Pasiuna sa Manwal sa Seminary Teacher sa Doktrina ug mga Pakigsaad ug Kasaysayan sa Simbahan
Pasiuna sa Manwal sa Seminary Teacher sa Doktrina ug mga Pakigsaad ug Kasaysayan sa Simbahan
Ang Atong Katuyoan
Ang Tumong sa Seminaries and Institutes of Religion namahayag:
“Ang atong katuyoan mao ang pagtabang sa kabatan-onan ug mga young adult nga makasabut ug makasalig sa mga pagtulun-an ug sa Pag-ula ni Jesukristo, mahimong kwalipikado alang sa mga panalangin sa templo, ug maandam ang ilang kaugalingon, ilang mga pamilya, ug ang uban alang sa kinabuhing dayon uban sa ilang Langitnong Amahan.”
Aron makab-ot ang atong katuyoan, atong tudloan ang mga estudyante sa mga doktrina ug mga baruganan sa ebanghelyo nga makita diha sa mga kasulatan ug sa mga pulong sa mga propeta. Kini nga mga doktrina ug mga baruganan gitudlo sa paagi nga mogiya ngadto sa pagsabut ug pagkalig-on. Kita motabang sa mga estudyante nga sila makatuman sa ilang tahas sa proseso sa pagkat-on ug moandam kanila sa pagtudlo sa ebanghelyo ngadto sa uban.
Aron matuman kining mga tumong, ikaw ug ang mga estudyante nga imong gitudloan giawhag sa paglakip sa mosunod nga mga Sukaranan sa Pagtudlo ug Pagkat-on sa Ebanghelyo samtang dungan kamo nga magtuon sa mga kasulatan:
Magtudlo ug magkat-on pinaagi sa Espiritu.
Mag-ugmad og kahimtang sa pagkat-on nga may gugma, pagtahud, ug katuyoan.
Magtuon sa mga kasulatan matag adlaw, ug magbasa sa basahon sa kurso. (Mga tsart sa pagsubay sa pagbasa sa kasulatan makita diha sa appendix sa katapusan niining manwal, sa LDS.org, ug sa store.lds.org [item nu. 10494].)
Sabton ang konteksto ug ang sulod [content] sa mga kasulatan ug ang mga pulong sa mga propeta.
Moila, mosabut, ug mobati sa kamatuoran ug importansya, ug mogamit sa mga doktrina sa ebanghelyo ug mga baruganan.
Mopasabut, mopakigbahin, ug mopamatuod sa mga doktrina ug mga baruganan sa ebanghelyo.
Kini nga manwal sa magtutudlo giandam sa pagtabang kaninyo nga magmalampuson sa pagkab-ot niini nga mga tumong.
Imahe
batang babaye nga nagbasa og mga kasulatan
Seminary ug ang Kurikulum sa Dominggo alang sa Kabatan-onan
Pagtabang sa mga kabatan-onan nga makabig ngadto sa ebanghelyo ni Jesukristo
Hiniusa nga Paningkamot
Ang Unang Kapangulohan nanawagan sa mga ginikanan, mga magtutudlo, ug mga lider aron “tabangan ang mga kabatan-onan nga makakat-on sa ebanghelyo sa kinaugalingon nilang pagtuon ug pagtuo, sa pagdiskubre sa katinuod sa ebanghelyo sa ilang kaugalingon, ug sa pagpalig-on sa ilang mga pamilya ug sa uban pinaagi sa pagpakigbahin sa ilang mga kasinatian, panabut, ug pagpamatuod.” Ang pagbuhat sa ingon motabang kanila nga mosunod sa dalan nga “mosangput sa ilang pagkakabig” (Teaching the Gospel in the Savior’s Way [2012], 2).
Ubos sa direksyon sa priesthood, ang mga organisasyon sa Young Men, Young Women, Sunday School, ug Seminary, nga naningkamot sa pakigtambayayong, mipalambo sa kurikulum sa pagtabang sa kabatan-onan nga matuman kining mga tumong. Samtang ang matag organisasyon adunay lahi nga tahas diha sa pagpalig-on sa kabatan-onan, ang labing importanting katuyoan sa tanang kurikulum sa kabatan-onan mao ang pag-agak sa kabatan-onan ngadto sa Manluluwas ug sa pagpahinabo sa ilang pagkakabig ngadto sa Iyang ebanghelyo. Ang kurikulum alang sa matag organisasyon sa kabatan-onan gituyo aron mahaum nianang sa uban nga mga organisasyon sa kabatan-onan. Sama pananglit:
Ang “Pagtudlo sumala sa Pamaagi sa Manaluluwas” (usa ka seksyon nga gimantala sa mga materyal sa seminary ug sa kurikulum sa kabatan-onan sa Dominggo) giusa sa pagpalambo pinaagi sa mga organisasyon sa kabatan-onan aron sa pagtabang sa mga magtutudlo, mga ginikanan, ug mga lider nga makakat-on mahitungod sa paagi kon giunsa sa Manluluwas sa pagtudlo (tan-awa sa Gospel Teaching and Learning: A Handbook for Teachers and Leaders in Seminaries and Institutes of Religion [2012], v–vii; Teaching the Gospel in the Savior’s Way [2012], 4–5). Ang “Pagtudlo sumala sa Pamaagi sa Manluluwas” nag-explore kon giunsa pagtabang sa Manluluwas ang uban nga masabtan og maayo ang sagradong mga kamatuoran nga Iyang gitudlo pinaagi sa pag-awhag nila sa paglihok inubanan sa hugot nga pagtuo ug mohimo og aktibong tahas diha sa proseso sa pagkat-on. Kini nga mga baruganan sa pagtudlo ug pagkat-on sa ebanghelyo giapil ngadto sa kurikulum alang sa tanang organisasyon sa kabatan-onan.
