Inisitituti
Lesona 42: Mataupu Faavae ma Feagaiga 106–8

“Lesona 42: Mataupu Faavae ma Feagaiga 106–8,” Tusi Lesona a le Faiaoga o Mataupu Faavae ma Feagaiga (2017)

“Lesona 42” Tusi Lesona a le Faiaoga o Mataupu Faavae ma Feagaigal

Lesona 42

Mataupu Faavae ma Feagaiga106–8

Faatomuaga ma le Faasologa o Taimi

I le aso 25 Novema, 1834, na maua ai e le Perofeta o Iosefa Samita le faaaliga ua faamaumauina i le Mataupu Faavae ma Feagaiga  106. I lenei faaaliga, na valaauina ai e le Alii ia Warren A. Cowdery, o se uso matua o Oliva Kaotui ma sa faatoa liliu mai i le Ekalesia, e pulefaamalumalu i se aofaiga ua faatupulaia o le Au Paia i Freedom, Niu Ioka ma nofoaga taulalata ane. Sa folafola atu foi e le Alii ia Warren ia faamanuiaga tele mo lana auauanga faamaoni.

Na maua e Iosefa Samita le faaaliga ua tusia i le Mataupu Faavae ma Feagaiga  107 a’o saunia sui faatoa valaauina o le Korama a Aposetolo e Toasefululua e faia ni misiona i sasae o le Iunaite Setete. Sa tusia le faaaliga i le 1835 ae na maua ni vaega o lea faaaliga i le 1831. O lenei faaaliga o loo i ai faatonuga a le Alii e faatatau i le perisitua ma le pulega o le Ekalesia.

I le aso 26 Tesema, 1835, na faatino ai e Laimani Sherman ona o se uunaiga faaleagaga e fesili i le Perofeta o Iosefa Samita e faatatau i ona tiute. I le tali atu i ai, sa tuu atu ai e le Alii le faaaliga o loo tusia i le Mataupu Faavae ma Feagaiga 108, lea na faamagalo ai e le Alii ia Laimani, ma folafola atu ia te ia faamanuiaga e tusa ai ma lona faamaoni, ma tuuina atu ia te ia se fautuaga.

3–6 Iuni, 1831O uluai tagata na faauuina i le Perisitua Maualuga i le konafesi a le Ekalesia na faia i Katelani, Ohaio.

11 Novema, 1831Na maua mai ai se vaega o le Mataupu Faavae ma Feagaiga 107 .

Me–Iulai, 1834Na taitai e le Perofeta o Iosefa Samita le Tolauapiga a Siona i Misuri e fesoasoani i le Au Paia sa sauaina.

25 Novema, 1834Na maua mai ai leMataupu Faavae ma Feagaiga 106 .

14 Fepuari, 1835Na tofia ai uso auai o le Korama a Aposetolo e Toasefululua

28 Fepuari, 1835Sa tofia ai Laimani Sherman e fai ma Peresitene o Fitugafulu.

28 Fepuari–1 Mati, 1835E silia ma le limasefulu alii sa tofia e avea ma Fitugafulu.

Mati–amataga o Me 1835Na tusia ai isi vaega o le Mataupu Faavae ma Feagaiga 107 .

26 Tesema 1835Na maua mai ai leMataupu Faavae ma Feagaiga 108 .

Fautuaga mo le Aoaoina Atu

Mataupu Faavae ma Feagaiga 106:1–8

Ua valaauina e le Alii ia Warren A. Cowdery e fai ma taitai pulefaamalumalu o le Ekalesia ma ua folafola atu ia te ia faamanuiaga mo lana auaunaga.

Fai i tagata o le vasega e mafaufau i se taimi na latou maua ai se valaauga po o se tofiga sa lagona e le o agavaa mo lea tofiga.

A o suesueina e tagata aoga le Mataupu Faavae ma Feagaiga 106, valaaulia i latou e vaavaai mo aoaoga faavae ma mataupu faavae o le a fesoasoani ia i latou e malamalama ai pe mafai faapefea ona latou maua le faamautinoaga o le a fesoasoani le Alii ia i latou e faataunuu o latou valaauga ma tofiga i le Ekalesia.

