Lesona 44

Mataupu Faavae ma Feagaiga 111–14

Faatomuaga ma le Faasologa o Taimi

I le taumafanafana o le 1836, sa malaga ai le Perofeta o Iosefa Samita ma isi taitai o le Ekalesia i Salema, Masatusa, e sailia ni auala e fesoasoani ai i le totogiina o aitalafu a le Ekalesia. I le aso 6 o Aokuso, 1836, a o i ai nei uso i Salema, sa tuu atu ai e le Alii i le Perofeta le faaaliga o loo tusia i le Mataupu Faavae ma Feagaiga 111. I lea faaaliga na Ia faamautinoa atu ai i le Perofeta “e tele ‘oa i [Salema] … mo le manuia o Siona” (MFF 111:2) ma ta’ua ai popolega e uiga i aitalafu a le Ekalesia ma le lumanai o Siona.

I le 1837, Thomas B. I le 1837, sa popole ai Tomasi B. Marsh, o le Peresitene o le Korama a Aposetolo e Toasefululua e uiga i le fouvale ma le faatuiese ua i ai i sui auai o lena korama i Katelani, Ohaio. Sa i ai foi ana fesili e uiga i le galuega a faifeautalai. Sa ia sailia se fautuaga mai le Perofeta o Iosefa Samita, ma i le aso 23 Iulai, 1837, na tuuina atu ai e le Alii le faaaliga o loo tusia i le Mataupu Faavae ma Feagaiga 112, lea sa Ia faatonuina ai Tomasi B. Marsh e faatatau i le galuega a le Korama a Aposetolo e Toasefululua ma le valaauga o Tomasi e fai mona Peresitene.

Ia Mati 1838, ina ua uma ona toe sii atu i Sisifo Mamao, Misuri, mai Katelani, Ohaio, sa faalau mai ai e le Perofeta o Iosefa Samita ia tali musuia i fesili e uiga i ni fuaitau patino o le Isaia. O nei fesili ma tali o loo tusia i le Mataupu Faavae ma Feagaiga 113 ma sa faamanino mai ai ia valoaga a Isaia e uiga i le Toefuataiga i aso e gata ai ma le laveaiina o Siona.

I le aso 23 o Aperila, 1834, na maua mai ai e le Perofeta o Iosefa Samita le faaaliga ua tusia i le Mataupu Faavae ma Feagaiga  114. I lenei faaaliga, na faatonuina ai e le Alii ia David W. Patten e sauniuni mo se misiona i le lumanai ma sa lapataia ai taitai fouvale o le Ekalesia, o le a aveesea mai ia i latou “lo latou au epikopo,” po o valaauga, pe afai latou te le faamaoni (MF&F 114:2

5 Aokuso, 1836Na taunuu ai le Perofeta o Iosefa Samita ma ana soa i Salema, Masatusa.

6 Aokuso, 1836Na maua mai ai leMataupu Faavae ma Feagaiga 111 .

Tautotogo ma le taumafanafana 1837Sa tautatala faasagatau nisi o tagata ma taitai o le Ekalesia i Katelani, Ohaio i le Perofeta o Iosefa Samita.

Taumafanafana 1837Sa malaga ia Aposetolo Thomas B. Marsh, David W. Patten, ma Viliamu Samita mai Sisifo Mamao, Misuri, i Katelani, Ohaio e talanoaina le fouvale ma le faatuiese i le Korama a Aposetolo e Toasefululua.

23 Iulai, 1837Na maua mai ai leMataupu Faavae ma Feagaiga 112 .

12 Ianuari, 1838Sa sosola ese le Perofeta o Iosefa Smita ma Sini Rikitone mai Katelani, Ohaio, ma amata ona malaga i Sisifo Mamao, Misuri, ia sao mai ai i sauaga a le au faatupu faalavelave.

Mati 1838Na maua mai ai leMataupu Faavae ma Feagaiga 113 .

