មេរៀនទី ១២ ៖ ថ្ងៃទី ១
គោលលទ្ធិ និង សេចក្តីសញ្ញា ៤៩
បុព្វកថា
លីម៉ាន ខូព្លី ជាអ្នកប្រែចិត្តជឿថ្មីម្នាក់ចូលក្នុងសាសនាចក្រ បានចង់ឲ្យអ្នកផ្សព្វផ្សាយសាសនា ផ្សាយដំណឹងល្អទៅដល់សមាជិកនៃក្រុមសាសនារបស់គាត់ពីមុន ដែលជាក្រុម សេកើរ ។ ទោះជាយ៉ាងណាក៏ដោយ គាត់បានបន្ដកាន់តាមជំនឿខុសឆ្គងមួយចំនួនមកពីសាសនានោះ ។ ដោយមានកង្ខល់អំពីជំនឿរបស់ លីម៉ាន នោះ យ៉ូសែប ស៊្មីធ បានទូលសួរដល់ព្រះអម្ចាស់នៅថ្ងៃទី ៧ ខែ ឧសភា ឆ្នាំ ១៨៣១ ហើយបានទទួលវិវរណៈដែលឥឡូវនេះ ត្រូវបានកត់ត្រានៅក្នុង គោលលទ្ធិ និង សេចក្ដីសញ្ញា ៤៩ ។ នៅក្នុងវិវរណៈនេះ ព្រះអម្ចាស់បានបញ្ជា ស៊ីឌនី រិកដុន និង ប៉ាលី ភី ប្រាត្ត ឲ្យរួមដំណើរនឹង លីម៉ាន ក្នុងការផ្សាយដំណឹងល្អទៅកាន់ក្រុម សេកើរ ។ ព្រះអម្ចាស់ក៏បានស្រាយបំភ្លឺគោលលទ្ធិ ដែលពួកសេកើរ បានយល់ខុស រួមទាំងលក្ខណៈនៃការយាងមកជាលើកទីពីរនៃព្រះគ្រីស្ទ តម្រូវការឲ្យធ្វើពិធីបុណ្យជ្រមុជទឹក សារៈសំខាន់នៃអាពាហ៍ពិពាហ៍ និង ក្រុមគ្រួសារ និង ការប្រើប្រាស់សត្វជាអាហារ ។
គោលលទ្ធិ និង សេចក្ដីសញ្ញា ៤៩:១-៤
ព្រះអម្ចាស់ បានហៅ ស៊ីឌនី រិកដុន, ប៉ាលី ភី ប្រាត្ត និង លីម៉ាន ខូព្លី ឲ្យផ្សាយដំណឹងល្អទៅកាន់ពួកសេកើរ
តើអ្នកធ្លាប់ឃើញអន្ទាក់ចាប់សត្វស្វាដែរឬទេ ? របៀបមួយដើម្បីចាប់សត្វស្វាគឺត្រូវដាក់វត្ថុមួយ ដូចជាសណ្តែកដី ឬអាហារមួយដុំនៅក្នុងធុងមួយដែលមានប្រហោងធំល្មមដើម្បីឲ្យសត្វស្វានោះដាក់ដៃវាចូលបាន ។ ធុងនោះត្រូវបានចងជាប់នឹងខ្សែ ឬខ្សែភ្លើងដើម្បីកុំឲ្យស្វានោះអាចរត់ចេញពីអន្ទាក់បាន ។ នៅពេលស្វាលូកចូលដល់ក្នុង ហើយចាប់បានវត្ថុនោះហើយ វាពុំអាចដកដៃចេញមកវិញបានឡើយ ព្រោះកណ្ដាប់ដៃរបស់វាធំជាងប្រហោងដែលលូកចូលទៅទៀត ។ ដោយការតាំងចិត្តរបស់វាកាន់យ៉ាងជាប់នឹងរបស់នោះ ស្វាមួយចំនួននឹងបណ្ដោយឲ្យខ្លួនវាត្រូវគេចាប់បាន ។
សូមអានសេចក្ដីណែនាំអំពីកណ្ឌនៃ គោលលទ្ធិ និង សេចក្តីសញ្ញា ៤៩ដោយស្វែងរកស្ថានភាព ដែលបានពិពណ៌នាអំពីអន្ទាក់ស្វា ។ តើជំនឿខុសឆ្គងអ្វីខ្លះដែល លីម៉ាន ខូព្លី ពុំចង់បោះបង់ចោល ?