Ang kurikulum alang sa tanang organisasyon sa kabatan-onan naghatag og gibug-aton sa susama nga sukaranang mga doktrina. Ang Sukaranang mga Doktrina naghatag og gibug-aton diha sa kurikulum sa seminary nga motakdo ngadto sa Sukaranang Doktrinal nga mga Baruganan nga gitudlo diha sa kurikulum sa kabatan-onan. Sa mga klase sa Dominggo, ang kurikulum sa kabatan-onan nag-focus sa usa niining mga doktrina sa matag bulan. Sa seminary, kining mga doktrina gihatagan og gibug-aton samtang nagtuon ang kabatan-onan sa matag usa sa sumbanan nga mga basahon. Kining hiniusang paningkamot nakatabang sa pagpalig-on sa mga kamatuoran nga makat-unan sa mga kabatan-onan ma-Dominggo uban sa unsay ilang nakat-unan sa classroom sa seminary. Ang paghatag og gibug-aton niining samang importanting mga doktrina sa tanang kurikulum sa kabatan-onan nagtugot og mas hanoy nga kasinatian sa mga kabatan-onan, mga magtutudlo, ug mga ginikanan.
Ang kurikulum alang sa matag organisasyon gidesinyo aron matabangan ang kabatan-onan nga mapalawman ang ilang panabut ug pagpamatuod sa ebanghelyo ug makakat-on kon unsaon sa pagtudlo niini ngadto sa uban. Aron kini matuman, ang mga materyal sa seminary ug ang kurikulum sa kabatan-onan gitumong aron sa pagtabang sa kabatan-onan nga mohimo og mas aktibong papel isip mga tigkat-on sa ebanghelyo, modiskubre sa mga kamatuoran sa ebanghelyo sa ilang kaugalingon, ug mopasabut, mopakigbahin ug mopamatuod niining mga kamatuoran ngadto sa uban.
Kadtong mga natawag sa pagtudlo diha sa Sunday School, Young Men, Young Women, o Seminary siguro makakita sa kamakanunayon diha sa pagtudlo ug pagkat-on sa ebanghelyo. Ang mga materyal sa seminary ug kurikulum sa kabatan-onan nag-focus sa pagtabang sa kabatan-onan nga mapalawman ang ilang pakakabig. Isip resulta niining giambitan nga tumong, daghang mga materyal sa pagbansay ug media nga gipalambo alang sa mga magtutudlo nga naggamit sa kurikulum sa kabatan-onan sa Dominggo nga giambitan sa seminary ug nalakip sa LDS.org.
Lahi nga mga Aspeto
Matag organisasyon sa kabatan-onan adunay lahi nga papel sa pagtabang sa kabatan-onan nga mahimong makabig ngadto sa ebanghelyo (tan-awa sa Teaching the Gospel in the Savior’s Way, 12–13). Sama pananglit, ang kurikulum nga gigamit sa mga klase sa Sunday School, Young Men, ug Young Women nag-focus sa usa ka sukaranang baruganan sa doktrina matag bulan. Agig kalahian, ang mga estudyante sa seminary nagkat-on sa mga doktrina ug mga baruganan sa ebanghelyo samtang sila nagtuon sa sumbanan nga mga basahon gikan sa sinugdanan hangtud sa katapusan.
Pinaagi sa pagtuon sa kada hilisgutan sa ebanghelyo sa mga klase sa Dominggo, mahimong mapalawman sa kabatan-onan ang ilang pagsabut sa piho nga mga doktrina pinaagi sa pag-explore sa lain-laing aspeto niadtong mga kamatuoran ug sa pagtudlo niini ngadto sa usag usa. Sa seminary, ang kabatan-onan makahimo sa pagdiskubre ug pagsabut niadtong managsama nga mga doktrina sa konteksto sa may kalabutan nga mga kamatuoran diha sa mga kasulatan ug makita kini nga gihulagway sa mga kinabuhi ug pagtudlo sa mga indibidwal diha sa mga kasulatan. Dugang pa, pinaagi sa pagtuon sa mga kasulatan gikan sa sinugdanan hangtud sa katapusan, mapalambo sa kabatan-onan ang ilang kamasaligon nga ang “Langitnong Amahan nakigsulti gayud kanila pinaagi sa mga kasulatan, ug [makabaton] og pasalig nga makadangup sila sa kasulatan ug makakita sa mga tubag sa ilang mga problema ug sa ilang mga pag-ampo” (Howard W. Hunter, “Eternal Investments” [Mahangturong mga Pagpundar] [pakigpulong ngadto sa mga religious educator sa Church Educational System, Peb. 10, 1989], 2; LDS.org). Mapamilyar usab ang mga kabatan-onan sa mga kasulatan aron sila makagamit niini sa epektibong paagi isip umaabut nga mga misyonaryo, mga lider, ug mga ginikanan. Ang duha ka paagi sa pagtuon sa mga doktrina sa ebanghelyo nagtambayayong sa pagtabang sa kabatan-onan nga mapalawman ang ilang pagsabut sa ebanghelyo ug maandam sila sa pagtudlo sa ebanghelyo ngadto sa uban.