11 Aperila, 1838Na maua mai ai leMataupu Faavae ma Feagaiga 114 .

25 Oketopa, 1838Ono masina mulimuli ane ina ua uma ona talanoa atu ai le Alii ia te ia i le faaaliga o loo tusia i le Mataupu Faavae ma Feagaiga 114, ae fanaina ma maliu ai Elder David W. Patten i le taimi o le taua a le Crooked River.

Fautuaga mo le Aoaoina Atu

Mataupu Faavae ma Feagaiga 111:1–11

Ua faamautinoa atu e le Alii i le Perofeta o Iosefa Samita ma isi taitai o le Ekalesia e uiga i la latou malaga i Salema, o aitalafu a le Ekalesia, ma le lumanai o Siona

A o lei amataina le vasega, tusi le fesili lenei i luga o le laupapa: O le a se mea e afua ai ona e atu pe atuatuvale?

Valaaulia ni nai tagata aoga e faasoa mai i le vasega o latou manatu pe afai e le afaina ia i latou le faia.

Valaaulia se tagata aoga e faitau leotele le aotelega faasolopito:

I le 1836, sa feagai le Ekalesia ma faigata matuia tautupe. O le fauina o le Malumalu o Katelani na tuua ai le Ekalesia ma se aitalafu tele naua, ma le leiloloa o faasiliga mai pisinisi, laueleele, ma fale ona o sauaga i Misuri na le mafai ai e le Ekalesia ona totogi ana aitalafu. I le faaiuga o Iulai, 1836, sa malaga ai le Perofeta o Iosefa Samita, Oliva Kaotui, Sini Rikitone, ma Ailama Samita i Salema, Masatusa ma taunuu ai i le aso 5 Aokuso. E ui e leai ni tala na muai tusia e faamatala mai ai le faamoemoega o lenei malaga, e tusa ai ma se tala mulimuli ane, sa faamatala e se tagata o le Ekalesia e igoa ia Uso Burgess i taitai o le Ekalesia i Katelani, Ohaio, na ia iloaina se fale i Salema, i Masatusa, sa natia ai se tupe tele e leai se tasi ua tapaina. E tusa ai ma le tala lava lea e tasi, sa saili e Iosefa Samita ma ana soa le tupe i Salema, ae sa lei mafai e Uso Burgess ona iloa tonu le fale sa i ai le tupe. (Tagai The Joseph Smith Papers, Documents, Volume 5: October 1835–January 1838, ed. Brent M. Rogers ma isi [2017], 274–75.)

• O le a sou manatu, o a ni ou lagona i le mavae ai o le malaga atu i Salema ma faamoemoega ia maua ai se auala e fesoasoani e totogi ai le aitalafu a le Ekalesia, ae na le maua le mea na e faamoemoeina?

• Mata o le a lau mea e fai ina ua le mafai ona maua le tupe?

Faamalamalama atu i le aso 6 o Aokuso 1836, na maua ai e le Perofeta o Iosefa Samita se faaaliga ua tusia i le Mataupu Faavae ma Feagaiga  111

Valaaulia se tagata aoga e faitau leotele le Mataupu Faavae ma Feagaiga 111:1–2 . Fai atu i le vasega e mulimuli i le faitauga, ma vaavaai po o le a le fetalaiga a le Alii i nei taitai o le Ekalesia.

• O a mea na fetalai atu ai le Alii i taitai o le Ekalesia? (Atonu e te manao e faamalamalama atu o se sese o se mea ua sese po o se sasi i le faautautaga.)

• O le a le mea na fetalai atu e le Alii atonu na faamafanafanaina ai nei taitai?

• O le a le mataupu faavae e mafai ona tatou faailoa mai i nei fuaiupu e uiga i le mea e mafai ona tupu pe afai tatou te taumafai faamaoni e faataunuu le finagalo o le Alii? (A uma ona tali mai tagata o le vasega, tusi le mataupu faavae lea i le laupapa: E ui i o tatou sese, e mafai lava e le Alii ona aumaia i luma mea lelei mai a tatou taumafaiga faamaoni e faataunuu ai Lona finagalo.)