-
សូមសរសេរអំពី ជំនឿរបស់ពួកសេកើរ ដាក់នៅក្នុងសៀវភៅកំណត់ហេតុការសិក្សាព្រះគម្ពីរបស់អ្នក ។ បន្ទាប់មកសូមធ្វើបញ្ជីអំពីជំនឿចំនួនបួនរបស់ពួកសេកើរ ដែលមានលើកឡើងនៅក្នុងសេចក្ដីណែនាំអំពីកណ្ឌ ។ អ្នកអាចចង់គូសចំណាំវានៅក្នុងព្រះគម្ពីររបស់អ្នក ។
សមាជិកនៃសហគមន៍រួមនៃពួកអ្នកជឿលើការលេចឡើងនៃព្រះគ្រីស្ទជាលើកទីពីរ ជាធម្មតាត្រូវបានហៅថាជាពួកសេកើរ ព្រោះរបៀបនៃការថ្វាយបង្គំរបស់ពួកគេមានបញ្ចូលទាំងការឡកកញ្ឆេងនៅពេលពួកគេច្រៀង រាំ ហើយទះដៃទៅនឹងចង្វាក់ភ្លេង ។
សូមអាន គោលលទ្ធិ និង សេចក្តីសញ្ញា ៤៩:១-៤រួចស្វែងរកអ្វី ដែលព្រះអម្ចាស់បានបើកសម្ដែងអំពីជំនឿរបស់ពួកសេកើរ ។ នៅក្នុង ខទី ២អ្នកអាចនឹងចង់គូសចំណាំនូវអ្វីដែលព្រះអម្ចាស់បានមានព្រះបន្ទូល អំពីបំណងប្រាថ្នារបស់ពួកសេកើរ ។
-
សូមឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក ៖
-
តើអ្នកគិតថាវាមានន័យដូចម្ដេចដើម្បី « ដឹងពីសេចក្ដីពិតតាមភាគៗ ប៉ុន្តែមិនមែនទាំងអស់ទេ » ( គ. និង ស. ៤៩:២ ) ?
-
តើមានឧទាហរណ៍បែបណា ដែលបញ្ជាក់ប្រាប់ថាសមាជិកសាសនាចក្រអាចនឹងទទួលយកសេចក្ដីពិត ឬ បទដ្ឋានមួយចំនួននៃដំណឹងល្អ ប៉ុន្តែច្រានចោលសេចក្ដីពិត ឬ បទដ្ឋានផ្សេងទៀត ?
-
តើអ្នកនឹងដាក់ពាក្យអ្វីចូលទៅក្នុងចន្លោះ ដើម្បីបញ្ចប់គោលការណ៍ខាងក្រោមនេះដែលមានបង្រៀននៅក្នុង គោលលទ្ធិ និង សេចក្ដីសញ្ញា ៤៩:២ ? ដើម្បីឲ្យបានត្រឹមត្រូវចំពោះព្រះអម្ចាស់ គឺរួមបញ្ចូលទាំងបំណងប្រាថ្នាដើម្បីទទួល នៃសេចក្ដីពិត ដែលទ្រង់បានបើកសម្ដែង ។
អ្នកអាចនឹងចង់សរសេរគោលការណ៍នេះនៅក្នុងព្រះគម្ពីររបស់អ្នកក្បែរ ខទី ២ ។ សូមពិចារណាអំពីពរជ័យ ដែលបុគ្គលម្នាក់អាចនឹងបាត់បង់ដោយការគ្រាន់តែជ្រើសរើសទទួលយកសេចក្ដីពិតតាមភាគៗ ។
