፩ የምትሰሙኝ፣ ከበረከቶች ሁሉ ታላቅ በሆነው ^ሀበረከት ልባርካችሁ ደስተኛ የሆንኩት እናንት ህዝቤ ሆይ፣ አድምጡ እናም ስሙ ይላል ጌታ እና አምላካችሁ፤ እናም የማያደምጡኝን እና በከንቱ ስሜን ^ለየጠሩትን ከእርግማኖች ሁሉ ከባድ በሆነው እርግማን ^ሐእረግማቸዋለሁ።

፪ እኔ የጠራኋችሁ የቤተክርስቲያኔ ሽማግሌዎች ሆይ አድምጡ፣ እነሆ በቃላቴ ላይ ^ሀእንድትስማሙና ራሳችሁን እድታሰባስቡ ትእዛዝን እሰጣችኋለሁ።

፫ እናም ቤተክርስቲያኔን እንዴት ማስተዳደር እንዳለባችሁ እንድታውቁ እና ነገሮችን ሁሉ በፊቴ መልካም ታደርጉ ዘንድ በእምነታችሁ ጸሎት ^ሀህጌን ትቀበላላችሁ።

፬ እናም እኔ ^ሀበምመጣበት ጊዜ የእናንተ ^ለገዢ እሆናለሁ፤ እናም እነሆ፣ በቶሎም እመጣለሁ፣ ህጌም እንዲጠበቅ አድርጉ።

፭ ህጌን ^ሀተቀብሎ ^ለየሚያደርገው፣ እርሱ ደቀ መዛሙሬ ነው፤ እናም ተቀብየዋለሁ የሚል እና የማያደርገው፣ እርሱ ደቀ መዛሙሬ አይደለም፣ እናም ከመካከላችሁ ወጥቶ ^ሐይጣላል፤

፮ የመንግስተ ስማይ ልጆች የሆኑ ነገሮችን ወስዶ፣ ብቁ ላልሆኑ ወይም ^ሀለውሾች ሊሰጥ አይገባም፣ ወይም ^ለዕንቁዎችም በእሪያዎች ፊት እንዳይጣሉ ዘንድ አይገባምና።

፯ እናም ዳግም፣ ለአገልጋዬ ለጆሴፍ ስሚዝ፣ ዳግማዊ፣ የሚኖርበትና ^ሀየሚተረጉምበት ^ለቤት ሊገነባለት ይገባል።

፰ እናም ዳግም፣ ትእዛዛቴን እስከጠበቀ ድረስ አገልጋዬ ሲድኒ ሪግደን መልካም እንደመሰለው ይኖር ዘንድ ይገባል።

፱ ደግሞም፣ አገልጋዬን ^ሀኤድዋርድ ፓርትሪጅን ጠርቼዋለሁ፤ በቤተክርስቲያኗ ድምጽ እንዲመረጥ እና ለቤተክርስቲያኗ ^ለኤጲስ ቆጶስነት እንዲሾም እናም ንግዱን ትቶ ሙሉ ጊዜውን ለቤተክርስቲያኗ አገልግሎት ^ሐእንዲያውል ትእዛዝን እሰጣለሁ፤

፲ ህግጋቴን በምሰጥ ጊዜ የሚሰጡትን ነገሮች ሁሉ በዚያው መሰረት እንዲያከናውንም ትእዛዝን እሰጣለሁ።

፲፩ እናም ይህም የሆነበት ምክንያት ልቡ በፊቴ ንጹህ ስለሆነ ነው፣ እሱ ለእኔ ^ሀተንኮል እንደሌለው እንደ ጥንቱ ^ለናትናኤል ነውና።

፲፪ እነዚህ ቃላት ለእናንተ ተሰጥተዋችኋል፣ እናም በፊቴም ንጹህ ናቸው፤ ስለዚህም፣ በፍርድ ቀን በነፍስህ ስለሚመለሱ፣ እንዴት እንደምትይዛቸውም ተጠንቀቅም። እንዲህም ይሁን። አሜን።