1 Ug usab, akong kaigsoonan, pahinumdoman ko kamo sa panahon nga ang Ginoong Dios mihatag niining mga sugo ngadto sa iyang mga anak; ug manghinaot ko nga kamo mahinumdom nga ang Ginoong Dios ^amiorden og mga pari, sunod sa iyang balaan nga kapunongan, diin gisunod sa kapunongan sa iyang Anak, sa pagtudlo niining mga butang ngadto sa katawhan.

2 Ug kadtong mga pari gi-orden sunod sa ^akapunongan sa iyang Anak, sa ^bpaagi nga ang katawhan masayod kon sa unsang paagi makapaabot sa iyang Anak alang sa katubsanan.

3 Ug mao kini ang paagi sa pag-orden kanila—nga ^agitawag ug ^bgiandam gikan pa sa ^ckatukoran sa kalibotan sumala sa ^dkahibalo sa Dios sukad pa sa sinugdanan, tungod sa ilang naghingapin nga pagtuo ug maayong mga buhat; sa sinugdanan nga gitugotan sa ^epagpili sa maayo ug sa daotan; busa sila nga nakapili sa maayo, ug mipakita og hilabihan ka dako nga ^fpagtuo, ^ggitawag ngadto sa balaan nga katungdanan, oo, uban nianang balaan nga katungdanan nga giandam, ug sumala sa, usa ka pangandam nga pagtubos alang kanila.

4 Ug sa ingon niana ^agitawag sila niining balaan nga katungdanan tungod sa ilang pagtuo, samtang ang uban nagdumili sa pagdawat sa Espiritu sa Dios tungod sa katig-a sa ilang mga kasingkasing ug kakulang sa panabot, samtang, kon dili pa tungod niini sila unta makaangkon og dako nga ^bkaayohan sama sa ilang kaigsoonan.

5 O sa kinatibuk-an, nagsugod sila sa ^asama nga kahimtang sa ilang kaigsoonan; sa ingon niana kining balaan nga katungdanan giandam na gikan pa sa katukoran sa kalibotan alang niadtong dili magpatig-a sa ilang mga kasingkasing, isip kabahin ug pinaagi sa pag-ula sa Bugtong Anak, kinsa giandam nang daan—

6 Ug sa ingon niana kay gitawag pinaagi niining balaan nga katungdanan, ug gi-orden ngadto sa labaw nga pagkapari sa balaan nga kapunongan sa Dios, aron magtudlo sa iyang mga sugo ngadto sa mga anak sa katawhan, nga sila usab makasulod sa iyang ^akapahulayan—

7 Kining labaw nga pagkapari nga gisunod sa kapunongan sa iyang Anak, kansang kapunongan gikan sa katukoran sa kalibotan; o sa laktod nga pagkasulti, nga ^awalay sinugdanan sa mga adlaw o kataposan sa mga tuig, nga giandam gikan sa kahangtoran ngadto sa tanan nga kahangtoran, sumala sa ^biyang nag-una nga kahibalo sa tanan nga butang—

8 Karon ^agi-orden sila sunod niini nga paagi—nga gitawag sa usa ka balaan nga katungdanan, ug gi-orden pinaagi sa balaan nga ordinansa, ug midala diha kanila sa labaw nga pagkapari sa balaan nga kapunongan, diin nga katungdanan, ug ordinansa, ug labaw nga pagkapari, walay sinugdanan o kataposan—

9 Sa ingon niana nahimo sila nga ^alabaw nga mga pari sa kahangtoran, sunod sa kapunongan sa Anak, ang Bugtong Anak sa Amahan, kinsa walay sinugdanan sa mga adlaw o kataposan sa mga tuig, kinsa puno sa ^bgrasya, kaangayan, ug kamatuoran. Ug sa ingon niana mao kini. Amen.

10 Karon, sama sa akong giingon mahitungod sa balaan nga kapunongan, o niining ^alabaw nga pagkapari, dihay daghan nga gi-orden ug nahimong labaw nga mga pari sa Dios; ug kini tungod sa ilang naghingapin nga pagtuo ug ^bpaghinulsol, ug sa ilang pagkamatarong sa atubangan sa Dios, kay gipili nila ang paghinulsol ug pagbuhat sa matarong kay sa mamatay;

11 Busa gitawag sila sunod niining balaan nga kapunongan, ug ^agibalaan, ug ang ilang ^bmga sapot gihugasan nga puti pinaagi sa dugo sa Kordero.

12 Karon sila, human ^amabalaan pinaagi sa ^bEspiritu Santo, nakahimo sa ilang mga sapot nga maputi, nga ^cputli ug walay lama sa atubangan sa Dios, dili makatan-aw sa ^dsala gawas kon kini paubanan sa ^ekasilag; ug dihay daghan, hilabihan ka daghan, kinsa nahimong putli ug nakasulod sa kapahulayan sa Ginoo nga ilang Dios.

13 Ug karon, akong kaigsoonan, manghinaot ko nga kamo magpaubos sa inyong kaugalingon sa atubangan sa Dios, ug magdala og ^abunga nga gikinahanglan alang sa paghinulsol, nga kamo usab makasulod niana nga kapahulayan.

14 Oo, ipaubos ang inyong kaugalingon sama sa katawhan sa mga adlaw ni ^aMelchizedek, kinsa usa usab ka labaw nga pari sunod niining sama nga kapunongan nga akong gipamulong, kinsa usab midala nganha kaniya sa labaw nga pagkapari sa kahangtoran.

15 Ug mao gihapon kini nga Melchizedek diin si ^aAbraham mibayad sa ^bikapulo; oo, gani gibayaran sa atong amahan nga si Abraham sa ikapulo sa tanan niyang gipanag-iya.

