I le aso 8 Mati, 1832, sa valaauina ai e le Perofeta o Iosefa Samita ia Jesse Gause ma Sini Rikitone e avea ma ona fesoasoani i le Au Peresitene o le Perisitua Maualuga. I le aso 15 Mati, 1832, sa maua ai e le Perofeta le faaaliga o loo tusia i le Mataupu Faavae ma Feagaiga 81, lea na faamanino mai ai e le Alii ia tiute o Uso Gause i le avea ai o se fesoasoani ia Iosefa Samita. Ae petiai, sa le’i tumau faamaoni ai Jesse Gaus, ma sa valaauina mulimuli ane ai e le Alii ia Frederick G. Williams, e ona le igoa ua faaali mai nei i le Mataupu Faavae ma Feagaiga 81, ina ia suitulaga i le tulaga o Brother Gause i le Au Peresitene.
Ia Aperila 1832, sa malaga atu ai le Perofeta o Iosefa Samita ma isi i Initipene, Misuri, i le usitaia o le poloaiga a le Alii e faatu se faalapotopotoga e atiina ae Siona ma tausia e matitiva (tagai MF&F 78). A o i ai i latou iina, sa maua e le Perofeta isi faaaliga e lua. O le aso 26 Aperila, i le taimi o se fono a le au faitaulaga sili ma toeaina o le Ekalesia i Initipene, sa maua ai e le Perofeta le faaaliga o loo tusia i le Mataupu Faavae ma Feagaiga 82, lea na faamagalo ai e le Alii nei uso i o latou solitulafono ma sa lapataia ai i latou ia le toe agasala. Sa Ia faatonuina foi ia sui o le Kamupani Soofaatasi ina ia fusia faatasi i latou lava i le feagaiga e pulea mataupu faaletino o Siona. E fa aso mulimuli ane, ae maua e Iosefa Samita le faaaliga o loo tusia i le Mataupu Faavae ma Feagaiga 83, lea na tuu atu ai e le Alii ia faatonuga e uiga i le tausiaga o fafine ua oti a latou tane, o e matua oti, ma e matitiva.
25 Ianuari, 1832Sa faauuina Iosefa Samita e fai ma Peresitene o le Perisitua Maualuga i Amherst, Ohaio.
8 Mati, 1832Na tofia e Iosefa Samita ia Sini Rikitone ma Jesse Gause e fai ma ona fesoasoani i le Au Peresitene o le Perisitua Maualuga.
Me--Iuni, 1832Sa nofo Iosefa Samita ma Newel K. Whitney mo ni nai vaiaso i Greenville, Indiana. Na gau le vae a Niueli ao oso ese mai se taavale solofanua ua mamulu i lana malaga toe foi atu i Ohaio.
Ua otooto mai e le Alii le matafaioi o fesoasoani i le Au Peresitene o le Perisitua Maualuga.
Tusi fesili nei i luga o le laupapa a o lei amataina le vasega:
Aisea e tuu mai ai e le Alii ia i tatou ia valaauga i Lana Ekalesia?
O a ni faamanuiaga o le faataunuuina ma le faamaoni o se valaauga?
Ae faapefea pe a filifili se tagata ia le faamaoni i le faataunuuina o lona valaauga?
Amata le vasega i le fai atu i tagata aoga e tali atu i fesili o loo i luga o le laupapa. O se vaega o le talanoaga, faamatala atu e ui lava e mafai ona maua e se taitai o le Ekalesia le musumusuga e valaau ai se tasi i se tulaga (valaauga), ae e i ai le faitalia i lea tagata e tali atu ai ma le faamaoni i le valaauga.
Valaaulia se tagata aoga e faitau leotele le ulutala mo le Mataupu Faavae ma Feagaiga 81. Fai atu i tagata aoga e mulimuli i le faitauga, ma vaavaai mo se tasi na valaauina e le Alii, ae sa le faamaoni i lona valaauga.
O ai na muamua valaauina e le Alii e auauna o se fesoasoani ia Iosefa Samita?
Aisea na aveesea ai le valaauga o Iese Gause?
