Lesona 43

Mataupu Faavae ma Feagaiga 109--10

Faatomuaga ma le Faasologa o Taimi

O maatulimanu o le Malumalu o Katelani na faataatitia i le aso 23 Iulai, 1833. I le isi tolu tausaga na sosoo ai, sa faia ai e tagata o le Ekalesia i Katelani, Ohaio ni osigataulaga tele e fausia le malumalu ona o le usiusitai i le poloaiga a le Alii (tagai MFF 88:119; 95:8–9). A o sauniuni mo le faapaiaga o le Malumalu o Katelani, sa fesoasoani ia Oliva Kaotui i le Perofeta o Iosefa Samita, e tusia se tatalo, “na tuuina mai ia te ia e ala i faaaliga” (MFF 109, faaulutala o le vaega,) lea na ia fofogaina i le sauniga o le faapaiaga na faia i le Aso Sa 27 Mati, 1836. O loo faamaumauina le tatalo i le Mataupu Faavae ma Feagaiga 109 ma o loo i ai aioiga i le Alii ia “talia le faapaiaga [o le malumalu] ia te [Ia]” (MFF 109:78), ia faamanuiaina ai “tagata uma o le a ulufale atu [i ai]” (MFF 109:13), ma ia “manatua [Lana] eklalesia atoa, … ina ia mafai ona avea o le malo, lea [na Ia] faatuina e aunoa ma lima, o se mauga tele ma faatumu ai le lalolagi atoa” (MF 109:72).

I le aso 3 o Aperila, 1836, sa afio atu ai Iesu Keriso i le Perofeta o Iosefa Samita ma Oliva Kaotui i le Malumalu o Katelani. Sa o ane foi perofeta o Mose, Elaia, ma Elia ma tuuina atu ki taua o le perisitua. O se tala i lo latou afifio ifo o loo faamaumauina i le Mataupu Faavae ma Feagaiga 110.

Amataga o Iuni 1833Na amata ai e tagata o le Ekalesia ona fau le Malumalu o Katelani i Katelani, Ohaio.

27 Mati, 1836Na faitauina ai e le Perofeta le tatalo o le faapaiaga mo le Malumalu o Katelani, ma na tusia mulimuli ane i le Mataupu Faavae ma Feagaiga 109.

30 Mati, 1836Sa afio ifo le Alii o Iesu Keriso i nisi o i latou sa faapotopoto i le sauniga o le potopotoga paia i le Malumalu o Katelani.

3 Aperila, 1836Sa vaai ma faalogo ia Iosefa Samita ma Oliva Kaotui ia Iesu Keriso ma sa mauaina mai ki o le perisitua mai ia Mose, Elaia, ma Elia i le Malumalu o Katelani, e pei ona tusia i le Mataupu Faavae ma Feagaiga 110.

Fautuaga mo le Aoaoina Atu

Mataupu Faavae ma Feagaiga 109:1-28

Sa ole atu Iosefa Samita i le Alii e talia le Malumalu o Katelani ma faamanuia i latou o e tapuai ai iina

Mea faitino ma ata

E mafai ona faaaoga mea faitino ma ata e fesoasoani ai i tagata aoao e vaai ai pe faape’i foliga o tagata, nofoaga, mea tutupu, mea faitino, ma faatusa i tusitusiga paia. Peitai, o le tala faatusipaia e tatau ona avea pea lava ma punavai mo talanoaga a le vasega o nofoaga ma auiliiliga o se mea e tupu, nai lo se faaliliuga a se tagata tusiata o le mea na tupu po o le tala.

Faaali ni ata o malumalu.

• Aisea tatou te fauina ai malumalu?

Valaaulia tagata o le vasega e vaavaai mo aoaoga faavae ma mataupu faavae e tali ai le fesili lea a o latou suesueina le Mataupu Faavae ma Feagaiga 109–10 i le lesona i le aso.