Pagpangandam sa Leksyon
Ang Ginoo misugo niadtong nagtudlo sa Iyang ebanghelyo nga “magtudlo sa mga baruganan sa akong ebanghelyo, nga anaa sa Biblia ug sa Basahon ni Mormon, diin anaa ang kahingpitan sa ebanghelyo” (D&P 42:12). Siya midugang sa pagsugo nga kini nga mga kamatuoran kinahanglang itudlo ingon nga “gimandoan pinaagi sa Espiritu,” nga “ihatag … pinaagi sa pag-ampo diha sa hugot nga pagtuo” (D&P 42:13–14). Samtang nag-andam ka sa matag leksyon, magmainampuon sa pagtinguha sa giya sa Espiritu aron sa pagtabang kanimo nga makasabut sa mga kasulatan ug sa mga doktrina ug mga baruganan nga anaa niini. Sa samang paagi, sunda ang mga pag-aghat sa Espiritu samtang nagplano ka unsaon sa pagtabang sa imong mga estudyante nga makasabut sa mga kasulatan, matudloan pinaagi sa Espiritu Santo, ug mobati og tinguha sa paggamit sa unsay ilang nakat-unan.
Niini nga kurso, ang Doktrina ug mga Pakigsaad mao ang nag-una nimong teksto sa imong pagpangandam ug pagtudlo. Magmainampuon sa pagtuon sa mga seksyon o mga bersikulo nga imong itudlo. Tinguhaa ang pagsabut sa konteksto ug sulod sa scripture block, lakip ang dagan sa istorya, mga katawhan, mga dapit, ug mga panghitabo. Samtang mapamilyar ka sa konteksto ug sulod sa matag scripture block, paningkamuti nga mahibalo sa mga doktrina ug mga baruganan nga anaa niini, ug desisyuni kon hain niining mga kamatuoran ang labing importante nga masabtan ug magamit sa imong mga estudyante. Kon matino na nimo kon unsay imong i-focus, madeterminar nimo kon unsa nga mga pamaagi, mga pagsugod sa paghimo, ug mga kalihokan ang labing makatabang sa imong mga estudyante nga makakat-on ug magamit ang sagrado nga mga kamatuoran nga makita diha sa mga kasulatan.
Kini nga manwal gidesinyo aron sa pagtabang kanimo dinhi niining proseso. Ribyuha og maayo ang materyal sa leksyon nga motukma sa scripture block nga imong itudlo. Mahimo kang mopili nga mogamit sa tanan o parte lang sa mga sugyot alang sa scripture block, o mahimo nimong ipahiangay ang gisugyot nga mga ideya ngadto sa mga panginahanglan ug mga sirkumstansya sa mga estudyante nga imong gitudloan.
Importante nga imong tabangan ang mga estudyante sa pagtuon sa tibuok nga scripture block sa matag leksyon. Ang pagbuhat niini makatabang sa mga estudyante nga masabtan ang hingpit nga mensahe nga gustong ipasabut sa tigsulat sa kasulatan. Hinoon, samtang magplano ka sa imong leksyon, mahimong madiskubrihan nimo nga wala kay igong panahon sa usa ka klasehan aron magamit ang tanang mga sugyot sa pagtudlo diha sa manwal. Tinguhaa ang giya sa Espiritu ug mainampuong ikonsiderar ang mga panginahanglan sa imong mga estudyante samtang imong ideterminar kon unsa nga bahin sa scripture block ang hatagan og gibug-aton aron matabangan ang mga estudyante nga mobati sa kamatuoran ug kaimportante sa mga kamatuoran sa ebanghelyo ug gamiton kini diha sa ilang kinabuhi. Kon kulang ang oras, mahimo nimong ipahiangay ang ubang bahin sa leksyon pinaagi sa daklit nga pag-summarize og usa ka grupo sa mga bersikulo o pinaagi sa paggiya sa mga estudyante nga daling mailhan ang usa ka baruganan o doktrina sa dili pa mopadayon sa sunod nga grupo sa mga bersikulo.
Samtang imong gikonsiderar unsaon sa pagpahiangay sa mga materyal sa leksyon, siguroa nga masunod kini nga tambag gikan ni Elder Dallin H. Oaks sa Korum sa Napulog Duha ka mga Apostoles:
Imahe
Elder Dallin H. Oaks
“Si Presidente Packer kanunayng nagtudlo, sa akong pandungog, nga una atong hangupon, dayon atong ipahiangay. Kon tinud-anay natong gitutokan ang gitakda nga leksyon nga atong ihatag, nan makasunod kita sa Espiritu nga mopahiangay niini” (“A Panel Discussion with Elder Dallin H. Oaks” [satellite broadcast sa Seminaries and Institutes of Religion, Ago. 7, 2012]).