អ្នកអាចគិតអំពីអន្ទាក់មួយចំនួនដែលសមាជិកសាសនាចក្របានជាប់ ។ សមាជិកមួយចំនួនអាចទទួលយកការបង្រៀន ឬបទដ្ឋានមួយចំនួន ប៉ុន្តែមិនទាំងអស់ ខណៈដែលសមាជិកមួយចំនួនផ្សេងទៀតអាចតោងជាប់នឹងឥរិយាបថដែលរារាំងពួកគេ « មិនត្រឹមត្រូវនៅចំពោះ [ ព្រះអម្ចាស់ ] » (គ. និង ស. ៤៩:២) ។ ឧទាហរណ៍ បុគ្គលម្នាក់អាចនឹងទៅព្រះវិហារនៅថ្ងៃអាទិត្យ ប៉ុន្តែ ពេលត្រឡប់មកវិញបានធ្វើកម្មវិធី ដែលមិនគោរពដល់ថ្ងៃឈប់សម្រាក ។ បុគ្គលម្នាក់ទៀតអាចនឹងអានព្រះគម្ពីរ ហើយអធិស្ឋានសូមឲ្យមានព្រះវិញ្ញាណ ប៉ុន្តែក្រោយមក បែរជាស្ដាប់តន្ត្រីដែលបណ្ដេញព្រះវិញ្ញាណបរិសុទ្ធទៅវិញ ។
អែលឌើរ យ៉ូសែប ប៊ី វ៉ឺតលីន ក្នុងកូរ៉ុមនៃពួកសាវកដប់ពីរនាក់បានបង្រៀនថា ៖
« សាតាំងគឺជាមេនៃសេចក្ដីបញ្ឆោត និង ជាបិតានៃអស់ទាំងសេចក្ដីកុហក ។ មានតែតាមរយៈការអនុវត្តសេចក្ដីជំនឿលើព្រះអង្គសង្គ្រោះ និង ពលិកម្មធួនរបស់ទ្រង់ រួមទាំងការរក្សាព្រះបញ្ញត្តិទាំងអស់ប៉ុណ្ណោះ ដែលអ្នកអាចបានការពារពីការប៉ុនប៉ងដ៏មិនរាថយ និង ដ៏បោកបញ្ឆោតរបស់សាតាំងក្នុងការដឹកនាំអ្នកយ៉ាងឈ្លាសវៃឲ្យធ្លាក់ទៅក្នុងអំណាចរបស់វា ។
« អ្នកមិនអាចដើរតាមផ្លូវនៃដំណឹងល្អបាន ដូចដែលអ្នកចាប់ម្ហូបប៊ូហ្វេ ដោយជ្រើសរើសយកពីនេះបន្តិច ពីនោះបន្តិចបានឡើយ ។ អ្នកត្រូវតែអង្គុយចុះនៅចំពោះមុខម្ហូបទាំងអស់ ហើយរស់នៅតាមព្រះបញ្ញត្តិគួរជាទីពេញចិត្តរបស់ព្រះអម្ចាស់យ៉ាងពេញលេញ ។
« អ្នកបានរៀនអំពីព្រះបញ្ញត្តិទាំងឡាយរួចមកហើយ ។ អ្នកស្គាល់អ្វីដែលត្រូវធ្វើមានដូចជា ៖ អធិស្ឋាន សិក្សាព្រះគម្ពីរ តមអាហារ ថ្វាយដង្វាយមួយភាគក្នុងដប់ និង ដង្វាយផ្សេងៗ ចូលរួមរាល់ការប្រជុំ ទទួលទានសាក្រាម៉ង់ តម្កើងរាល់ការហៅរបស់អ្នក ហើយបម្រើមនុស្សដទៃ គាំទ្រដល់ថ្នាក់ដឹកនាំសាសនាចក្រ ចុះសេចក្ដីសញ្ញា ហើយរក្សាសេចក្ដីសញ្ញាពិសិដ្ឋនោះ ចែកចាយដំណឹងល្អ មានភាពទៀងត្រង់ ស្មោះត្រង់ បរិសុទ្ធខាងផ្លូវភេទ មានចិត្តមេត្តា និង មានគុណធម៌ » ( «It’s Your Choice»New Era ខែ កុម្ភៈ ឆ្នាំ ១៩៩៨ ទំព័រ ៤ ) ។
-
សូមពន្យល់នៅក្នុងសៀវភៅកំណត់ហេតុការសិក្សាព្រះគម្ពីររបស់អ្នកអំពីគ្រោះថ្នាក់នៃការទទួលយកព្រះបញ្ញត្តិ ឬ បទដ្ឋានមួយចំនួន ប៉ុន្តែ កាន់ជំនឿ ឬ លទ្ធិខុសឆ្គង ។ តើការធ្វើដូចនេះ អាចជា « អន្ទាក់ » ខាងវិញ្ញាណតាមរបៀបណា ?
