Ɔfã 50
Nyikyerɛ a wɔnam Joseph Smith Nkɔnhyɛnyi no do dze mae, wɔ Kirtland, Ohio, Esusow Aketseaba 9, 1831. Joseph Smith n’abakɔsɛm no kã dɛ elderfo no binom nntse esunsum ahorow a wɔatahye asaase no do no hɔn dwumadzi ase, na dɛ, n’ebisadze soronko yi a ɔfa dɛm asɛm yi ho ntsi na wɔdze dɛm nyikyerɛ yi mae. Nna dza wɔfrɛ no sunsum mu ndzeyɛɛ ho nsɛm rokɔ do wɔ asɔrmba no mu pii mu, binom se woenya enyido-adzehu na nyikyerɛ.
1–5, Esunsum atorfo pii atahye asaase do; 6–9, Enyidosomkyerɛfo no wondue na hɔn a woetwa hɔn efi Asɔr no mu akyen no; 10–14, Elderfo wɔ dɛ wɔdze Sunsum kã asɛmpa no; 15–22, Hɔn a wɔkã nyamesɛm nye etsiefo nyina hia dɛ Sunsum no kenyan hɔn; 23–25, Dza ɔmma ntowdo no mmfi Nyame; 26–28, Hɔn a wodzi nokwar no wɔ adze nyina; 29–36; Wotsie hɔn a hɔn ho tsew no hɔn mpaabɔ; 37–46, Christ nye Oguanhwɛfo Pa na Israel Ɔbo no.
1 Hom ntsie, O hom a hom yɛ m’asɔr mu elderfo, na hom nyɛ aso mma Nyame tseasefo ne ndze; na hom ntsie enyansasɛm a wɔdze bɛma hom no, dza hom ayɛ kor ebisa a ɔfa asɔr no ho, nye esunsum a wɔatahye wɔ asaase yi do no.
2 Hwɛ, nokwar, mese hom dɛ, esunsum pii a wɔyɛ aesunsum atorfo a wɔapetse asaase do, redaadaa wiadze.
3 Na aSatan so aper dɛ ɔbɛdaadaa hom, ama oeedzi hom do konyim.
4 Hwɛ, emi Ewuradze mahwɛ hom mu, na mehu ekyiwadze wɔ asɔr a aɔbɔ me dzin no mu.
5 Na mbom nhyira akã hɔn a wɔyɛ agyedzifo na awotsim, wɔ nkwa anaadɛ owu mu, hɔn na wobenya onnyiewiei nkwa no edzi.
6 Na mbom hɔn a wɔyɛ andabrabafo na enyidosomkyerɛfo no wondue, na dɛm na Ewuradze se, menye hɔn bɛba atsɛmbu ase.
7 Hwɛ, nokwar, mese hom dɛ, aenyidosomkyerɛfo bi wɔ hom mu a wɔadaadaa binom, ma dɛm ntsi ɔama bɔtamfo no ctum; na mbom, hwɛ, wɔbɛsan agye ddɛm nkorɔfo yi bio;
8 Na mbom wobohu enyidosomkyerɛfo no na awoetwa hɔn akyen, wɔ nkwa mu anaadɛ owu mu, dɛ mbrɛ me pɛ mpo tse; na hɔn a woetwa hɔn efi m’asɔr mu akyen no wondue, na woyinom ara so na wiadze edzi hɔn do konyim no.
9 Dɛm ntsi, hom mma nyimpa biara nhwɛ yie amma ɔaannyɛ dza ɔnnyɛ nokwar na ɔnntsen wɔ m’enyim.
10 Na afei hom mbra, Ewuradze na ɔnam Sunsum mu rekasa kyerɛ n’asɔr mu elderfo no, hom mma yɛmbɔ mu anyi atsɛn, ama hom aatse ase;
11 Hom mma yɛmbɔ mu nyi atsɛn tse dɛ mbrɛ nyimpa nye ne nyɛnko tsena ase yi atsɛn enyim na enyim.
12 Na sɛ nyimpa nye ne nyɛnko yi atsɛn a, ɔtse no ase osiandɛ ɔdwen dɛ oyi atsɛn dɛ nyimpa; dɛmara so na emi, Ewuradze menye hom yi atsɛn ama hom aatse ase.
13 Dɛm ntsi, emi, Ewuradze mibisa hom asɛm yi—ebɛn dwumadzi ho ntsi na awɔhyɛɛ hom asɔfo?
14 Dɛ hom ndua aSunsum no a ɔyɛ bƆwerɛkyekyefo no mpo do a wɔsomaa no dɛ ɔmbɛkyerɛkyerɛ nokwar no no nkã m’asɛmpa no.
15 Na afei, hom agye aesunsum a hom nntum nntse ase, na hom agye hɔn dɛ wofi Nyame; ana hom dzi bem wɔ iyi ho?
16 Hwɛ, homankasa na hom beyi asɛmbisa yi ano; naaso mubohu hom mbɔbɔr; ofi aber yi dze kɔ, wɔbɛhyɛ nyia ɔyɛ mberɛw wɔ hom mu no adzen.
17 Nokwar, mese hom dɛ, nyia emi mahyɛ no sɔfo na masoma no dɛ ondua Ɔwerɛkyekyefo no do ankã nokwasɛm no wɔ Sunsum nokwafo no mu no, ana ɔnam bnokwar Sunsum no do kã anaa ɔnam kwan fofor bi do kã?
18 Na sɛ ɔnam kwan fofor bi do a, nna ommfi Nyame.
19 Na bio, nyia ɔgye nokwasɛm no, ana ɔnam nokwar Sunsum no do gye anaa ɔnam kwan fofor bi do gye?
20 Sɛ ɔnam kwan fofor bi do a, nna ommfi Nyame.
21 Sɛ dɛm a, nna ɔyɛ dɛn ntsi na hom nntum nntse ase na hom nnhu dɛ nyia ɔnam nokwar Sunsum no do gye asɛm no, wɔnam nokwar Sunsum no do kã?