Samtang nangandam ka sa pagtudlo, pagmahunahunaon sa mga estudyante nga adunay piho nga mga panginahanglan. I-adjust ang mga kalihokan ug mga gilauman aron sa pagtabang kanila nga magmalampuson. Ang pagpakigsulti ngadto sa mga ginikanan ug mga lider makatabang nimo nga makahibalo sa mga panginahanglan sa mga estudyante ug makatabang nimo nga magmalampuson sa paghatag og makahuluganon ug makapalig-on nga kasinatian alang kanila.
Atol sa imong pagpangandam sa leksyon, mahimo nimong gamiton ang Notes ug Journal tools diha sa LDS.org o diha sa Gospel Library sa mobile nga mga device. Makagamit ka niini nga mga himan sa pagmarka sa mga kasulatan, mga pakigpulong sa komperensya, mga artikulo sa mga magasin sa Simbahan, ug mga leksyon. Makahimo ka usab sa pagdugang ug pag-save og mga notes aron magamit atol sa imong mga leksyon. Aron mas makat-on pa kon unsaon sa paggamit niini nga mga himan, tan-awa sa Notes and Journal Help nga page sa LDS.org.
Paggamit sa Manwal sa Daily Teacher
Pasiuna sa Scripture Block
Ang mga pasiuna sa scripture block naghatag og mubo nga overview sa konteksto ug sulod sa scripture block alang sa matag leksyon.
Grupo sa mga Bersikulo ug Summary base sa Konteksto
Ang mga scripture block kasagaran gibahin ngadto sa gagmay nga mga bahin o mga grupo sa mga bersikulo nga nag-focus sa usa ka partikular nga hilisgutan o aksyon. Ang pakisayran alang sa matag grupo sa bersikulo gisundan og mubo nga summary sa mga panghitabo o mga pagtulun-an sulod niana nga grupo sa mga bersikulo.
Mga Tabang sa Pagtudlo
Ang mga tabang sa pagtudlo nagpasabut sa mga baruganan ug mga pamaagi sa pagtudlo sa ebanghelyo. Makatabang kini kanimo sa imong mga paningkamot sa paglambo isip usa ka magtutudlo.
Sulod sa Leksyon
Ang sulod sa leksyon naglakip og giya alang kanimo samtang magtuon ug magtudlo ka. Nagsugyot kini og mga ideya sa pagtudlo, lakip na sa mga pangutana, mga kalihokan, mga kinutlo, mga diagram, ug mga tsart.
Mga Doktrina ug mga Baruganan
Samtang ang mga doktrina ug mga baruganan natural nga motumaw gikan sa pagtuon sa teksto sa kasulatan, kini gipabaga [bold] aron matabangan ka sa pag-ila ug paghatag niini og gibug-aton sa imong panaghisgutan uban sa mga estudyante.
Mga Litrato
Ang mga litrato sa mga lider sa Simbahan ug mga panghitabo gikan sa mga kasulatan nagrepresentar sa mga visual aid nga mahimo nimong ipakita, kon anaa, samtang magtudlo ka.
Kolum nga Luna
Ang kolum nga luna mahimong magamit alang sa pagpangandam sa leksyon, lakip na ang paghimo og notes, mga baruganan, mga kasinatian, o uban pang mga ideya, kon giaghat ka sa Espiritu Santo.
Komentaryo ug Background nga Impormasyon
Dugang nga mga kinutlo ug mga pagpasabut gihatag diha sa katapusan sa ubang mga leksyon aron makahatag kanimo og dugang nga pagsabut sa konteksto sa kasaysayan, piho nga mga konsepto, o mga tudling sa kasulatan. Gamita ang impormasyon niini nga seksyon sa pagpangandam sa pagtubag sa mga pangutana ug sa paghatag og dugang nga mga ideya samtang magtudlo ka. Dugang nga mga komentaryo makita diha sa digital nga mga bersyon niini nga manwal sa LDS.org.
Dugang nga mga Ideya sa Pagtudlo
Ang dugang nga mga ideya sa pagtudlo makita diha sa katapusan sa ubang mga leksyon. Naghatag kini og mga sugyot sa pagtudlo sa mga doktrina ug mga baruganan nga mahimong wala gipaila o gipasabut og maayo diha sa sulod sa leksyon. Kini usab makahatag og mga sugyot sa paggamit og visual media, sama sa mga pasundayag sa DVD ug mga video diha sa LDS.org. Dugang nga mga ideya sa pagtudlo makita diha sa digital nga mga bersyon niini nga manwal sa LDS.org.
Programa sa Daily Seminary (Released-Time ug Sayo sa Buntag)
Kini nga manwal naglakip sa mosunod nga mga elemento alang sa mga magtutudlo sa daily seminary: 160 ka mga leksyon sa daily teacher, mga tabang sa pagtudlo, ug mga kapanguhaan sa pagtudlo sa scripture mastery ug Sukaranang mga Doktrina.