សូមពិចារណាអំពីអ្វីទាំងឡាយណាដែលអ្នកអាចនឹងត្រូវទុកចោលមួយអន្លើ ដើម្បីទទួលបានពរជ័យដែលព្រះវរបិតាសួគ៌មានព្រះទ័យប្រទានឲ្យអ្នក ។ អ្នកអាចនឹងចង់សរសេរគោលដៅមួយដើម្បីទុកចោលការណ៍ណាមួយដោយអន្លើ ជាការណ៍ដែលរារាំងអ្នកពីការធ្វើឲ្យបានត្រឹមត្រូវចំពោះព្រះអម្ចាស់ ។
គោលលទ្ធិ និង សេចក្ដីសញ្ញា ៤៩:៥-២៨
ព្រះអម្ចាស់កែតម្រូវគោលលទ្ធិខុសឆ្គងមួយចំនួនរបស់ពួកសេកើរ ហើយបញ្ជាពួកអ្នកបម្រើទ្រង់ឲ្យអញ្ជើញពួកគេប្រែចិត្ត ហើយទទួលពិធីបុណ្យជ្រមុជទឹក
ព្រះអម្ចាស់បានបញ្ជា លីម៉ាន ខូព្លី ស៊ីឌនី រិកដុន និង ប៉ាលី ភី ប្រាត្ត ឲ្យផ្សាយដំណឹងល្អទៅកាន់ពួកសេកើរ ( សូមមើល គ. និង ស. ៤៩:១–៤ ) ។ លីម៉ាន ខូព្លី បានសង្ឃឹមថា ពួកអែលឌើរមួយចំនួននឹងផ្សាយដំណឹងល្អទៅកាន់សមាជិកក្នុងក្រុមជំនុំពីមុនរបស់គាត់ ។
តើអ្នកអាចរមិលមើលខ្លួនឯងបានដែរឬទេ អំពីការប្រាប់ទៅដល់មនុស្សមួយក្រុមថា ជំនឿរបស់ពួកគេខ្លះខុសឆ្គង ហើយបន្ទាប់មកបង្រៀនពួកគេអំពីគោលការណ៍នៃដំណឹងល្អដែលត្រឹមត្រូវ ? នៅពេល ប៉ាលី ភី ប្រាត្ត ស៊ីឌនី រិកដុន និង លីម៉ាន ខូព្លី បានទៅជួបពួកសេកើរ ពួកគាត់បានយកវិវរណៈដែលមាននៅក្នុង គោលលទ្ធិ និង សេចក្តីសញ្ញា ៤៩ មួយច្បាប់ទៅជាមួយ ហើយបានអានឲ្យពួកគេស្ដាប់ ។
សូមសិក្សាវគ្គបទគម្ពីរនីមួយៗដែលមាននៅក្នុងប្រអប់ខាងឆ្វេងក្នុងតារាងខាងក្រោម ហើយបន្ទាប់មក ផ្គូផ្គងវាទៅនឹងគោលការណ៍ដែលវាបង្រៀននៅក្នុងប្រអប់ខាងស្ដាំ ។ រួចសូមពិចារណាអំពីសំណួរដែលភ្ជាប់មកជាមួយ ។
| |
| |
| |
| |
|
គណៈប្រធានទីមួយ និង កូរ៉ុមនៃពួកសាវកដប់ពីរនាក់ បានបង្រៀនថា ៖ « ព្រះបញ្ញត្តិទីមួយ ដែលព្រះបានប្រទានដល់ អ័ដាម និង អេវ៉ា ទាក់ទងទៅនឹងសកា្ដនុពលរបស់ពួកគាត់ជាឪពុកម្ដាយ ក្នុងនាមជាស្វាមី និង ភរិយា ។ « យើងសូមប្រកាសថា ព្រះបញ្ញាត្តិរបស់ព្រះសម្រាប់ឲ្យកូនចៅរបស់ទ្រង់បង្កើតកូនឲ្យចម្រើនជាច្រើនឡើង