Nkyerɛkyerɛ na Ahyɛmudzi No

1 Hom ntsie, O nkorɔfo a hom wɔ ^am’asɔr mu, nyia ne tsenabea wɔ sor ne ndze na ɔse, na ^bn’enyiwa sõ adasa nyinara do; nyew, nokwar mese: Hom ^cntsie, nkorɔfo a hom fi ekyirekyir; nye hom a hom wɔ esupruw do wɔ po do, hom nyina ntsie.

2 Na nokwar, Ewuradze ne ^andze wɔ hɔ ma adasa nyinara, na ^bobiara nnyi hɔ a obefi nsa; na enyiwa biara nnyi hɔ a onnkohu, anaa asowa biara nnyi hɔ a ɔnnkɛtse, anaa ^cakoma biara nnyi hɔ a onnkohwira mu.

3 Na awerɛhow kɛse bɛhɛn ^aetuatsewfo mu; osiandɛ wɔbɛkã hɔn emumuyɛ wɔ adan etsifi, na ^bwɔbɛda hɔn nsumaamu ndzeyɛɛ edzi.

4 Na m’esuafo a masan mu eyi hɔn wɔ ^anda a odzi ewiei yi mu no nna ^bkɔkɔbɔ ndze befi hɔn anomu aba adasa nyina hɔ.

5 Na wɔbɔkɔ mbeambea na obiara nnyi hɔ a obesiw hɔn kwan, osiandɛ emi Ewuradze na mahyɛ hɔn.

6 Hwɛ, iyi nye mo ^atumdzi, nye mo nkowaa hɔn tumdzi, na me mbrasɛm no nyienyim a medze ama hɔn dɛ ^bwontsintsim mfa mpue guado mma hom, O adasa a hom wɔ asaase do.

7 Dɛm ntsi, hom ^ansuro na homho mpopo, O hom adasa, na dza emi Ewuradze ahyɛ ɔmom wɔ mu biara bɛhyɛ ^bmã.

8 Na nokwar mese hom dɛ, hɔn a wɔkɔ mbeambea kɛkã nsɛm yi kyerɛ adasa a wɔwɔ asaase do no, hɔn na wɔama hɔn tum dɛ ^awɔnsɔw hɔn a wɔwɔ asaase nye sor, ekyingyefo nye ^betuatsewfo ano;

9 Nyew, nokwar, wɔnsɔw hɔn ano mma da no a wobohue ^aNyame n’ebufuhyew egu ^bemumuyɛfo do a nsusui biara nnyi ho no—

10 Nkodu ^ada no a Ewuradze bɛba ^bebosusu nyimpa biara ^cn’edwuma do ^detua no kaw, na ɔdze esusudze kor noara a nyimpa biara dze esusu ne nyɛnko nyimpa dze esusu no.

11 Dɛm ntsi na Ewuradze ne ndze wɔ hɔ ma asaase ano nyina no, aama hɔn a wɔbɛtse nyina aatse.

12 Hom nsiesie homho, hom nsiesie homho mma dza ɔreba no, osiandɛ Ewuradze abɛn;

13 Na ^aEwuradze n’ebufuw adzɛw, na ^bɔahohor ne nkrantsee ho wɔ sor, na ɔbɔtɔ adasa a wɔwɔ asaase do no do.

14 Na wɔbɛda ^aEwuradze n’abasa edzi akyerɛ; na da no reba a hɔn a ^bwonnketsie Ewuradze ne ndze, anaa no nkowaa no hɔn ndze, anaa ^cwonnkedzi nkɔnhyɛfo nye asomafo no hɔn nsɛm do no ^dwobotwa hɔn akyen efi nyimpa mu;

15 Osiandɛ ^awoefi me ^bnhyehyɛɛ ho, na ^cwɔatõ ^dm’ahyɛmu a ɔwɔ hɔ daapem no;

16 ^aWɔnnhwehwɛ Ewuradze ma ne tseneneeyɛ nnda edzi, mbom obiara fa ^bnankasa no ^ckwan do, na oedzi nankasa ne nyame ne ^dsaso ekyir, dza ne saso tse dɛ wiadze dze, na no hwɛbea tse dɛ ohonyi a, ɔyɛ ^edadaw na ɔbɛhera wɔ ^fBabylon, Babylon kokroko no mpo, ɔbɔhwe ase.