Aotele le Mataupu Faavae ma Feagaiga 111:3–4 e ala i le faamalamalama atu sa faatonuina e le Alii le Perofeta o Iosefa Samita ma ana soa ia faamasani ma tagata i Salema e pei ona taitaia ai e le Agaga (fuaiupu 3) ma “i le taimi e tatau ai” o le “oa” a Salema o le a faaavanoaina “mo le manuia o Siona” (fuaiupu 2, 4).

Valaaulia ni nai tagata aooga e feauauai i le faitauina leotele o le Mataupu Faavae ma Feagaiga 111:5–11. Fai atu i le vasega e mulimuli i le faitauga, ma vaavaai mo faatonuga na tuu atu e le Alii ia Iosefa Samita ma ana soa.

• O le a le mea na ta’u atu e le Alii ia Iosefa Samita ma ana soa i fuaiupu 5--6?

• O le a le mea na faatonu i latou e le Alii e fai i le fuaiupu 7?

• E tusa ai ma le fuaiupu 8, e faapefea ona iloa e nei uso le mea e “nonofo” ai pe api ai, i le taimi o la latou asiasiga i Salema?

• O le a le fautuaga ma le folafolaga na tuu atu e le Alii i nei alii i le fuaiupu 11?

Faamalamalama atu tatou te le iloa auala uma na faataunuu ai e le Alii pe o le a faataunuu ai Ana folafolaga e tusa ai ma “oa” a Salema. Peitai, pe tusa ma le lima tausaga talu ona maua mai lea faaaliga, na auina atu e le Au Peresitene Sili ia Elder Erastus Snow i se misiona i Salema, lea sa ia faatuina ai se paranesi e 110 tagata liliu mai. E toatele tagata faamaoni o le Paranesi a Salema na iu ina malaga i sisifo ma le Au Paia, ma sa avea i latou o se faamanuiaga i le Ekalesia.

Mataupu Faavae ma Feagaiga 112:1–34

Ua faatonuina e le Alii ia Thomas B. e faatatau i le Korama a Aposetolo e Toasefululua ma lana matafaioi o le peresitene o le korama.

Faamalamalama atu i le 1837, sa i ai nisi tagata o le Ekalesia i Katelani sa amata ona faamaualuluga ma fouvale, e aofia ai ma nisi o le Korama a Aposetolo e Toasefululua. Ia Iulai 1837, Thomas B. Marsh, Peresitene o le Korama a Aposetolo e Toasefululua, ma le uso a Aposetolo o David W. Patten, ma Viliamu Samita na malaga mai Sisifo Mamao, Misuri, i Katelani, Ohaio e talanoaina le fouvale ma le faatuiese i le Korama a Aposetolo e Toasefululua. Sa talosagaina e Peresitene Marsh se fono a le aufono ia faia ma le Korama atoa o Aposetolo e Toasefululua i le aso 24 o Iulai, 1837 ae ina ua ia taunuu i Katelani, sa ia iloa ai e toalua uso o le Korama ua tuua mo se misiona i Egelani. Sa le fiafia Peresitene Marsh ona e lei faafesoota’ia o ia e tusa ai ma nei misiona. I le aso 23 o Iulai, 1837, sa sailia ai e Peresitene Marsh se fautuaga mai le Perofeta o Iosefa Samita, ma sa maua mai ai e le Perofeta le faaaliga o loo faamaumauina i le Mataupu Faavae ma Feagaiga 112.

Valaaulia se tagata aoga e faitau leotele le Mataupu Faavae ma Feagaiga 112:1–3 . Fai atu i le vasega e mulimuli i le faitauga, ma vaavaai po o le a le mea na fetalai mai ai le Alii ia Tomasi B. Marsh.

• O a ni mea lelei na fetalai mai le Alii na faia e Tomasi B. Marsh?

• E tusa ai ma le fuaiupu 2, o a popolega na fetalai mai ai le Alii e faatatau ia Tomasi B. Marsh?