Malumalu o Katelani

Faaali i tagata aooga se ata o le Malumalu o Katelani (tagai Tusi Ata o le Talalelei [2009], no. 117; tagai foi lds.org/media-library). Valaaulia se tagata aoga e faitau leotele le palakalafa lenei:

O le fauina o le Malumalu o Katelani o se luitau maoae mo le Au Paia i Katelani, aua sa toaitiiti i latou ma o le toatele o i latou sa matitiva. I le Aso Sa, 27 Mati, 1836, pe tusa ma le 1,000 tagata sa faapotopoto i totonu o le malumalu, ae tuua ai le fiaselau o tagata e tutu i fafo, o le toatele sa ositaulaga e fesoasoani ai i le fauina o le malumalu. I le fautuaga a le Perofeta, “o nisi o i latou sa le mafai ona ulufale [i le malumalu] sa faia se sauniga i le faleaoga sa i talaane ae toefoi isi i le fale e faatalitali ai se sauniga lona lua o le faapaiaga.” Sa amata le faapaiaga i se tatalo amata ma le viiga, lea na sosoo ai ma le saunoaga a Sini Rikitone mo le lua ma le afa itula. Ona ia “tuuina atu lea o le igoa o [Iosefa Samita] i le potopotoga” mo lo latou lagolagoina o le “Perofeta ma le Tagatavaai” (The Joseph Smith Papers, Documents, Volume 5: October 1835–January 1838, ed. Brent M. Godfrey ma isi [2017], 189). Ina ua mavae le malologa e 20 minute, sa tulei saunoa puupuu le Perofeta o Iosefa Samita i le potopotoga ma taloina se palota lagolago mo taitai o le Ekalesia. Ona fofogaina leotele lea e le Perofeta o le tatalo o le faapaiaga. Sa faaiuina le sauniga i le tuuina atu e le potopotoga o le Alaga Osana, lea sa latou faia i le alagaina leotetele faatolu, “Osana, osana, osana i le Atua ma le Tamai Mamoe! Amene, amene, ma amene.” (Tagai Joseph Smith Papers, Journals, Volume 1: 1832–1839, ed. Dean C. Jessee ma isi [2008], 203–11.)

Faamalamalama atu o le tatalo o le faapaiaga o le Malumalu o Katelani o loo maua i le Mataupu Faavae ma Feagaiga 109. Ua avea lena o se mamanu mo tatalo uma o faapaiaga o malumalu na mulimuli mai.

Valaaulia ni nai tagata aoga e auauai e faitau leotele mai le Mataupu Faavae ma Feagaiga 109:1–5. Fai atu i le vasega e mulimuli i le faitauga, ma vaavaai mo le mafuaaga na fausia ai e le Au Paia le Malumalu o Katelani.

• E tusa ai ma fuaiupu 2 ma le 5, aisea na fauina ai e le Au Paia le Malumalu o Katelani?

• E tusa ai ma le fuaiupu 4, o le a le mea na tatalo ai le Perofeta o Iosefa Samita ia fai e le Alii?

Aotele le Mataupu Faavae ma Feagaiga109:6–11 e ala i le faamalamalama atu i se tasi vaega o le tatalo o le faapaiaga, sa toe ta’ua ai e le Perofeta le poloaiga a le Alii i le Au Paia e fau se malumalu (tagai MFF 88:117–20), ma sa aioi atu mo faamanuiaga sa folafola mai e le Alii e avatu ia i latou pe a maea le malumalu.

Valaaulia ni nai tagata o le vasega e feauauai i le faitauina leotele mai le Mataupu Faavae ma Feagaiga 109:12–15. Fai atu i le vasega e mulimuli i le faitauga, ma vaavaai mo faamanuiaga na tatalo ai le Perofeta. Fai atu i tagata aooga e lipoti mai mea ua latou mauaina.

• O le a le mataupu faavae e mafai ona tatou faailoa mai nei fuaiupu e uiga i faamanuiaga e mafai ona tatou maua a o tatou tapuai i le Atua i le malumalu? (A uma ona tali mai le vasega, tusi le mataupu faavae lea i le laupapa: O i latou o e tapuai i le Atua i le malumalu e mafai ona lagonaina Lona mana, aoao e uiga ia te Ia, maua se atoatoaga o le Agaga Paia, ma saunia ai e maua mea uma e tatau ai.)

Faamalamalama atu ina ia “maua se atoatoaga o le Agaga Paia” (MF&F 109:15) o lona uiga ia maua “le folafolaga … o le ola e faavavae, le mamalu o le malo selesitila” (MF&F 88:4; tagai foi D. Todd Christofferson, “O Le Mana o Feagaiga,” Ensign po o le Liahona Me 2009, 23, faamatalaga 5).