Tuu atu se kopi o faʻamatalaga nei e uiga ia Iese Gause i se tagata aoga, ma fai atu i ai e faitau leotele:
Na valaauina Iese Gause o se fesoasoani i le Perofeta o Iosefa Samita ia Mati, 1832 I le aso 1 o Aokuso, 1832, sa ia malaga atu ai i se misiona ma Zebedee Coltrin. Ao i ai i lana misiona, sa asiasi ai Uso Gause i lona toalua ma taumafai e tauanau o ia e uiga i le upumoni, ae sa musu o ia e auai i le Ekalesia. I se taimi puupuu mulimuli ane, sa faapea ona ma’i tigaina ai Uso Coltrin ma toe foi atu i Katelani. Ae paga lea, sa le’i faamaeaina e Uso Gause lana misiona ma sa lei tumau faamaoni i le Ekalesia. Ia Ianuari 1833, sa valaauina ai e le Alii ia Frederick G. Williams e suitulaga ia Iese Gause o se fesoasoani, ma na tusia le igoa o Frederick i totonu o le lomiga o lenei faaaliga i le tulaga o Iese. Na lolomiina le faaaliga ma le igoa o Frederick i le lomiga o le Mataupu Faavae ma Feagaiga 1835 (ma isi lomiga mulimuli ane). E ui na suia le igoa, o faatonuga mai le faaaliga e uiga i tiute a se fesoasoani e tumau lava le moni aua e faatatau i le valaauga, ae le na’o le tagata ua valaauina.
Atonu e te manao e fautua atu i tagata aoga e faailoga le fuaitau lenei i le folasaga o le vaega: “O le faaaliga … e tatau ona manatu i ai o se laasaga agai i le faatulagaga aloaia o le Au Peresitene Sili.” Sa le’i faaalia mai e le Alii le faatulagaga atoa o Lana Ekalesia i le Perofeta i le taimi e tasi. Sa Ia faaalia mai vaega eseese o le faatulagaga pe a manaomia, ma ina ua saunia le Au Paia e maua ia mea. O lea o le Peresitene o le Ekalesia ma ona fesoasoani (o le Au Peresitene o le Perisitua Maualuga) o le a le ta‘ua “o le Au Peresitene Sili” seia oo i se taimi mulimuli ane. O le uluai faʻasalalauina o le faʻaaogaina o le faaupuga “Au Peresitene Sili” mai le taumafanafana o le 1835 (tagai i le The Joseph Smith Papers, Documents, Volume 4: April 1834–September 1835, ed. Matthew C. Godfrey ma isi [2016], 357, vaefaamatalaga 733; tagai foi xxvi, vaefaamatalaga 61).
Valaaulia se tagata aoga e faitau leotele le Mataupu Faavae ma Feagaiga 81:1–2 . Fai atu i le vasega e mulimuli i le faitauga, ma vaavaai mo mea na aoao mai e le Alii ia Frederick G. Williams e uiga i le Au Peresitene o le Perisitua Maualuga.
E faatatau i le fuaiupu 2, o le a le mea o umia e le Au Peresitene o le Perisitua Maualuga? (E tatau ona faailoa e tagata aoga se mataupu faavae e tutusa ma lea: O le Au Peresitene o le Perisitua Maualuga e umia ki o le malo o le Atua i le lalolagi.)
Ina ia fesoasoani i tagata aoga e malamalama i lenei mataupu faavae, faaali atu le faamatalaga lenei, ma valaaulia se tagata aoga e faitau leotele:
“O Sui o le Au Peresitene Sili ma le Korama a Aposetolo e Toasefululua ua umiaina ki uma o le perisitua e manaomia mo le taitaiga o le Ekalesia. E na’o le Peresitene o le Ekalesia e i ai le aia tatau e faaaoga uma na ki o le perisitua. Na te tuuina atu nei ki i isi o e pule faamalumalu i le Ekalesia—peresitene o malumalu, peresitene o misiona, peresitene of siteki, peresitene o itu, epikopo, peresitene o paranesi, ma peresitene o korama, e aofia ai peresitene o korama a tiakono ma aoao” (“Priesthood Keys,” New Era, Me 2012, 38--39).
O a mea e mafai ona faia e le Au Peresitene ona o nei ki o le perisitua? (Taitai ai le galuega a le Alii i luga o le fogaeleele.)
Valaaulia tagata aoga e faitau le leoa le Mataupu Faavae ma Feagaiga 81:3--5 ma vaavaai mo faatonuga na tuuina mai e le Alii ia Frederick G. Williams e uiga i lana valaauga.
O a ni faatonuga na tuuina mai e le Alii ia Frederick G. Williams?
O le a le mea na folafola mai e le Alii ia Frederick G. Williams pe afai e faamaoni o ia i lana valaauga?
O le a le mataupu faavae e mafai ona tatou aoaoina mai le folafolaga a le Alii ia Frederick G. Williams? (A maea ona tali mai tagata aoga, tusi le mataupu faavae lea i luga o le laupapa: Afai tatou te faamaoni i o tatou valaauga, o le a tatou faia mea lelei mo i latou tatou te auauna atu i ai ma siitia le mamalu o le Atua.)