Faamalamalama atu o Warren Kaotui o le uso matua o Oliva Kaotui. E ui ina foliga mai sa faalogo Warren i le Tusi a Mamona i se taimi i le 1830, ae sa lei auai o ia i le Ekalesia i lena taimi. Ia Mati 1834, sa asiasi atu ai le Perofeta o Iosefa Samita ma Pale P. Palate i Freedom, Niu Ioka, ma nonofo i le fale o Warren Cowdery. I le taimi sa la nonofo ai iina, sa talai atu ai Iosefa ma Pale i tagatanuu o Freedom, ma e i le va o le 30 ma le 40 tagata na iu ina auai i le Ekalesia. O se taimi i le va o Me ma Setema o le 1834, sa papatiso ai Warren Kaotui (tagai The Joseph Smith Papers, Documents, Volume 4: April 1834–September 1835, ed. Matthew C. Godfrey ma isi [2016], 180). Godfrey ma isi [2016], 180). I le tautoulu o le 1834, sa tusi atu ai Warren i lona uso o Oliva ma fesili atu ia toe sau se taitai o le Ekalesia i Freedom, Niu Ioka, e faamalolosi tagata auai iina. E lua masina mulimuli ane, na maua ai e Iosefa Samita le faaaliga o loo tusia i le Mataupu Faavae ma Feagaiga 106. (Tagai Lisa Olsen Tait, “Warren Cowdery,” i Revelations in Context, ed. Matthew McBride and James Goldberg [2016], 219–20, or history.lds.org.)

Valaaulia se tagata aoga e faitau leotele le Mataupu Faavae ma Feagaiga 106:1–3 . Fai i le vasega e mulimuli i le faitauga, ma vaavaai mo mea na valaau e le Alii ia Warren Kaotui e fai.

  • O le a le mea na faatonu e le Alii ia Warren Kaotui e fai?

  • O a ni mea na foliga lofituina ai le valaauga o Warren?

Valaaulia se tagata aoga e faitau leotele le Mataupu Faavae ma Feagaiga 106:6 . Fai atu i le vasega e mulimuli i le faitauga ma faailoa mai pe aisea na fiafia ai le Alii ia Warren Kaotui.

  • Aisea na fiafia ai le Alii ia Warren Kaotui?

Valaaulia se tagata aoga e faitau leotele le Mataupu Faavae ma Feagaiga 106:7–8 . Fai i le afa o le vasega e vaavaai mo le mea na folafola atu e le Alii ia Warren. Fai i le isi afa e vaavaai po o le a le mea na tatau ona fai e Warren ia maua ai na faamanuiaga. Fai atu i tamaiti aoga e lipoti mai mea ua latou mauaina.

  • O le a le mataupu faavae e mafai ona tatou faailoa mai fuaiupu 7-8 e uiga i le mea o le a fai e le Alii mo i tatou pe afai tatou te gauai atu ma le lotomaualalo i Lona finagalo? (Fesoasoani i tagata o le vasega e faailoa mai le mataupu faavae lea: Afai tatou te gauai atu ma le lotomaualalo i le finagalo o le Alii, o le a alofa mutimutivale o Ia ia i tatou, sii ae i tatou i luga, ma aumaia le alofa tunoa ma le faamautinoaga ia i tatou.)

  • O le a sou manatu o le a le uiga o le “alofatunoa ma le faamautinoaga” mai le Alii (fuaiupu 8)?

  • Mata e fesoasoani faapefea le mauaina o le alofa tunoa ma le faamautinoaga a le Alii ia i tatou pe a tatou maua se valaauga po o se tofiga tatou te manatu tatou te le o agavaa ai?

Valaaulia tagata e mafaufau i se taimi sa latou iloa ai le alofa mutimutivale, alofa tunoa, ma le faamautinoaga a o latou taumafai ma le lotomaualalo e auauna ia te Ia. Fai i ni nai tamaiti aoga e faasoa mai a latou aafiaga i le vasega. Mafaufau e faasoa atu foi se tasi o ou aafiaga.