ឲ្យមានពាសពេញលើផែនដីនេះនៅតែឲ្យប្រតិបត្តិនៅឡើយ ។ យើងក៏សូមប្រកាសផងដែរថា អំណាចដ៏ពិសិដ្ឋនៃការបង្កើតជីវិត គឺត្រូវបានប្រើរវាងបុរស និងស្ត្រីដែលបានរៀបអាពាហ៍ពិពាហ៍ស្របច្បាប់ ជាស្វាមីភរិយាប៉ុណ្ណោះ » ( « ក្រុមគ្រួសារ ៖ ការប្រកាសដល់ពិភពលោក » Ensign ខែ វិច្ឆិកា ឆ្នាំ ២០១០ ទំព័រ ១២៩ ) ។
-
សូមឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក ៖
-
តើអ្នកគិតថា ហេតុអ្វីបានជាសាតាំងព្យាយាមបំផ្លាញអាពាហ៍ពិពាហ៍ ? ហេតុអ្វីបានជាវាព្យាយាមបញ្ចុះបញ្ចូលមនុស្សមិនឲ្យរៀបអាពាហ៍ពិពាហ៍ ?
-
ហេតុអ្វីបានជាអាពាហ៍ពិពាហ៍រវាងបុរស និង ស្ត្រីគឺជាផ្នែកមួយដ៏សំខាន់ក្នុងផែនការរបស់ព្រះអម្ចាស់ ? ហេតុអ្វីបានជាអាពាហ៍ពិពាហ៍ភេទដូចគ្នា រារាំងផែនការរបស់ព្រះអម្ចាស់ ?
-
តើយើងអាចធ្វើអ្វីខ្លះនាពេលនេះ ដើម្បីត្រៀមខ្លួនសម្រាប់អាពាហ៍ពិពាហ៍សេឡេស្ទាល ?
-
សូមគិតអំពីអន្ទាក់ស្វា ។ សូមពិចារណាអំពីគោលការណ៍ ដែលយើងត្រូវទទួលយករាល់ការបង្រៀនរបស់ព្រះអម្ចាស់ ដើម្បីឲ្យបានត្រឹមត្រូវចំពោះទ្រង់ ។ បន្ទាប់មក សូមអានឱវាទ និង ការសន្យារបស់ព្រះអម្ចាស់នៅក្នុង គោលលទ្ធិ និង សេចក្តីសញ្ញា ៤៩:២៦-២៨ ។ នៅពេលអ្នកអានខគម្ពីរនេះ សូមស្រមៃថា ព្រះអម្ចាស់កំពុងមានព្រះបន្ទូលទៅកាន់អ្នកដោយផ្ទាល់ អំពីការខិតខំរបស់អ្នកដើម្បីឲ្យបានត្រឹមត្រូវចំពោះទ្រង់ ។ សូមពិចារណាអំពីរបៀបដែលឱវាទ និង ការសន្យារបស់ទ្រង់អនុវត្តចំពោះអ្នក ។
-
សូមសរសេរឃ្លាខាងក្រោមនេះ ពីខាងក្រោមកិច្ចការថ្ងៃនេះនៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក ៖
ខ្ញុំបានសិក្សា គោលលទ្ធិ និង សេចក្តីសញ្ញា ៤៩ ហើយបានបញ្ចប់មេរៀននេះនៅ ( កាលបរិច្ឆេទ ) ។
សំណួរ គំនិត និង ការយល់ដឹងបន្ថែម ដែលខ្ញុំចង់ចែកចាយជាមួយគ្រូរបស់ខ្ញុំ ៖