E mafai faapefea e le auauna atu ma le faamaoni i o tatou valaauga ona fesoasoani ia i tatou ia faia mea lelei mo i latou tatou te auauna atu i ai? Pe faapefea ona siitia ai le mamalu o le Atua?
Valaaulia tagata aoga e faasoa mai se aafiaga na faamanuiaina ai i latou ona sa faamaoni se tasi i lona valaauga.
Uunaia tagata aoga e mafaufau i ni auala e mafai ai ona latou faamaoni atili ai i o latou valaauga. Valaaulia i latou e galue i soo se uunaiga latou te maua.
Valaaulia se tagata aoga e faitau leotele le Mataupu Faavae ma Feagaiga 81:6-7 . Fai atu i le vasega e mulimuli i le faitauga, ma vaavaai mo faamanuiaga na folafola mai e le Alii ia Frederick G. Williams pe afai e faamaoni o ia e oo i le iuga. Fai atu i tagata aoga e lipoti mai mea ua latou mauaina.
Faasino tagata aoga i fesili o i luga o le laupapa, ma fesili i ai pe faapefea ona latou faaopoopo i a latou tali e faatatau i mea na latou aoaoina. Molimau atu i le taua o le faamaoni i o tatou valaauga ma fesoasoani ia i latou o siomia i tatou.
Ua lapataia e le Alii i latou o e ua mauaina mea e tele mai ia te Ia
Ina ia fesoasoani i tagata aoga ia malamalama i le uiga o le Mataupu Faavae ma Feagaiga 82, valaaulia se tagata aoga e faitau leotele le faamatalaga lenei:
Mo ni nai masina, na alia’e ai ni lagona le lelei i le va o Sini Rikitone i Ohaio ma Epikopo Eteuati Paterika i Misuri. Ia Aperila 1832, sa malaga atu ai le Perofeta o Iosefa ma isi taitai o le Ekalesia mai Ohaio i le Itumalo o Siakisone, Misuri i le usitaia o le poloaiga a le Alii ina ia latou “fono faatasi ma le au paia o e o i Siona” (MFF 78:9). Ina ua latou taunuu, sa faia ai loa se fonotaga e lua aso a faitaulaga sili o le Ekalesia. I le va o sauniga o le taeao ma le aoauli o le aso muamua o le fonotaga, sa foia ai e Sini Rikitone ma Eteuati Paterika o laua feeseeseaiga. O le faaaliga i le Mataupu Faavae ma Feagaiga 82 na mauaina i le taimi o le sauniga o le aoauli. (Tagai The Joseph Smith Papers, Documents, Volume 2: July 1831–January 1833, ed. Matthew C. Godfrey ma isi [2013], 229–34.)
Valaaulia tagata aoga e faitau le leoa le Mataupu Faavae ma Feagaiga 82:1 , ma vaavaai mo le mea na ta’u mai e le Alii ia Sini Rikitone ma Eteuati Paterika e uiga i le foiaina o o laua eseesega. Fai atu i se tagata aoga e lipoti mai mea sa ia mauaina.
Valaaulia se tagata aoga e faitau leotele le Mataupu Faavae ma Feagaiga 82:2 . Fai atu i le vasega e mulimuli i le faitauga, ma vaavaai mo le lapataiga na tuuina mai e le Alii i le Au Paia.
O le a le mea na fetalai mai le Alii o le a oo mai pe afai latou te le aloese mai le agasala?
Valaaulia se tagata aoga e faitau leotele le Mataupu Faavae ma Feagaiga 82:3–4 . Valaaulia le vasega e mulimuli i le faitauga, vaavaai mo le mafuaaga o faamasinoga o loo taua i le fuaiupu 2 o le a oo mai i luga o i latou e faaauau pea i le agasala.
E faatatau i nei fuaiupu, aisea e oo mai ai nei faamasinoga i luga o le Au Paia o e faaauau pea ona agasala?
O a aoaoga faavae moni na aoao mai e le Alii e faatatau i le tali atu mo oe lava i le fuaiupu 3? (E tatau i tagata aoga ona faailoa mai faamatalaga o mataupu faavae e tutusa ma mea nei: E manaomia e le Alii mea e tele mai ia i latou ua Ia tuuina mai i ai le tele o mea. O ia o lē e agasala e faasaga i le malamalama tele atu o le a maua e ia le taʼusalaga tele atu.
E faatatau i le fuaiupu 4, na faapefea ona nofosala le Au Paia i le agasala i le malamalama tele atu?
Aisea e te manatu ai o i latou o e ua tele atu mea ua latou maua mai i le Alii, o le a manaomia foi mai ia i latou mea e tele atu?
Valaaulia tagata aoga e mafaufau e uiga i mea na tuuina atu e le Alii ia i latou ma mafaufau loloto i mea latou te lagona o loo finagalo le Alii latou te faia ona ua latou mauaina na faamanuiaga. Uunaia i latou e galulue i soo se uunaiga latou te maua.