Valaaulia tagata o le vasega e tusi se sini po o le a le mea o le a latou fai e faalotomaualalo ai i latou lava i luma o le Alii ina ia mafai ai ona latou maua atoatoa Lona alofa mutimutivale, alofa tunoa, ma le faamautinoaga.

Mataupu Faavae ma Feagaiga 107:1–20

Ua aoao mai le Alii e uiga i le Perisitua Mekisateko ma le Perisitua Arona

Faamanatu i le vasega sa toefuatai auauai mai e le Alii ia upumoni o le talalelei i lea fuaiupu ma lea fuaiupu ae le o se taimi e tasi. Sa mulimuli le Alii i lenei mamanu e tasi ao Ia faaalia mai le faatulagaga o le perisitua ma le pulega o le Ekalesia.

Faamalamalama atu o Fepuari 1835, toetoe atoa le lima tausaga talu ona faatulagaina le Ekalesia, sa faatulaga ai le Korama a Aposetolo e Toasefululua. O se tasi o uluai tiute o Aposetolo fou faatoa valaau, o le faia o konafesi i paranesi o le Ekalesia i sasae o le Iunaite Setete. I se taimi a o lei tuua e Aposetolo ia Katelani mo lenei misiona ia Me 1835, sa tuuina atu ai e le Perofeta ia i latou le faamatalaga o loo tusia i le Mataupu Faavae ma Feagaiga 107, lea e aofia ai faatonuga e uiga i le perisitua ma le pulega o le Ekalesia.

Valaaulia ni nai tagata aooga e feauauai i le faitauina leotele o le Mataupu Faavae ma Feagaiga 107:1-6. Fai i le vasega e mulimuli i le faitauga, ma vaavaai po o a mea o aoao mai i nei fuaiupu e uiga i le perisitua.

  • E tusa ai ma le fuaiupu 2, aisea ua faaigoa ai le perisitua o le Perisitua Mekisateko?

  • O le a le igoa na ta’u ai le Perisitua Mekisateko a o lei oo i aso o Mekisateko?

  • E tusa ai ma le fuaiupu 5, o a isi “pule po o tofi i le ekalesia” e fesootai i le perisitua? (Faamalamalama atu o se faaopoopoga o se mea e faapipii po o se vaega o se mea atoa.)

Valaaulia ni nai tagata e auauai i le faitauina leotele o le Mataupu Faavae ma Feagaiga 107:7–12, 18–19. Fai i le vasega e mulimuli i le faitauga, ma vaavaai mo mea na aoao mai e le Alii e uiga i le Perisitua Mekisateko.

  • O a ni mea o aoao mai i fuaiupu 8--10 e uiga i le pule o le Perisitua Mekisateko? (A uma ona tali mai le vasega, tusi le aoaoga faavae lea i luga o le laupapa: O le Perisitua Mekisateko ua i ai le aia tatau o le au peresitene, mana, ma le pule i tofiga uma o le Ekalesia, ma le pule e taitai ai i mea faaleagaga.)

Faamalamalama atu o le “taitai [ga] i mea faaleagaga”(fuaiupu 8) e aofia ai le faatautaia o faamanuiaga, sauniga ma feagaiga.)

  • O le a se aoaoga faavae ua tatou aoao mai i le fuaiupu 18 e uiga i le Perisitua Mekisateko? (Fesoasoani i tagata e faailoa mai le aoaoga faavae lea: O le Perisitua Mekisateko e umia ki o faamanuiaga faaleagaga uma o le Ekalesia.)

Ina ia fesoasoani i tagata aoga ia malamalama i lenei aoaoga faavae valaaulia se tagata e faitau leotele le saunoaga lenei a le Perofeta o Iosefa Samita (1805--1844):

“O le Perisitua Mekisateko … o le auala lea e faaali mai ai le poto uma, aoaoga faavae, le ata o le faaolataga, ma mataupu taua uma mai le lagi” (Teachings of Presidents of the Church: Joseph Smith [2007], 108).