Mga Leksyon sa Daily Teacher
Format sa Leksyon
Ang matag leksyon niini nga manwal nag-focus sa usa ka scripture block imbis sa usa ka partikular nga konsepto, doktrina, o baruganan. Kini nga format makatabang kanimo ug sa imong mga estudyante sa pagtuon sa mga kasulatan sa pasunod nga paagi ug sa paghisgot sa mga doktrina ug mga baruganan kon natural kini nga motumaw gikan sa teksto sa kasulatan. Samtang nagkat-on ang mga estudyante sa konteksto diin makita ang usa ka doktrina o baruganan, ang ilang pagsabut niana nga kamatuoran mapalawman. Agig dugang, ang mga estudyante mas makakita ug makasabut sa hingpit nga tumong sa mga mensahe nga gustong ipasabut sa dinasig nga mga tigsulat sa kasulatan. Ang pagtudlo sa mga kasulatan niini nga paagi makatabang usab sa mga estudyante nga makakat-on unsaon sa pagdiskubre ug paggamit sa mahangturong mga kamatuoran diha sa ilang personal nga pagtuon sa kasulatan.
Sa matag leksyon, dili ang tanang mga bahin sa scripture block gihatagan og gibug-aton. Ang pipila ka bahin makadawat og minos nga pagtagad tungod kay kini dili kaayo mahinungdanon sa kinatibuk-ang mensahe sa dinasig nga tigsulat o tungod kay kini dili kaayo magamit sa mga kabatan-onan. Aduna kay responsibilidad sa pagpahaum niining mga materyal sumala sa mga panginahanglan ug mga interes sa mga estudyante nga imong gitudloan. Mahimo nimong ipahiangay ang mga ideya sa leksyon niini nga manwal pinaagi sa pagpili nga mas hatagan og gibug-aton ang usa ka partikular nga doktrina o baruganan kay sa gihatag diha sa materyal sa leksyon o pinaagi sa pagpili nga dili kaayo hatagan og gibug-aton ang usa ka bahin sa scripture block nga gipasabut og maayo diha sa manwal. Tinguhaa ang giya sa Espiritu Santo sa pagtabang kanimo sa paghimo niini nga mga pagpahiangay samtang ikaw nangandam ug nagtudlo.
Mga Doktrina ug mga Baruganan
Diha sa sulod sa matag leksyon, makita nimo nga ang pipila ka mahinungdanong mga doktrina ug mga baruganan gipaklaro kay kini gipabaga [bold]. Kini nga mga doktrina ug mga baruganan gitino diha sa kurikulum tungod kay (1) nagpakita kini sa importanting mensahe diha sa scripture block, (2) piho kining magamit ngadto sa mga panginahanglan ug mga kahimtang sa mga estudyante, o (3) mahinungdanon kining mga kamatuoran nga makatabang sa mga estudyante nga mapalambo ang ilang relasyon ngadto sa Ginoo. Hibaloi nga ang Doktrina ug mga Pakigsaad nagtudlo sa daghang mga kamatuoran nga sobra pa sa gitino diha sa kurikulum. Si Presidente Boyd K. Packer mitudlo nga ang mga kasulatan naglakip sa “walay katapusan nga mga kombinasyon sa mga kamatuoran nga mohaum sa panginahanglan sa matag indibidwal diha sa matag kahimtang” (“The Great Plan of Happiness” [CES Symposium on the Doctrine and Covenants/Church History, Ago. 10, 1993], LDS.org; tan-awa usab sa Teaching Seminary: Preservice Readings [2004], 69, LDS.org).
Sa imong pagtudlo, pagmakanunayon sa paghatag sa mga estudyante og mga oportunidad sa pag-ila sa mga doktrina ug mga baruganan diha sa mga kasulatan. Samtang ang mga estudyante mopahayag sa mga kamatuoran nga ilang madiskubrihan, sila sa kasagaran mogamit og mga pulong nga lahi kay sa giunsa pagpahayag ang usa ka doktrina o baruganan niini nga manwal. Mahimo usab nilang madiskubrihan ang mga kamatuoran nga wala matino diha sa outline sa leksyon. Pagmainampingon nga dili mosugyot nga sayop ang mga tubag sa mga estudyante tungod lang kay ang mga pulong nga ilang gigamit sa pagpahayag niini lahi kay sa niadtong gigamit sa manwal o tungod kay sila mitino og usa ka kamatuoran nga wala mahisguti sa kurikulum. Hinoon, kon ang pamahayag sa usa ka estudyante sayop nga doktrina, imong responsibilidad nga malumo nga motabang sa estudyante nga mokorihir sa iyang pamahayag samtang imentinar ang usa ka kahimtang nga dunay gugma ug pagsalig. Ang pagbuhat sa ingon mahimong mohatag og importanting kasinatian sa pagkat-on alang sa mga estudyante sa imong klase.
