Kyerɛwsɛm
Nkyerɛkyerɛ na Ahyɛmudzi 77


Ɔfã 77

Nyikyerɛ a wɔdze maa Joseph Smith Nkɔnhyɛnyi no, wɔ Hiram, Ohio, bɛyɛ Ebɔw, 1832. Joseph Smith n’abakɔsɛm no kã dɛ, “Ber a merekyerɛ Kyerɛwsɛm no ase no, na menyaa Ɔhotseweenyi John ne Nyikyerɛ no ne nkyerɛkyerɛmu a odzi do yi.”

1–4, Mbowa wɔ esunsum na wɔbɛtsena ase onnyiewiei enyigye mu; 5–7, Asaase yi bɛtsena hɔ mfe tsiabaa, mpemesuon; 8–10, Abɔfo ahorow san dze asɛmpa no ba asaase do na wɔsom; 11, Nyimpa mpem ɔha eduanan-anan hɔn nsɔwano; 12–14, Christ bɛba mfe mpemesuon n’ahyɛse no mu; 15, Nkɔnhyɛfo beenu na wobeyi hɔn ama Jewfo hɔn man no.

1 Asɛmbisa. Ebɛnadze nye aahwehwɛ po no a John kãa ho asɛm wɔ Nyikyerɛ, Tsir 4, nkyekyɛmu 6 no?Mbuae. Ɔno nye basaase no a wɔatsew ho, wɔayɛ bɛkyebo, na ɔwɔ connyiewiei gyinabew mu.

2 Asɛmbisa. Mbowa anan no a wɔakã ho asɛm wɔ dɛm nkyekyɛmu kor noara mu no yɛtse ase dɛn?Mbuae. Ɔyɛ amfatoho bi a John dze rekyerɛkyerɛ mbrɛ bsor tse mu, Nyame ne cparadise, nyimpa dn’enyigye nye mbowa, nye ndzɛmba a wɔwea, nye wimu ntumbowa; dza ɔyɛ sunsum mu abɔdze no tse dɛ honam mu dze, na dza ɔyɛ honam mu dze no tse dɛ sunsum mu dze: nyimpa no esunsum a ɔtse dɛ nankasa no nyimpadua, dɛmara na fabowa no sunsum na adze biara a Nyankopɔn abɔ no so tse.

3 Asɛmbisa. Ana mbowa anan no gyina hɔ ma mbowa ankorankor, anaadɛ wogyina hɔ ma ekuwekuw anaa nhyehyɛɛ bi?Mbuae. Dza woyii kyerɛɛ John no gyina hɔ ma mbowa ankorankor anan, na ogyina hɔ ma nyimpa ekuw horow no mu biara adɛwdzi a wobenya wɔ hɔn onnyiewiei enyigye, dɛ mbrɛ babɔdze ahyehyɛ ato hɔ no.

4 Asɛmbisa. Enyiwa na ntsaban no a mbowa no wɔwɔ no, yɛtse ase dɛn?Mbuae. Hɔn enyiwa no gyina hɔ ma kan na anyimdzee, ɔkyerɛ dɛ nyimdzee ahyɛ hɔn mã; na hɔn ntsaban no so gyina hɔ ma btum a wɔdze bɛkã hɔn ho, wɔdze bedzi dwuma na ne nkekaho.

5 Asɛmbisa. aElderfo eduonu anan no a John kãa ho asɛm no, yɛtse ase dɛn?Mbuae. Ɔwɔ dɛ yɛtse ase dɛ dɛm elderfo no a John hun hɔn no, yɛ elderfo a wodzii bnokwar wɔ hɔn somdwumadzi mu a woewuwu; nna wɔyɛ nsɔr cesuon no mu mba, na afei wɔwɔ Nyame ne paradise hɔ.

6 Asɛmbisa. Yɛtse nwoma no a John hunii no a wɔdze ansɔwano esuon asɔw n’ekyir no ase dɛn?Mbuae. Ɔwɔ dɛ yɛtse ase dɛ Nyame ne pɛ, bn’esumasɛm na no ndwuma a wɔada no edzi no na ɔwɔ mu; dza ɔyɛ esumadze a wɔahyehyɛ a ɔfa casaase yi ho wɔ ne mfe mpem esuon a ɔwɔ mu anaadɛ ne mber tsiabaa a ɔwɔ mu no.

7 Asɛmbisa. Nsɔwano esuon a wɔdze sɔɔw ano no, yɛtse ase dɛn?Mbuae. Ɔwɔ dɛ yɛtse ase dɛ nsɔwano a odzi kan no, amfe apem a odzi kan no mu ndzɛmba na ɔwɔ mu, na dza otsĩa ebien no so mfe apem dze na ɔwɔ mu, na ɔtse dɛmara kesi esuon no.

8 Asɛmbisa. Abɔfo anan no a wɔakã hɔn ho nsɛm wɔ Nyikyerɛ Tsir 7, nkyekyɛmu 1 no, yɛtse ase dɛn?Mbuae. Ɔwɔ dɛ yɛtse ase dɛ wɔyɛ abɔfo anan a Nyankopɔn somaa hɔn, a ɔama hɔn tum wɔ asaase ne mfɛndzanan nyina do dɛ wɔngye nkwa na wɔnsɛɛ adze; woyinom nye hɔn a wɔwɔ aasɛmpa a ɔwɔ hɔ daapem no a wɔdze bɛma aman, ebusuakuw, kasa horow, na nyimpa nyina no, na wɔwɔ tum dɛ wɔtow ɔsorsor mu, na wɔsɔw ano dze ma nkwa, anaadɛ wɔtow gu bsum kebii bea mu no.

