, Nyame no tum no a wɔdze kasa ma nkorɔfo gye dzi no.

22 Mbom sesei mua w’ano; sũa am’asɛm no a woepue adasamba mu no, na bsũa cm’asɛm no so a ɔbɛba adasamba hɔ no, dza wogu do rekyerɛ ase no, nyew, kesi dɛ wo nsa bɛkã dza medze dbɛma adasamba a wɔwɔ ebusuasantsen yi mu nyinara no, na nkyii wɔdze ndzɛmba nyinara so bɛkã ho.

23 Hwɛ, ɔwo nye aHyrum, me babanyin, per bhwehwɛ Nyame n’ahenman no, na wɔdze ndzɛmba nyinara bɛkã ho dɛ ɔsɛ.

24 aTow wɔ mo botan do, dza ɔyɛ bm’asɛmpa no;

25 Mma mmpow anyikyerɛ sunsum, anaadɛ bnkɔnhyɛ sunsum no, na nyia ɔpow ndzɛmba yinom ndue;

26 Dɛm ntsi, akora no wɔ w’akoma mu kesi aber a menam me nyansaa do bɛse wo dɛ kɔ.

27 Hwɛ, mekasa kyerɛ hɔn a wɔwɔ pɛ pa nyinara, na awɔatow hɔn kantankrankye dɛ worutwa no.

28 Hwɛ, emi nye aJesus Christ, Nyame ne Ba no. Emi nye nkwa nye bwiadze kan no.

29 Emi nye nyia ɔbaa nankasa nedze nkyɛn na nankasa nedze anngye no no;

30 Mbom, nokwar, nokwar, mese hom dɛ, dodowara a wɔgye me no, mebɛma hɔn atum ma wɔabɛyɛ bNyame ne mba, hɔn a wɔgye me dzin dzi no mpo. Amen.