Valaaulia ni nai tagata aoao e feauauai i le faitauina leotele o le Mataupu Faavae ma Feagaiga 112:4–10. Fai i le vasega e mulimuli i le faitauga, ma vaavaai mo le fautuaga a le Alii ia Peresitene Marsh ma faamanuiaga sa Ia folafola atu ia te ia pe afai e mulimuli i lena fautuaga.

• O a ni lapataiga na tuuina mai e le Alii ia Tomasi B. Marsh?

• O a faamanuiaga na folafola atu e le Alii pe afai e mulimuli o ia i lena fautuaga?

• O le a le mataupu faavae e mafai ona tatou faailoa mai le fuaiupu 10? (Fesoasoani i tagata aoga e faailoa mai le mataupu faavae lenei: Afai tatou te lotomaualalo, o le a taitai i tatou e le Alii ma tuuina mai tali i a tatou tatalo.)

• O le a se mea e mafai ona tatou fai e fesoasoani ai ia i tatou lava ia lotomaualalalo?

• Aisea o le a fesoasoani ai le lotomaualalo tatou te maua ai le taitaiga a le Alii?

• O le a se taimi na e lagonaina ai ua taitai oe e le Alii ma tali i au tatalo a o e faalotomaualaloina oe lava?

Fautuaina tagata o le vasega e taumafai ia lotomaualalo ina ia mafai ai ona latou maua le taitaiga a le Alii ma tali i a latou tatalo.

Valaaulia le vasega e faitau le leoa le Mataupu Faavae ma Feagaiga 112:11–13 ma vaavaai mo mea na ta’u atu e le Alii ia Tomasi B. Marsh e fai mo uso o lana korama o e o loo tauivi. Fai atu i tagata aoga e lipoti mai mea ua latou mauaina.

Aoteleina o poloka o mau

O le aoteleina o vaega o poloka mau nai lo le toesea, e mafai ai ona e fesoasoani i tagata aooga e tausisia manino ai tala tosi ma le talaaga i o latou mafaufau. O le aoteleina e maua ai se faavae mo le mauaina ma le malamalama i mataupu faavae po o aoaoga faavae o le a tulai mulimuli mai i le poloka. E fesoasoani foi le aoteleina e tausisia ai le amiotonu ma le sologa lelei o le savali musuia a le tusitala.

Aotele le Mataupu Faavae ma Feagaiga 112:14–34 e ala i le faamalamalama atu sa ta’u atu e le Alii i le Korama a Aposetolo e Toasefululua e aua nei fouvale i le Perofeta o Iosefa Samita. Sa ta’u atu foi e le Alii ia i latou e “faalotomaualalo i latou lava” (fuaiupu 22) ma ia “faamamaina [o latou] loto i Ona] luma” (fuaiupu 28).

Faamalamalama atu ona o lenei faaaliga ma taumafaiga a Peresitene Marsh, sa salamo ai nisi o uso o le Korama a Aposetolo e Toasefululua ma auauna faamaoni i le Ekalesia. Peitai, o nisi o Aposetolo, faapea foi taitai iloga o le Ekalesia sa filifili e le salamo ma sa iu ai ina latou tuua le Ekalesia.

Mataupu Faavae ma Feagaiga 113:1–10

Ua tali mai e le Alii ia fesili e uiga i ni fuaitau patino i le Isaia

Faamalamalama atu i le 1837, sa faateleina le feeseeseaiga i Katelani, Ohaio, ua oo ai ina liliuese nisi ma oo ai ina taupulepule e fasiotia le Perofeta o Iosefa Samita. I le aso 12 Ianuari, 1838, sa ta’u atu ai e le Alii ia Iosefa Samita ma Sini Rikitone e tuua Katelani ma o la aiga. Sa latou faia ma sa taunuu ma o la aiga i Sisifo Mamao, Misuri, i le aso 14 o Mati, 1838. Ina ua taunuu i Sisifo Mamao, sa tusi faamaumau e le Perofeta ia tali a le Faaola i ni fesili e uiga i fuaitau i le Isaia. Aotele le Mataupu Faavae ma Feagaiga 113 e ala i le faamalamalma atu o lenei vaega o loo i ai fesili ma tali e faatatau i ni fuaiupu patino o i le Isaia 11 ma le 52.

