፩ አገልጋዬ፣ ኦርሰን ሀይድ፣ በህያው እግዚአብሔር ^ሀመንፈስ በኩል፣ ከህዝብ ወደ ህዝብ፣ ከምድር ወደ ምድር፣ በኃጢአተኞቹ ስብሰባዎች ውስጥ፣ በምኩራቦች ውስጥ፣ ምክንያቶችን በመስጠት እና ቅዱስ መጻህፍቶችን ሁሉ ለእነርሱ በማብራራት፣ ዘለአለማዊ ወንጌልን እንዲያውጅ በሹመት ተጠርቶ ነበር።

፪ እናም፣ እነሆ፣ እና ተልዕኮአቸው እንዲሄዱ ለተወሰነላቸው፣ በክህነት ለተሾሙት ሁሉ ይህም ምሳሌ ነው—

፫ እናም ይህም በመንፈስ ቅዱስ በመነሳሳት ^ሀለሚናገሩትም ምሳሌ ነው።

፬ እናም ^ሀበመንፈስ ቅዱስ ሲነሳሱ የሚናገሩት ማንኛውም ነገር ቅዱሳን መጻህፍት ይሆናሉ፣ የጌታ ፈቃድም ይሆናል፣ የጌታ አዕምሮም ይሆናል፣ የጌታ ቃል ይሆናል፣ የጌታ ድምጽ፣ እናም ለደህንነት የእግዚአብሔር ^ለሀይልም ይሆናል።

፭ እነሆ፣ አገልጋዮቼ ሆይ፣ ይህም ለእናንተ የተሰጠ የጌታ ቃል ኪዳን ነው።

፮ ስለዚህ፣ ተደሰቱ፣ እናም ^ሀአትፍሩ፣ እኔ ጌታ ከእናንተ ጋር ነኝና፣ እናም ከጎናችሁ እቆማለሁና፣ እና ስለ እኔም፣ እንዲሁም ኢየሱስ ክርስቶስ፣ የህያው እግዚአብሔር ልጅ እንደሆንኩኝ፣ እስቀድሜም እንደነበርኩኝ፣ ህያውም እንደሆንኩኝ፣ እናም ዳግምም እንደምመጣ ትመሰክራላችሁ።

፯ ይህም ለአንተ አገልጋዬ ^ሀኦርሰን ሀይድ፣ እናም ለአገልጋዬ ሉክ ጆንሰንም፣ እናም ለአገልጋዬ ላይመን ጆንሰንም፣ እና ለአገልጋዬ ውልያም ኢ መክለለንም፣ እናም ለቤተክርስቲያኔ ታማኝ ሽማግሌዎች ሁሉ የተሰጠ የጌታ ቃል ነው—

፰ ወደአለም ሁሉ ^ሀሂዱ፣ ለእያንዳንዱም ^ለፍጥረት፣ በሰጠኋችሁ ^ሐስልጣን እየሰራችሁ፣ በአብ፣ እና በወልድ፣ እና በመንፈስ ቅዱስ ስም ^መእያጠመቃችኋቸው ወንጌልን ^ሠስበኩ።

፱ እናም ^ሀየሚያምን እና የተጠመቀ ^ለይድናል፣ እናም ያላመነ ግን ^ሐይፈረድበታል።

፲ እናም የሚያምነውም፣ እንደተጻፈው ይባረካል ^ሀምልክቶችም ይከተሉታል።

፲፩ እናም ለእናንተም የዘመኑን ^ሀምልክቶች፣ እናም የሰው ልጅ መምጫ ምልክቶች፣ ታውቁ ዘንድ ይሰጣችኋል፤

፲፪ እናም አብም የሚመሰክርላቸው ሁሉ፣ ለእናንተም እነርሱን ለዘለአለም ^ሀየምታትሙባቸውን ሀይል ይሰጣችኋል። አሜን።

፲፫ እናም አሁን፣ ከቃል ኪዳኖች እና ከትእዛዛት በተጨማሪ ሌሎች ነገሮችን የሚመለከቱት፣ እነዚህ ናቸው—

፲፬ ጌታ በፈቀደ ጊዜ፣ እንደ መጀመሪያው ለማገልገል፣ ከዚህ በኋላ ለቤተክርስቲያኗ የሚሾሙ ሌሎች ^ሀኤጲስ ቆጶሳት አሉ፤

፲፭ ስለዚህ እነዚህም ብቁ የሆኑ ^ሀሊቀ ካህናት መሆን ይገባቸዋል፣ እናም፣ ^ለየአሮን እውነተኛ ተወላጆች ካለሆኑ በስተቀር፣ በመልከ ጼዴቅ ክህነት ^ሐቀዳሚ አመራር በኩልም ይሾማሉ።

፲፮ እናም እነርሱም ^ሀየአሮን እውነተኛ ተወላጆች ሊሆኑ፣ ከአሮን ወንድ ልጆች በኩር ከሆኑ፣ ለኤጲስ ቆጶስ አመራርነት ህጋዊ መብት አላቸው፤

፲፯ በኩሩም በዚህ ክህነት የአመራር መብትን፣ እናም የዚህንም ^ሀቁልፎች ወይም ስልጣናት ይይዛልና።

፲፰ የአሮን ^ሀእውነተኛ ተወላጅ እና በኩር ካልሆነ በስተቀር፣ ማንም ሰው ለዚህ ሀላፊነት፣ የዚህን ክህነት ቁልፎች ለመያዝ ህጋዊ መብት አይኖረውም።