Faasino i le mataupu faavae o i luga o le laupapa, ma fesili:

• O a auala ua faamanuiaina ai oe a o e tapuai i le Atua i le malumalu?

Aotele le Mataupu Faavae ma Feagaiga 109:16–20 e ala i le faamalamalama atu sa tatalo le Perofeta o Iosefa samita ia talia e le Alii le Malumalu o Katelani e fai Mona fale ma “ia leai se mea ‘eleelea e faatagaina e oo mai i totonu [o le maota]” (fuaiupu 20).

Valaaulia se tagata aoga e faitau leotele le Mataupu Faavae ma Feagaiga 109:21 . Fai atu i le vasega e mulimuli i le faitauga, ma vaavaai mo mea na tatalo atu ai le Perofeta o Iosefa Samita.

• O le a le mea na tatalo ai le Perofeta o le a tupu pe a solitulafono le nuu o le Atua?

Ta’u i ai afai tatou te le agavaa e ulufale atu i le malumalu ona o solitulafono, e mafai ona tatou salamo, ia faamagaloina, ma maua mea uma na folafola mai e le Alii ia i latou o e tapuai atu ma le agavaa ia te Ia i le malumalu.

Valaaulia ni nai tagata o le vasega e feauauai i le faitauina leotele mai le Mataupu Faavae ma Feagaiga 109:22–28. Fai i le vasega e mulimuli i le faitauga, ma vaavaai po o le a le mea na aioi atu ai le Perofeta i le Alii e fai mo Ana auauna.

• E tusa ai ma fuaiupu 22--24, o le a le mea na aioi atu ai le Perofeta i le Alii e fai mo Ana auauna o e auauna atu o ni faifeautalai?

• Aisea e te manatu ai e taua mo faifeautalai ona “faaauupegaina i le …mana” i le malumalu ae latou te lei “o atu” e faasoa atu le talalelei (fuaiupu 22)?

• E tusa ai ma fuaiupu 25--28, o le a le mea na aioi atu le Perofeta i le Alii e fai mo le Au Paia?

• O le a le mataupu faavae e mafai ona tatou faailoa mai i nei fuaiupu e uiga i famanuiaga o le tapuai i le Atua i le malumalu? (A uma ona tali mai tagata, tusi le mataupu faavae lea i le lauapapa: a o tatou tapuai atu i le Atua i le malumalu, o le a faaauupegaina i tatou i Lona mana ma le puipuiga.)

• O le a sou manatu i le uiga o le ia “faaauupegaina i le mana o le Atua”?

Valaaulia se tagata aoga e faitau leotele le saunoaga lea mai iaElder Joseph B. Wirthlin1917–2008) o le Korama a Aposetolo e Toasefululua: Fai i le vasega e faalogologo mo faamanuiaga e mafai ona tatou maua a o faaauupegaina i tatou i le mana o le Atua.

“I le maota o le Alii, e mafai ona faia faaeega paia o tagata faamaoni o le Ekalesia ‘i le mana mai luga’ [MF&F 95:8], o le mana e mafai ai ona tatou tetee atu i faaosoosoga; faamamaluina a tatou feagaiga; usiusitai i poloaiga a le Alii; ma tuuina atu molimau faamaoni ma le le fefefe o le talalelei i aiga, uo, ma tuaoi” (Joseph B. Wirthlin, “Cultivating Divine Attributes,” Ensign, Nov. 1998, 27).

• E mafai faapefea ona avea o se faamanuiaga ia te oe le “mana mai luga” (MF&F 95:8)?

Faasoa atu lau molimau faapea a o tatou tapuai i le Atua i le malumalu, o le a faaauupegaina i tatou i Lona mana ma le puipuiga.