Valaaulia se tagata aoga e faitau leotele le Mataupu Faavae ma Feagaiga 107:13–17, 20 . Fai i le vasega e mulimuli i le faitauga, ma vaavaai mo mea na aoao mai e le Alii e uiga i le Perisitua Arona. Fai atu i tamaiti aoga e lipoti mai mea ua latou mauaina.

Mataupu Faavae ma Feagaiga 107:21-38

Ua otooto mai e le Alii ia tiute ma tiutetauave o korama pule faamalumalu o le Ekalesia

Faamalamalama atu e avea ai o se vaega o le toefuataiga mai o le perisitua ma le pulega o le Ekalesia, sa otooto mai ai e le Alii ia korama e faia tonu mo le Ekalesia atoa ma pe faapefea ona latou faia o na tonu po o faaiuga.

Valaaulia ni tagata aooga se toalua e auauai e faitau leotele mai i le Mataupu Faavae ma Feagaiga 107:21–26, 33–35. Fai i le vasega ia mulimuli i le faitauga, ma vaavaai mo mea na aoao mai e le Alii e uiga i korama e valaauina e taitai le Ekalesia atoa.

  • O le a se mea na aoao mai e le Alii e uiga i korama e valaauina e taitai le Ekalesia atoa?

Valaaulia se tagata aoga e faitau leotele le Mataupu Faavae ma Feagaiga 107:27–31 . Fai atu i le vasega e mulimuli i le faitauga, ma vaavaai pe na faapefea ona fai e nei korama ia faaiuga.

  • E tusa ai ma le fuaiupu 27, e faapefea e korama pule faamalumalu ole Ekalesia ona faia faaiuga?

  • E tusa ai ma le fuaiupu 31, o le a le mea na folafola atu e le Alii o le a tupu pe afai e faia e nei korama ia faaiuga i le lotogatasi ma “i le amiotonu uma” (fuaiupu 30)? (A uma ona tali mai tagata aoga, tusi le mataupu faavae lea i le laupapa: Talu ai o korama pulefaamalumalu o le Ekalesia e faia faaiuga i le lotogatasi ma i le amiotonu, latou te maua le malamalama mai le Atua.)

  • E mafai faapefea i le iloa ai o korama pule faamalumalu o le Ekalesia e maua le malamalama o le Alii ona tosina ai lou naunau e mulimuli ia i latou?

Aotele le Mataupu Faavae ma Feagaiga 107:39–57 e ala i le faamalamalama atu sa faaalia mai e le Alii o le faatulagaga faapeteriaka o le perisitua sa faatuina i ona po o Atamu (tagai fuaiupu 41) ma sa “faasolo mai i lalo mai le tama ile atalii” (fuaiupu 40) E tolu tausaga a o lei maliu Atamu, sa ia potopoto ai o ia ma e umia le perisitua faapea foi ana fanau amiotonu uma i Atamu-onai-Amani (tagai fuaiupu 53). Sa faamanuia e Atamu ona atalii faamaoni, ma sa afio atu le Alii ia te i latou (tagai fuaiupu 53--54).

Faamalamalama atu ua tatou aoao mai le Mataupu Faavae ma Feagaiga 107:58–98 na poloaiina e le Alii ia Aposetolo e Toasefululua e “e faauuina ma faatulagaina tatau o isi mautofi uma o le ekalesia” (fuaiupu 58), ma sa Ia otooto maia ia tiute o epikopo ma peresitene o korama (tagai le fuaiupu 60–98).

Valaaulia se tagata aoga e faitau leotele le Mataupu Faavae ma Feagaiga 107:99–100 . Fai atu i le vasega e mulimuli i le faitauga, ma vaavaai mo le savali sa finagalo le Alii i le au mautofi o le Ekalesia ia aoaoina.

  • E faavae i mea na poloaiina e le Alii le au mautofi o le Ekalesia, o le a le mea e tatau ona tatou fai ina ia “agavaa ai e tutu atu” i luma o le Alii (fuaiupu 100)? (Fesoasoani i tagata e faailoa mai le mataupu faavae lenei: Ina ia tu agavaa i luma o le Alii, e tatau ona tatou aoao i o tatou tiute ma galue i le maelega uma e faataunuu ai.)