Gipaspason
Kini nga manwal naglangkob og 160 ka inadlaw nga mga leksyon sa seminary. Mahimo nimong ipahiangay ang mga leksyon ug gipaspason kon gikinahanglan sigun sa gidugayon sa panahon nga imong itudlo kini nga kurso. Tan-awa ang appendix sa katapusan niini nga manwal alang sa usa ka sampol sa giya sa gipaspason. Ang giya sa gipaspason gibase sa 36 ka semana o 180 ka adlaw nga school year ug naglakip og 20 ka “pailin-ilin nga mga adlaw” nga magamit nimo sa pagpahiangay sa inadlaw nga mga leksyon, sa pagtabang sa mga estudyante nga ma-master ang mga tudling sa kasulatan ug Sukaranang mga Doktrina, pagribyu sa miaging mga materyal, ug sa pagpangandam sa mga pagkabalda sa iskedyul.
Paapas nga Buluhaton [Makeup Work]
Ang Giya sa Pagtuon sa Doktrina ug mga Pakigsaad ug sa Kasaysayan sa Simbahan alang sa mga Estudyante sa Home-Study Seminary mahimong gamiton sa mga programa sa daily seminary isip kapanguhaan aron mahatagan ang mga estudyante og paapas nga buluhaton. Ang mga leksyon sa giya sa pagtuon alang sa mga estudyante sa home-study motukma niadtong gipresentar niini nga manwal. Ang mga estudyante nga naghinobra ang palta sa klase mahimong i-assign sa pagkompleto sa mga buluhaton diha sa giya sa pagtuon nga motakdo sa hilisgutan nga ilang napaltahan sa klase. Ang mga assignment mahimong ma-print gikan sa LDS.org, mao nga dili na nimo kinahanglang ihatag ang tibuok manwal ngadto sa mga estudyante nga kinahanglang mobuhat sa paapas nga buluhaton. Ang dugang nga impormasyon mahitungod sa Giya sa Pagtuon sa Doktrina ug mga Pakigsaad ug sa Kasaysayan sa Simbahan alang sa mga Estudyante sa Home-Study sa Seminary gihatag diha sa seksyon nga giulohan og “Programa nga Home-Study sa Seminary” niining pasiuna nga mga materyal.
Mga Tabang sa Pagtudlo
Ang mga tabang sa pagtudlo makita diha sa mga margin niini nga manwal. Kini nga mga tabang sa pagtudlo nagpasabut ug naghulagway kon sa unsang paagi nga ikaw ug ang mga estudyante nga imong gitudloan makagamit sa Mga Sukaranan sa Pagtudlo ug Pagkat-on sa Ebanghelyo sa inyong pagtuon sa Doktrina ug mga Pakigsaad ug kasaysayan sa Simbahan. Kini usab nagtanyag og mga sugyot kon unsaon ang epektibong paggamit og lain-laing mga pamaagi, mga kahanas, ug mga pagsugod sa paghimo. Samtang makasabut ka sa mga baruganan nga anaa sa mga tabang sa pagtudlo, pangita og mga paagi nga kanunay kini nga mapraktis ug magamit sa imong pagtudlo.
Paggamit sa Home-Study nga mga Leksyon
Summary sa mga Leksyon sa Estudyante
Ang summary motabang kanimo nga mapamilyar ang imong kaugalingon sa konteksto ug sa mga doktrina ug mga baruganan nga gitun-an sa mga estudyante atol sa semana diha sa giya sa pagtuon sa estudyante.
Pasiuna sa Leksyon
Ang pasiuna sa leksyon makatabang kanimo nga mahibalo kon unsa nga mga porsyon sa scripture block ang ipasabut og maayo diha sa leksyon.
Sulod sa Leksyon
Ang sulod sa leksyon naghatag og giya alang kanimo samtang magtuon ug magtudlo ka. Nagsugyot kini og mga ideya sa pagtudlo, lakip na sa mga pangutana, mga kalihokan, mga kinutlo, mga diagram, ug mga tsart.
Grupo sa mga Bersikulo ug Summary base sa Konteksto
Ang mga bersikulo gigrupo ngadto sa asa nga mga kausaban sa konteksto o sulod ang nahitabo sa tibuok scripture block. Ang pakisayran alang sa matag grupo sa bersikulo gisundan og mubo nga summary sa mga panghitabo o mga pagtulun-an sulod niana nga grupo sa mga bersikulo.
Mga Doktrina ug mga Baruganan
Samtang ang mga doktrina ug mga baruganan natural nga motumaw gikan sa pagtuon sa teksto sa kasulatan, kini gipabaga [bold] aron matabangan ka sa pag-ila ug paghatag niini og gibug-aton sa imong panaghisgutan uban sa mga estudyante.
Pasiuna sa Sunod nga Unit
Ang katapusang paragraph sa matag leksyon naghatag og daklit nga panglantaw ngadto sa sunod nga unit. Ipakigbahin kini nga paragraph sa imong mga estudyante sa pagtapos sa matag leksyon aron sa pagtabang kanila sa mahinamon nga pagtuon sa mga kasulatan para sa umaabut nga semana.
Programa nga Home-Study sa Seminary
Ubos sa direksyon sa lokal nga mga lider sa priesthood ug sa representante sa S&I, ang mga klase sa home-study seminary mahimong i-organisar sa mga dapit diin ang mga estudyante dili makatambong og kada adlaw nga klase tungod sa distansya o uban pang mga rason (sama sa usa ka kakulangan). Ang mga klase sa home-study seminary sa kinatibuk-an dili himoon sa mga dapit nga ang inadlaw nga mga klase (sulod sa semana) gipahigayon pinaagi sa sayo sa buntag o released-time nga seminary.