17 Dɛm ntsi, emi Ewuradze, a minyim mbusu a ɔbɛba ^aadasamba a wɔwɔ asaase do no ntsi, mefrɛɛ m’akowaa Joseph Smith, Kakraba, na mekasaa kyerɛɛ no fi sor, na memaa no mbrasɛm;

18 Na memaa binom so mbrasɛm, dɛ wɔmbɔ dɛm nsɛm yinom ho dawur nkyerɛ wiadze; na mayɛ iyinom nyina ama dza nkɔnhyɛfo no kyerɛwee no aahyɛ mã—

19 Na ^awiadze dza ɔyɛ mberɛw no bɛba ebobubu dza ɔyɛ akɛse na ɔyɛ dzen no egu famu, amma ɔdasanyi eenntu ne nyɛnko ɔdasanyi fo, anaadɛ ɔaammfa no werɛ ^banntwer honam n’abasa—

20 Mbom ama ɔdasanyi biara ^aaakasa wɔ Ewuradze Nyankopɔn ne dzin mu, nyia ɔyɛ wiadze Agyenkwa no mpo;

21 Ama gyedzi so adɔɔ sõ wɔ asaase do;

22 Ama wɔaada ^am’ahyɛmu a ɔwɔ hɔ daapem no edzi.

23 Ama hɔn a wɔyɛ ^amberɛw nye akɔhweaban aabɔ ^bm’asɛmpa no ne mãhyɛ ho ^cdawur akyerɛ wiadze n’ano nyina, wɔ ahemfo nye ahwɛdofo enyim.

24 Hwɛ, meyɛ Nyame na makã iyi; dɛm ^ambrasɛm yinom fi mo hɔ, na wɔdze maa mo nkowaa wɔ hɔn mberɛwyɛ mu, dɛ mbrɛ hɔn ^bkasaa tse, ama ^cwɔaatse ase.

25 Na mber dodow biara a wɔbɔfom no, ɔbɛma woehu.

26 Na mber dodow biara a wɔbɔhwehwɛ ^anyansa no, ɔbɛkyerɛ hɔn;

27 Na mber dodow biara a wɔbɛyɛ bɔn no, ^aɔbɛtsẽa hɔn, ama ^bwoeenu hɔnho;

28 Na mber dodow biara a ^awɔbɛbrɛ hɔnho adze no, ɔbɛhyɛ hɔn dzen, na oehyira hɔn efi sor, na ɔama hɔn ^bnyimdzee ofi ber to ber.

29 Na ekyir no a hɔn nsa akã Nephifo hɔn abakɔsɛm no, nyew, m’akowaa Joseph Smith, Kakraba, mpo, nam Nyankopɔn n’ehumbɔbɔr do benya tum dze akyerɛ ^aMormon Nwoma no ase.

30 Na hɔn a wɔdze dɛm mbrasɛm yi bɛma hɔn no so benya ^atum dze akyekyer ^basɔr yi ne fapem, na wɔdze efi kusukusuyɛ nye ^csum mu epue, dɛ iyi nye nokwar nye ^dasɔr tseasefo kortonoo a ɔwɔ asaase nyinara enyi do, dza ^eɔsɔ emi, Ewuradze m’enyi, mekasa kyerɛ asɔrtɔw no na nnyɛ ankorankor—

31 Na emi Ewuradze, munnkotum ahwɛ ^abɔn wɔ kwan ketseketse biara do;

32 Naaso, nyia onu noho na odzi Ewuradze ne mbrasɛm do no, ɔdze no bɔn ^abɛkyɛ no;

33 Na nyia ^aonnu noho no, ^bɔbɛgye kan a oenya no mpo efi ne nsamu; osiandɛ mo ^cSunsum nnkɛnye nyimpa edzi ^daper daa, Dɔm Ewuradze na ɔse.

34 Na bio, nokwar mese hom dɛ, O hom adasa a wɔwɔ asaase do: Emi Ewuradze mepɛ dɛ mema ^ahonam nyina hu dɛm nsɛm yinom.

35 Na emi ^amonnhwɛ nyimpa enyim, na mepɛ dɛ nyimpa nyina bohu dɛ ^bda no reba ntsɛm; dɔn no nnyae nnsõe, na mbom ɔabɛn, ber a wobeyi ^casomdwee efi asaase do, na ^dabɔnsam benya tum wɔ nankasa n’ahendzi do.

36 Na Ewuradze benya tum wɔ ^an’ahotseweefo so do, na ^bobedzi hen wɔ hɔn ^cmu, na obesian dze ^datsɛmbu aba ^eIdumea anaa wiadze do.

37 Hom nhwehwɛ ^ambrasɛm yinom mu, osiandɛ ɔyɛ ampa na nokwar, na nkɔnhyɛ na ^banohoba a ɔwɔ mu nyina bɛhyɛ mã.

38 Dza emi Ewuradze makã no, nna makã, na mennsan m’ekyir; na sor na asaase twa mu kɔ mpo a, ^am’asɛm dze onnkotwa mu akɔ da, na ne nyina bɛhyɛ ^bmã, dɛ ɔnam mankasa me ^cndze do anaa mo ^dnkowaa ndze do, ne nyina yɛ ^ekor.

39 Na hwɛ, hwɛ Ewuradze yɛ Nyame, na ^aSunsum no gye ho dase, na dasegye no yɛ nokwar, na ^bnokwar no tsim hɔ fi afebɔɔ kesi afebɔɔ. Amen.