  • O a ni auala e mafai ona tatou saili ai e aoao i o tatou tiute ma faataunuuina ma le filiga?

  • O le a se taimi na faamanuiaina ai oe e se tasi sa faataunuuina ma le filiga lona valaauga?

Molimau atu a o tatou aoaoina o tatou tiute ma faataunuuina ma le filiga, o le a tatou agavaa e tutu atu i luma o le Atua.

Mataupu Faavae ma Feagaiga 108:1–8

Ua faamagalo e le Alii, ma folafola atu faamanuiaga ma fautuaina ia Laimani Sherman.

Ina ia fesoasoani ia malamalama tagata i le talaaga o le Mataupu Faavaae 108, valaaulia se tagata e faitau leotele le palakalafa lea:

I le aso 26 Tesema, 1835, na sau ai se tamaloa e igoa ia Laimani Sherman, o se uo a le Perofeta o Iosefa Samita, i le fale o le Perofeta. Sa ta’u atu e Laimani ia te ia, “Sa uunaia lava au e faailoa atu ia te oe o’u lagona ma nauauga ma sa folafola mai e tatau ona i ai sa’u faaaliga e faailoa mai ai o’u tiute” (“Journal, 1835–1836,” 89, josephsmithpapers.org). I le tali atu i ai, sa fesili ai le Perofeta i le Alii ma sa maua mai ai le faaaliga o loo tusia i le Mataupu Faavae ma Feagaiga 108.

Valaaulia se tagata aoga e faitau leotele le Mataupu Faavae ma Feagaiga 108:1–3 . Fai i le vasega e mulimuli ai, ma vaavaai mo faamanuiaga na maua e Laimani Sherman ona sa ia mulimuli i uunaiga e saili le Perofeta.

  • O a faamanuiaga na maua e Laimani ona sa ia mulimuli i le uunaiga e saili le Perofeta?

  • O le a le fautuaga na tuu atu e le Alii ia Laimani?

Aotele le Mataupu Faavae ma Feagaiga 108:4–6 e ala i le faamalamalama atu sa ta’u atu e le Alii ia Laimani Sherman e “faatalitali ma le onosai seia talo le alofi sa,” o le taimi lena o le a faauuina ai o ia faatasi ma toeaina ma auina atu e folafola le talalelei (fuaiupu 4).

Valaaulia se tagata aoga e faitau leotele le Mataupu Faavae ma Feagaiga 108:7–8 . Fai atu i le vasega e mulimuli i le faitauga, ma vaavaai mo nisi faatonuga na tuuina mai e le Alii ia Laimani.

  • O a auala na finagalo le Alii ia Laimani Sherman e faamalosia ai [ona]uso?(fuaiupu 7)? (Faamalamalama atu i le fuaiupu lea, o le upu talanoaga e faasino i se uiga po o se amio mama ma o le upu apoapoaiga o lona uiga o aoaoga.)

  • O le a se mataupu faavae e mafai ona tatou aoao mai i le fuaiupu 7 e uiga i mea o faamoemoeina e le Alii mai ia i tatou? (Fesoasoani i tagata o le vasega e mulimuli i le mataupu faavae lea: Ua faamoemoe le Alii ia i tatou e faamalolosia isi i a tatou amioga uma, tatalo, aoaoga, ma faatinoga.)

Ta’u i ai o a tatou amioga ma faatinoga e aofia ai le ala tatou te fesootai atu ai i isi, e aofia ai fesootaiga e tusitusia ma auina atu faaeletonika.

  • E mafai faapefea ona e faamalolosia i latou o siomia ai oe i au amioga uma, upu, ma faatinoga?

  • O le a se taimi na faamalosia ai oe i amioga, upu, po o faatinoga a se isi? (Mafaufau e faasoa atu foi se tasi o ou aafiaga.)

Valaaulia tagata o le vasega e tusi i lalo se sini e faatatau i le ala o le a latou faamalolosia ai isi ia latou amioga uma, upu, ma faatinoga.