Ang programa sa home-study nagtugot sa mga estudyante nga makadawat og kredito sa seminary pinaagi sa pagkompleto sa tagsa-tagsa ka mga leksyon diha sa panimalay kay sa pagtambong og mga klase sa mga adlaw sulod sa semana. Kini nga mga leksyon makita diha sa lahi nga manwal nga gitawag og Giya sa Pagtuon sa Doktrina ug mga Pakigsaad ug sa Kasaysayan sa Simbahan alang sa mga Estudyante sa Home-Study Seminary. Kausa matag semana, ang mga estudyante mag-abut uban sa usa ka magtutudlo sa seminary aron sa pagsumiter sa ilang mga buhat ug pag-apil sa usa ka leksyon sa classroom. Ang giya sa pagtuon sa estudyante ug sinemanang mga leksyon sa classroom mas gipasabut og dugang sa ubos.
Giya sa Pagtuon alang sa mga Estudyante sa Home-Study
Ang Giya sa Pagtuon sa Doktrina ug mga Pakigsaad ug sa Kasaysayan sa Simbahan alang sa mga Estudyante sa Home-Study Seminary gidesinyo aron matabangan ang mga estudyante sa home-study nga makadawat og usa ka kasinatian sa pagtuon sa Doktrina ug mga Pakigsaad ug kasaysayan sa Simbahan nga susama ngadto sa mga estudyante sa seminary nga magtambungan og mga klase sa mga adlaw sa semana. Busa, ang gipaspason sa giya sa pagtuon sa estudyante ingon man usab ang mga doktrina ug mga baruganan nga gihatagan og gibug-aton niini motukma sa materyal niini nga manwal. Ang giya sa pagtuon sa estudyante naglakip usab og instruksyon sa scripture mastery. Ang mga scripture mastery passage gihisgutan sa konteksto ingon nga kini makita diha sa teksto sa kasulatan, ug kasagaran ang mga kalihokan sa pagsulat gihatag diha sa mga leksyon diin ang mga tudling gihisgutan.
Matag semana, ang mga estudyante sa home-study seminary kinahanglang mokompleto og upat ka mga leksyon gikan sa giya sa pagtuon sa estudyante ug moapil sa sinemana nga leksyon nga ihatag sa ilang seminary teacher. Ang mga estudyante mokompleto sa ginumerohan nga mga buluhaton gikan sa giya sa pagtuon diha sa ilang mga scripture study journal. Ang mga estudyante kinahanglan nga adunay duha ka mga scripture study journal aron mabilin nila ang usa diha sa ilang magtutudlo ug makapadayon sa pagtrabaho diha sa lain. Samtang ang mga estudyante makigtagbo sa ilang magtutudlo matag semana, ang usa ka journal isumiter ngadto sa home-study teacher ug ang lain ihatag og balik ngadto sa estudyante aron gamiton alang sa mga leksyon sa sunod semana. (Sama pananglit, atol sa usa ka semana, ang estudyante mokompleto sa mga assignment diha sa journal 1. Ang estudyante modala dayon niini nga journal ngadto sa klase ug ihatag kini ngadto sa magtutudlo. Atol sa sunod semana, ang estudyante mokompleto sa mga assignment diha sa journal 2. Inig hatag sa estudyante sa journal 2, ang magtutudlo mouli sa journal 1. Gamiton dayon sa estudyante ang journal 1 aron kompletuhon ang mga assignment alang sa sunod nga semana.)
Ang tanang mga estudyante sa seminary giawhag sa pagtuon sa kasulatan sa matag adlaw ug sa pagbasa sa teksto alang sa kurso, apan ang mga estudyante sa home-study kinahanglang makasabut nga sila gilauman nga mogahin og dugang 30 ngadto sa 40 ka minutos sa matag usa sa upat ka home-study nga mga leksyon sa kada unit ug motambong sa sinemana nga home-study nga leksyon.
Sinemana nga mga Leksyon sa Home-Study Teacher
Ang matag unit diha sa Giya sa Pagtuon sa Doktrina ug mga Pakigsaad ug sa Kasaysayan sa Simbahan alang sa mga Estudyante sa Home-Study Seminary motakdo ngadto sa lima ka mga leksyon diha sa manwal sa daily teacher. Sa katapusan sa matag usa sa lima ka mga leksyon niini nga manwal, imong makita ang usa ka sinemana nga leksyon sa home-study teacher. Ang home-study nga mga leksyon motabang sa mga estudyante sa pagribyu, pagpalambo sa ilang pagsabut, ug paggamit sa mga doktrina ug mga baruganan nga ilang nakat-unan samtang ilang gikompleto ang mga leksyon sa giya sa pagtuon sa estudyante atol sa semana. Kini nga mga leksyon mahimo usab nga mo-explore og dugang nga mga kamatuoran nga wala maapil sa giya sa pagtuon sa estudyante. (Alang sa tabang sa pagplano sa iskedyul sa imong leksyon, tan-awa ang giya sa gipaspason alang sa mga magtutudlo sa home-study nga naa sa appendix sa katapusan niini nga manwal.)
