Ɔfã 97
Nyikyerɛ a wɔnam Joseph Smith Nkɔnhyɛnyi no do dze mae, wɔ Kirtland, Ohio, Dzifuu 2, 1833. Nyikyerɛ yi fa Ahotseweefo a wɔwɔ Zion, Jackson Mansin, Missouri no ho. Nkɔnhyɛnyi no n’ebisadze a obisa Ewuradze a ɔfa nsɛm bi ho, na no ho mbuae nye yi. Dɛm aber no, nna wɔretseetsee Asɔrmba a wɔwɔ Missouri no dodow, na Ayɛwoho 23, 1833 mu no, nna wɔahyɛ hɔn ma wɔdze hɔn nsa ahyɛ krataa a ɔkyerɛ dɛ wɔgye to mu dɛ wobefi Jackson Mansin hɔ akɔ ase.
1–2, Wohyira Ahotseweefo dodowara a wɔwɔ Zion (Jackson Mansin, Missouri) wɔ hɔn nokwardzi ho; 3–5, Wɔkamfo Parley P. Pratt wɔ dwuma a odzii wɔ Skuul a ɔwɔ Zion no ho; 6–9, Ewuradze gye hɔn a wodzi hɔn ahyɛmu do no; 10–17, Ɔwɔ dɛ wosi dan wɔ Zion, na no mu na hɔn a hɔn akoma mu tsew no bohu Nyame; 18–21, Zion nye hɔn a hɔn akoma mu tsew; 22–28, Sɛ Zion dzi nokwar a, wobefi Ewuradze n’ebufuhyew ano.
1 Nokwar, mese hom m’anyɛnkofo dɛ, medze me ndze kasa kyerɛ hom, mo Sunsum ne ndze mpo, ama maada me pɛ edzi akyerɛ hom wɔ hom enuanom a wɔwɔ aZion asaase do ho, hɔn mu dodowara yɛ ahobrɛadze ampa, na wɔreper esũa nyansa na woehu nokwar no.
2 Nokwar, nokwar, mese hom dɛ, nhyira nye dɛm nkorɔfo no, na hɔn nsa bɛkã, na Emi, Ewuradze, muhu ahɔn a wɔdwe nyinara nye hɔn a mepɛ mbɔbɔr ama sɛ medze hɔn ba atsɛmbu ase a meedzi bem.
3 Hwɛ, dza mekã kyerɛ hom wɔ skuul a ɔwɔ Zion ho nye dɛ, Emi, Ewuradze, ɔyɛ me enyigye pii dɛ wonya askuul wɔ Zion, na m’enyi gye m’akowaa bParley P. Pratt so ho osiandɛ ɔtse mo mu.
4 Na mber dodow biara a ɔbɔkɔ do atsena mo mu no, ɔbɔkɔ do ahwɛ skuul no a ɔwɔ Zion asaase do no do ekesi dɛ mebɛma no mbrasɛm fofor bi so.
5 Na medze nhyira mbɔho behyira no ma ɔaakyerɛkyerɛ kyerɛwsɛm nye esumasɛm nyina mu dze aama skuul no nye asɔr a ɔwɔ Zion no ntowdo.
6 Na hɔn a wɔwɔ skuul hɔ no, Emi, Ewuradze, mepɛ dɛ muhu hɔn mbɔbɔr; eso hɔn mu binom wɔ hɔ a ɔsɛ dɛ awɔtsẽa hɔn, na hɔn ndwuma bɛda edzi.
7 Wɔdze aekuma ato dua no ndwow ho dada; dɛ dua biara a ɔannsow beduaba pa no, wobotwa no egu na wɔatow no akyen gya mu. Emi, Ewuradze, na makã.
8 Nokwar, mese hom a hom wɔ hɔn mu nyina a hom nyim dɛ hɔn aakoma abobɔ na hɔn esunsum abotow na wodzi bnokwar, na cwɔpɛ dɛ wɔdze hɔnho dbɔ afɔr dzi hɔn ahyɛmu do no—nyew, afɔrbɔdze biara a Emi, Ewuradze, mebɛhyɛ no—emebɛgye hɔn ato mu.