Aotele le Mataupu Faavae ma Feagaiga 82:5–7 e ala i le faamalamalama atu, na lapataia e le Alii le Au Paia e faapea ua faateteleina le pule a Satani i luga o le fogaeleele. Na ia aoao mai foi pe a tatou fulitua ma le iloa mai le amiotonu i le agasala, o le a toe foi mai [a tatou] agasala muamua.
Ua poloaiina e le Alii ni tamalii e toaiva e faia se kamupani e pulea ai mataupu faaletino a le Ekalesia
Faamalamalama atu ina ua uma ona lapataia e le Alii le fonotoga a faitaulaga sili e uiga i le faamasinoga a le Atua ma le faateleina o le pule a Satani i luga o le fogaeleele, na Ia tuuina mai foi se folafolaga mautinoa ia i latou o e tausia Ana poloaiga.
Valaaulia se tagata aoga e faitau leotele le Mataupu Faavae ma Feagaiga 82:8--10 . Fai atu i le vasega e mulimuli i le faitauga, ma vaavaai mo le folafolaga a le Alii ia i latou o e tausia Ana poloaiga. A o le’i faitau e le tagata aoga, faamalamalama atu o le fuaitau “poloaiga fou” i le fuaiupu 8 e faasino i le faaaliga faaopoopo lea o le a tuuina mai e le Alii e faatatau i le faavaeina o le Kamupani Tuufaatasi.
O le a le mea e mafai ona tatou aoao mai i fuaiupu 8--9 e uiga i le mafuaaga e tuuina mai ai e le Alii poloaiga ia i tatou?
O le a le mea ua folafola mai e le Alii ia i latou o e tausia Ana poloaiga? (Fesoasoani i tagata aoga ia iloa le mataupu faavae lea: Afai tatou te usiusitai i poloaiga a le Alii, o le a Ia tausia lana folafolaga i taimi uma e faamanuia i tatou.)
O le a le mea e tupu pe a tatou le faia mea ua poloaiina ai i tatou e le Alii?
E faapefea e le talitonuina o lenei mataupu faavae ona aafia ai a tatou sini ma filifiliga?
Faamamafa atu o folafolaga a le Alii e le faataunuuina i le taimi po o le ala tatou te faamoemoe pe mananao i ai, pe latou te faamautinoa mai pe o le a tatou le feagai ma faigata po o mafatiaga. Ae peitai, o folafolaga a le Alii e faataunuuina i taimi uma.
O a auala na e vaaia ai le tausia e le Alii o Ana folafolaga e faamanuia oe a o e taumafai e tausia Ana poloaiga?
Fai i se tagata aoga e faitau leotele le faamatalaga lenei mai ia Peresitene Iosefa Filitia Samita (1876-1972). Fai atu i le vasega e faalogologo pe faapefea ona faamatalaina e Peresitene Samita ia faamanuiaga o le a tatou mauaina pe afai tatou te usiusitai.
Ata
Peresitene Iosefa Filitia Samita
“Afai tatou te le mulimuli i poloaiga na tuuina mai e le Alii e taialaina ai i tatou, o lona uiga e leai sa tatou aia i ana faamanuiaga. …
“Tausi poloaiga. … Faamaoni i feagaiga uma ma matafaioi, ma o le a faamanuia oe e le Alii e sili atu i lo au miti e te aupito faananau i ai.Aoaoga a Peresitene o le Ekalesia: Iosefa Filitia Samita [2013], 232, 237).
Aotele le Mataupu Faavae ma Feagaiga 82:11-24 e ala i le faamatalaina atu o le Alii na fatonuina taitai o le Ekalesia e faatatau i le faalapotopotoga o le Kamupani Tuufaatasi, le filifiliga o ona sui auai, ma le faamatalaina o le faamoemoega o lenei faalapotopotoga ma taunuuga o le le usiusitai.
Ua faaali mai e le Alii le auala e tausia ai tina ua maliliu a latou tane, fanau ua mātua-oti ma e matitiva.
Aotele le Mataupu Faavae ma Feagaiga 83 e ala i le faamatalaina atu i le aso 30 o Aperila, 1832, na faalauina ai e Iosefa Samita se faaaliga o faamanino mai ai pe faapefea, i lalo o le tulafono o le faapaiaga, ona tausia ia tina ma fanau ua leai ni tane po o tama.
Faaiu i le molimau atu e uiga i aoaoga faavae ma mataupu faavae o loo talanoaina i lenei lesona, ma valaaulia tagata aoga e faaaoga mea na latou aoaoina.