Isip magtutudlo sa home-study, kinahanglang makaangkon ka og lawom nga pagsabut sa gitun-an sa imong mga estudyante diha sa panimalay matag semana aron makatubag ka sa mga pangutana ug makahimo og makahuluganon nga mga panaghisgutan kon makigtagbo ka kanila. Hangyoa ang mga estudyante sa pagdala sa ilang mga kasulatan, mga scripture study journal, ug mga giya sa pagtuon sa estudyante ngadto sa sinemana nga klase aron maka-refer sila niini atol sa leksyon. Ipahiangay ang mga leksyon sumala sa panginahanglan sa mga estudyante nga imong gitudloan ug sumala sa giya sa Espiritu Santo. Mahimo usab ka nga mo-refer sa mga leksyon sa daily teacher niini nga manwal samtang mangandam ug magtudlo ka. Ang pagtuon sa mga tabang sa pagtudlo ug mga pamaagi nga gigamit sa mga leksyon sa kada adlaw makatabang sa pagpalambo sa imong sinemana nga pagtudlo. Atimana ang bisan unsang partikular nga mga panginahanglan sa mga estudyante nga imong gitudloan. Sama pananglit, kon ang usa ka estudyante maglisud sa pagsulat, tugoti siya nga mogamit og voice-recording device o modiktar sa iyang mga hunahuna ngadto sa usa ka sakop sa pamilya o higala kinsa maoy mosulat sa iyang mga tubag.
Sa katapusan sa matag sinemana nga leksyon, kolektaha ang mga scripture study journal sa mga estudyante ug awhaga sila sa ilang padayon nga pagtuon. Hatagi sila og usa ka scripture study journal alang sa sunod semana nga mga assignment, sama sa gipasabut sa ibabaw diha sa seksyon nga gitawag og “Giya sa Pagtuon alang sa mga Estudyante sa Home-Study.” (Ubos sa direksyon sa mga lider sa priesthood ug sa mga ginikanan, ang mga [gitawag nga] seminary teacher sa stake mahimong makig-istorya sa elektronik nga paagi ngadto sa mga estudyante sa seminary nga na-enrol sa home-study nga seminary).
Samtang imong basahon ang mga assignment diha sa mga scripture study journal sa mga estudyante, tubaga panagsa ang ilang buhat pinaagi sa paghimo og mubo nga sulat o pagkomentaryo sa sunod higayon nga imo silang makit-an. Mahimo ka usab nga mangita og laing mga paagi sa paghatag og suporta ug makahuluganon nga feedback. Kini makatabang sa mga estudyante nga masayud nga nagpakabana ka sa ilang trabaho ug motabang sa pagdasig kanila nga tarungon og maayo ang ilang mga tubag.
Kadaghanan sa mga paningkamot sa mga estudyante sa pag-master sa mahinungdanong mga tudling sa kasulatan himoon samtang ilang kompletuhon ang ilang mga home-study nga mga leksyon. Ang mga magtutudlo sa home-study mahimong mo-follow up sa mga paningkamot sa mga estudyante atol sa home-study nga mga leksyon pinaagi sa pagdapit sa mga estudyante sa pag-recite o pagribyu sa mga scripture mastery passage nga motumaw diha sa teksto alang sa gitun-an nga unit niana nga semana.
Ubang mga Kapanguhaan
Joseph Smith Papers Project
Kadaghanan sa makasaysayanon nga impormasyon niini nga manwal gikuha gikan sa History of the Church ug sa Joseph Smith Papers Project. Dako og tabang ang mga volume 1 ug 2 sa Documents series sa The Joseph Smith Papers, nga gimantala sa Church Historian’s Press (giimprinta sa Church History Department sa Ang Simbahan ni Jesukristo sa mga Santos sa Ulahing mga Adlaw). Aron makita ang mga imahe nga gi-digitize ug mabasa ang mga sulat sa orihinal nga mga dokumento diha sa Joseph Smith Papers Project, bisitaha ang josephsmithpapers.org.
Notes ug Journal Tools
Ang mga manwal sa magtutudlo sa seminary ug mga giya sa pagtuon sa estudyante anaa sa LDS.org ug sa Gospel Library alang sa mga mobile device. Ang mga magtutudlo ug mga estudyante mahimong mogamit sa internet ug mobile Notes ug Journal tools sa pagmarka ug pagdugang og mubo nga sulat sa online nga bersyon niini nga mga manwal samtang sila nag-andam sa mga leksyon ug nagtuon sa mga kasulatan. Ang mga manwal sa magtutudlo ug mga giya sa pagtuon sa estudyante anaa usab aron madownload sa alternatibong mga format (sama sa PDF, ePub, ug mobi [Kindle] nga mga file) sa LDS.org.
Dugang nga mga Butang
Ang mosunod nga mga kapanguhaan anaa sa internet, pinaagi sa imong superbisor, pinaagi sa lokal nga mga sentro sa pagpang-apud-apod sa Simbahan, ug pinaagi sa online store sa Simbahan (store.lds.org):