Mataupu Faavae ma Feagaiga 109:29–80

Sa aioi atu le Perofeta o Iosefa Samita i le Alii ia alofa mutimutivale i le Au Paia ma isi ma ia taliaina le malumalu

Aotele le Mataupu Faavae ma Feagaiga 109:29–80 e ala i le faamalamalama atu na tatalo le Perofeta ina “ia faafememea’iina” i latou o e na “faasalalauina tala pepelo” e uiga i le Au Paia, (fuaiupu 29) ma ia mafai e tagata o le Ekalesia ona “tulai a’e … [e] fai le galuega [a le Alii]” (fuaiupu 33). Sa ia ole atu foi i le Alii ina ia faatumulia le malumalu “i [Lona] mamalu” (fuaiupu 37) ma ia tuuina mai i Ana auauna le molimau ma le mana o le a latou manaomia e folafola atu ai le talalelei (fuaiupu 38–41). E le gata i lea, sa aioi atu le Perofeta ia saunia “e o nonofo i le lalolagi” e talia le talalelei (fuaiupu 38–39).

Valaaulia se tagata aoga e faitau leotele faamatalaga nei o le mea na tupu ina ua uma ona faapaia e le Perofeta o Iosefa Samita le malumalu.

I le afiafi na sosoo ma le faapaiaga, e silia ma le toluselau i latou e umia le perisitua sa fono i le malumalu. Sa faatumuina le fale i se leo e faapei o se matagi faafuasei, ma sa laulaututu i latou uma. E toatele sa vavalo, sa tautala i gagana, ma sa vaai i faaaliga ma agelu. O nisi tagata sa latalata ane sa vaai i se afi faaniutu ma agelu i luga ae o le malumalu ma sa faalogo i pesega faalelagi (tagai Manuscript History of the Church, vol. B-1, addenda, note J, p. 3–4, josephsmithpapers.org). Mo le isi ono vaiaso na sosoo ai, sa vaaia e le Au Paia i Katelani le tele o faaaliga faaleagaga. O le faaaliga faaleagaga aupito taua sa tupu i le tasi le vaiaso talu ona uma le faapaiaga o le malumalu, i le aso 3 Aperila, 1836.

Mataupu Faavae ma Feagaiga 110:1–10

Na afio mai ai le Faaola i le mamalu ma taliaina le Malumalu o Katelani e fai ma Ona maota.

Faamalamalama atu o le aso 3 Aperila, 1836, sa potopoto ai se vaega o tagata o le Ekalesia i le malumalu mo se sauniga faamanatuga. Ina ua uma ona faatautaia le faamanatuga, sa ulu atu le Perofeta o Iosefa Samita ma Oliva Kaotui i pulelaa i luga o le pito i sisifo o le malumalu ma tuutuu ifo ie pupuni sa si’o ai pulelaa. Sa tootutuli le Perofeta ma Oliva Kaotui i totonu o lea eria sa tapunia ma tatalo ai.

Valaaulia tagata aooga e faitau le leoa le Mataupu Faavae ma Feagaiga 110:1–3 ma vaavaai po o le a le mea na tupu i le tali mai i lea tatalo. Fai atu i tamaiti aoga e lipoti mai mea ua latou mauaina.

Faaali atu le ata lenei:

Ua afio ifo le Faaola i le Malumalu o Katelani

• Na faapefea ona faamatala e le Perofeta le Faaola?

Valaaulia ni nai tagata aoao e feauauai i le faitauina leotele o le Mataupu Faavae ma Feagaiga 110:4–8. Fai atu i le vasega e mulimuli i le faitauga, ma vaavaai po o le a le mea na ta’u atu e le Alii i le Perofeta o Iosefa Samita ma Oliva Kaotui.

• E tusa ai ma le fuaiupu 5, aisea na ta’u atu ai ia Iosefa Samita ma Oliva Kaotui ia “olioli”?

• E tusa ai ma le fuaiupu 6--8, aisea na i ai i le Au Paia se mafuaaga e “olioli” ai?

• O le a se mataupu faavae e mafai ona tatou faailoa mai fuaiupu7--8 e faatatau i mea o le a tutupu pe afai tatou te usiusitai i poloaiga a le Alii ma “le faaeleeleaina [Lona] maota paia” (fuaiupu 8)? (Fesoasoani i tagata aoao e faailoa mai le mataupu faavae lenei: Afai tatou te usitai i poloaiga a le Alii ma tausi mama i Lona maota, o le a faaali mai o Ia lava ia i tatou i totonu o Ona malumalu.)