Mataupu Faavae ma Feagaiga 114

Ua taitai e le Alii iaTavita W. Patten e sauni mo se misiona ma ua lapataia foi tagata o le Ekalesia o e faafitia o Ia

Faamalamalama atu o le aso 11 o Aperila, 1838, na maua mai ai e le Perofeta o Iosefa Samita se faaaliga e faatatau i le Aposetolo o Tavita W. Patten.

Valaaulia se tagata aoga e faitau leotele le palakalafa lenei:

Na tofia Tavita W. Patten e avea o se sui auai o le Korama a Aposetolo e Toasefululua i le 1835. Sa le fefe o ia i lona puipuia o le Ekalesia, ma i le Perofeta o Iosefa Samita. Ao puipuia le Au Paia e faasaga i le au faatupufaalavelave i Misuri, o Tavitad W. Patten sa iloga o se “Kapeteni e Le Fefe.” (Tagai Lycurgus A. Wilson, Life of David W. Patten: The First Apostolic Martyr [1900], 5, 14–15, 32, 41, 52, 62.)

Valaaulia se tagata aoga e faitau leotele le Mataupu Faavae ma Feagaiga 114:1 . Fai i le vasega e mulimuli i le faitauga, ma vaavaai mo faatonuga a le Alii ia David W. Patten.

• O le a le mea na faatonu e le Alii ia Elder Patten e fai?

• O le a le umi na sauni ai Elder Patten mo lana misiona?

Ta’u i tamaiti ina ua uma ona iloa e Elder Patten le faaaliga o loo tusia i le Mataupu Faavae ma Feagaiga 114, sa amata loa ona ia sauniuni o ia lava e faataunuu lana misiona. Peitai, pe tusa ma le ono masina mulimuli ane sa fasiotia ai Elder Patten i le taua o le Crooked River a o ia taumafai e faasao ola o le Au Paia e toatolu o e sa taofia faapagota e le au fitafita i le lotoifale.

• Mata na faapefea ona avea le poloaiga e sauni mo se misiona o se faamanuiaga mo Elder Patten, tusa lava pe lei auauna atu i le misiona sa ia faamoemoe e galue ai?

• O a ni mataupu faavae e mafai ona tatou faailoa mai i le faataitaiga a Elder Patten? (Fesoasoani i tagata aoga e faailoa mai le mataupu faavae lea: Afai tatou te mulimuli i fautuaga a le Alii, o le a tatou saunia e faatino le galuega Na te valaauina i tatou e fai.)

• O le a se taimi na e mulimuli ai i le fautuaga a le Alii ma iloa ai, sa faapea ona saunia ai oe mo se mea sa e le’i faamoemoeina?

Aotele le Mataupu Faavae ma Feagaiga 114:2 e ala i le faamalamalama atu sa lapataia e le Alii i latou o e sa liliuese o le a aveesea o latou valaauga ma tuuina atu i isi.

Faamtala atu e lei umi a o lei maliu ia Elder Tavita W. Patten, sa ua talanoa e uiga i nisi o ona uso o le Au Paia, e aofia ai nisi o sui o le Korama a Aposetolo e Toasefululua, o e sa le’i faamaoni. Sa ia alaga atu, “E, maimau pe ana latou i ai i lo’u tulaga! Aua ua ou lagona ua ou faatumauina le faatuatua, ua ou faamaeaina la’u galuega, o le mea lea, ua taatia mai ai mo a’u se pale, lea o le a tauaao mai e le Alii, le Faamasino amiotonu ia te a’u.” I lona faletua, sa ia saunoa atu i ai, “Po o le a lava se isi mea e te faia, Ia aua lava ne’i faafitia le faatuatuaga” (na sii mai e Heber C. Kimball, in Wilson, Life of David W. Patten, 69).

Faasoa atu lau molimau o upumoni na aoaoina i le aso, ma valaaulia tagata e faaaoga nei upumoni i o latou olaga.