9 Na emi, Ewuradze, mebɛma wɔayɛ dɛ dua a wɔatsɛw no wɔ esutsen pa ho. Wɔbɔsow eduaba a ɔsom bo pii.
10 Nokwar, mese hom dɛ, ɔyɛ me pɛ dɛ wosi afi ma me wɔ Zion asaase do, tse dɛ bnhwɛdo a medze ama hom no.
11 Nyew, hom mfa mo dɔm no hɔn ebupɛn du no nsi.
12 Hwɛ, iyi nye aebupɛn du na afɔrbɔdze a Emi, Ewuradze, morohwehwɛ efi hɔn nsamu, ama wɔdze besi dan ama medze ama Zion no nkwagye—
13 Ɔbɛyɛ bea a ahotseweefo nyina andaase bea, a hɔn a wɔafrɛ hɔn dɛ wɔmbɛyɛ ɔsomdwuma wɔ hɔn ɔfrɛ na dzibewdzi horow nyina mu no bɛgye nkyerɛkyerɛ efi.
14 Ama woeenya antseasee a odzi mu wɔ hɔn ɔsomdwuma no ho, wɔ nwomasũa mu, nye fapem ho, nye nkyerɛkyerɛ, nye biribiara a ho hia ma Nyankopɔn bn’ahenman no wɔ asaase do, dɛm ahenman no a wɔdze ne cnsaafee ama hom no.
15 Na mber dodow biara a mo nkorɔfo besi dan ama me wɔ Ewuradze ne dzin mu, na wɔnnkɛma wɔdze aadze fĩ biara akɔ mu dze egu ho fĩ no, bm’enyimnyam bɛhyerɛn do;
16 Nyew, na am’enyim bɔwɔ hɔ, osiandɛ mebɛba mu, na hɔn a wɔbɛba mu nyina a hɔn bakoma mu tsew no bohu Nyame.
17 Mbom sɛ wogu ho fĩ a, meremmba mu, na m’enyimnyam rennhyerɛn hɔ; osiandɛ meremmba temple a no mu nntsew mu.
18 Na afei, hwɛ, sɛ Zion yɛ ndzɛmba yinom a ɔbɛyɛ aprɔmprɔm, na ɔatserɛw no mu, na oenya enyimnyam, na ɔayɛ kɛse, na no ho ayɛ hu.
19 Na asaase do aaman bedzi no nyi, na wɔase dɛ: Ampa, bZion yɛ hɛn Nyame no kuropɔn, na ampa, Zion runntum nnhwe ase, nna orunntu mmfi ne sibew, osiandɛ Nyame wɔ hɔ, na Ewuradze ne nsa so wɔ hɔ;
20 Na ɔdze no tum ahoɔdzen akã ntam dɛ ɔbɛyɛ ne nkwagye na an’abantsentsen.
21 Dɛm ntsi, nokwar, dɛm na Ewuradze se, hom mma Zion ndzi ehurusi osiandɛ iyi nye aZion—akoma a no mu tsew; dɛm ntsi, hom mma Zion ndzi ehurusi, ber a emumuyɛfo nyina besi nkrum no.
22 Na hwɛ, na hu, aawerdzi reba ndzebɔnyɛfo do ntsɛm dɛ ekyinehyia-mframa; na woana na obefi nsa?
23 Na Ewuradze ne antsẽa botwuw afa hɔn do anago na adzekyee, na no ho amandzɛɛ bɛyɛ nyimpa nyina hu; nyew, onnkegyaa ekesi dɛ Ewuradze bɛba;
24 Na hɔn mbusu a wɔabɔ na emumuyɛdze nyina bɛma Ewuradze n’ebufuhyew aba hɔn do.
25 Eso, sɛ Zion bɔ mbɔdzen yɛ ndzɛmba nyinara a mahyɛ no a, aobefi nsa.
26 Mbom sɛ ɔammbɔ mbɔdzen enndzi adze nyina a mahyɛ no do a, medze ɔhaw kɛse, nye aatseetsee, nye ɔyardɔm, nye nkrantsee, nye bawerdzi, nye cogyaframee bɛba dabɛsera no dɛ mbrɛ no ndwuma nyina tse.
27 Na wɔmma wɔnkenkan ngu n’asomu bio dɛ, emi, Ewuradze magye n’afɔrbɔdze; na sɛ ɔannyɛ bɔn bio a, dɛm ndzɛmba yinom mu abiara nnkɛba no do;
28 Na medze anhyira behyira no, na mama ne nhyira nye n’ebusuasantsen so dze ayɛ mbɔho mbɔho afebɔɔ kesi afebɔɔ, dɛm na Ewuradze hom Nyankopɔn se. Amen.