Faamalamalama atu e masani lava ona faaali atu e le Alii o Ia lava i Lona nuu e ala i le mana o le Agaga Paia (tagai 3 Nifae 15:23). Peitai, atonu na Ia faaalia o Ia lava e ala i le “afio ifo i [Ana] auauna” (MFF 110:8).

• E mafai faapefea ona tatou tausia le mama ma le le faaleagaina o le maota o le Alii?

• Aisea e te manatu ai e tatau ona tatou usiusitai ma faamama i tatou lava ina ia mafai ai ona faaali mai le Alii lava Ia ia i tatou i le malumalu?

Valaaulia se tagata aoga e faitau leotele le Mataupu Faavae ma Feagaiga 110:9–10 . Fai i le vasega e mulimuli ai ma vaavaai po o ai o le a faamanuiaina ona o le toefuataiga mai o faamanuiaga o le malumalu. Fai atu i tamaiti aoga e lipoti mai mea ua latou mauaina.

Mataupu Faavae ma Feagaiga 110:11-16

Ua o mai Mose, Elaia ma Elia, ma tuuina mai ki o le perisitua ia Iosefa Samita ma Oliva Kaotui

Faamalamalama atu ina ua maea le faaaliga mai o le Faaola i le Malumalu o Katelani, sa asiasi ane avefeau faalelagi i le Perofeta o Iosefa Samita ma Oliva Kaotui. Valaaulia ni nai tagata o le vasega e feauauai i le faitauina leotele mai le Mataupu Faavae ma Feagaiga 110:11–16. Fai atu i le vasega e mulimuli i le faitauga, ma vaavaai po o ai isi na faaali atu ia Iosefa Samita ma Oliva Kaotui.

• O ai isi na faaali atu ia Iosefa Samita ma Oliva Kaotui i le Malumalu o Katelani?

• O le a se mea na tofu tuuina atu e nei avefeau faalelagi ia Iosefa Samita ma Oliva Kaotui?

Fesoasoani ia malamalama tagata o le vasega o Mose “na tuuina atu … ki o le faapotopotoina o Isaraelu” (MFF 110:11), ia ua faaaogaina e taitai ai le galuega faafaifeautalai. O Elaia “na tuuina atu ki o le tisipenisione o le talalelei a Aperaamo” (MFF 110:12), po o le folafolaga faapea e ala mai i “fanau [a Aperaamo] o le a faamanuiaina ai aiga uma i faamanuiaga o le Talalelei, o faamanuiaga ia o le faaolataga, o le ola e faavavau” (Aperaamo 2:11). Na tuuina atu e Elia ki o le mana faamau (tagai MFF 110:13--16), lea ua mafai ai ona faamauina faatasi ulugalii agavaa ma aiga e faavavau.

• Aisea sa taua ai ona toefuatai mai nei ki o le perisitua i nei aso e gata ai? (A maea ona tali mai tamaiti, tusi le aoaoga faavae lea i le laupapa: E ala mai i ki o le perisitua, ua taitaia ai e auauna ua faatagaina a le Alii ma faataunuu le galuega o le faaolataga.)

Faamalamalama atu o ki o le perisitua na tuuina atu i le Perofeta o Iosefa Samita ma Oliva Kaotui o loo umia ma faaaogaina i ona po nei e sui auai taitasi o le Au Peresitene Sili ma le Korama a Aposetolo e Toasefululua i lalo o le taitaiga a le Peresitene o le Ekalesia.

• Ua faamanuiaina faapefea oe i ki o le perisitua ma mana na tuuina e Mose, Elaia, ma Elia ia Iosefa Samita ma Oliva Kaotui i le Malumalu o Katelani?

Toe iloilo ia aoaoga ma mataupu faavae o le lesona o le aso, ma faasoa atu lau molimau i nei upumoni. Afai e lava le taimi, e mafai ona e faaali atu le vitio “The Holy Temple” (5:09), lea e molimau mai ai tagata o le Ekalesia i faamanuiaga o le malumalu. O loo maua lenei vitio i le LDS.org.

Fautuaina tagata o le vasega e faatu se sini e alu i le malumalu i le tele e mafai ona faatagaina ai e o latou tulaga ina ia mafai ai ona latou maua le mana ma le puipuiga a le Atua.