9 Asɛmbisa. Bɔfo no a ofi boka rofow wɔ Nyikyerɛ Tsir 7, nkyekyɛmu 2 no, yɛtse ase dɛn?Mbuae. Ɔwɔ dɛ yɛtse ase dɛ, bɔfo no a ofi boka rofow no nye nyia wɔdze Nyame tseasefo no nsɔwano ama no dɛ ɔmfa nhwɛ aIsrael ebusuakuw duebien do no; dɛm ntsi, ɔtsẽa mu frɛ abɔfo anan no a wɔwɔ asɛmpa a ɔwɔ hɔ daapem no, se dɛ: Mma hom nnhaw asaase, anaa po, anaa ndua, ma onkodu dɛ yɛbɔsɔw hɛn Nyankopɔn no nkowaa ano wɔ hɔn bmomapɔw do. Na sɛ hom pɛ dɛ hom gye to mu a, iyi nye cElias no a ɔbɛba abɔboaboa Israel ebusuakuw no ano na dɔasan dze ndzɛmba nyinara aba no.

10 Asɛmbisa. Ebɛn aber na ndzɛmba a wɔakã ho nsɛm wɔ dɛm Tsir yi mu no bɛyɛ hɔ?Mbuae. Ɔbɛyɛ hɔ wɔ mfe ampem a otsia esia no mu, anaadɛ ber a wɔbɛtsew nsɔwano no a otsĩa esia no ano no.

11 Asɛmbisa. Wɔsɔɔw mpem aɔha eduanan anan hɔn ano wɔ Israel ebusuakuw nyina mu—ebusuakuw biara mu mpem duebien no, yɛtse ase dɛn?Mbuae. Ɔwɔ dɛ yɛtse ase dɛ, hɔn a wɔasɔw hɔn ano no yɛ basɔfompanyin a wɔhyɛɛ hɔn asɔfo wɔ Nyankopɔn ne nhyehyɛɛ krɔnkrɔn mu dɛ wɔnkã asɛmpa a ɔwɔ hɔ daapem no; na hɔn nye nkorɔfo a woyii hɔn fii aman, ebusuakuw, kasa horow na nyimpa nyina mu, na abɔfo no a wɔmaa hɔn tum dɛ wɔnhwɛ asaase do aman do no hyɛɛ hɔn asɔfo dɛ wɔntwe hɔn a wɔpɛ no mbra cAbakamba n’asɔr no mu.

12 Asɛmbisa. aTotorobɛnto a wɔhɛnee a wɔabɔ dzin wɔ Nyikyerɛ Tsir 8 no, yɛtse ase dɛn?Mbuae. Ɔwɔ dɛ yɛtse ase dɛ, dɛ mbrɛ Nyankopɔn dze nda esia bɔɔ wiadze, na owiee n’edwuma yɛ wɔ da a otsĩa esuon no, na bɔtseew ho, na ɔdze asaase do chuntuma yɛɛ nyimpa no, dɛmara so na mfe mpemesuon n’ahyɛse no Ewuradze Nyankopɔn dbɛtsew asaase ho, na oewie nyimpa no nkwagye, na eoebu ndzɛmba nyina atsɛn, na fabɔpon ndzɛmba nyina, gyedɛ dza ɔammfa annhyɛ no tum ase no nko, ber a ɔbɔsɔw ndzɛmba nyina ano dze ama ndzɛmba nyina n’ewiei; na abɔfo beesuon no hɔn totorobɛnto a wɔhɛnee no yɛ n’edwuma ne nsiesiei a ɔdze reba ewiei wɔ mfe mpem-esuon n’ahyɛse—dza wɔdze risiesie kwan ato hɔ ansaana ne mbae no aso.

13 Asɛmbisa. Dabɛn na wobowie ndzɛmba a wɔakyerɛw no wɔ Nyikyerɛ Tsir 9 no yɛ?Mbuae. Sɛ wɔtsew nsɔwano a otsĩa esuon no n’ano wie a, nna wobowie yɛ ansaana Christ ne mbae no aso.

14 Asɛmbisa. Nwoma kakraba no a John adzii no a wɔakyerɛw no wɔ Nyikyerɛ Tsir 10 no, yɛtse ase dɛn?Mbuae. Ɔwɔ dɛ yɛtse ase dɛ nna ɔyɛ dwumadzi nna ayɛdze ma no dɛ bɔboaboa Israel ebusuakuw ano; hwɛ, iyi nye Elias, nyia wɔakyerɛw no ho asɛm dɛ ɔwɔ dɛ ɔba na ɔdze ndzɛmba nyinara csan ba no.

15 Asɛmbisa. aAdasegyefo beenu no a ɔwɔ Nyikyerɛ Tsir 11 no, n’ase kyerɛ dɛn?Mbuae. Hɔn nye nkɔnhyɛfo beenu no a wobeyi hɔn ama bJewfo hɔn man no wɔ cnda a odzi ekyir no mu, wɔ dnsanananmu ber no mu, na wɔahyɛ nkɔm akyerɛ Jewfo no wɔ ber a wɔaboa hɔn ano ewie, na wɔaakyekyer Jerusalem kuropɔn no wɔ ehɔn egyanom asaase do.