፲፱ ነገር ግን፣ የመልከ ጼዴቅ ክህነት ^ሀሊቀ ካህን በታናሾቹ ሀላፊነቶች ለማስተዳደር ስልጣን እንዳለው የአሮን እውነተኛ ተወላጅ እና በኩር በማይገኝበት ጊዜ፣ በመልከ ጼዴቅ ክህነት ቀዳሚ አመራር እጆች ስር ለዚህ ስልጣን ከተጠራ፣ እና ከተለየ እና ከተሾመ፣ ^ለበኤጲስ ቆጶስ ሀላፊነት ለማስተዳደር ይችላል።

፳ እና፣ ደግሞም፣ የአሮን እውነተኛ ተወላጅም በዚህ ቀዳሚ አመራር መመረጥ፣ እና በብቃት መገኘት፣ እናም ^ሀመቀባት፣ እናም በአመራሩ እጆች ስር ^ለመሾም አለባቸው፣ አለበለዚያ በክህነት ስልጣናቸው ለማስተዳደር ህጋዊ ስልጣን አይኖራቸውም።

፳፩ ነገር ግን፣ ከአባት ወደ ልጅ በሚወረሰው ክህነት መብትን በሚመለከት በታወጀው መሰረትም፣ ተወላጅነታቸውን በሚያረጋግጡበት ጊዜ፣ ወይም ከላይ በተጠቀሱት አመራር እጆች ስር በጌታ ራዕይ ካገኙ፣ መቀባታቸውን ለማረጋገጥ ይችላሉ።

፳፪ እና ደግሞም፣ ለዚህ አገልግሎት የተለየ፣ ማንም ኤጲስ ቆጶስ ወይም ሊቀ ካህን፣ በቤተክርስቲያኗ ^ሀቀዳሚ አመራር ፊት ካልሆነ በስተቀር፣ በወንጀል መኮነን ወይም ለፍርድ ሊቀርብ አይገባም፤

፳፫ እናም ጥርጣሬ በሌለው ምስክር በአመራሩ ፊት ጥፋተኛ ሆኖ ቢገኝ፣ ይፈረድበታል፤

፳፬ እናም ንስሀ ቢገባ፣ በቤተክርስቲያኗ ቃል ኪዳኖች እና ትእዛዛት መሰረት ^ሀይቅርታን ያገኛል።

፳፭ እና ደግሞም፣ ^ሀወላጆች በፅዮን፣ ወይም በተደራጁት ^ለካስማዎቿ፣ ውስጥ ልጆች ኖሯቸው፣ ^ሐስምንት አመት ሲሆናቸው፣ ስለ ንስሀ፣ በህያው እግዚአብሔር ልጅ ክርስቶስ እምነት፣ እናም ስለ ጥምቀት እና እጆችን በመጫን የመንፈስ ቅዱስ ስጦታን ስለመቀበል ትምህርትን ^መባያስተማሯቸው፣ ^ሠኃጢአቱ በወላጆች ራስ ላይ ይሆናል።

፳፮ ይህም ^ሀለፅዮን፣ ወይም በማንኛውም በተደራጁት ካስማዎቿ፣ ኗሪዎች ህግም ነውና።

፳፯ እናም ልጆቻቸውም ለኃጢአቶቻቸው ^ሀስርየት ^ለበስምንት አመታቸው ^ሐይጠመቁ፣ እናም የእጆችንም መጫን ይቀበሉ።

፳፰ እናም ልጆቻቸውን ^ሀእንዲጸልዩም፣ እናም በጌታ ፊት በቅንነት እንዲራመዱም ያስተምሩ።

፳፱ እናም የፅዮን ኗሪዎችም ^ሀየሰንበትን ቀን ያክብሩ፣ ይቀድሱትም።

፴ እናም የፅዮን ኗሪዎችም፣ እንዲያገለግሉ እስከተጠሩ ድረስ፣ በሙሉ ታማኝነት አገልግሎታቸውንም ያስታውሱ፤ ስራ ፈት የሆነ እርሱ በጌታ ፊት ይታሰባልና።

፴፩ አሁን፣ እኔ ጌታ፣ በፅዮን ኗሪዎች አልተደሰትኩም፣ ^ሀስራ ፈቶች በመካከላቸው አሉና፤ እናም ልጆቻቸውም ^ለበኃጢአት ውስጥ እያደጉ ናቸውና፤ ለዘለአለማዊ ሀብትም በቅንነት ^ሐአይሹም፣ ነገር ግን አይኖቻቸው በስግብግብነት ተሞልተዋል።

፴፪ እነዚህ ነገሮች መሆን አይገባቸውም፣ እናም ከመካከላቸው መወገድ አለባቸው፤ ስለዚህ፣ አገልጋዬ ኦሊቨር ካውድሪ እነዚህን አባባሎች ወደ ፅዮን ምድር ይውሰድ።

፴፫ እናም ትእዛዝም እሰጣቸዋለሁ—በትክክለኛው ጊዜ በጌታ ፊት ^ሀጸሎትን የማያከናውነው እርሱ፣ በህዝቤ ዳኛ ፊት ^ለይታሰብ።

፴፬ እነዚህ ^ሀአባባሎች እውነተኛዎች እና የታመኑ ናቸው፤ ስለዚህ አትተላለፏቸው፣ ወይም ^ለአታጉድሏቸውም።

፴፭ እነሆ፣ እኔ ^ሀአልፋና ኦሜጋ ነኝ፣ እናም በቶሎ ^ለእመጣለሁ። አሜን።