22 Dɛm ntsi, nyia ɔkã na nyia otsie no nyina nya hɔnho ntseasee, na wonya antowdo na wɔbɔ mu benyi gye.
23 Na dza ɔmma ntowdo no mmfi Nyame, na ɔyɛ asum.
24 Dza ofi Nyame no yɛ akan; na nyia ɔgye kan no, na bɔkɔ do tsena Nyame mu no, nya ckan no bi kã ho; na dɛm kan no kɔ do ara hyerɛn dze kɛpem da a odzi mu no.
25 Na bio, nokwar, mese hom dɛ, mekã iyi ama hom eehu anokwar no, na hom aapam sum efi hom mu;
26 Nyia Nyame ahyɛ no sɔfo na ɔasoma no no, dɛm nyimpa no ara so na woeyi no dɛ ɔyɛ aɔkɛse, ɔmmfa ho dɛ ɔyɛ kumabaa na hom nyina mu bakowaa.
27 Dɛm ntsi, ɔno na andzɛmba nyina yɛ nedze; osiandɛ ndzɛmba nyina hyɛ n’ase, dza ɔwɔ sor nye asaase do nyina, nkwa nye kan, Sunsum nye btum no a, Egya no ne pɛ do dze edua ne Jesus Christ Ba, no do no.
28 Mbom nyimpa biara nnyi hɔ a ɔwɔ ndzɛmba nyina, gyedɛ awɔatsew noho na bwɔahohor bɔn nyina efi ho.
29 Na sɛ hom tsew homho fi bɔn nyina ho a, hom abebisa biribiara a hom pɛ wɔ Jesus ne dzin mu, na ɔbɛyɛ.
30 Mbom hom nhu iyi, dza hom bebisa no wɔdze bɛma hom; na dɛ wɔayɛ hom abanodzifo yi, esunsum no bɛhyɛ hom ase.
31 Dɛm ntsi, ɔbɛba dɛ, sɛ hom hu dɛ asunsum bi a ɔda noho edzi no hom nntse ase, na hom ennya dɛm sunsum no a, hom mbisa Egya no wɔ Jesus ne dzin mu; na sɛ wɔammfa dɛm sunsum no amma hom a, nna ɔwɔ dɛ hom hu dɛ ommfi Nyame.
32 Na wɔbɛma hom atum wɔ dɛm sunsum no do; na hom mfa ndze kɛse nkasa ntsia dɛm sunsum no dɛ ommfi Nyame—
33 Mma hom mmfa antsẽatsẽamu mmbu atsɛn, amma woeenndzi hom do konyim, eso mma hom mmfa bahantanyɛ anaa dɛwdzi nnyɛ, amma wɔaammfa do annkyer hom.
34 Nyia onyae fii Nyame hɔ no, hom mma ombu ho akontaa mma Nyame, na hom mma ondzi dɛw dɛ Nyame ehu dɛ odzi mu dɛ ne nsa bɛkã.
35 Na sɛ hom tsie na hom yɛ ndzɛmba yinom a hom nsa akã yi, nye dza hom nsa bɛkã ekyir yi—na Egya no dze aahenman no ama hom, nye btum a hom dze bedzi ndzɛmba nyinara a nnyɛ ɔno na ɔhyehyɛe no do konyim—
36 Na hwɛ, nokwar, mese hom dɛ, nhyira akã hom a hom ritsie me nsɛm yinom fi m’akowaa n’ano, osiandɛ wɔdze hom bɔn aakyɛ hom.
37 Hom mma m’akowaa Joseph Wakefield, a m’enyi gye no ho no, nye m’akowaa aParley P. Pratt nkɔ nsɔr no mu nkɛkã bm’afotusɛm no mfa nhyɛ hɔn dzen;
38 Na m’akowaa John Corrill so, anaadɛ mo nkowaa mu dodowara a wɔahyɛ hɔn dzibew yi no, hom mma wɔnkɛyɛ edwuma wɔ awenyin ture no mu; na mma hom mma obiara nnsiw hɔn kwan wɔ dwuma a medze ahyɛ hom nsa no ho—
39 Dɛm ntsi, m’akowaa aEdward Partridge nndzi bem wɔ adze yi mu; naaso hom mma onnu noho na wɔdze no bɔn bɛkyɛ no.
40 Hwɛ, hom yɛ mbofra nkakramba ntsi hom runntum anngye ndzɛmba no nyina sesei; ɔwɔ dɛ hom bnyin wɔ cadom nye dnokwar no ho nyimdzee no mu.
41 aMma hom nnsuro, bmbofra nkakramba, osiandɛ hom yɛ medze, na meedzi cwiadze do konyim, na hom kã hɔn a m’Egya dze hɔn dama me no ho;
42 Na hɔn a m’Egya dze hɔn ama me no, hɔn mu biara arennyew.
43 Na Egya no nye Emi yɛyɛ akor. Mowɔ Egya no mu, na Egya no so wɔ mo mu; na susuampaara dɛ hom agye me no, hom wɔ mo mu, na Mo wɔ hom mu.
44 Dɛm ntsi, Mowɔ hom finimfin, na Emi nye aoguanhwɛfo pa, na bIsrael ɔbo no. Nyia osi ne dan wɔ cɔbo yi do no dronnhwe ase da.
45 Na da no bɛba a hom bɛtse me ndze na hom aehu me, na hom ehu dɛ metse ase.
46 Dɛm ntsi, hom anweɔn, ama hom aayɛ bkrado. Ɔnyɛ hɔ dɛm. Amen.