16 Karon kini nga ^amga ordinansa gihatag sumala niini nga paagi, nga niana ang katawhan unta motan-aw ngadto sa Anak sa Dios, kini nga usa ka ^bsimbolo sa iyang kapunongan, o kini nga iyang kapunongan, ug kini aron sila motan-aw kaniya alang sa kapasayloan sa ilang mga sala, aron makasulod sila sa kapahulayan sa Ginoo.

17 Karon kini si Melchizedek mao ang hari sa yuta sa Salem; ug ang iyang katawhan nahimong hilabihan kadaotan ug kasalawayon; oo, tanan sila nahisalaag; napuno sila sa tanang matang sa kadaotan;

18 Apan si Melchizedek nga nakapakita og pagtuo, ug nakadawat sa katungdanan sa labaw nga pagkapari sumala sa ^abalaan nga kapunongan sa Dios, misangyaw og paghinulsol sa iyang katawhan. Ug tan-awa, naghinulsol sila; ug si Melchizedek nakatukod og kalinaw sa yuta sa iyang mga adlaw; busa gitawag siya nga prinsipe sa kalinaw, kay siya ang hari sa Salem; ug naghari siya ubos sa iyang amahan.

19 Karon, dihay ^adaghan nga nag-una kaniya, ug usab dihay daghan human niana, apan ^bwalay lain nga mas halangdon; busa, mahitungod kaniya sila mas daghan og ikahisgot.

20 Karon ako dili na kinahanglan mosaysay pag-usab sa hitabo; unsa man ang akong nasulti igo na. Tan-awa, ang ^amga kasulatan anaa sa inyong atubangan; kon kamo ^bmotuis niini mosangpot kini sa inyong kaugalingong kalaglagan.

21 Ug karon nahitabo nga dihang si Alma nakasulti niini nga mga pulong ngadto kanila, gituyhad niya ang iyang kamot ngadto kanila ug misinggit pinaagi sa kusog nga tingog, nga nag-ingon: Karon na ang panahon sa ^apaghinulsol, kay ang adlaw sa kaluwasan nagkaduol na;

22 Oo, ug ang tingog sa Ginoo, pinaagi sa ^aba-ba sa mga anghel, mipahayag niini ngadto sa tanang kanasoran; oo, mipahayag niini, nga sila makaangkon og malipayong mga balita sa hilabihan ka hingpit nga kamaya; oo, ug gipalanog niya kining malipayon nga mga balita sa tanan niyang katawhan, oo, bisan kanila nga nagkatibulaag sa layo nga dapit sa ibabaw sa yuta; mao nga gipadayag kini ngari kanato.

23 Ug gipahibalo kini kanato sa ^ayano nga mga paagi, aron kita makasabot, aron kita dili masayop; ug tungod kini sa atong ^bpagkalatagaw sa usa ka katingalahang yuta; busa, kita sa ingon niana pinalabi kaayo, kay kita aduna niining malipayon nga mga balita nga gipahayag ngari kanato sa tanang bahin sa atong ubasan.

24 Kay tan-awa, ang ^amga anghel nagpahayag niini ngadto sa daghan niini nga panahon sa atong yuta; ug kini alang sa katuyoan nga maandam ang mga kasingkasing sa mga anak sa katawhan sa pagdawat sa iyang pulong sa panahon sa iyang pag-anhi uban sa iyang himaya.

25 Ug karon naghulat lamang kita nga makadungog sa maayong mga balita nga ipadayag ngari kanato pinaagi sa ba-ba sa mga anghel, bahin sa iyang pag-anhi; kay ang panahon moabot, kita ^awala masayod kon kanus-a. Hinaot nga ipahitabo kini sa Dios sa akong panahon; apan kon mahitabo man dayon kini o sa dugaydugay pa, niini ako magmaya.

26 Ug kini ipahibalo ngadto sa ^amakiangayon ug balaang mga tawo, pinaagi sa ba-ba sa mga anghel, sa panahon sa iyang pag-anhi, nga ang mga pulong sa atong mga amahan matuman, sumala sa ilang gipamulong mahitungod kaniya, sumala sa espiritu sa pagpanagna nga anaa kanila.

27 Ug karon, akong kaigsoonan, ^amanghinaot ko gikan sa kinahiladman nga bahin sa akong kasingkasing, oo, uban sa dakong kabalaka gani ngadto sa kasakit, nga kamo mopatalinghog sa akong mga pulong, ug mosalikway sa inyong mga sala, ug dili molangay sa adlaw sa inyong paghinulsol;

28 Apan nga kamo magpaubos sa inyong kaugalingon sa atubangan sa Ginoo, ug motawag sa iyang balaan nga ngalan, ug ^amagbantay ug mag-ampo sa kanunay, aron kamo dili ^bmatental labaw sa inyong malahutay, ug sa ingon niana giyahan pinaagi sa Balaang Espiritu, magmapainubsanon, ^cmagmaaghop, masinugtanon, mapailobon, puno sa gugma ug magmainantoson sa tanan;

29 ^aMagbaton og pagtuo sa Ginoo; magbaton og paglaom nga kamo makadawat og kinabuhing dayon; magbaton kanunay sa ^bgugma sa Dios diha sa inyong kasingkasing, aron kamo bayawon sa kataposang adlaw ug makasulod sa iyang ^ckapahulayan.

30 Ug hinaot nga itugot sa Ginoo diha kaninyo ang paghinulsol, aron dili ninyo mabira paubos ang iyang kasuko diha kaninyo, aron kamo dili magapos sa mga higot sa ^aimpyerno, aron kamo dili mag-antos sa ikaduhang ^bkamatayon.

31 Ug si Alma namulong og daghan pa ngadto sa katawhan, nga wala mahisulat niini nga basahon.